အပိုင်း ၂၆၃-၂၆၄

Part 263

 သူတို့​တွေ 《​နေအဖွဲ့အစည်းကို စွန့်ခွာခြင်း》 အကြိုပြသပွဲအတွက် Bမြို့ကို သွားခဲ့ကြစဥ်က ​မိုလင်းက အောင်မြင်​နေ​​သော အ​ကြောင်းအရာကို အခွင့်​ကောင်းယူကာ ကျန်းဟွမ်ကို ပ​ရောဂျက်အသစ်​တွေ အကြံပြု​ခဲ့သည်။ အနုပညာ​​လောကက လွန်ခဲ့တဲ့ နှစ်နှစ်အတွင်းမှာ တိုးတက်လာခဲ့ပြီး မိုလင်းရဲ့လက်ထဲမှာ များစွာ​သော ရုပ်ရှင်​တွေနဲ့ ဇာတ်လမ်းတွဲ ပ​ရောဂျက်​တွေ ရှိ​နေခဲ့ပြီဖြစ်သည်။

 ​အပြန်အလှန် ဆက်သွယ်ကြပြီး​နောက် ကျန်းဟွမ်က အမျိုးသမီးကြယ်ပွင့်​လေးနဲ့ တွဲ​နေခဲ့တာ ဖြစ်သည်။

 မိုလင်းက​တော့ သူမက သူတို့နှစ်​ယောက်တွဲမိသွား​အောင် လုပ်ခဲ့တဲ့ ကြားခံလူအဖြစ် ခံစား​နေရသည်။ တစ်ခြား ​ဖောက်သည်​တွေဆို မိုလင်းက ဂရုစိုက်မှာ မဟုတ်​ပေဘူး။ သူမရဲ့ အ​ရေးကိစ္စလည်း မဟုတ်ဘူး​လေ။

 ဒါ​ပေမယ့်လည်း ထိုသူက ကျန်းယန်ရှန့်ရဲ့ အ​​ဖေဖြစ်​နေသည်။ မိုလင်းနဲ့ ကျန်းယန်ရှန့်က အရမ်းကို ရင်းနှီးပြီး သာမာန် စီးပွားဖက်များထက် ပိုသည့် ဆက်ဆံ​ရေးရှိ​နေသည်။ ​သေချာ စဥ်းစားပြီး​တော့ မိုလင်းက ကျန်းယန်ရှန့်နဲ့ သူမအ​မေတို့ ခံစားကြရမှာကို စိုးရိမ်သဖြင့် သူမကို ​ပြောပြဖို့သာ ဆုံးဖြတ်ခဲ့သည်။

 "ပြီး​တော့လည်း ​တော်​တော်​လေး ကြာ​နေပြီ" သူမက ​ပြောသည် "ဒါ​ပေမယ့် ငါက မင်းရဲ့ ​ကောလိပ်ဝင်ခွင့်စာ​မေးပွဲကို ထိခိုက်မှာစိုးလို့ အခုချိန်ထိ ​စောင့်​နေတာ... ​တောင်းပန်ပါတယ် ယန်ရှန့်"

 "​​ပြောစရာမလိုပါဘူး... ​တောင်းပန်ပါတယ် အစ်မမို... အစ်မမှားတာ တစ်ခုမှ မလုပ်ခဲ့ပါဘူး... ဒါ အစ်မ​ကြောင့် မဟုတ်ပါဘူး" ကျန်းယန်ရှန့်က သူမကို ​ပြောလ်ုက်သည်

 "ကျွန်မအတွက် စိုးရိမ်စရာ မလိုပါဘူး... ကျွန်မအ​ဖေရဲ့ လက်ရှိဇနီးက ကျွန်မအ​မေလည်း မဟုတ်ဘူး​လေ...ကျွန်မအ​မေက ဆုံးသွားတာ ကြာလှပြီ"

 သူမ ထိုအ​ကြောင်း​ပြောလိုက်မှ မိုလင်းက စိတ်သက်သာရာရသွားသည်၊ သူမက​တော့ ကျန်းယန်ရှန့်ရဲ့အ​ဖေက ​ပွေရှုပ်​နေကျလူ ဖြစ်ပြီး ကျန်းယန်ရှန့်ကလည်း ဒါကို အရင်ကတည်းက ကျင့်သားရ​နေပုံ​ပေါ်​နေ​ကြောင်း သိလိုက်ရသည်။ သူမက စဥ်းစားလိုက်ပြီး​နောက် ကျန်းယန်ရှန့်ကို ​ပြောလိုက်သည် 

"ဒါဆို... မင်းရဲ့ ပိုင်ဆိုင်မှု​တွေကို ​သေချာကာကွယ်ထားဖို့ လိုတယ်​နော်"

 ကျန်းယန်ရှန့်က ရယ်​မောလိုက်သည် "အစ်မမို အစ်မရဲ့သ​ဘောထားကို ကြိုက်သွားပြီ"

 သူမက သူမရဲ့ ခံစားချက်​တွေ တစ်ခြားကိစ္စ​တွေကို ​ပြောမလာဘဲ သူမရဲ့ ပိုင်ဆိုင်မှု​တွေကိုသာ ကာကွယ်ထားဖို့ ​ပြောလာသည်။ဒါက တကယ့်ကိုပဲ ကျန်းယန်ရှန့်ကို သ​ဘောကျသွား​စေသည်။

 စကား​ပြောပြီးသွား​တော့ သူမက ကပြင်မှာထိုင်ကာ သူမမြင်ကွင်းထက်က နှင်းများဖုံး​နေ​သော ​တောင်တန်းနှင့် ​ကောင်းကင်ကျယ်ကြီးကို ကြည့်လိုက်ပြီး သူမက အဘိုးကြီးတစ်​ယောက်ကဲ့သို့ ​ရေ​​သေတွေလို အ​ဖော်အ​ပေါင်းကင်းမဲ့မှုလက္ခဏာကို ခံစား​နေရသည်။

 ထိုအ​တွေးများက ကျန်းဟွမ်ကိုယ်တိုင် ဒါမှမဟုတ် သူ့ရဲ့ အမူအကျင့်​တွေကို ရည်ရွယ်တာ မဟုတ်ဘဲ သူ့ရဲ့အိမ်​​ထောင်​ရေးအ​ကြောင်းသာ။

 ကျန်းယန်ရှန့်က​တော့ အရင်တုန်းက ကျန်းဟွမ်က ဘာလို့များ လျန့်ယင်းယင်းနဲ့ လက်ထပ်မှတ်ပုံတင်ဖို့ လိုတာလဲဆိုတာကို မ​တွေးတတ်​တော့​ပေ။ ကျန်းဟွမ်လိုလူ​တွေက အနီ​ရောင်အလံသာ* မဟုတ်ဘဲ ​အ​ရောင်စုံ အလံများ *နှင့် ရှင်သန်နိုင်​ပေသည်။ သို့​သော်လည်း သူမပြန်လည်​မွေးဖွားပြီး​နောက်မှာ ကျန်းမိသားစုမှာ လျန့်ယင်းယင်းရဲ့ ​လော​လောဆယ် ​​​​​နေရာနဲ့ ကျန်းဟွမ်ရဲ့ သူမ​အ​ပေါ်သ​ဘောထားနဲ့ လိုအပ်ချက်​တွေကို ​တွေးကြည့်လိုက်တော့ သူမ ​ဝေ​​ဝေဝါးဝါး​တော့ နားလည်ထားပြီးသား ဖြစ်သည်။

 T/N 1 red flagလို့ ​ပြောကြပါတယ် သဝန်တိုလွန်းအားကြီးတာ ဒါမှမဟုတ် လိမ်ညာ လှည့်စား​နေတဲ့ ဆက်ဆံရေး​တွေလို unhealthy relationshipကို ရည်ညွှန်းပါတယ်။

 2 အ​ပျော်ဇယား​လေး​တွေ

 အမျိုးသားတစ်​ယောက်က အမျိုးသမီးတစ်​ယောက်ကို လက်ထပ်ပြီး အိမ်ထဲကို ဝင်ခွင့်ပြုလိုက်တာက ထိုသူ ဇနီးတစ်​ယောက်ကို အလိုရှိ​နေတာ ဖြစ်ချင်မှ ဖြစ်မည်။ ထိုကဲ့သို့ ​တွေးတတ်ကြ​သော ​ယောကျ်ားများကလည်း အများကြီး ရှိနိုင်​သေးသည်။

 ကျန်းယန်ရှန့်ကလည်း မိန်းမတစ်​ယောက်သာ ဖြစ်ပြီး သူမက​တော့ ကျန်းဟွမ်ရဲ့ လက်ထပ်ခြင်း အ​ပေါ် ထားတဲ့အ​တွေးကို​ သ​ဘောမတူနိုင်​​ပေ။ အထူးသဖြင့် ထို အိမ်​ထောင်​ရေးအ​ပေါ် အမြင်က လက်ထပ်ခြင်းအ​ပေါ် အ​လေးအနက်ထားမှု​တွေကို ယုတ်​လျော့သွား​တာက လက်ထပ်ခြင်းကို လိုအပ်ချက်တစ်ခုလို ဖြစ်သွား​စေပြီး ပိုပြီး အဆင့်နိမ့်ကျသွား​စေသည်။ ပြီး​တော့လည်း လိုအပ်တဲ့ ဘဝတန်ဖိုးများ ရရှိဖို့ နည်းလမ်းတစ်ခု ဖြစ်လာ​စေသည်။

 ထိုအရာက ကျန်းဟွမ်နှင့် ရှုလီချန်ရဲ့ မိဘများအတွက်​တော့ အမှန်တရားတစ်ခုပင်။ ​ဖေ​ဖေရှုသ​ဘောကျ​သော လူမျိုးက အားနည်း​သော ပန်းပွင့်ဖြူ​လေးဆိုတာ ​သေချာ​​ပေါက် ဖြစ်​ပေမယ့်လည်း သူက​တော့ ​မေ​မေရှုကိုသာ လက်ထပ်ခဲ့သည်။ အဓိကက​တော့ ​မေ​မေရှုရဲ့ စွမ်း​ဆောင်ရည်၊ မိသားစုကို ​ထောက်ပံ့နိုင်ခြင်းနဲ့ သူ့အလုပ်ကို ပံ့ပိုး​ပေးနိုင်တာ​ကြောင့်သာ ဖြစ်သည်။

 ထိုအကြာင်းများက ကျန်းယန်ရှန့်ကို လက်ထပ်ခြင်းအ​ပေါ် စိတ်ဝင်စားမှု ​လျော့ကျသွား​စေသည်။

 မိုလင်း​တောင် သူမဆီကို ဖုန်း​ခေါ်ပြီး သတိ​ပေးလာမှ​တော့ သူမစပြီး စဥ်းစားကြည့်ရ​တော့မည် ဖြစ်သည်။ ကျန်းဟွမ်ရဲ့ အချစ်​ရေးကိစ္စက အခြားသူ​တွေ သတိထားမိရ​လောက်​အောင် သိသာ​နေပြီလား? ဒါမှမဟုတ် မိုလင်းကများ ဒီလိုကိစ္စမျိုးမကြုံဖူးလို့ ထူးဆန်း​နေတာများလား?

 သူ့​ရှေ့က ကြယ်ပွင့်​လေးကို ထည့်မတွက်ရင်​တောင် ကျန်းယန်ရှန့်က တကယ်လို့များ ထိုကဲ့သို့ မိန်းမတစ်​ယောက်​ပေါ်လာပြီး ကျန်းဟွမ်ကို သူ့ဇနီးနေရာ​ပြောင်း​အောင် လုပ်နိုင်တဲ့တစ်​နေ့ကို ​ရောက်လာခဲ့ရင် သူမဘာဆက်လုပ်ရမလဲ ဆိုတာကို ​​တွေး​နေမိသည်။

 ရလဒ်အ​နေနဲ့ ကျန်းယန်ရှန့်တစ်​ယောက် အမျိုးမျိုး နှိုင်းယှဥ်စဥ်းစားခဲ့ပြီး​နောက်မှာ​တော့ လျန့်ယင်းယင်းကိုသာ ကျန်းက​တော်​နေရာတည်မြဲ​​အောင် စပြီးကူညီ​ပေးရမည်ဟုသာ။

 အ​ကြောင်းမှာကား အခြားသူများနှင့် ယှဥ်လျှင်​​တော့ လျန့်ယင်းယင်းသည်သာ သူမရဲ့ အားနည်း​သော ပြိုင်ဘက် ဖြစ်​နေသည်။ ကျန်းယန်ရှန့်အတွက်​တောင်မှ ပြိုင်ဘက်ဟု သတ်မှတ်၍မရနိုင်​ပေ။

 ကျန်းယန်ရှန့်က သူမကို ​သေသည်အထိ ဖိနှိပ်နိုင်ပြီး သူမကိုယ်တိုင်က အ​ကောင်းဆုံးအ​ခြေအ​နေထိ အ​ရေးပါမှုကို ထိန်းထားနိုင်ကာ ကျန်းဟွမ်အ​ပေါ် သူမ၏ လွှမ်းမိုးမှုကို ​​လျှော့ချနိုင်ခဲ့သည်။ ကျန်းဟယ်လင်းနှင့်ကျန်းရှို့ချန်တို့အ​ပေါ် လွှမ်းမိုးမှုကို​တောင် ​ပြောင်းလဲနိုင်ခဲ့သည်။

 အိမ်က အလုပ်သမား​တွေ အန်တီ​တွေနဲ့ ဒရိုင်ဘာ​တွေက​တော့ ​ပြောစရာပင်မလို​တော့။

 ရိုးရိုးရှင်းရှင်း စဥ်းစားကြည့်လျှင် လျန့်ယင်းယင်းသာ ကျန်းက​တော်​နေရာတွင် ရှိ​နေပါက ကျန်းယန်ရှန့်ကသာ ကျန်းဟွမ် အပါအဝင် အရာအားလုံးနီးပါးကို ထိန်းချုပ်နိုင်ပြီး လွှမ်းမိုးနိုင်သည်။

 သူမရဲ့ ပိုင်ဆိုင်မှု​တွေကို တိုးပွားနိုင်ပြီး သူမဘဝလည်း တည်ငြိမ်​နေနိုင်သည်။

 ပြီး​တော့ တကယ်လို့သာ ကျန်းဟွမ်အ​ပေါ် လွှမ်းမိုးမှုအကြီးကြီး ရှိပြီး သူ့ဇနီး​နေရာကိုပါ ​ပြောင်းလဲပစ်နိုင်သည့် မိန်းမတစ်​ယောက်သာ ​ပေါ်လာခဲ့ပါက သူမထိန်းချုပ်နိုင်ဖို့ ခက်ခဲသွားနိုင်သည့် ဖြစ်နိုင်​ချေကိုလည်း ​တွေးကြည့်နိုင်​ပေသည်။ ထို ဖြစ်နိုင်​ချေကသာ တစ်ခြားဖြစ်နိုင်​ချေများကို ​မွေးထုတ်​ပေးပါက အထူးသဖြင့် ကျန်းဟွမ်ရဲ့ ​သွေးသားကို ထပ်ပြီး ​မွေးထုတ်​ပေးပါက ကျန်းယန်ရှန့်ရဲ့ ပိုင်ဆိုင်မှု​တွေ ​ယုတ်​လျော့လာပြီး သူမ​နေရာကိုပါ ချိန်း​ခြောက်လာနိုင်မည်က မလွဲမ​သေပင်။

 ဒါက သူမမြင်ချင်တဲ့အရာ မဟုတ်​သေးဘူး။

 ပြီး​တော့လည်း လျန့်ယင်းယင်းကို ​ထောက်ပံ့​ပေးတာက သူမရဲ့ အ​ကောင်းဆုံး ​ရွေးချယ်မှုပဲ။

 ထိုအချိန်တွင် ယွဲ့ စုန့်​က ရှုခင်းကြည့် ကပြင်​လေးဆီ ရောက်လာခဲ့သည်။ သူက ဝိုင်အ​ရောအ​နှောတစ်ခွက်ကိုကိုင်ကာ ကျန်းယန်ရှန့်ကို ကမ်း​ပေးလာခဲ့သည်။

 ထို့​ကြောင့်ပဲ ကျန်းယန်​ရှန့်တစ်​ယောက် ထိုအ​တွေးများမှ ရုန်းထွက်လာခဲ့​တော့သည်။ ရုတ်တရက်ပဲ သူမရဲ့ ​လော​လောဆယ် ​တွေး​​ခေါ်မှု ပုံစံက သူမရဲ့အ​ဖေ သူမကို ကြည့်လာဖို့ စိတ်ဂ​ယောင်​ခြောက်ချား ဖြစ်​နေတဲ့ အရင်ဘဝက မိန်းက​လေးနဲ့ လုံးလုံးကွာခြား​နေသည်ကို ကျန်းယန်ရှန့် သ​ဘော​ပေါက်သွားသည်။

 ကျန်းယန်ရှန့် မ​​နေနိုင်ဘဲ တုန်ယင်သွားမိ​တော့သည်။

 "ဘာဖြစ်လို့လဲ?" ယွဲ့ စုန့်က ​မေးလာခဲ့သည်။

 "ဘာမှ မဟုတ်ပါဘူး" ကျန်းယန်ရှန့်က ဝိုင်တစ်ငုံ​လောက် ​သောက်လိုက်သည်။ ဒီအချိန်က အာရုံ​ကြော​တွေ နှိုး​ဆော်ဖို့ အယ်လ်ကို​ဟော ​သောက်တာက အသင့်​တော်ဆုံးပဲ။

 ထိုအချိန်မှာပဲ ယွဲ့ စုန့်က ​​မေးလာသည်: "မင်း ဒီ​နေရာကို ကြိုက်ရဲ့လား?"

 သူ့ရဲ့အင်္ကျီလည်ပင်းက ပွင့်ဟ​နေပြီး သူ့ရဲ့ ညှပ်ရိုးများက နှစ်လိုဖွယ် ဖြစ်​နေကာ ထိုသူ့ရဲ့ အာဒမ်ပန်းသီးက စွဲ​ဆောင်မှု ရှိ​နေသည်။ ဒီမနက်မှာ ကျန်းယန်ရှန့်က သူ့လက်​မောင်းထဲမှာ နိုးထခဲ့ရတာ ဖြစ်သည်။

 ဒီ​နေရာက ကမ္ဘာကြီးနှင့် ​ဝေးကွာ​နေပြီး တစ်ကိုယ်​ကောင်းဆန်မှုများနှင့် အတ္တကြီးမှုများလည်း မရှိ​ပေ။ သဘာဝ၏ ရှုခင်းများ ချစ်သူများ၏ အ​ပွေ့အဖက် အနမ်းအရှုံ့များက ရိုးရိုးရှင်းရှင်းပင် ပြီးပြည့်စုံ​နေခဲ့သည်။

 ဘဝကသာ ဒီ​နေရာမှာ ​အေးခဲ​နေရရင် အ​ကောင်းဆုံး ဖြစ်မှာပင်။

 သို့​သော်ငြား အချို့လူ​တွေက​တော့ ထိုသို့ မ​တွေးမိကြ။ အ​ကြောင်းမှာ အချို့လူများက အချိန်​ကို ​ရှေ့ဆက်သွားဖို့ လိုလားကြသည်။

 ယွဲ့ စုန့်က သူမဆံပင်​လေး​တွေကို စုစည်းကာ ​ပြောလိုက်သည်: "ကိုယ်တို့ မိသားစုမှာ ဒီလို အပန်း​ဖြေအိမ်​တွေ ကမ္ဘာအနှံ့မှာ ရှိတယ်.. တစ်ချို့က ဒီလိုပတ်ဝန်းကျင်မျိုးမှာပဲ တစ်ချို့က​တော့ မြို့ကြီး​တွေမှာပဲ... ပြီး​တော့ တစ်ခုစီမှာ ကိုယ်ပိုင်အားသာချက်​တွေ ရှိတယ်"

 ကျန်းယန်ရှန့်က အံ့အားသင့်သွားရသည် "အန်တီနဲ့ အန်ကယ်က ကမ္ဘာအနှံ့က မြင်ကွင်း​တွေ ကြည့်ရတာ တကယ်ကြိုက်တာပဲ"

 ယွဲ့ စုန့်က ခပ်ပါးပါး ပြုံးလိုက်သည်: "ကိုယ်လည်း သူတို့လိုပဲ လုပ်ချင်တယ်"

 ကျန်းယန်ရှန့်က သူ့ကိုကြည့်လိုက်သည်။ သူ့ရဲ့ နက်​မှောင်​နေတဲ့ မျက်လုံးအစုံက သူမကို ကြည့်​နေပြီး ထိုမျက်လုံးများက ချစ်ခြင်း​မေတ္တာများ ထင်​ဟပ်​နေကာ ရုတ်တရက် ​ပေါ်ကွက်လာ​တော့မည့်အတိုင်းပင်။

Xxxxxxx

Part 264

 ကျန်းယန်ရှန့်က ခန့်မှန်းချက်​ရေး​ရေး​လေး တစ်ခု​ကြောင့် တွန့်သွား​ပေမယ့်လည်း သူမထိုအ​ကြောင်းကို မ​တွေးချင်ခဲ့ဘူး။

 "ယန်ရှန့်" ယွဲ့ စုန့်က​ပြောလိုက်​လေသည်

 "ကိုယ်မင်းကို ကိုယ့်မိဘ​တွေလိုမျိုး ကိုယ်တို့မိသားစုရဲ့ အပန်း​ဖြေအိမ်တိုင်းကို ​ခေါ်သွားချင်တယ်"

 ကျန်းယန်ရှန့်က ဘာကိုမှ ​ပြောမလာခဲ့​ပေ။

 ယွဲ့ စုန့်က လက်ဆန့်ကာ သူမလက်ထဲက ဝိုင်ခွက်ကို ယူလိုက်ပြီး ​ဘေးမှာ ချထားလိုက်သည်။

 သူက သူမလက်ကို ကိုင်လျက်သား ထရပ်လိုက်ပြီး သူမ​ရှေ့တွင် ဒူး​ထောက်ထိုင်ချလိုက်သည်။

 ကျန်းယန်ရှန့်ရဲ့ ခန့်မှန်းချက်က တကယ် မှန်ကန်ခဲ့ပါသည်။

 ပထမဆုံးအကြည့်တစ်ချက်မှာပင် လက်စွပ်က ကြီးမား​သော ​ကျောက်မျက်ရတနာတစ်ခုနှင့် ရိုးရှင်း​သော ပုံစံရှိသည့် ဘိုးဘွားပိုင် ရတနာ ဖြစ်ပုံရပြီး လက်ဆင့်ကမ်း ထိန်းသိမ်းလာ​သော အ​မွေအနှစ်ဖြစ်​ကြောင်း ခံစားရသည်။

 ယွဲ့ စုန့်က သူမကို လက်ထပ်ခွင့်​တောင်း​နေတာ ဖြစ်သည်: "ယန်ရှန့်... ကိုယ့်ကို လက်ထပ်ပါ ကိုယ့်မိဘ​တွေလို ကမ္ဘာအနှံ့ အတူတူ ခရီးထွက်ကြရ​အောင်​လေနာ်"

 ဆန်ကုန်​မြေ​လေး 1 တစ်​ယောက်သာ ဖြစ်​သော ကျန်းယန်ရှန့်သည်ကား သူမစကပ်ကို တင်းတင်းဆုပ်ကာ အခြားသူကို ငြင်းဆန်ရန် ​ခေါင်းလှည့်လိုက်ပြီး လက်ထပ်ခွင့်ကို ငြင်းရင် ပထမဆုံး အ​ကြောင်းပြချက်သည်ကား: "ကျွန်မ လက်ထပ်ဖို့အသက် မပြည့်​သေးဘူး​လေ"

 T/N တွဲပြီးတာဝန်မယူချင်သူ အ​​ပျော်ကြံသူ

 "ကိုယ်သိတာ​ပေါ့... ဒါ​ကြောင့် ကိုယ်တို့​တွေ အရင်​စေ့စပ်ထားရ​အောင်​လေ" ယွဲ့ စုန့်က ထကာ သူမအနားမှာ ထိုင်လိုက်ပြီး သူမလက်ကို ဖျစ်ညှစ်ကာ အ​ကြောင်းအရင်းကို ရှင်းပြလာခဲ့သည်

 "ကိုယ့်မိသားစုက မင်းရဲ့အ​ဖေနဲ့ ဦး​လေးတို့ ရှိတဲ့ မင်းရဲ့ မိသားစုနဲ့ မတူဘူး။ ကိုယ့်မိသားစုက မျိုးရိုးတစ်ဆက်စီ ဆက်ခံလာခဲ့ကြတာ... ကိုယ့်အဖိုး အသက်အရွယ်ရလာ​တော့ သူ ရုတ်တရက် တစ်ခုခု ဖြစ်သွားမှာကို အမြဲတမ်း စိုးရိမ်​နေခဲ့ရတယ်... ဒါ​ကြောင့်မို့ သူကိုယ့်ကို အမြဲတမ်း တင်းတင်းကြပ်ကြပ်နဲ့ တွန်းအား​​ပေး​နေခဲ့တာ​ကြောင့် ​ဘွဲ့ရဖို့​တောင် ကျောင်းကို မသွားခဲ့ရဘူး။ ဒီနှစ် ကိုယ့်မိသားစုရဲ့ စီးပွား​ရေး​လောကထဲကို တရားဝင် ဝင်ရ​တော့မယ်... ​နောက်ဆို ကိုယ်အရမ်း အလုပ်များ​နေ​တော့မှာ... ဆိုလိုတာက မင်းနဲ့အတူ အချိန်တိုင်း ​ကျောင်းမှာ ရှိမ​နေနိုင်​တော့ဘူး"

 ပြီး​​တော့လည်း ​ကောလိပ်​ကျောင်းသားဘဝက အထက်တန်း​ကျောင်းသားဘဝနဲ့ လုံးဝကွဲပြားသည်​လေ။

 ​​အ​ရောင်အ​သွေး စုံလင်ကာ ငယ်ရွယ်မှုအပြည့်ဖြင့် လွတ်လပ်ပြီး တက္ကသိုလ် နယ်​မြေကလည်း ​ဟော်မုန်း​တွေနဲ့ ပြည့်လို့​နေသည်။ သူမနဲ့ အသက်အရွယ် တူသည့် ​ကောင်​လေးအများကြီးလည်း ရှိ​နေ​သေးသည်။

 ကျန်းယန်ရှန့် နားလည်သွားဖို့ အချိန်ခဏ​လောက် ယူလိုက်ရ​သေးသည် "ကျွန်မ စိတ်​ပြောင်းသွားမှာကို စိတ်ပူ​နေတာလား?"

 ယွဲ့ စုန့်က ​ကောင်းကင်ပြာကြီးကို ​မော့ကြည့်လိုက်ပြီး ဝန်ခံလာခဲ့သည် "အဲ့လို​ပြောရမှာပဲ"

 ကျန်းယန်ရှန့်က သူမမျက်ခုံးများကို ပင့်လိုက်သည်

 "ရှင့်ပုံစံက ကိုယ့်ကိုယ်ကိုယ် ယုံကြည်မှု မရှိတဲ့ လူမျိုးလည်း မဟုတ်ဘဲနဲ့... ဒါမှမဟုတ် ရှင်က ကျွန်မကို မယုံမကြည် ဖြစ်​နေတာလား?"

 "ကိုယ်မင်းကို ယုံပါတယ်... ဒါ​ပေမယ့် တစ်ခုခုကို စိုးရိမ်​နေတာ" ယွဲ့ စုန့်က​တော့ ရိုးရိုးရှင်းရှင်းပါပဲ။ "ဘာ​ကြောင့်လဲဆို​တော့ ကိုယ်က ​ကျောင်းနဲ့ ကုမ္ပဏီနဲ့ကို ​ပြေးလွှား​နေခဲ့ရတာ​လေ... ကိုယ်သတိထားမိလာတာက နှစ်ခုလုံးက လုံးဝကွဲပြားတဲ့ ပတ်ဝန်းကျင်​တွေမှာ ရှိ​နေကြတယ် ဆိုတာပဲ... ပြီး​တော့ ခြားနား​နေတဲ့ တံတိုင်းကြီးလည်း ရှိ​သေးတယ်... မင်းက ​ကျောင်းမှာ အနည်းဆုံး​လေးနှစ်​လောက် ​နေရအုံးမှာ.. ကိုယ်စိုးရိမ်တာက ဒီ ပတ်ဝန်းကျင်နှစ်ခုကပဲ မင်းနဲ့ကိုယ့်ကို ​မတူညီတဲ့ ​ပြောင်းလဲမှု​တွေ ယူလာ​ပေးမှာကိုပဲ

 "အ​တွေး​တွေ မ​ရေမရာ ဖြစ်​နေတာပဲ" ကျန်းယန်ရှန့်က မညှာမတာ ​ထောက်ပြလိုက်သည် 

"ဒီလိုဆိုရင်​တော့ ကျွန်မတို့သာ ကျွန်မတို့ရဲ့ ပတ်ဝန်းကျင်​ကြောင့် အတူရှိဖို့ အဆင်မ​ပြေဘူးဆိုရင် တကယ်လို့ ကျွန်မတို့ လက်ထပ်လိုက်ရင်​ရော? ကွာရှင်းတယ်ဆိုတဲ့ လုပ်ရိုးလုပ်စဥ်က အဓိပ္ပါယ် မရှိလို့လား?"

 ယွဲ့ စုန့်နဲ့ ကျန်းယန်ရှန့်က အတူရှိလာတာ တစ်နှစ်​ကျော်လာပြီ ဖြစ်ပြီး ယွဲ့ စုန့်က ကျန်းယန်ရှန့်က ​ဇွဲကြီးပြီး ​ခေါင်းမာတတ်သူ ဖြစ်​ကြောင်း ​ကောင်း​ကောင်း သိ​လေသည်။ သူသာ သူမကို မသိမ်းသွင်းနိုင်ပါက ထပ်​ပြောလျှင်လည်း အသုံးမဝင်​တော့​ပေ။

 သူမ ​ထောက်ပြတဲ့ ထို'မ​ရေမရာ ဖြစ်​နေခြင်း"က တကယ်ပင် ဖြစ်ပြီး သူလည်း ပြန်မ​ချေပနိုင်​ပေ။

 ယွဲ့ စုန့်က လက်စွပ်ကို ​ဝေး​ဝေးထားလိုက်​သော်လည်း ကျန်းယန်ရှန့်၏လက်ကို​တော့ ကိုင်ထားဆဲပင်: "ဒါဆို ​ပြောကြည့်​လေ... ကိုယ်မင်းကို ဘယ်လို ချည်​နှောင်ရမလဲ?"

 ကျန်းယန်ရှန့်က ပြုံးလိုက်ပြီး သူ့ကိုမှီတွယ်ကာ နမ်းလိုက်သည်။

 ထိုအနမ်းက ​နှောင်တွယ်​နေပြီး ချစ်ခင် ကြင်နာမှုများ ရှိ​နေသည်။ အ​ကြောင်းမှာကာ ထိုအ​ခြေအ​နေက လူငယ်နှင့် မိန်းမငယ်​လေးတို့၏ စိတ်လိုက်မာန်ပါ အဖြစ်ဆုံး ​ဟော်မုန်းများ ထုတ်​ပေး​နေပြီး ဦး​နှောက်က​​နေလည်း ထိန်းချုပ်မှုများ ​လျှော့ချ​ပေး​နေသည်။

 ဟော်မုန်း​တွေက ထိုအချိန်မှာ သူတို့က အရမ်း​ပျော်ရွှင်​မြူတူး​နေ​ကြောင်း ​ပြော​နေကြသည်။

 သို့​​သော်လည်း ကျန်းယန်ရှန့်က​တော့ တကယ့်ကို အမှိုက်တစ်စပင်။ သူက ယွဲ့ စုန့်နဲ့ ထိုအ​ခြေအ​နေ​လေးမှာပဲ ရှိ​နေချင်ပြီး ​ရှေ့ဆက်မတိုးချင်​ပေ။

 ကျန်းယန်ရှန့်နဲ့ ယွဲ့ စုန့်တို့ တရုတ်ရှိ Kမြို့ကို ပြန်လာခဲ့ကြသည်။

 လူ​တိုင်းရဲ့ အလုပ်တာဝန်များက​တော့ ကွာခြား​လေသည်။ ထိုအချိန်မှာ မူလတန်းပြီး​​မြောက်​တော့မည့် ကျန်းဟယ်လင်းက သူမရဲ့ အတန်းတင်စာ​မေးပွဲ အတွက် ပြင်ဆင်​နေရပြီး စတုတ္ထတန်းမှာပဲ ရှိ​နေ​သေးသည့် ကျန်းရှို့ချန်က​တော့ ဒီစာသင်နှစ်အတွက် သင်ရိုးကို​တောင် မပြီး​သေးပါ​ချေ။

 "ယိုး.. သမီး ​ပျော်ခဲ့ရဲ့လား? ဒီတစ်ခါက​ရော ဘယ်သွားကစားကြတာလဲ?" ကျန်းဟွမ်က ​မေးလိုက်သည်။

 ကျန်းယန်ရှန့်က သိသိသာသာကို သက်​တောင့်သက်သာ ဖြစ်​နေပုံရပြီး အထက်တန်းမှာ အိပ်​ရေးမဝမှု​ကြောင့် ဖြစ်လာခဲ့တဲ့ မျက်ကွင်းညိုညိုကြီးများလည်း မရှိ​တော့​ပေ။ သူမရဲ့ အသားအရည်က ​ချောမွတ်​တောက်ပ​နေပြီး အခွံခွာထားသည့် ကြက်ဥတစ်လုံးကဲ့သို့ ​အပြစ်အနာအဆာကင်း​နေသည်။

 ငယ်ရွယ်နုပျိုမှုက သတ်လတ်ပိုင်းလူ​တွေနဲ့ သက်ကြီးပိုင်း​တွေကို မနာလိုအားကျ​စေသည်။

 ပြီး​တော့လည်း ကျန်းဟွမ်က ကျန်းယန်ရှန့် တစ်​ယောက် သူမရဲ့ မျက်ခုံးနှစ်သွယ်ကြားက ထူးခြားတဲ့ ခံစားချက်တစ်ချို့ ရ​နေ​ကြောင်း ခံစား​နေရ​သော်လည်း သူမ​ပြောတတ်​တော့​ပေ။ ကျန်းယန်ရှန့်သည်လည်း ကျန်းဟွမ်ကို ကြည့်လိုက်သည်။

 သူမက အရင်က စာ​လေ့လာ​နေရတာ​ကြောင့် အလုပ်များ​နေသဖြင့် သူ့ကို အာရုံမထားမိ​ပေ။ မိုလင်း သူမကို သတိ​ပေးလိုက်ပြီး​တော့ သူ့ကို နီးနီးကပ်ကပ် ကြည့်မိ​တော့မှ သူမတစ်ခုခုကို ရှာ​တွေ့လိုက်သည်။

 ထိုပုံစံက ​​​ယောကျ်ားတစ်​ယောက်နှင့် မိန်းမတစ်​ယောက်တို့က အောင်မြင်မှုတစ်ခုဖြင့် ရစ်ပတ်​နှောင်တွယ်မိချိန်မှာ ထွက်​ပေါ်လာတတ်​သော ​နွေဦး​လေ​ပြေ​လေးကို ​ဖော်ပြ​နေသည်။

 ခုအချိန်မှာ ကျန်းယန်ရှန့်အ​ပေါ် လျန့်ယင်းယင်း၏သ​ဘောထားများက ​ပြောင်းလဲ​နေပြီ ဖြစ်သည်။ သူမက ​​ရှေ့တိုးလာပြီး လှိုက်လှိုက်လှဲလှဲ ​ပြောလာသည်: "​လေယာဥ်​ပေါ် အကြာကြီးထိုင်လာရ​တော့ ပင်ပန်း​နေပြီလား... တစ်ခုခုစားချင်ရင် အန်တီ​တွေကို သွားယူခိုင်းလိုက်မယ်​လေ"

 ကျန်းယန်ရှန့်က သူမအကြည့်​များကို ​ရွေ့ကာ လျန့်ယင်းယင်းကို စိုက်ကြည့်လိုက်သည်။

 ထိုအကြည့်နှင့်ပင် လျန့်ယင်းယင်းက မတတ်နိုင်ဘဲ သူမ ညစာစားပွဲ​တွေနဲ့ ပါတီ​တွေကို သွားပြီး အ​ပျော်မယ် အဖြစ် အလုပ်လုပ်တုန်းက သူမကို ကြည့်ခဲ့ကြတဲ့ လူချမ်းသာများကို သတိရမိသွားသည်။

 လျန့်ယင်းယင်းတစ်​ယောက် အနည်းငယ်တုံ့ဆိုင်းသွားကာ အစာကွင်းဆက်မှ သူမ၏ ​နေရာ1 ကို ​သေချာပင် မြင်​တွေ့လိုက်ရ​လေသည်။ 

 T/N အင်အားအနည်းဆုံး ​နေရာ

Xxxxxx