Welcome To MM Storyteller
LOGIN
46 : ကျေးဇူးပြု၍ ကျွန်မကို လက်ထပ်ပါ
"လာခဲ့ ချန်ဖန်"
သူတို့ ချူရှောင် ဘာကြောင့် ထိုမျှ ဒေါသထွက်နေသည်ကို
ပြောနေတုန်းမှာပင် ရုတ်တရက် ရုံးခန်းအတွင်းမှ အေးစက်သော အသံတစ်ခု ထွက်ပေါ်လာသည်။
ရုန်ဟွာနှင့် လင်ထျန်းချန်တို့သည် ချန်ဖန်ကို နှစ်သိမ့်သော
အပြုံးတစ်ချက် ပြုံးပြပြီးနောက် မဆိုင်းမတွ ထွက်သွားကြသည်။
"သူဌေး”
"သူ့ကို တွေ့ပြီလား"
ချန်ဖန်သည် ချူရှောင် ဘာအကြောင်း ပြောနေသည်ကို သိသော်လည်း…
သူ၏ မျက်လုံးများ မှောင်မိုက်သွားပြီး "မတွေ့သေးဘူး"
ဟု ပြန်ဖြေသည်။
ချန်ဖန်သည် ချူရှောင်ကဲ့သို့ပင် ဖန်မင်အကြောင်း ရှာဖွေနိုင်သမျှ
အချက်အလက်အားလုံးကို ဂရုတစိုက် လေ့လာခဲ့သည်။ သို့သော် သူတို့၏ ရည်မှန်းချက်များ မတူညီကြပေ။
သူသည် ဖန်မင်၏ အစစ်အမှန်ကို ရှာဖွေရန် လေးလကျော်
အချိန်ကုန်ခဲ့သော်လည်း ဖန်မင် ဘယ်မှာရှိသည်ကို ရှာဖွေရန် ဝေးစွ၊ အောင်မြင်မှု မရရှိခဲ့ပေ။
ဖြစ်နိုင်ခြေ နှစ်ခုသာ ရှိသည်- ဖန်မင်ဟာ သူ့ကိုယ်သူ
ဖုံးကွယ်ရာမှာ အရမ်းတော်တယ်၊ ဒါမှမဟုတ် သူဟာ အခွင့်ထူးခံ နောက်ခံအခြေအနေက လာတာ ဖြစ်နိုင်တယ်။
ချန်ဖန် မှန်ကန်စွာ ခန့်မှန်းခဲ့သည်။
ချူရှောင်သည် ခေါင်းကို မော့လိုက်ပြီး အေးစက်သော
အသံဖြင့် ချန်ဖန်ကို မေးလိုက်သည်မှာ "ဟွန့်! ဒါပဲ မင်း ငါ့ကို ပြောချင်တာလား?"
ဤစကားကို ကြားသည်နှင့် ချန်ဖန်၏ မျက်နှာ အမူအရာ ပြောင်းလဲသွားသည်။
သူသည် ခေါင်းကို ငုံ့ကာ "ဆောရီး သူဌေး၊ ကျွန်တော် အလုပ်ကို မပြီးမြောက်ခဲ့ပါဘူး"
"မင်း ဘာတွေ ရှာတွေ့ခဲ့လဲ"
"ကျွန်တော် ဖန်မင်ရဲ့ ငွေစာရင်းအချို့ကိုပဲ
တွေ့ခဲ့တာပါ..." ချန်ဖန် ခဏရပ်ပြီး ထပ်ပြောသည်မှာ "ဒါပေမဲ့ မနေ့ကတော့ နံပါတ်
၇ အလယ်တန်းကျောင်းက POS စက်မှာ ဖန်မင်ရဲ့ ဝယ်ယူမှုမှတ်တမ်းတွေကို တွေ့ခဲ့တယ်။"
အမှန်စင်စစ် သူသည် ဖန်မင်၏ ဘဏ်စာရင်းဖြစ်သည်ဟု မသေချာသေးပေ။
နောက်ထပ် သက်သေအထောက်အထားများ စုဆောင်းပြီးမှ ချူရှောင်ကို ပြောပြရန် ရည်ရွယ်ထားသည်။
သို့သော် ယခု သူသည် ချူရှောင်ကို ပြန်လည် စိတိသက်သာရာကရန်
တစ်ခုခု လုပ်ရပေတော့မည်။
"နံပါတ် ၇ အလယ်တန်းကျောင်း..." ဖန်မင်သည်
နံပါတ် ၇ အလယ်တန်းကျောင်းတွင် ပေါ်လာခဲ့သည်။ ၎င်းက သူသည် ကျောင်းသားတစ်ဦး သို့မဟုတ်
ဆရာတစ်ဦး သို့မဟုတ် ကျောင်းဝန်ထမ်းတစ်ဦး ဖြစ်နိုင်ကြောင်း ပြသနေသည်။
ချူရှောင်သည် ချန်ဖန် လမ်းကြောင်းမှန်ပေါ် ရောက်နေပြီဟု
ခံစားလိုက်ရသည်။
"ဆက် ရှာ”
"ဟုတ်ကဲ့ သူဌေး... အွန်း..." ချန်ဖန်သည်
သတ္တိကို စုစည်း၍ "ဒါနဲ့ သူဌေး၊ Golden Age မှာ ဖန်မင် ပါတီပွဲလုပ်ခဲ့တဲ့ သတင်းက
အတုဖြစ်နိုင်ပါတယ်။ အဲဒီပုံတွေထဲမှာ ဖန်မင်နဲ့ တူတဲ့သူ ဘယ်သူ့ကိုမှ ကျွန်တော် မတွေ့ဖူးဘူး"
"အိုကေ၊ ငါ နားလည်ပြီ။"
ချူရှောင်သည် ထိုသတင်းသည် မမှန်နိုင်ကြောင်း သိသော်လည်း
ဒေါသထွက်ခြင်းကို မထိန်းနိုင်ခဲ့ပေ။
ဖန်မင်သည် တခြားသူတစ်ဦးနှင့် လိင်ဆက်ဆံနေသည်ဟု တွေးလိုက်သည်နှင့်
ချူရှောင်သည် ဒေါသများ သူ့အတွင်း၌ ဆူပွက်လာသည်ဟု ခံစားလိုက်ရသည်။ သူသည် ထရပ်လိုက်ပြီး
ကားသော့နှင့် ကုတ်အင်္ကျီကို ယူလိုက်သည်။
"သူဌေး အပြင်သွားမလို့လား" ဟု ချန်ဖန်က
မေးသည်။
"အင်း။ ငါ နံပါတ် ၇ အလယ်တန်းကျောင်းကို သွားမလို့။"
…….
နံပါတ် ၇ အလယ်တန်းကျောင်းတွင်…
"အား အား အား! ဟိုမှာ တွေ့လား သူ အရမ်းချောတာပဲ"
"ဟုတ်တယ်၊ ငါ သဘောတူတယ်။ လာပါ လင်းဖန်! နင်က
အချောဆုံးပဲ! အား! အရမ်းမိုက်တယ်!"
"အား အား အား! ကျေးဇူးပြုပြီး ကျောင်းပြီးရင်
ကျွန်မကို လက်ထပ်ပါ လင်းဖန်!"
ဘတ်စကတ်ဘောကွင်းအနီးတွင် စုရုံးနေသော မိန်းကလေးများ
အော်ဟစ်ကြသည်။
သူတို့သည် လင်းဖန်အကြောင်း ပြောနေကြသည်။ သူသည် အရင်က
အတန်းထဲတွင် အောက်ဆုံးအဆင့်ဖြစ်ပြီး တခြားကျောင်းသားများ၏ အနိုင်ကျင့်ခြင်းကို ခံခဲ့ရသည်။
သို့သော် ယခု သူသည် မတူတော့သော လူတစ်ဦး ဖြစ်နေသည်။
သူသည် ထူးချွန်သော ကျောင်းသားတစ်ဦးဖြစ်ပြီး ချောမောကာ
အားကစားလည်း ကောင်းသည်။ ထို့ထက်ပို၍ သူသည် သူ၏ အတန်းဖော်များနှင့်လည်း ဖော်ရွေသည်။
ထို့ကြောင့် သူသည် ကျောင်းတွင် သဘာဝကျကျ လူကြိုက်များလာသည်။
မိန်းကလေးများသည် လင်းဖန်သည် လေးလအတွင်း အရပ်ပုပု၊
ဆင်းရဲကာ ညစ်ပတ်သော ကောင်လေးတစ်ဦးမှ အရပ်ရှည်ပြီး ချမ်းသာသော ချောမောသည့် လူငယ်တစ်ဦးသို့
မည်သို့ ပြောင်းလဲသွားသည်ကို မသိကြသော်လည်း သူတို့သည် လင်းဖန်ကို မထိန်းနိုင်ဘဲ နှစ်သက်မိသွားကြသည်။
ထိုမိန်းကလေးများ၏ အော်ဟစ်သံများသည် ကားမောင်းနေသော
ချူရှောင်၏ အာရုံကို ဖမ်းစားသွားသည်။
Welcome To MM Storyteller
LOGIN
Welcome To MM Storyteller
REGISTER