Volume 13 : လူမှုဘာသာရပ်များဌာန
Chapter 286 (သင်တန်းအသစ်)
ယွဲ့ရှင်းဝမ်သည် သူ၏အဖွဲ့ဝင်များကို ကန်လယ်သို့ ခေါ်ဆောင်ကာ လှေကားထစ်ပေါ် အမြန်တက်ခဲ့သည်။ လှေကားအဆုံးမှာ သူတို့တွေ တံခါးကို တွန်းဖွင့်လိုက်တော့ အားလုံး၏ မျက်လုံးရှေ့မှာ ရင်းနှီးပြီးသား အချက်ပြမှုတစ်ခု တစ်ချိန်တည်းတွင် ပေါ်လာသည်—
သုတေသနအဖွဲ့: C-183
သင်တန်း: ကဗျာဝင်္ကပါ
Credit: 4 မှတ်
ရှင်းလင်းရေးရမှတ်: 95 မှတ်
နောက်ဆုံးရမှတ်: 4x95 = 380 မှတ်
သုတေသနအဖွဲ့အပိုဆု: အဖွဲ့ C က 1.5 ဆ အပိုဆုအမှတ်ရရှိပါသည်။ စုစုပေါင်းအမှတ် 570 မှတ် ရရှိပါသည်။
သင်တန်းကျရှုံးမှုနှုန်း: 40%
ဝင်္ကပါအဆုံးမှာ စာကြည့်တိုက်က သူတို့ကို တွင်းတူးလိမ်မည်ဟု ထင်ခဲ့သော်လည်း သည်တစ်ခါတော့ စာကြည့်က အတော်လေး အသိစိတ်ရှိပြီး စူးစမ်းလေ့လာခြင်း 100% ပြည့်ပြီးနောက် သူတို့တွေ တိုက်ရိုက်ရှင်းလင်းသွားခဲ့သည်။
လျှိုကျောက်ချင်းသည် သက်ပြင်းတစ်ချက်ချကာ ပြုံးလိုက်ပြီး ဆိုသည်။ "ဝင်္ကပါအတန်းက ပိုပြီးသက်သောင့်သက်သာရှိတယ်။ သင်္ချာဌာန၊ ဗိသုကာဌာနနဲ့ တရုတ်ဘာသာစကားဌာနမှာရှိတဲ့ ဝင်္ကပါသုံးခုလုံးကို ငါလဲလျောင်းပြီး အနိုင်ရခဲ့တယ်။"
ကျန်းဖျင်စစ်သည် သူတို့အား အစပိုင်းတွင် သင်္ချာဌာန၏ 'သုဒ္ဓကိန်းများဝင်္ကပါ' မှတစ်ဆင့် ခေါ်ဆောင်သွားခဲ့သည်။ ကျန်းဖျင်စစ်၏အမြင်အရ သုဒ္ဓကိန်းဂဏန်းများကို တွက်ချက်ခြင်းသည် အမှန်တကယ်လွယ်ကူ၏။ ဗိသုကာဌာန၏ 'အဆုံးမရှိလှေကားများ' တွင် ကျန်းဖျင်စစ်နှင့် ကျန်းရှောင်နျန်တို့အတူတူ လှေကားအစီအစဉ်ဆိုင်ရာ စည်းမျဉ်းများကို အမြန်ရှာဖွေခဲ့ကြသည်။
ယခုအခါ လူမှုဘာသာရပ်များဌာန၏ 'ကဗျာဝင်္ကပါ' တွင် ယွဲ့ရှင်းဝမ်၏ ဦးဆောင်မှုအောက်၌ လူတိုင်းသည် အတားအဆီးမဲ့ သွားလာနိုင်ပြီး ယွဲ့ရှင်းဝမ်သည် မေးခွန်းအများစုကို သိရှိသောကြောင့် သူ တစ်ခါမှ မမြင်ဖူးသော ကဗျာမှ စာလုံး ခုနစ်လုံး၊ ရှစ်လုံးကိုပင် ခန့်မှန်းနိုင်သည်။ ဝင်္ကပါတစ်ခုလုံးကို လှည့်လည်ခရီးသွားရတာကလည်း အတော်လေးလွယ်ကူပါသည်။
ရှေးခေတ်က ကဗျာဆရာကြီးများဖြင့် နာရီအနည်းငယ်ကြာခရီးသွားခြင်းက လူတိုင်းအပေါ် နက်နဲသောအထင်ကြီးစရာဖြစ်စေခဲ့ပြီး နောင်နှစ်ပေါင်းများစွာကြာသောအခါ ရေကန်ပေါ်၌ လီပိုင် လှေစီးခြင်း၊ လရောင်အောက်၌ စူးရှစ် ဝိုင်သောက်ခြင်း စသောမြင်ကွင်းများဖြင့် သူတို့သည် ဤဒဏ္ဍာရီလာအသွင်အပြင်များကို တကယ်မြင်ဖူးသကဲ့သို့ မှတ်မိနေဦးမည်။
ရွှီယိရှန်းသည် ပြုံးပြီး ပြောလိုက်သည်။ "လဲလျောင်းပြီး အနိုင်ရတာက အဆင်မပြေဘူးလား။ ငါကတော့ နောက်ထပ် ဝင်္ကပါအတန်းတွေ ထပ်တက်ရဖို့ မျှော်လင့်တယ်။ ငါက ကျော်ဖြတ်ဖို့အတွက် အားလုံးနောက်ကနေ လိုက်သွားရုံပဲ။ ငါ့ဦးနှောက်ကို သုံးစရာလည်းမလိုသလို၊ ငါ့ဘဝအတွက် ပြေးစရာလည်း မလိုတာကြောင့် ဒါက အရမ်းအဆင်ပြေတယ်။"
လျှိုကျောက်ချင်းက ညည်းညူလေသည်။ "မင်းက ဆဲလ်ဖြစ်လာပြီး မင်းအတန်းဖော်တွေအပေါ်တက်ပြီးတော့ မျက်စိလေးမှိတ်ပြီး အိပ်နေရင်း အတန်းကို ကျော်ဖြတ်နိုင်မယ်လို့ မင်းမျှော်လင့်နေတာလား။"
ရွှီယိရှန်းက ပွင့်လင်းစွာဆိုသည်။ "မှန်တယ်။ နောက်ထပ်သင်တန်း သမိုင်းဌာနမှာ ကျွန်တော် အများကြီး ကူညီပေးနိုင်မယ်လို့ မထင်ဘူး။ အဲဒီအချိန်ကျရင် ကျွန်တော်က ဆဲလ်ဖြစ်လာပြီး စီနီယာအစ်ကိုတို့ရဲ့ ဆွဲသီးလေး ဖြစ်လိမ့်မယ်။"
183 အဖွဲ့တွင် လူတိုင်းမှာ မိမိတို့ကိုယ်ပိုင် ကျွမ်းကျင်မှုနယ်ပယ်များရှိသည်။ စီနီယာအစ်ကိုရွှီသည် ယခင်သင်တန်းများတွင် ပံ့ပိုးကူညီမှုများစွာပြုလုပ်ခဲ့သော်လည်း သူ၏ပျင်းရိသောပင်ကိုယ်စရိုက်မှာ ပြောင်းလဲခြင်းမရှိပေ။
ယွဲ့ရှင်းဝမ်သည် လူတိုင်းကို ကြည့်ပြီး ပြုံးလိုက်သည်။ "လူမှုဘာသာရပ်များဌာနရဲ့ 'ကဗျာဝင်္ကပါ'က ယေဘုယျအားဖြင့် မခက်ခဲဘူး။ အတိအကျပြောရရင် အဲဒါက credit 4 မှတ်တန်သင်တန်းပဲ။ သမိုင်းဌာနရဲ့ နောက်ထပ်သင်တန်းကလည်း credit 4 မှတ်ဖြစ်ပြီး အခက်အခဲအားလုံးက အတူတူပါပဲ။ ပြန်သွားပြီးရင် အားလုံး အားဖြည့်ကြပြီးတော့ မနက်ဖြန်မနက်မှာ ငါတို့ဆက်သွားကြမယ်။"
ချင်မြောင်က ပြောသည်။ "သမိုင်းဌာနရဲ့သင်တန်းကို 'ထန်မင်းဆက်သို့ အိမ်မက်မက်ခြင်း'လို့ ခေါ်တယ်။ သင်တန်းနာမည်အရ ငါတို့က ထန်မင်းဆက်ကို သွားရမယ်လို့ ယူဆရတယ်။"
ယွဲ့ရှင်းဝမ်က ပြောလိုက်သည်။ "ချင်မြောင်၊ မင်း ထန်မင်းဆက်အကြောင်းကို အလုံအလောက်သိလား။"
ချင်မြောင်က ပေါ့ပါးစွာဆိုသည်။ "ဘယ်ရှုထောင့်လည်းဆိုတာအပေါ် မူတည်တယ်။ သမိုင်းမှာ ထန်မင်းဆက်ကို ငါအနှစ်သက်ဆုံးဖြစ်ပြီး ထန်မင်းဆက်ခေတ်ကို ငါအထူးလေ့လာခဲ့တယ်။ ဒါပေမယ့် ဒီသင်တန်းအတွက် စာမေးပွဲက ဘယ်လိုလာမလဲဆိုတာ ငါမသိတာပဲ။"
ချင်လုက တိုးတိူပြောလေသည်။ "ငါတို့ အခုလေးတင် ဝင်္ကပါ စာမေးပွဲကို ဖြေပြီးတာဆိုတော့ အဲဒါက ဝင်္ကပါမဖြစ်နိုင်ဘူး။ ရူပဗေဒဌာနမှာ credit 7 မှတ်တန် ရှင်သန်ရေးသင်တန်းရှိပြီး သမိုင်းဌာနက ရှင်သန်ရေးသင်တန်း ဖြစ်မယ်လို့ ငါမထင်ဘူး။ အဲဒါက သမိုင်းနဲ့ပတ်သက်တဲ့ ကျိုးကြောင်းဆင်ခြင်ခြင်း၊ ဒါမှမဟုတ် ယဉ်ကျေးမှုအမွေအနှစ် အမျိုးအစားတချို့ကို လိုက်ရှာရတာမျိုးဖြစ်နိုင်တယ်လို့ ငါထင်တယ်။"
အခြားသူများကလည်း ချင်လု၏ ကောက်ချက်ချမှုကို သဘောတူကြပြီး လင်းမန့်လော်က ဆိုသည်။ "စာမေးပွဲက ဘယ်လိုပဲဖြစ်ဖြစ် credit 4 မှတ် သင်တန်းက အရမ်းခက်ခဲမှာ မဟုတ်ဘူး။ ငါတို့ သတိထားရင် စာမေးပွဲကို ကျိန်းသေအောင်လိမ့်မယ်!"
အဖွဲ့ထဲတွင် သမိုင်းဌာနမှ ချင်မြောင်ရှိထားခဲ့ပြီး ချင်မြောင်သည် တည်ငြိမ်သော ပင်ကိုယ်စရိုက်ရှိသည်။ သူမသည် ပြဿနာများတွင် တည်ငြိမ်ပြီး ပြတ်သားသောကြောင့် လူတိုင်းသည် နောက်သင်တန်းအတွက် ယုံကြည်မှုအပြည့်ရှိကြသည်။
တစ်ဖက်တွင် ချင်မြောင်သည် အမူအရာကို ထုတ်ဖော်မပြတတ်ပေ။
သူမသည် ချင်လုနှင့်တူသော်လည်း အမူအရာမှာ အလွန်ကွဲပြားသည်။ တစ်ယောက်က ချိုမြိန်သော အပြုံးတစ်ခုရှိပြီး နောက်တစ်ယောက်မှာ ဆီးနှင်းခဲကဲ့သို့ အေးစက်သည်။ အမူအရာများကို ကြည့်ရုံဖြင့် အားလုံးက ညီအစ်မနှစ်ယောက်ကို အကြည့်တစ်ချက်တွင် ခွဲနိုင်သည်။
ချင်လုသည် သူမအစ်မကို တစ်ချက်ကြည့်လိုက်ပြီး လူတိုင်းကို ပြုံးပြလိုက်သည်။ "ငါ့အစ်မက ငယ်ငယ်လေးကတည်းက သမိုင်းလေ့လာတာကို အစွဲအလမ်းကြီးပြီး ကျွမ်းကျင်တဲ့ပြဿနာတွေနဲ့ သူမ တကယ်ကြုံတွေ့ခဲ့ရင် သူမရဲ့သမိုင်းကို နားလည်မှုက ရှင်းဝမ်ရဲ့ကဗျာဗဟုသုတထက် မနိမ့်ဘူးလို့ ငါယုံကြည်တယ်။" ထိုသို့ပြောပြီးနောက် သူမသည် သူမအစ်မ၏လက်မောင်းကို ညင်သာစွာထိကာ တစ်ခုခုပြောရန် လှုံ့ဆော်လိုက်သည်။
ချင်မြောင်သည် ပေါ့ပေါ့ပါးပါး ချောင်းဟန့်လိုက်သည်။ "ငါ အကောင်းဆုံး ကြိုးစားပါ့မယ်။ ငါမရဘူးဆိုရင် အားလုံး ခေါင်းချင်းဆိုင်ပြီး စာမေးပွဲအောင်ဖို့ ပူးပေါင်းပါဝင်နိုင်မယ်လို့ ငါမျှော်လင့်ပါတယ်။"
ယွဲ့ရှင်းဝမ်က ပြုံးပြီး ပြောလိုက်သည်။ "စိတ်မပူပါနဲ့၊ မင်းတစ်ယောက်တည်းမဟုတ်ပါဘူး၊ ကိုယ့်ကိုကိုယ် အရမ်းဖိအားမပေးပါနဲ့။ ငါတို့ 183 သုတေသနအဖွဲ့က အမြဲတမ်းတစ်စုတစ်စည်းတည်းပါပဲ။"
သူတို့၏ ဦးနှောက်များကို အသုံးချနိုင်သူများက ဦးနှောက်များကို အသုံးချပြီး သူတို့၏ ကြိုးစားအားထုတ်မှုများဖြင့် ပံ့ပိုးပေးနိုင်သူများကလည်း လက်ရှိအချိန်အထိ အခက်အခဲများကို ကျော်လွှားနိုင်ခဲ့သည့် အခြေခံကျသောအကြောင်းအရင်းများဖြစ်သည်။ အပျင်းဆုံး စီနီယာအစ်ကိုရွှီယိရှန်းပင်လျှင် မဆိုင်းမတွဘဲ အသက်စွ့န်ကာ ချောက်ထဲသို့ ခုန်ဆင်းပြီး ထိုအရေးကြီးသော သတ္တုရိုင်းကို ကောက်ခဲ့သည်။
မည်သည့်တက္ကသိုလ်၏ သင်တန်းများတွင်မဆို ဤမေဂျာမှ ကျောင်းသားများသည် လွှမ်းမိုးနိုင်ဆုံးများဖြစ်ကြပြီး တခြားသူများကလည်း အစွမ်းကုန် ကြိုးစားကြမည်ဖြစ်သည်။ သည်အရာက သူတို့တစ်ဖွဲ့တစ်ခုလုံး၏ အပြန်အလှန်နားလည်မှုဖြစ်သည်။
ယွဲ့ရှင်းဝမ်သည် လာမည့်သင်တန်း၏ အဆုံးသို့ ချောမွေ့စွာ သွားနိုင်မည်ဟု ယုံကြည်သည်။
***
ဤဝင်္ကပါအတန်းသည် ရုပ်ပိုင်းဆိုင်ရာအားစိုက်ထုတ်မှု များများစားစား အသုံးမပြုရဘဲ ဘယ်သူမျှ ပင်ပန်းသည်ဟု မခံစားရပေ။
အိပ်ဆောင်သို့ပြန်လာပြီးနောက် ယွဲ့ရှင်းဝမ်သည် သူတို့၏အဖွဲ့အား ဂရုစိုက်သော တခြားတက္ကသိုလ်များမှလူများနှင့် ပထမဆုံးစကားပြောခဲ့ပြီး ချင်းလန်၊ ယွိမင်ယွီနှင့် တခြားစီနီယာများအား သူတို့၏ရှင်းလင်းရေးအကြောင်း အသိပေးပြီးနောက် ဖိုရမ်တွင် ထုံးစံအတိုင်း နည်းဗျူဟာတစ်ခုတင်ခဲ့သည်။
ယွဲ့ရှင်းဝမ်၏ နည်းဗျူဟာကို ကြည့်ပြီး ကျောင်းသားအများအပြားက မက်ဆေ့ချ် ထားခဲ့ကြသည်—
"ပထမအဖွဲ့က 12 ထပ်ရဲ့ လူမှုဘာသာရပ်များဌာနကို ရောက်သွားပြီ။ အံ့ဩစရာပဲ!"
"အဲဒီကဗျာတွအများစုကို ငါမမှတ်မိတော့ဘူး၊ အထက်တန်းကျောင်းက စာပေဆရာကို တောင်းပန်ပါတယ်!"
တခြားတစ်ယောက်ယောက်က အဓိကမေးခွန်းကို ထုတ်ခဲ့သည်။ "လူမှုဘာသာရပ်များဌာနကို တက်ဖို့ ငါတို့အလှည့်ရောက်ရင် စာမေးပွဲမေးခွန်းတွေက ပြောင်းလဲသွားလိမ့်မယ်၊ စီနီယာအစ်ကိုရှင်းဝမ်တို့ ကြုံတွေ့ခဲ့ရတာနဲ့ ထပ်တူကျဖို့ မဖြစ်နိုင်ဘူး။"
"တရုတ်ဘာသာစကားဌာနက ကျောင်းသားတွေ၊ လူတိုင်းကို ကူညီပေးလို့ရအောင် ဂန္တဝင်ကဗျာတွေကို ပြန်လည်သုံးသပ်ဖို့ အထူးပို့စ်တစ်ခုဖွင့်ချင်သလား။"
ယွဲ့ရှင်းဝမ်သည် ဤအဆိုပြုချက်ကို အလွန်သဘောတူသည်။
ဝင်္ကပါကဗျာရှိ စာမေးပွဲမေးခွန်းများသည် မေးခွန်းဘဏ်ဖြစ်နိုင်သည်။ သည်တစ်ကြိမ်မှာ သူတို့သည် လီပိုင်ဖြင့် တွေ့ခဲ့ပြီး 'သူရဲကောင်းသို့တမ်းချင်း' စာမေးပွဲကို ဖြေခဲ့ရသည်။ နောက်တစ်ဖွဲ့သည် လီပိုင်နှင့် တွေ့ဆုံသောအခါ တခြားတစ်ခုကို ဖြေဆိုရနိုင်သည်။ ထို့အပြင် သည်နာမည်ကြီးများ၏ မရေမတွက်နိုင်သော လက်ရာများရှိသည်။
ကျောင်းသားများ၏ အစပြုမှုအောက်တွင် တစ်စုံတစ်ယောက်သည် စာကြည့်တိုက်ဖိုရမ်တွင် အထူးပို့စ်တစ်ခုကို ဖွင့်လှစ်ခဲ့ပြီး နိုင်ငံတစ်ဝှမ်းရှိ ကောလိပ်များနှင့် တက္ကသိုလ်များမှ တက္ကသိုလ်ကျောင်းသားများသည် ထိုပို့စ်တွင် ဂန္ထဝင်ကဗျာများကို စတင်မှတ်တမ်းတင်ခဲ့ကြသည်။
အထက်တန်းကျောင်းမှာ သူတို့ရွတ်ဆိုဖူးသမျှကို အားလုံးစုပေါင်းသုံးသပ်ကြသည်။
စာပေဖတ်စာအုပ်တွင် မပါဝင်သည့် လက်ရာတချို့ကိုလည်း တရုတ်ဘာသာစကားဌာန သို့မဟုတ် ကဗျာကို အထူးစိတ်ဝင်စားသော ကျောင်းသားများက စာရင်းပြုစုထားသည်။ တစ်ယောက်တစ်ပုဒ်ဖြင့် မျက်စိတစ်မှိတ်အတွင်း စာကြည့်တိုက်ဖိုရမ်၏ ၎င်းပို့စ်သည် အထပ်မြင့်အဆောက်အဦးဖြစ်လာပြီး လူတိုင်း အတူတကွ ပါဝင်ကူညီသည့် 'ကဗျာမေးခွန်းဘဏ်' ဖြစ်လာသည်။
ကျောင်းသားများသည် သူတို့သိသော ကဗျာများနှင့် ဇာတ်လမ်းများကို တက်ကြွစွာ ပံ့ပိုးကူညီကြသည်ကို မြင်လိုက်ရသောအခါ ယွဲ့ရှင်းဝမ်သည် ရုတ်တရက် အလွန်စိတ်သက်သာရာရသွားသည်။
စာကြည့်တိုက်ထဲသို့ ဆွဲသွင်းခံရသော ကျောင်းသားများသည် ကံမကောင်းကြသော်လည်း ကံကောင်းထောက်မစွာဖြင့် သူတို့၏ မူလဆန္ဒများကို မမေ့လျော့ဘဲ သူတို့၏ "တက္ကသိုလ်ကျောင်းသားများ" အထောက်အထားများကို မစွန့်လွှတ်ခဲ့ပေ။
သူတို့သည် တက္ကသိုလ်အဆောင်များမှာလည်း စည်းမျဥ်းစည်းကမ်းများကို လိုက်နာကြပြီး အချင်းချင်း ကူညီကြပြီး အခက်အခဲများကို အတူတူ ကျော်ဖြတ်ကြသည်။ သူတို့မှာ ယွဲ့ရှင်းဝမ်၏ နည်းဗျူဟာကို လက်ထဲမှာ ကိုင်ထားရင်တောင်မှ တိုက်ရိုက် ကူးယူမှာ မဟုတ်ဘဲ သူတို့ကိုယ်တိုင်သာ စဉ်းစားလိမ့်မည်။
ဖိုရမ်တွင် နည်းဗျူဟာထုတ်ရန် 183 သုတေသနအဖွဲ့မှ ဦးဆောင်ခဲ့ပြီး နောက်ပိုင်းတွင် ရှင်းလင်းရေးအဖွဲ့မှ လူအများအပြားသည် တခြားရှင်းလင်းရေးနည်းလမ်းများကို ပို့စ်တင်ရန်နှင့် ဖြည့်စွက်ရန် အစပျိုးလုပ်ဆောင်ကြမည်ဖြစ်သည်။
စာကြည့်တိုက်ဖိုရမ်သည် အရင်းအမြစ်များကို ရှာဖွေရန် လူတိုင်းအတွက် ရတနာသိုက်ဖြစ်လာသည်။
ယွဲ့ရှင်းဝမ်သည် လူတိုင်း ဇွဲရှိသရွေ့ ပိုများလာသော ကျောင်းသားများသည် စာကြည့်တိုက်မှ ထွက်သွားပြီး ပုံမှန်ဘဝသို့ ပြန်သွားလိမ့်မည်ဟု ယုံကြည်သည်။
ပို့စ်တင်ပြီးနောက် ယွဲ့ရှင်းဝမ်သည် ကုတင်ပေါ်တွင် လဲလျောင်းနေပြီး အပြုံးဖြင့် ပြောလိုက်သည်။ "ငါတို့ credit 89 မှတ် ရထားပြီမလား။"
ကျန်းဖျင်စစ်က ခေါင်းညိတ်လိုက်သည်။ "အင်း၊ 11 မှတ်ပဲ ကျန်တော့တယ်။ သမိုင်းဌာနက 4 မှတ်နဲ့ နောက်ဆုံး 7 မှတ်ကျန်ပြီး ကွန်ပျူတာသိပ္ပံဌာနမှာ ခက်ခဲတဲ့ သင်တန်းတစ်ခု ဖြစ်နိုင်ခြေများတယ်။"
ယွဲ့ရှင်းဝမ်သည်လည်း credit 7 သို့မဟုတ် credit 3 + credit 4 ပေါင်းစပ်ထားခြင်း ဖြစ်နိုင်သည်ဟု ထင်သော်လည်း ထိုအခြေအနေမျိုးတွင် သင်တန်းနှစ်ခုက အလွန်ရိုးရှင်းနေမည်ဖြစ်ကာ စာကြည့်တိုက်ပုံစံနှင့် လိုက်လျောညီထွေမဖြစ်နိုင်ချေ။ ရူပဗေဒဌာနကဲ့သို့ပင် credit 7 မှတ်တန် ခက်ခဲသောသင်တန်းကို နောက်ဆုံးစာမေးပွဲအဖြစ် အသုံးပြုမည်မှာ ပိုများပါသည်။
လက်ရှိမှာ သူတို့အဖွဲ့ထဲမှ လူအားလုံး၏ ဘာသာရပ်များကို တွေ့ကြုံပြီးဖြစ်သည်။
ဆေးပညာဌာနတွင် အမှုကိစ္စများကို ခွဲခြမ်းစိတ်ဖြာရန် စီနီယာအစ်ကိုလျှိုကျောက်ချင်း ရှိကာ၊ သင်္ချာဌာနတွင် ဝင်္ကပါကို ဦးဆောင်သူ ဖျင်စစ် ရှိပြီး၊ ဗိသုကာဌာနတွင် ဂျူနီယာညီလေးကျန်းရှောင်နျန် ရှိသည်။ ဇီဝသိပ္ပံဌာန၊ ပထဝီဝင်ဌာန၊ ဓာတုဗေဒဌာနနှင့် ရူပဗေဒဌာနများ ဆက်လက်၍ ရောက်လာကာ 183 သုတေသနအဖွဲ့က လူအားလုံးသည် သူတို့အဓိကကျွမ်းကျင်မှုများဖြင့် ဖြတ်ကျော်ခဲ့သည်။
သို့သော်လည်း ခယ်ရှောင်ပင်းနှင့် ရှောင်ထူတို့သည် လူတိုင်းနောက်မှ လိုက်ခဲ့ပြီး ကွန်ပျူတာနှင့်ပတ်သက်သည့် သင်တန်းများကို မကြုံတွေ့ကြသေးပေ။
ယွဲ့ရှင်းဝမ်မှ ခွဲခြမ်းစိတ်ဖြာခဲ့သည်။ "တချို့ကျောင်းတွေမှာ အင်ဂျင်နီယာဌာန ဒါမှမဟုတ် ကွန်ပျူတာသိပ္ပံ ဆိုပြီး ကွန်ပျူတာဘာသာရပ်တွေကို ခွဲထားတယ်။ ဒါပေမယ့် 10 ထပ်ကနေ 12 ထပ်အထိ ငါတို့ရဲ့ အရင်သင်တန်းရွေးချယ်ရေးမှာ တခြားဌာနတွေက ကွန်ပျူတာတွေကို ဖော်ပြထားခြင်းမရှိဘူး။ အင်ဂျင်နီယာဌာနက ရေကိုထိန်းသိမ်းခြင်းနဲ့ ရေအားလျှပ်စစ်၊ အာကာသယာဉ်၊ စက်ပိုင်းဆိုင်ရာအင်ဂျင်နီယာတို့ပါဝင်တာဆိုတော့ စာကြည့်တိုက်က ကွန်ပျူတာနဲ့ ပတ်သက်တဲ့ ဘာသာရပ်တွေကို ခွဲလိုက်ပြီး နောက်ဆုံး 13 ထပ်မှာ ထားထားမယ်လို့ ငါထင်တယ်။"
ကျန်းဖျင်စစ်က ခေါင်းညိတ်လိုက်သည်။ "အင်း။ ဒီစာကြည့်တိုက်ရဲ့ တည်ရှိမှုက ငါတို့ အရင်က အကြိမ်ပေါင်းများစွာ ဆွေးနွေးခဲ့ကြသလို ဒါက ကြီးမားတဲ့ ဉာဏ်ရည်မြင့်ကွန်ရက်တစ်ခုလိုပဲ၊ အဆောက်အဦးတစ်ခုလုံးကို နည်းပညာမြင့် AI နဲ့ စီမံခန့်ခွဲထားတယ်။ ကွန်ပျူတာ၊ AI တို့နဲ့ ပတ်သက်တဲ့ ဘာသာရပ်တွေကို နောက်ဆုံးမှာထားထားပြီး အခက်အခဲက စိတ်ကူးထားတာထက်ပိုမှာ သေချာတယ်။"
ယွဲ့ရှင်းဝမ်သည် ပြုံးပြီး သူ့လက်ကို ညင်သာစွာ ခါယမ်းရင်း ပြောလိုက်သည်။ "စိတ်မပူပါနဲ့၊ နည်းလမ်းရှိမှာပါ။ နောက်ဆုံးဌာနရဲ့ မေးခွန်းကို ငါတို့ နောက်မှပြောကြတာပေါ့။ နောက်လာမယ့် သမိုင်းဌာနသင်တန်းမှာ ငါတို့တွေ ထန်မင်းဆက်ကို ရောက်သွားမယ်ဆိုရင် ငါတို့ရဲ့အထောက်အထားက ဘာဖြစ်မယ်လို့ မင်းထင်လဲ။"
ကျန်းဖျင်စစ်က မေးလေသည်။ "မင်းရော ဘယ်လိုထင်လဲ။"
ယွဲ့ရှင်းဝမ်သည် ၎င်းကို သေသေချာချာ စဉ်းစားပြီး ပြောခဲ့သည်။ "ငါက အလုပ်လက်မဲ့ စာရေးဆရာ ဖြစ်ကောင်းဖြစ်နိုင်တယ်။ ဒါမှမဟုတ် စာကြည့်တိုက်က ငါ့ကို ဆရာတစ်ယောက် ဒါမှမဟုတ် တစ်ခုခုလုပ်ဖို့ စီစဉ်ပေးမှာလား။"
ကျန်းဖျင်စစ်သည် သူ့လက်ကို ဆုပ်ကိုင်ပြီး သူ့နှုတ်ခမ်းပေါ်တင်ကာ ညင်သာစွာ နမ်းလိုက်သည်။ "ဒါဆို ငါက မင်းရဲ့သက်တော်စောင့်လုပ်ပြီး မင်းကာကွယ်ပေးဖို့ မင်းဘေးမှာနေမယ်။"
ယွဲ့ရှင်းဝမ်၏ ပါးပြင်များသည် ပူနေသော်လည်း သူ့လက်ကို ပြန်မဆွဲမိပေ။
ကျန်းဖျင်စစ်သည် သူ့လက်ချောင်းများကို ဂရုတစိုက် နမ်းလိုက်ပြီး ယွဲ့ရှင်းဝမ်သည် အနမ်းကြောင့် နှလုံးခုန်မြန်လာသည်။ 183 သုတေသနအဖွဲ့သည် အမှန်တကယ် 'ထန်မင်းဆက်သို့ အိမ်မက်မက်ခြင်း' ဖြစ်ပြီး ရှေးခေတ်သို့ ပြန်ရောက်သွားပါက လူတိုင်း မည်သို့ဖြစ်လာမည်နည်းဟု ရုတ်တရက် သူတွေးခဲ့သည်။ ကျန်းဖျင်စစ်သည် ရှေးဝတ်စုံများဖြင့် အလွန်ချောမောရမည်။
ရှင်းဝမ်က အာရုံလွှင့်နေသည်ကို မြင်တော့ ကျန်းဖျင်စစ်သည် ယွဲ့ရှင်းဝမ်ကို သူ့ရင်ခွင်ထဲသို့ ဆွဲသွင်းလိုက်သည်။
သူသည် ယွဲ့ရှင်းဝမ်၏လက်ချောင်းများကို ဆုပ်ကိုင်ထားပြီး တစ်ဖက်လူ၏နှုတ်ခမ်းများကို နမ်းရန် ခေါင်းငုံ့လိုက်သည်။
ထိုအချိန်မှပင် ယွဲ့ရှင်းဝမ်သည် သူ့အာရုံများ ပြန်လည်ရောက်ရှိလာပြီး အနီရောင် အရိပ်အယောင်များဖြင့် သူ့နားရွက်များသည် လျင်မြန်စွာ နီရဲလာသော်လည်း တစ်ဖက်လူအား ရဲဝံ့စွာ တုံ့ပြန်ခဲ့သည်။ ရလဒ်အနေဖြင့် ကျန်းဖျင်စစ်သည် သူ့ကို ကုတင်ပေါ်တွင်ဖိထားကာ နာရီဝက်ကြာအောင် နမ်းခဲ့ပြီး သူ့တစ်ကိုယ်လုံး အားနည်းလာသောအခါမှ ရပ်တန့်ခဲ့သည်။
ဤညတွင် ယွဲ့ရှင်းဝမ်သည် အလွန်လှပသော အိပ်မက်တစ်ခုရှိခဲ့သည်။ သူနှင့် ကျန်းဖျင်စစ်တို့သည် တရားရုံးအတွင်း အငြင်းပွားမှုများနှင့် ဝေးကွာသော ရှေးခေတ်ကာလသို့ အတူတူရောက်ရှိခဲ့ကြသည်။ သူတို့နှစ်ဦးသည် တောင်များနှင့် သစ်တောများတွင် လွတ်လွတ်လပ်လပ် ပြေးလွှားခဲ့ကြပြီး မသေမျိုးစုံတွဲတစ်တွဲ ဖြစ်လာခဲ့သည်။
သူနိုးလာသောအခါ ယွဲ့ရှင်းဝမ်သည် သူ့ခေါင်းကို ပြင်းပြင်းထန်ထန် ပွတ်သပ်၍ သူ့စိတ်ထဲတွင် ညည်းညူနေသည်— စာကြည့်တိုက်က သူတို့ကို ရှေးခေတ်ဆီ ခရီးသွားခိုင်းပြီး သေချာပေါက် ဒီလောက်ကြင်နာတတ်မှာမဟုတ်ဘူး။
'ထန်မင်းဆက်သို့ အိမ်မက်မက်ခြင်း' စာမေးပွဲက ဘယ်လိုဖြစ်မည်နည်းဟု သူတို့ မကြာမီသိရတော့မည်ဖြစ်သည်။
TK Team
