MM Story Teller

👻Chapter 7

Viewers 2k

👻Chapter 7

ဖေးယွီ တံတွေးအသာမြိုချလိုက်လေသည်။

သူ ရှီကျားလည်ပင်းမှ ၀ူရှန်းရှုန်းလီကို မရဲတရဲတစ်ချက်ကြည့်ကာ စခရင်ကိုလည်း လက်ညှိုးကြီးထိုးပြထားခဲ့သည်။

"ထျန်းကုန်းအဆင့်သတ်မှတ်ချက်ဆိုတာ ငါတို့ ရွှမ်းရွှယ်ကမ္ဘာကမှော်လက်နက်တွေကိုအဆင့်ခွဲထားတာပဲ..ဒီအဆင့်သတ်မှတ်ချက်ကို ထျန်းကုန်းပွဲကြည့်စင်က တာအိုရောင်းရင်းတွေကြားထဲက ပရော်ဖက်ရှင်နယ်တွေကိုယ်တိုင်ထုတ်ပြန်ထားတာ..၀ူရှန်းရှင်းလီက ဒီစာရင်းထဲမှ ၉၇ကြိမ်ဆက်တိုက်ပထမနေရာကိုရခဲ့တာကွ..ဒီသွေးလိုစာလုံးနီနီကြီးတွေကိုကြည့်စမ်းပါ ကြောက်စရာမကောင်းဘူးလား"

ရှီကျား"....."

သူ၏စိတ်ထဲတွင် မနေ့ညက ၀ူရှန်းရှင်းလီ၏ tsudereပုံစံမျိုးနှင့် လှုပ်ရှားသွားပုံများနှင့်သာ ပြည့်နေခဲ့လေသည်။

သရဲတွေကိုမျက်တောင်မခတ်ပဲရှင်းပစ်နိုင်တဲ့ ဒီအနှိုင်းမဲ့မှော်လက်နက်နဲ့ သူကဘယ်လိုဆက်စပ်သွားရတာတုန်း...

သို့သော် သူထူးဆန်းသည်ဟုခံစားမိသောတချို့အရာများလည်းရှိလေသည်။

"၀ူရှန်းရှင်းလီကအဲလောက်တောင်မှ စွမ်းတယ်ဆိုရင် ဆရာယဲ့က ငါ့ကိုဘာလို့ငှားခဲ့တာလဲ"

ဖေးယွီမှာ စဥ်းပင်စဥ်းစားမနေခဲ့ချေ။

"ငါမပြောခဲ့ဘူးလား..ဘာလို့ဆို ၀ူရှန်းရှင်းလီတစ်ခုထဲကပဲ မင်းရဲ့ယင်စွမ်းအင်ကို ဖုံးပေးနိုင်တာလို့"

ရှီကျားမျက်လုံးကိုမှိတ်လိုက်ကာ သူ၏စိတ်ကို တည်ငြိမ်ငြိမ်းချမ်းစေလိုက်သည်။

"သူကငါ့ကိစ္စကိုဒီလောက် တက်တက်ကြွကြွကူညီပေးနေရတာလဲ"

"ဘာလို့ဆို သူက ငရဲဘုရင်ယဲ့ဖြစ်နေလို့ပေါ့"

ရှီကျား၏အကြည့်တို့မှာ ဗလာဖြစ်နေခဲ့သည်။

ဖေးယွီ သူ့ပေါင်ကိုသူရိုက်ချလိုက်သည်။

"မင်းတစ်ချက်ကြည့်လိုက်တာနဲ့ နားလည်သွားလိမ့်မယ်"

သူ့စကားဆုံးသည်နှင့် သူ၏အမြင်အာရုံထဲတွင် ရုတ်ချည်းပေါ်လာသော ရွှေရောင်စာလုံးများကိုကြည့်ကာ မျက်လုံးများပြူးကျယ်သွားခဲ့လေသည်။ ထိုရွှေရောင်စာလုံးများမှာ ဖုန်းမျက်နှာပြင်ပေါ်တွင်ရှိနေခြင်းမဟုတ်ပဲ လေထဲတွင် မျောနေခြင်းဖြစ်လေသည်။

နေလုံးမှာ မိုးကုပ်စက်၀ိုင်းသို့၀င်နှင့်ပြီဖြစ်သည်။ ညင်သာ၍ မှုန်ပျပျလရောင်အောက်တွင် ရှီကျားနှင့် ဖေးယွီမှာ ပန်းခြံ၏ထောင့်နားကိုလျှောက်သွားလိုက်ကြသည်။ မည်သူကမျှ ပုံမှန်မဟုတ်သောထူးခြားမှုတစ်ခုကိုသတိမထားမိကြချေ။ ထို့အပြင်မည်သူကမျှ ကျန်းမာသန်စွမ်း၍ ကောင်းစွာဖွံ့ဖြိုးနေသော အသိဥာဏ်ပညာစွမ်းရည်နှင့် ဆိုရှယ်လစ်လူရွယ်တစ်ဦးမှာ တစ်စုံတစ်ဦး၏ ကမ္ဘာကြီးပေါ်အမြင်ကို အကြိမ်ကြိမ်ရိုက်ချိုးပစ်နေကြောင်းကိုလည်း သတိမထားမိခဲ့ကြချေ။

အချိန်တချို့ကြာပြီးမှ ရှီကျား၏နှုတ်ခမ်းတို့က ဖွင့်လိုက်ပိတ်လိုက် လှုပ်ရှားသွားခဲ့လေသည်။

" ဒါကလည်း မင်းတို့wechat official accကိုသုံးပြီးတင်ထားတဲ့ ပို့စ်ပဲလား"

၁၀ပြား(tencent- wechatကိုပိုင်တဲ့ကုမ္ပဏီ)မှာ ဘယ်တုန်းကဒီလောက်ထိလုပ်နိုင်စွမ်းတွေရှိသွားတာလဲ..မာဟွားထုံ (tencentပိုင်ရှင်)က ရွှမ်းရွှယ်ကမ္ဘာထဲကလူတစ်ယောက်ဖြစ်နေတာလားဟ...

ဖေးယွီခေါင်းခါလိုက်သည်။

"နိုး နိုး နိုး..modou အက်ပုဒိတ်ကအရမ်းမြန်နေရုံပဲ..ဒါပေါ့ဒီဟာကြီးကိုတော့ 'Ghost know'အကောင့်မှာ တင်မရဘူးလေ..ဒါကmodouစွမ်းရည်ချည်းသက်သက်ပဲ...ငါမှတ်မိသလောက်တော့ မင်းကသူတို့officialအကောင့်ကို followလုပ်လိုက်ရင် သူတို့ modou(အဆောင်)တစ်ခုပို့ပေးသလားလို့..ထျန်းကုံးပွဲကြည့်စင်ကလူတွေကမင်းကို deliveryနဲ့ပို့ပေးတာ..ဒါကmodouပဲ"

ရှီကျားမှာ ဖေးယွီလက်ထဲမှ ထူးဆန်းသောပုံစံနှင့် အနက်ရောင်ပစ္စည်းကိုကြည့်လိုက်လေသည်။

ထိုအရာမှာ ၀ူဖန်းလှေသဏ္ဍာန်နှင့်အလွန်တူလေသည်။ အရှေ့ပိုင်းတွင် ဂီယာအသေးလေးပါရှိကာ ထိုဂီယာ၏နောက်တွင် ပန်းကန်လုံးနှယ်အချိုင့်လေးရှိသည်။ ထိုအချိုင့်လေးထဲတွင် ရွှေရောင်အမှုန်လေးများအပြည့်ပါရှိလေသည်။ ထိုအခိုက်အတန့်တွင် ဂီယာလေးမှာ ဖြည်းညှင်းစွာလည်ပတ်နေလေသည်။ ထိုရွှေရောင်အမှုန်လေးများက ကြယ်ကလေးများနှယ် လေထုထဲတွင် လွင့်မျောကာ ရွှေရောင်စာလုံးများကို ပေါ်လာစေလေသည်။

ရှီကျားမှာ ဖေးယွီ၏လက်ထဲမှ အနက်ရောင်modouဆိုသော အရာကိုကြည့်နေခဲ့လေသည်။ ဖေးယွီက လေထဲမှ ရွှေရောင်စာလုံးများကို ဂုဏ်ယူစွာထိုးပြလိုက်သည်။

"တွေ့လား...ဒီလအဆင့်ဇယားမှာ ငါ အဆင့်၇ချိတ်တယ်..ရွှမ်းရွှယ်ကမ္ဘာမှာ မျိုးဆက်သစ်တာအိုဆရာသခင်တွေ အယောက်တစ်သောင်းကျော်ရှိတာ..ငါကအဆင့်၇မှာလေ"

ရှီကျားမှာ ထိုဘ၀င်ခိုက်နေသော တခန်းလွတ်ဆရာသခင်လေးကို ချီးကျူးမနေခဲ့ချေ။ သူကဖေးယွီ၏ရှေ့မှ အဆင့်ဇယားကိုကြည့်လိုက်လေသည်။ ထိုအမည်များမှာ လေထဲတွင်အတူမျောနေကြသော်လည်း ၄င်းတို့မှာ အစီအစဥ်တကျ ဖြစ်နေဆဲပင်။ အဆင့်ပိုမြင့်လေ နာမည်များကအမြင့်ကိုပိုရောက်လေဖြစ်သည်။ ဖေးယွီ၏အမည်ကိုကြည့်ရန်မူ ရှီကျားခေါင်းကိုအနည်းငယ်ငုံ့ရန်လိုအပ်နေဆဲဖြစ်သည်။ သူနှင့်မျက်နှာချင်းဆိုင်မှ တတန်းထဲအမည်ကိုသူဖတ်ကြည့်လိုက်မိသည်။

"နန်ရိ"

တဖက်တွင်တော့ ဖေးယွီမှာ သူ၏ကိုယ်ပိုင်အမည်ကိုကြည့်လျက် ဘ၀င်ခိုက်စွာ တခိခိကြိတ်ရယ်နေဆဲဖြစ်ပြီး သူ၏ကျေနပ်နေသော အမူအရာကြီးကိုဖုံးကွယ်ရန်ခက်ခဲနေခဲ့လေသည်။ ရှီကျားက 'နန်ရိ'ဟူသော အမည်ကို ဂရုတစိုက်ကြည့်နေခဲ့သည်။ အကြာကြီးကြည့်လိုက်ပြီးနောက် သူကမေးမြန်းရန် ခေါင်းကိုလှည့်လာခဲ့သည်။

"လူကြီးမင်းယဲ့ကိုဘာလို့များမတွေ့ရတာလဲ"

ဖေးယွီက ကောင်းကင်ကို တိုက်ရိုက်လက်ညှိုးထိုးပြလာခဲ့သည်။

ရှီကျား သူလက်ညှိုးညွှန်ရာထံ မယုံသင်္ကာနှင့် လိုက်ကြည့်လိုက်လေသည်။

ဖေးယွီကဆိုလာသည်။

"မတွေ့သေးဘူးလား..ငရဲဘုရင်ယဲ့က အဲမှာလေ"

ရှီကျားအသေအချာစိုက်ကြည့်လိုက်သော်လည်း နာမည်ကိုဘယ်နေရာမှာမှမတွေ့နိုင်သေးချေ။

ဖေးယွီက တစ်နေရာကိုလက်ညှိုးဖြင့် ဖိထိုးလိုက်သည်။

"ဒီမှာလေ..အာ..modouအဆင့်ဇယားက မင်းရဲ့ တစ်လချင်းစီသရဲဖမ်းတဲ့ရမှတ်အပေါ်မူတည်ပြီးခွဲထားတာ..သရဲတွေပိုဖမ်းနိုင်လေ အဆင့်ကပိုမြင့်လေပဲ...နာမည်ကလည်း အမြင့်ကိုပိုပိုတက်သွားတာ..မင်းသေချာကြည့်..အဲမှာလေ..ကောင်းကင်ပေါ်မှ ရွှေရောင်အစက်လေးကိုတွေ့လား...အဲဒါငရဲဘုရင်ယဲ့ရဲ့ နာမည်ပဲလေ"

သူသည်ကား ကျယ်ပြောသော ညကောင်းကင်ကြီး၏ လမင်းနှင့် ကြယ်စင်များအကြားတွင် တဖြတ်ဖြတ်တောက်ပနေသော ရွှေရောင်ကြယ်ကလေးနှယ် အစက်ကလေးတစ်စက်ကိုသာတွေ့လေသည်။

ရှီကျား"...."

မင်းတွေ့ကရာကြယ်ကိုလက်ညှိုးထိုးပြီး သူများတကာနာမည်လို့မပြောလို့မရဘူးလား...

သူ၏မွေးရာပါထူးဆန်းသော ယင်ခန္ဓာကိုယ်ကြောင့် ရှီကျားမှာ ငယ်စဥ်ကပင် သရဲ၀ိဥာဥ်များကိုမြင်နိုင်ခဲ့သည်။ သူငယ်ရွယ်စဥ်က သရဲဖမ်းဆရာသခင်တစ်ဦးနှင့်ပင် ဆုံခဲ့ဖူးလေသည်။

ထိုစဥ်ကသူ အသက်၄နှစ်မျှသာရှိသေးလေသည်။ မွေးခါစနွားပေါက်မှာ ကျားကိုမကြောက်ဆိုသလို သူကိုယ်တိုင်မှာလည်းထိုစဥ်က ထိုသရဲ၀ိညာဥ်ဆိုးများကို ကြောက်ရကောင်းမှန်း မသိခဲ့ချေ။ သို့သော် ၄င်းက သူ၏မိဘများကိုပို၍သာ ရင်ကွဲစေခဲ့လေသည်။ ရှီကျား၏ မိခင်မှာ စောစောစီးစီးပင်ဆုံးပါးသွားခဲ့သည်။ သူ၏ဖခင်ဖြစ်သူမှာ ဆရာသခင်အတုများစွာနှင့်ရှာဖွေခဲ့ခဲ့ရပြီး သူ့အတွက် အဆောင်လက်ဖွဲ့များလုပ်ပေးခဲ့သော်လည်း အသုံးမ၀င်ခဲ့ချေ။ သူအသက်၄နှစ်အရွယ်ရောက်ခါမှ မုတ်ဆိတ်ဖြူများနှင့် ဆရာသခင်အိုကြီးတစ်ဦးကိုဆုံခဲ့ကာ သူ၏ယင်စွမ်းအင်ကို ဖုံးဖိရန်အတွက် ကျောက်ကလေးတစ်ခုကိုပေးခဲ့လေသည်။ ၄င်းမှာ အစစ်အမှန် ကောင်းကင်ဘုံဆရာသခင်တစ်ဦးကိုသူပထမဆုံးအကြိမ်တွေ့ဖူးခြင်းဖြစ်သည်။

သူ့အသက်၄နှစ်အရွယ်မှ မှတ်ဥာဏ်မှာ ဝေ၀ါးနေနှင့်ပြီဖြစ်သည်။ သို့သော်သူ၏ဖခင်မဆုံးမီက ရှီကျားမှာ ဖခင်ထံမှ တစ်ခွန်းမကမှာကြားခဲ့သည်ကို မှတ်မိနေဆဲပင်။

"အဲဒီဆရာသခင်က တကယ်ခင်တတ်မင်တတ်ပြီး နှိမ့်ချတတ်တယ်..သူကမင်းကိုဒီလိုကောင်းတဲ့အရာကိုပေးခဲ့တာ..မင်းကိုကောင်းကောင်းမွန်မွန်ကျန်းကျန်းမာမာနဲ့ကြီးပြင်းလာရအောင်လည်း ဆုပေးခဲ့သေးတယ်..ပိုက်ဆံလည်းတစ်ပြားတစ်ချပ်မှယူမသွားဘူး..ကျားကျား..မင်း ဆရာကြီးရဲ့ကျေးဇူးကိုမမေ့ရဘူးနော်"

ထို့ကြောင့် ၁၉နှစ်တာလုံးလုံးရှီကျားမှာ 'သရဲဖမ်းတဲ့ကောင်းကင်ဘုံ ဆရာသခင်တွေအားလုံးက သာမာန်လူတွေစားတဲ့အစားအစာတွေကိုမစားတဲ့ ကြင်နာတတ်တဲ့မသေမျိုးဆရာသခင်တွေ'ဟူသည့်ယုံကြည်မှုကိုလက်ကိုင်ထားလာခဲ့ပြီးမှ ယခုမူ ဖေးယွီကဲသို့ ရထားတွဲလိုစကားကို ရေပက်မ၀င်ပြောတတ်သည့် ယုံကြည်ကိုးစားမရသော ဆရာသခင်မျိုးနှင့်ဆုံလိုက်ရလေသည်။ သူသည်ထူးဆန်းသော wechatအကောင့်တစ်ခုကို followလိုက်ရကာ မျိုးဆက်သစ်ဆရာသခင်များထဲတွင် နံပါတ်၁ပုဂ္ဂိုလ်မှာ ကြယ်များပေါ်တွင်ရှိနေသည်ကိုပင်မြင်ခဲ့ရလေသည်။

ဖေးယွီသည် ရှီကျား၏ ထူးဆန်းနေသော မျက်နှာအိုကြီးကိုသတိမထားမိဘဲ သူ၏လက်ထဲမှ modou၏ဂီယာလေးကို တဖြည်းဖြည်းချင်းလှည့်လိုက်လေသည်။ မကြာခင်မှာပင် ရှိကျားရှေ့မှ ရွှေရောင်စာလုံးလေးများက အောက်ကိုဆင်းသွားကာတဖြည်းဖြည်းပိုပိုသေးကျုံ့လာခဲ့ကြသည်။ ထို့နောက် ကောင်းကင်ပေါ်တွင်ရှိနေသော ရွှေရောင်ကြယ်လေးမှာ တဖြည်းဖြည်းအောက်သို့ကျဆင်းလာခဲ့လေသည်။

ဖေးယွီကဆိုသည်။

"ဒီဂီယာလေးကိုလှည့်ပြီး modouအဆင့်ဇယားကို သေးလို့ကြီးလို့ရတယ်..ဒီဘီးလုံးလေးကရှေ့ဂီယာလေ..အခုငရဲဘုရင်ယဲ့ရဲ့ နာမည်ကို သေချာမြင်ရပြီမလား...မင်းအမြင်အာရုံကအတော်ဆိုးတာပဲ...အဲဒီရွှေရောင်လေးက ငရဲဘုရင်ယဲ့ရဲ့နာမည်ပါလို့ပြောသားပဲ...မင်းကသေချာတောင်မမြင်ရဘူးနော် အံ့သြစရာပဲ..."

ဆွံ့အနေသော ရှီကျားကဆိုလိုက်သည်။

"ဒီလိုဆိုလည်း သူ့နာမည်ကို အစတည်းက သာမာန်အရွယ်အစားအထိချဲ့ပြီးပြပါလား..အဲဒါမှ မြင်ရမှာပေါ့"

ဖေးယွီ၏အမူအယာမှာ တောင့်တင်းသွားခဲ့သည်။ ခတ္တမျှအကြာ သူကရယ်လိုက်လေသည်။

"ငါသူ့နာမည်ကိုဆွဲချပြီးပြလိုက်ရင်..မင်းငါ့နာမည်ကို ဘယ်လိုသေချာမြင်ရတော့မှာလဲ"

ရှီကျားမှာ ထိုရွှေရောင်အမည်၏အောက်ကိုငုံ့ကြည့်လိုက်သည်။

...အဆင့်၇လေးပဲမလား..ဘာများကြည့်စရာရှိလို့လဲ...

ဖေးယွီကိုဂရုစိုက်မနေတော့ပဲရှီကျားမှာ သူ၏ရှေ့မှ ရွှေ၏ရောင်အမည်ကိုသာ အာရုံစိုက်လိုက်လေသည်။ ရွှေရောင်အမှုန်များမှာ modouထဲမှ ဆက်တိုက်လွင့်မျောနေခဲ့လေသည်။ ကောင်းကင်ပေါ်တွင် လခြမ်းကွေးမှာ ကောင်းကင်၏အလယ်သို့ရောက်နှင့်နေပြီးဖြစ်ကာ တိတ်ဆိတ်မှုနှင့် အမှောင်ထုတိုးက၀န်းရံနေကြသည်။ ၄င်း၏အောက်တွင်တော့ရွှေရောင်ဖျော့ဖျော့လင်းနေသော ကြယ်တစ်ပွင့်ရှိလေသည်။ လေထဲတွင် လွင့်မျောနေခဲ့ အမည်တစ်ခုသာရှိခဲ့သည်။

ယဲ့ကျင်းကျီ..

ရှီကျားထိုအမည်ကို ညင်သာစွာရေရွတ်လိုက်မိသည်။ သို့သော်သူရေရွတ်လိုက်မိသည်နှင့် ဖေးယွီမှာ သူ၏ပါးစပ်ကို အလျင်အမြန်လာပိတ်လိမ့်မည်ဟု မည်သူကထင်လိမ့်မည်နည်း။

"ရှူး...မင်းဘယ်လိုလုပ်ပြီး ငရဲဘုရင်ယဲ့ရဲ့ နာမည်ကို ထုတ်ခေါ်ရဲရတာလဲ..သူကြားသွားရင်ဘယ်လိုလုပ်မလဲ"

ရှီကျားမျက်တောင်ခတ်လိုက်မိသည်။

"သူကဒီနားမှာရှိနေလို့လား"

"ငါ့ဆရာတို့ ကောင်းကင်ဘုံဆရာသခင်မျိုးဆက်တွေထဲမှာဆို..မင်းနာမည်လေးကိုထုတ်ခေါ်လိုက်ရုံနဲ့ မိုင်ပေါင်းထောင်ချီအဝေးကနေ မင်းဘယ်မှာရှိနေလဲဆိုတာ တန်းသိတဲ့ စီနီယာကြီးတွေရှိတယ်...ငရဲဘုရင်ယဲ့မှာ အဲလိုအစွမ်းရှိမရှိဘယ်လိုသိမှာလဲ..သူက သူ့ဆရာလောက်နီးပါးစွမ်းနေရင်ရော..မင်းသူ့နာမည်ကိုရွတ်လိုက်တော့ သူ့မကြားသွားနိုင်ဘူးလား"

ရှီကျားမှာ တန့်သွားမိလျက် ဖေးယွီကိုကြည့်လိုက်မိလေသည်။

"နာမည်လေးရွတ်လိုက်ရုံနဲ့ မိုင်ပေါင်းထောင်ချီကနေကြားနိုင်တယ်ပေါ့"

ဖေးယွီမှာ ချက်ကျလက်ကျပြောနေသည့်အလား ခေါင်းကို ခိုင်မာစွာညိတ်လာခဲ့သည်။

"ဘာပဲဖြစ်ဖြစ် ငရဲဘုရင်ယဲ့ရဲ့ဆရာက အဲလောက်ထိစွမ်းတာ"

"သူနဲ့နာမည်တူတဲ့သူရှိနေရင်ရော ဘယ်လိုလုပ်မှာလဲ"

ဖေးယွီ "....."

"ယဲ့..ဆရာသခင်ယဲ့ရဲ့နာမည်က နည်းနည်းထူးခြားတယ်ဆိုပေမယ့် ဟွာရှားမှာ လူပေါင်း ၁.၄ဘီလျံကျော်ရှိတာ..သူနဲ့နာမည်တူတဲ့သူတစ်ယောက်လောက်ကတော့ရှိမှာပဲလေ...လူတစ်အုပ်ကြီး သူ့နာမည်ကို ခေါ်နေတာကို နေ့တိုင်းကြားနေရလိမ့်မယ်လို့တော့မပြောနဲ့နော်"

ဆရာသခင်ယဲ့က သရဲဖမ်းနေတုန်းလို့တွေးကြပါစို့..ရုတ်တရက်ကြီးသူ့နားထဲမှ ခေါ်သံတစ်ခုကိုကြားလိုက်ရပါလေရော...

"ယဲ့ကျင်းကျီ..ဒီနေ့ ရှင်မီးဖိုချောင်ထဲမှာအိပ်ဖို့ပြင်ထား.."

ဒါကြီးကဘယ်လောက်ပဲ တုံးအတယ်ဆိုဦး သရဲတစ်ကောင်ကတော့ ကံကောင်းပြီးပြေးလို့လွတ်သွားမှာပဲ..

ပိုပြီးတွေးကြည့်လိုက်ကြစို့...ဆရာသခင်ယဲ့က လတ်တလော ၀မ်းချုပ်နေတယ်...အရေးကြီးတဲ့အခိုက်အတန့်မှာ သူ့နားနားကိုတစ်ယောက်ယောက်ကပ်ပြောတဲ့အသံကိုကြားလိုက်ရပါရောတဲ့..

"ယဲ့ကျင်းကျီ..ရှင်ကျွန်မကိုလိုချင်သေးရဲ့လား..ရှင်ဒီညသိပ်ကြမ်းတာပဲ..ကျွန်မ အရမ်းကြိုက်တယ် အူးမွ"

သို့နှင့်အရေးကြီးအခိုက်အတန့်မှ ကျော်လွန်သွားပြီး နောက်ထပ်၃ရက်ဆက်တိုက်၀မ်းချုပ်သွားသည်လည်းဖြစ်နိုင်လေသည်။

တကယ်တမ်းတွင် ထိုမျှလောက်အခြေအနေက သိပ်ဆိုးသည်မဆိုနိုင်သေးချေ။ ထပ်ပြီးတွေးကြည့်ပါက အကယ်၍များ ဆရာသခင်ယဲ့မှာ သူ၏ချစ်သူနှင့် အဟ အဟ အဟ များလုပ်နေခဲ့ကာ၂ယောက်သား အရှိန်တက်ပြီး အချိန်ကောင်းလေးရောက်လုနီးနီးတွင် ဆရာသခင်ယဲ့မှာ ရုတ်တရက်သူ၏နားထဲအော်သံကြီးကိုကြားလိုက်ရလေသည်။

"နံပါတ် ၃၂..လူနာယဲ့ကျင်းကျီ...ရှင့်ရဲ့ **အရေပြားကိုဖြတ်ဖို့ အရေးပေါ်ခန်းထဲ၀င်လို့ရပြီနော်"

ဤတစ်ကြိမ်တွင်တော့သူအဆုံးသတ်သွားခဲ့သည်။ ဆရာသခင်ယဲ့မှာ သူ၏တသက်လုံး လိင်မှုဘ၀ကိုစွန့်လွှတ်လိုက်ရသည်လည်းဖြစ်နိုင်လေသည်။

ပြီးတော့ ယဲ့ကျင်းကျီ (叶镜之)ကိုထား တကယ်လို့လူတွေက ယဲ့ကျင်းကျီ (叶静之) ယဲ့ကျင်းကျီ (叶敬之) ဒါမှမဟုတ် ယဲ့ကျင်းကျီ (叶竞之)……လို့ခေါ်ရင်ရော ဆရာသခင်ယဲ့က သူတို့ကိုကြားနေရဦးမှာလား...

တွေးလေတွေးလေ သူ၏အတွေးတို့ကပို၍ ရှုပ်ထွေးလာလေပင်။ ထိုချောမောခန့်ထည်ကာ တည်ငြိမ်အေးချမ်းသောအမျိုးသား၏မျက်နှာကို ပြန်လည်မြင်ယောင်မိလျှင် တဖက်လူအား ၀မ်းချုပ်ခြင်းပြဿနာကိုရော လိင်မှုဘ၀စွန့်လွှတ်ရခြင်းပြဿနာနှင့်ပါ တွဲမြင်ယောင်၍မရပါချေ။

ဖေးယွီမှာလည်း ဤသို့မေးခွန်းမျိုးတစ်ခါမျှ အမေးမခံရဖူးပုံပေါ်လေသည်။ သူကအကြာကြီးစဥ်းစားနေသည့်တိုင် အဖြေမပေးနိုင်ခဲ့ချေ။ သူကတစ်ခွန်းမျှသာ ခပ်တည်တည်ဆိုနိုင်ခဲ့သည်။

"ဘာလို့အဲလောက်ကပ်သီးကပ်ဖဲ့လိုက်မေးနေရတာတုန်း..သူ့နာမည်မခေါ်ရင်ရပြီမလား..သူသာငါတို့ကို သတိထားမိရင်သွားပြီပဲ"

ရှီကျားတိတ်တဆိတ်ခေါင်းညိတ်လိုက်လေသည်။

သို့နှင့် စကား၀ိုင်းခေါင်းစဥ်မှာ မူလအစကိုလျင်မြန်စွာပြန်လည်ရောက်ရှိသွားခဲ့လေသည်။ ရှီကျားထံမှ ထူးဆန်းသောမေးခွန်းများထပ်၍ အမေးမခံလိုတော့၍ဖြစ်နိုင်သည်။ ဖေးယွီမှာ ဤတစ်ကြိမ်တွင် စိတ်ရှည်လက်ရှည်ရှင်းပြလာခဲ့လေသည်။

"modouအဆင့်ဇယားကလည်း ထျန်းကုံးအဆင့်ဇယားလိုပဲ တစ်လတစ်ခါအသစ်ပြန်တင်ပေးတယ် ဒါပေမယ့်modouအဆင့်ဇယားက ကိုယ်သတ်ထားတဲ့ သရဲအမှတ်အရေအတွက်က အချိန်နဲ့တပြေးညီတိုးနေတာ...အဲဒါကြောင့်ရေတွက်ဖို့ဆို modouကိုသုံးရတယ်..ငါဆိုဒီလ သရဲအကောင်၅၀ကျော်တော်ရှင်းခဲ့တာ...တကယ်တမ်းဆို တစ်နေ့မှာ ၃ကောင်နှုန်းနဲ့ပဲတွက်ရင်တောင် သာမာန်ထက်အတော်များနေပြီ...ဒါပေမယ့်

ငရဲဘုရင်ယဲ့ကတော့ငါတို့နဲ့ကွာတာပေါ့..ပထမအချက် သူကယင်စွမ်းအင်ကို တိုက်ရိုက်မြင်နိုင်ပြီးတော့သရဲတွေ နတ်ဆိုးတွေကိုလည်း ခွဲခြားနိုင်တယ်...ဒုတိယအချက်ကတော့ သူကငါတို့ရွှမ်းရွှယ်ကမ္ဘာရဲ့ စံပြအိုင်ဒေါလေ"

ရှီကျားတန့်သွားမိသည်။

"စံပြအိုင်ဒေါဟုတ်လား..မင်းတို့ကဒါမျိုးတွေလည်း voteပေးသေးတာလား"

သူတို့မှာ one to fiveထိပ်တန်းအဆင့်ကျောင်းသားတွေလည်းရှိတယ်လို့ မပြောနဲ့နော်...

ဖေးယွီကခေါင်းခါလိုက်သည်။

👻

Prev Next