Chapter 48

🥘Chapter 48

အမျိုးသမီးပရိသတ်က ရှက်ရွံ့စွာဖြင့် သူမ၏ Idol ရှေ့မှာ အမြန်ရပ်ပြီး ဖြေရှင်းလိုက်၏။

"အဲလိုမဟုတ်ဘူး...အခြေအနေက သူတို့ပြောသလို မဟုတ်ဘူး...လောင်ကုန်း...မဟုတ်ဘူး... မစ္စတာနင်က ငါ့ကို လက်မှတ်ပေးရုံပဲ..."

ရှောင်လုံနှင့် ရှောင်လုတို့က ထိုအမျိုးသမီးကို စိုက်ကြည့်ကြပြီး နှစ်ယောက်စလုံးက အော်လိုက်ကြ၏။

"လောင်ကုန်း..." 

"လောင်ကုန်း" ဆိုတာ မိခင်က ဖခင်ကို ရည်ညွှန်းတဲ့ အထူးအသုံးအနှုန်းဖြစ်တာကို သူတို့သိတယ်...

ရှောင်လုံနှင့် ရှောင်လုက မေးလိုက်၏။

"အစ်မ...ဒီလူက အစ်မရဲ့ ခင်ပွန်းလား"

သူတို့ပတ်ဝန်းကျင်က ကင်မရာများကို သတိထားမိပြီး အမျိုးသမီး ပရိသတ်က ခေါင်းခါပြလိုက်၏။ "လောင်ကုန်း" ဆိုသည်မှာ သူတို့၏ ပရိတ်သတ်များကြားထဲမှာ သူတို့ရဲ့ Idol အတွက် သူတို့၏ ချစ်ခင်နှစ်သက်ဖွယ် နာမည်ပြောင်တစ်ခုသာ ဖြစ်၏။ 

အမျိုးသမီးက လူတိုင်းရှေ့မှာ Idol ကို သူမရဲ့ ခင်ပွန်းအစစ်အမှန်လို့ သူမပြောရဲရင် တခြားဇနီးသည်များက သူမကို တစ်စစီ ဆွဲဖြဲကြလိမ့်မယ်...

ရှောင်လုံနှင့် ရှောင်လုတို့က အံ့သြသွားကြသည်။ 

သူ့ခင်ပွန်းမဟုတ်ရင် ဘာလို့ သူ့ကို ဒီလိုခေါ်ရတာလဲ...ဖြစ်နိုင်တာက... ဒီယောက်ျားက ဒီအစ်မရဲ့ မိသားစုကို ဖျက်ဆီးနေတာလား...

ထိုအချိန်တွင် ရှောင်လုံနှင့် ရှောင်လုတို့၏ နောက်ကွယ်မှ စကားသံတစ်ခုထွက်ပေါ်လာသည်။

"ငါတို့ဒုတိယဦးလေးကို အနိုင်ကျင့်မနေနဲ့..."

တစ်ပုံစံတည်းတူတဲ့ ကလေးနှစ်ယောက် ပြေးလာပြီး ရှောင်လုံ၊ ရှောင်လုနှင့် နင်းယွမ်ကြားမှာ ရပ်လိုက်သည်။

နင်းကျီက ပြော၏။

"မင်းတို့ ငါတို့ရဲ့ ဒုတိယဦးလေးကို အနိုင်ကျင့်ခွင့် မရှိဘူး..."

ရှောင်လုံက မေးလိုက်၏။

"သူက မင်းရဲ့ ဦးလေးလား...ငါတို့က သူ့ကို အနိုင်ကျင့်တာ မဟုတ်ဘူး...”

နင်းယီက နှုတ်ခမ်းစူပြီး ပြော၏။

"ငါတို့အားလုံး မြင်တယ်ကွ...မင်း ဒုတိယဦးလေးကို လက်ညှိုးထိုးပြပြီး အော်ငေါက်နေတာ... နောက်ပြီး မင်းတို့နှစ်ယောက်က တစ်ယောက်နဲ့တစ်ယောက် အုပ်စုဖွဲ့နေကြတာ ...မင်းသတ္တိရှိရင် ငါတို့နှစ်ယောက်ဆီ လာခဲ့..."

ရှောင်လုက ဂုဏ်ယူစွာဖြင့် သူမ၏ ဦးခေါင်းကို မော့လိုက်၏။

"ငါတို့ မင်းဆီ ဘာလို့လာရမှာလဲ...အဲဒီအစ်မကို လှည့်စားခဲ့တာ မင်းရဲ့ ဒုတိယဦးလေးပဲ..."

နင်းကျီက ပြန်ကာပြော၏။

"မင်း အဓိပ္ပါယ်မရှိတာတွေ ပြောနေတာပဲ...ငါ့ရဲ့ ဒုတိယဦးလေးက... ဘယ်သူ့ကိုမှ မလှည့် စားဘူး..."

ရှောင်လုက အတင်းအကျပ် ပြောလိုက်ပြန်သည်။

"ငါ အဓိပ္ပါယ်မရှိတာ မပြောဘူး...”

နင်းကျီက ပြန်ခံပြော၏။

 "ဟုတ်တယ်...မင်းပြောတာ...”

ဘေးနားရှိ နင်းယွမ်က ကူကယ်ရာမဲ့စွာ အားလုံးက ဟာသဖြစ်နေသလို ခံစားလိုက်ရသည်။

သူ့ပရိသတ်များအတွက် လက်မှတ်ရေးထိုးပေးတာကို အခု သူ့ကို လှည့်စားတယ်လို့ စွပ်စွဲနေကြတာလား...

အရွယ်ရောက်ပြီးသူ နှစ်ယောက်က ထိုသို့ပြောပါက သူတို့ကို အလွတ်ပေးမှာ မဟုတ်သော်လည်း ကံမကောင်းစွာဖြင့် သူတို့က ကလေးနှစ်ယောက်ပဲ ရှိသေး၏။ သူတို့နှင့် ငြင်းခုံခြင်းက သူ့ကို သိမ်ငယ်ပုံပေါက်စေသော်လည်း အခြေအနေကို လျစ်လျူရှုရခြင်းက သူ့ကို စိတ်ပျက်သွားစေခဲ့သည်။ ကံကောင်းထောက်မစွာ သူ့တူနှစ်ယောက်က သူ့အတွက် မတ်တပ်ထရပ်ပြီး အခြေ အနေကို ရဲရဲဝံ့ဝံ့ ရင်ဆိုင်ပေးခဲ့သည်။

တံခါးအပြင်ဘက်တွင် ရုန်းရင်းဆန်ခတ်ဖြစ်မှုက ကျယ်လောင်လွန်းသဖြင့် တုလင်လင် အမြန်ထွက်လာလေသည်။ သူထွက်သွားသည်နှင့် ရှောင်လုနှင့် အခြားကလေးတစ်ယောက်ကြား ငြင်းခုံသံကို သူကြားလိုက်ရသည်။ ထိုကလေးနှစ်ယောက်ပြောသည်ကို သူ မယုံနိုင်ဖြစ်သွား၏။ 

ဒီကမ္ဘာပေါ်မှာ သူတို့က ဘာများစွပ်စွဲနေကြတာလဲ...

"ရှောင်လု...ရှောင်လုံ...ပြန်လာခဲ့ကြတော့" 

တုလင်လင်က လှမ်းအော်လိုက်သည် 

ဒေါသမကုန်သေးသော ကလေးနှစ်ယောက်က နင်းကျီနှင့် နင်းယီတို့ကို အော်ဟစ်၍ တုလင်လင်၏ နံဘေးသို့ အမြန်ပြေးသွားကြလေသည်။ 

ယခုအချိန်တွင် တုလင်လင်က ဆံပင်အပြာရောင်ရှိသောလူကို နာမည်ကြီးကြယ်ပွင့် နင်းယွမ်အဖြစ် မှတ်မိသွား၏။ သူ့ဘေးနားရှိ ကလေးနှစ်ယောက်က သူ့တူများဖြစ်ရမည်။ ဘေးနားက မှတ်စုစာအုပ်ကိုင်ထားသော အမျိုးသမီးကို ကြည့်လိုက်ပြီး အရာအားလုံးကို နားလည်သွား၏။ ကြယ်ပွင့်ကြီးက ၎င်း၏ ပရိသတ်များအတွက် လက်မှတ်ရေးထိုးရုံမျှသာဖြစ်ပြီး ရှောင်လုနှင့်ရှောင်လုံက အခြားအရာ တစ်ခုဟု လွဲမှားစွာ ထင်မြင်နေခြင်းပင်။

ဒါ... ဒါက ဆိုးလွန်းတယ်..အဲဒီကလေးနှစ်ယောက်က သူတို့ကလေးသာမဟုတ်ရင် သူ အခြေအနေကို ဘယ်လိုကိုင်တွယ်ရမလဲဆိုတာ သိမှာမဟုတ်တော့ဘူး...

သို့သော် ကလေးနှစ်ယောက်နှင့် ပတ်သက်နေသောကြောင့် တုလင်လင်က သူ့ဘာသာသူ ဆုံးဖြတ်ချက် မချဝံ့ပေ။ ထို့ကြောင့် သူက နင်းယွမ်ကို ပြောလိုက်၏။

"မစ္စတာနင်း...ကလေးနှစ်ယောက်က နားမလည်ဘဲ ပြောလိုက်တာကို စိတ်ထဲမထားပါနဲ့ ...ကျွန်တော်တကယ် တောင်းပန်ပါတယ်..." 

နင်းယွမ်က ပြုံးပြုံးရွှင်ရွှင်ဖြင့် ကြီးကျယ်ခမ်းနားသော ဟန်ဆောင်ပြီး ပြောလိုက်၏။

"တကယ်တော့ သူတို့က ကလေးတွေပဲလေ...ငါက ကိုယ့်ပရိသတ်များအတွက် လက်မှတ်ရေး ထိုးခဲ့တာ... ဒါပေမယ့် ဒီကလေးနှစ်ယောက်က နားလည်မှုလွဲသွားလိမ့်မယ်လို့ ငါမျှော်လင့်မထားဘူး..."

သူ ထိုသို့ပြောနေချိန်တွင် တုလင်လင်ကို ကြည့်နေသောပုံပေါက်သော်လည်း လက်တွေ့တွင် ဖုန်းဖြင့် အသံသွင်းနေသောသူများကို အခုအခြေအနေက မရှင်းမလင်းဖြစ်နေကြောင်း အချက်ပြနေခြင်းဖြစ်၏။ ထိုဗီဒီယိုထွက်လာပါက အမှန်တရားကို ရှင်းပြရန်  ဘယ်လောက် ကြိုးစားရမည်ဆိုတာ သူမသိပေ။

တုလင်လင်က ရှက်ရွံ့စွာ ပြုံးလိုက်၏။

"ကျွန်တော်တောင်းပန်ပါတယ်...တောင်းပန်ပါတယ်..."

တုလင်လင်၏ နောက်မှ ရှောင်လုံက ရှေ့သို့ ထွက်၍ မေးလိုက်သည်။

"အဲ့ဒီအစ်မက ဦးလေးကို ဘာလို့ နံပါတ်ပေးတာလဲ..."

နင်းယွမ်က အဆင်မပြေဟု ခံစားလိုက်ရသည်။ ပရိသတ်များကို အခွင့်ကောင်းယူခြင်းက နာမည်ကြီးများအတွက် ဖြစ်ရိုးဖြစ်စဉ်တစ်ခုဖြစ်သော်လည်း ထိုအခြေအနေတွင် အဖမ်းခံရခြင်းက ဂုဏ်ယူစရာမဟုတ်ပေ။

နင်းယွမ်က ပြန်မဖြေခင်မှာဘဲ အမျိုးသမီး ပရိသတ်က ဖြေလိုက်၏။

"ဒါက ငါ့သဘောဆန္ဒအလျောက်ပေးတာပါ...နင်း... က ငါ့ရဲ့ Idol ပါ...ပြီးတော့ သူ့ကို ငါ့နံပါတ်ကို လိုလိုလားလား ပေးချင်တာပါ..."

ရှောင်လုံနှင့် ရှောင်လုတို့က လုံး၀နားမလည်ကြသေးသော်လည်း သူတို့ပတ်ဝန်းကျင်ရှိ လူများ၏ တုံ့ပြန်မှုများကြောင့် အမှားတစ်ခုခုလုပ်မိကြောင်း သိလိုက်ရသည်။ သူတို့က အထိတ်တလန့် ခံစားရပြီး သူတို့၏ ပထမဆုံး အသိကတော့ ထွက်ပြေးရန်ပင်။ သူတို့နောက်သို့ ခြေလှမ်းအနည်း ငယ် ဆုတ်လိုက်သော်လည်း ရှောင်လုံက ရှောင်လု၏ လက်ကို ဆုပ်ကိုင်လိုက်ပြီး ပြောလိုက်၏။

"တောင်းပန်ကြစို့..."

ထို့ကြောင့် နှစ်ယောက်သား တစ်ယောက်ကိုတစ်ယောက် အားပေးကာ တုလင်လင်၏ နောက်မှ ထွက်လာခဲ့သည်။ အရပ်ရှည်ပြီး ချောမောသော အမျိုးသားကို ကြည့်၍ ပြောလိုက်၏။

"ဦးလေး...ကျွန်တော်တို့ တောင်းပန်ပါတယ်...ဒါတွေက ကျွန်တော်တို့အပြစ်ပါ... နားလည်မှုလွဲ သွားလို့ပါ...ကျေးဇူးပြုပြီး ကျွန်တော်တို့ကို အပြစ်ပေးပါ..." 

နင်းယွမ်က တွေးလိုက်မိသည်။

ငါသာ မင်းတို့ကို အပြစ်ပေးနိုင်တယ်ဆို မင်းတို့ နည်းလမ်းကို ချက်ချင်းပြောင်းစေချင်တာ... ဒါပေမယ့် ငါအဲ့လို လုပ်လို့ရမလား...

နင်းယွမ်က ပေါ့ပါးသောအပြုံးဖြင့် ပြောလိုက်၏။

"ရပါတယ်လေ ကိစ္စမရှိပါဘူး...မင်းတို့က ငယ်သေးတယ်လေ..." 

ရှောင်လုံက အခြေအနေကို နားမလည်ဘဲ ပြောမိတဲ့အပေါ် အလွန်အမင်းအပြစ်ရှိသလို ခံစားရပြီး သူ့ကိုယ်သူက‌လေးဆိုးတစ်ယောက်ကဲ့သို့ ခံစားရနေလေသည်။...

သူစဉ်းစားပြီးနောက် သူက ရှောင်လုကို ဆွဲ၍ ဆိုင်အထဲသို့ ပြေးသွားလိုက်သည်။ 

မျက်မြင်တွေ့ရှိသူများက ပေါက်ကွဲစေနိုင်သောအကြောင်းအရာက အထင်အမြင်လွဲမှားမှုအဖြစ်သို့ ပြောင်းသွားပြီဖြစ်၍ ဖုန်းများကို ပိတ်လိုက်ကြ၏။ 

တုလင်လင်က ရှေ့သို့လှမ်း၍ ပြောလိုက်၏။

"လူကြီးမင်းတို့ရဲ့ ဖုန်းမှာ ရိုက်ထားတဲ့ ဗီဒီယိုများကို ဖျက်ပေးကြပါ...ဒါက မစ္စတာနင်းယွမ်ရဲ့ ဂုဏ်သတင်းနဲ့ သက်ဆိုင်နေလို့ပါ...ကျေးဇူးပြုပြီး ပူးပေါင်းဆောင်ရွက်ပေးပါ..."

ထိုအခိုက်အတန့်တွင် ပိုင်ရှန်းကျစ်က အခြေအနေကို စောင့်ကြည့်နေပြီး ကလေးနှစ်ယောက် လက်ထဲတွင် တစ်စုံတစ်ခုနှင့် ပြေးထွက်သွားသည်ကို မြင်လိုက်ရာ တစ်ခုခုလွဲနေပြီဟု ခံစားလိုက်ရသည်။ သူက ဆိုင်ဝင်ပေါက်သို့ ရောက်ရှိလာပြီးနောက် ဝူထုန်လမ်း၏ မြင်ကွင်းကိုသာ မြင်နိုင်လေသည်။ အပြင်ဘက်တွင် ဖြစ်ပျက်နေသည့် ကိစ္စရပ်များကို သူမသိလိုက်ချေ။ သူအဖြေရှာရန် ကြိုးစားပြီး ပြောလိုက်သည်။

“လင်လင်၊ လာ အထဲကို အရင်ဝင်လာဦး...”

တုလင်လင်က ဗီဒီယိုများကို ဖောက်သည်များ ဖျက်လိုက်ခြင်း ရှိ၊ မရှိ စစ်ဆေးရန် အလုပ်များ နေသဖြင့် သူဌေး၏ စကားကို သံသယမဝင်ဘဲ ဆိုင်ထဲသို့ အမြန်ဝင်လာလိုက်သည်။ 

"ဘော့စ်...ဘာဖြစ်လို့လဲ..."

သူ့ကို မြင်ပြီးနောက် ပိုင်ရှန်းကျစ်က သက်ပြင်းတစ်ချက်ချလိုက်၏။ 

"ဘာဖြစ်ခဲ့တာလဲ...ငါ့ကို ပြောပါဦး..."

တုလင်လင်က အခြေအနေကို ရှင်းပြနေချိန်တွင် ရှောင်လုံက ရှောင်လုကို နင်းယွမ်ထံ ခေါ်ဆောင်သွားပြီး သူ့စိတ်ကြိုက် နို့နှင့် အသားညှပ်ပေါင်မုန့်ကို ပေး၍ တောင်းပန်လိုက်လေသည်။

“ဦးလေး...တောင်းပန်ပါတယ်...ဒါက ဦးလေးအတွက် ငါ့အကြိုက်ဆုံး နို့နဲ့ အသားညှပ် ပေါင်မုန့်ပါ..."

နင်းယွမ် အနည်းငယ် ရွံရှာသွားသော်လည်း ပစ္စည်းများကို ယူ၍ သူ့တူနှစ်ယောက်ထံသို့ အပ်လိုက်ကာ ပေါ့ပေါ့ပါးပါးပြောလိုက်သည်။

“ကောင်းပါပြီ...ငါ ယူလိုက်ပါ့မယ်...” 

ရှောင်လုံနှင့် ရှောင်လုတို့က စိတ်သက်သာရာရသွားကြသည်။

နင်းကျီနှင့် နင်းယီတို့က လက်ထဲရှိ ထူးဆန်းသော အရာများကို ကြည့်ပြီး မည်ကဲ့သို့ စားရမည်ကို အံ့သြနေကြသည်။

သူတို့၏ ရှုပ်ယှက်ခတ်နေခြင်းကို မြင်ပြီး ရှောင်လုံနှင့် ရှောင်လုက သူတို့အတွက် ထုပ်ပိုးမှုကို အမြန်ဖွင့်လိုက်၏။ သူတို့ နှစ်ယောက်သားက အသားညှပ်ပေါင်မုန့်စားပြီး နို့ကို တစ်ငုံချင်း သောက်နေသည်ကို တွေ့လိုက်သောအခါ ကလေးနှစ်ယောက်က တံတွေးကို မျိုချရန်သာ တတ်နိုင်တော့၏။ တစ်နေ့လုံးအတွက် သူတို့အတွက် အသားညှပ်ပေါင်မုန့်တစ်လုံးနှင့် နို့ တစ်ဘူးသာ ရှိသည်။

သူ့အကြည့်များကို ရှောင်ရန် ကြိုးစားပြီး ရှောင်လုံက စိတ်လှုပ်ရှားစွာဖြင့် နင်းယွမ်ကို မေးလိုက်၏။

“ဦးလေး...ကျွန်တော်တို့ကို ခွင့်လွှတ်ပြီလား...”

နင်းယွမ်က ပြန်ပြောသည်။

“ဒါပေါ့...ခွင့်လွှတ်လိုက်ပြီလေ...”

သေချာတာပေါ့...မင်းတို့သာ ငါ့ရဲ့ ကျော်ကြားတဲ့ရှာဖွေမှုတွေကို မထိုးချတော့ဘူးဆို ငါ မင်းတို့ကို ခွင့်လွှတ်ပေးမယ်...

ထိုအချိန်တွင် ပိုင်ရှန်းကျစ်က ဇာတ်လမ်းတစ်ခုလုံးကို ကြားပြီးနောက် စကားမပြောဘဲနေနေလေသည်။ သူက တုလင်လင်ကို နင်းယွမ်နှင့် အမျိုးသမီး ပရိသတ်အား ဖိတ်ကြားရန် တောင်းဆိုခဲ့ပြီး ကိုယ်တိုင်ကိုယ်ကျ တောင်းပန်ခဲ့သည်။ လျော်ကြေးအဖြစ် အရသာရှိသော အစားအသောက် စားပွဲကို ခင်းကျင်းပေးခဲ့သည်။ 

သူတို့ မထွက်ခွာမီတွင် သူက နင်းယွမ်၏ တောင်းဆိုမှုကို ဖြည့်ဆည်းပေးပြီး ကလေးလေးဦး၏ အဖွဲ့ဓာတ်ပုံကို တရားဝင် အကောင့်တွင် တင်လိုက်သည်။ နောက်ကွယ်က ရည်ရွယ်ချက်ကို သူမသိသော်လည်း ဤသည်က သူ့အတွက် အန္တရာယ်ကင်းပုံပေါက်ခြင်းကြောင့် တောင်းဆိုထားသည့်အတိုင်း လုပ်ပေးခဲ့ခြင်းပင်။

...................................

သုံးထောင်စားတော်ဆက်မှ ထွက်ပြီး ဝိညာဉ်ကလန်သို့ ပြန်လာပြီးနောက် နင်းယွမ်က သူ၏ ဆက်သွယ်ရေးကိရိယာကို စိတ်အားထက်သန်စွာဖွင့်လိုက်လေသည်။ အမှန်မှာ သူ့ကို အွန်လိုင်းမှ ကဲ့ရဲ့ စွပ်စွဲမှုများက သုံးထောင်စားတော်ဆက်မှ  ကလေးများပြောခဲ့သည်ထက် ပို၍ ဆိုးရွား၏။ သို့သော် သူရရှိခဲ့သော တောင်းပန်မှုများကို သူတကယ်ဂရုမစိုက်ပေ။ သူသဘောကျသည့် တစ်ခုမှာ သုံးထောင်စားတော်ဆက်၏ အစားအသောက်များက တကယ်အရသာရှိပြီး သူ တစ်ချိန်ချိန်မှာ ပြန်သွားချင်၏။ 

ဒါပေါ့...သူ ဆက်ဆံရေးကို အရမ်းတင်းမာအောင် မလုပ်နိုင်ခဲ့ပါဘူးလေ...

ဒီခရီးစဉ်အတွက် သူ့ရဲ့ ရည်ရွယ်ချက်က အောင်မြင်ခဲ့တာပဲလေ...

အခြားသူများ၏ အကူအညီဖြင့် သုံးထောင်စားတော်ဆက်မှ ချစ်စရာကလေးများအကြောင်း သတင်းက လူအများသို့ ရောက်ရှိခဲ့သည်။ 

တကယ့်ချစ်စရာကောင်းတဲ့ ကလေးများက သူ့မိသားစုထဲမှ ဆိုတာကို လူတိုင်းသိစေချင်ရုံပင်...

သူ၏ ဆက်သွယ်ရေးစက်ကို စိတ်အားထက်သန်စွာ ဖွင့်ကြည့်လိုက်ရာ နင်းယွမ်က သုံးထောင်စားတော်ဆက်မှ ချစ်စရာကလေးငယ်များအကြောင်း သတင်းက နံပါတ်တစ်ဆယ် နေရာတွင် ရေပန်းစားနေမှန်း အမှန်ပင် သိလိုက်ရသည်။ သူ ဂုဏ်ယူစွာ ပြုံးပြသော်လည်း သူနောက်ထပ် ကြည့်လိုက်သောအခါ သူ့တစ်ကိုယ်လုံး တောင့်တင်းသွားသည်။

#နင်းယွမ်က သုံးထောင်စားတော်ဆက်တွင် ပေါ်လာပြီး အိမ်ထောင်သည် အမျိုးသမီးများကို သွေးဆောင်သည်ဟု သံသယရှိ#

သူတို့က ဗီဒီယိုအားလုံးကို မဖျက်ခဲ့ဘူးလား...ဒါက ဘယ်လို ပျံ့နှံ့နေသေးလဲ...

ခဏနေတော့ သူ့လက်ထောက်က ဖုန်းဆက်လာ၏။

"အကိုယွမ်...အွန်လိုင်းကို မြန်မြန်ကြည့်လိုက်ဦး...နောက်ဆုံးတော့ မင်း ပထမနေရာမှာ လူကြိုက်များနေပြီ..."

နောက်ဆုံးတွင် သူက ခေတ်စားနေသော စာရင်းရဲ့ ထိပ်ဆုံးသို့ ရောက်သွားသော်လည်း ဒီနည်းဖြင့် ရောက်တာတဲ့လား... 

အချိန်အာကသဖိုရမ်တွင် သုံးထောင်စားတော်ဆက်တွင် နင်းယွမ်နှင့် ပတ်သက်သော ဆွေးနွေးမှုများဖြင့် ပြည့်လျှံနေ၏။

"နင်းယွမ်က အိမ်ထောင်ရှင်အမျိုးသမီးများကို လှည့်စားနေတာလား..."

ဤခေါင်းစီးသည် အမှန်တကယ် စိတ်လှုပ်ရှားဖွယ်ကောင်းပြီး မရေမတွက်နိုင်သောလူများ ဆောင်းပါးကို နှိပ်လိုက်၏။ ဗီဒီယိုကိုကြည့်ပြီးနောက် အားလုံးက နားလည်မှုလွဲနေကြတာကို သိလိုက်ရ၏။ ဆံပင်အနက်ရောင်နှင့် မျက်လုံးအနက်ရောင်ရှိနေသည့် ကလေးငယ်လေးက အသံချဲ့စက်ဖြင့် သတိပေးနေသည့် မြင်ကွင်းနှင့် ဖန်သားပြင်ပေါ်တွင် ပြေပြစ်ပြီး မာနကြီးလေ့ ရှိသော နင်းယွမ်က အံ့သြသွားသည့်အမူအရာကို ပြသခြင်းက မရေမတွက်နိုင်သော အင်တာနက် အသုံးပြုသူများကို ရယ်မောစေခဲ့သည်။

["ဟားဟားဟားဟားဟား...ရယ်ရချက်ပဲ...နင်းယွမ်ကို ဒီလိုအမူအရာမျိုး တစ်ခါမှ မမြင်ဖူးပါဘူး၊ အလုပ်ကောင်းလုပ်တာပဲ...ကလေးလေး..."]

["ဟားဟား...ဒီနေ့ ငါ့ရဲ့ တစ်နှစ်တာ ရယ်မောမှုကို ကုန်ဆုံးသွားပြီ...ဖျော်ဖြေရေးနယ်ပယ်မှာ အစွမ်းကုန် စွမ်းဆောင်နိုင်တဲ့ နင်းယွမ်ဟာ ကလေးလေးတစ်ယောက်ပေါ် ရှုံးနိမ့်မှုကို ခံခဲ့ရတာတဲ့... ဟာဟား..."]

["ဒီကလေးက ဘယ်သူလဲ...သူက အံ့သြစရာပဲ...ငယ်ငယ်လေးနဲ့ ဆွဲဆောင်တာ ဘာလဲသိပြီး သူ့ အသံက သေးသေးလေးမှန်း သိတဲ့အတွက် အသံချဲ့စက်ကိုတောင်သုံးထားတာ...ဟားဟား၊ ဒီကလေးက အရမ်းပျော်ဖို့ကောင်းတာပဲ..."]

["ဟားဟား...ငါ့ခေါင်းက အရမ်းရယ်ရလို့ ပေါက်ကွဲတော့မယ်...ဒါက တစ်နှစ်တာရဲ့ အကြီးမားဆုံး ဟာသဖြစ်ကောင်းဖြစ်နိုင်တယ်..."]

["ဟား ဟား...ဒီဟာသက ငါ့ကို တစ်နှစ်ပတ်လုံး ရယ်နေစေလိမ့်မယ်...အားလုံး ဒီ “ဆွဲဆောင်မှုဂိတ်ကြီး” ကို ဆက်သွားကြစို့..."]

["ဟာဟားဟား...“ဆွဲဆောင်မှုဂိတ်ကြီး”...ဟားဟားဟား...အပေါ်က မှတ်ချက်က ငါ့ကို တွဲချုပ် လိုက်သလိုပဲ"]

အင်တာနက်ပေါ်ရှိ ရယ်မောသံများကြားတွင် တစ်စုံတစ်ယောက်က နင်းယွမ်အား အသံချဲ့စက်ကို အသုံးပြု၍ စွပ်စွဲနေပုံဖြင့် ရှောင်လုံ၏ ဗီဒီယိုဖိုင်ကို တည်းဖြတ်ပြီး GIF အဖြစ် ပြုလုပ်ကာ လျင်မြန်စွာ ပျံ့နှံ့သွားခဲ့သည်။ နာမည်ကြီးပြီးသား နင်းယွမ်က ပိုလို့တောင် လူသိများလာ၏။ 

"နင်က နင်းယွမ်ကို သိလား..." 

ထိုသို့ လမ်းပေါ်က တစ်ယောက်ယောက်ကို မေးပါက ပြန်ကြားချက်အများစုမှာ အသေအချာပင် ဤသို့ဖြစ်၏။

"အိုး...ငါသိတာပေါ့...သူက “ဆွဲဆောင်မှုဂိတ်ကြီး”မှာ ပါ၀င်တဲ့ နာမည်ကြီးဆယ်လီပဲ..."

လူအချို့က အထူးအင်တာဗျူးများကိုပင် ပြုလုပ်ခဲ့ကြ၏။ ၎င်းတို့ကို ကြည့်ပြီးနောက် နင်းယွမ် တွေးတောဆင်ခြင်မိသွားသည်။ အချိန်အတော်ကြာပြီးနောက် သူ သုံးသပ်မိလာသည်- 

ဒီအင်တာနက်အသုံးပြုသူ မျိုးဆက်က မကောင်းတော့ဘူး...သူတို့က တကယ်မဟုတ်ဘူး! သူတို့အကဲဖြတ်တာက အရမ်းညံ့တာပဲ...သူ့ရဲ့ တောက်ပနေတဲ့ အချက်တွေကို သူတို့ ဘယ်လိုမှ မမြင်နိုင်ကြတာလဲ...

နင်းယွမ်မှာ တောက်ပနေသော အချက်များ ရှိ၊ မရှိကို ပိုင်ရှန်းကျစ်က မသိပေ။ သို့သော် သူ့သား ရှောင်လုံက အရမ်းနာမည်ကြီးလာသည်ဆိုတာ သူသိ၏။ ထို့အပြင် အလွန်ဆွဲဆောင်မှုရှိသော ပုံစံဖြင့် ရေပန်းစားလာခဲ့သည်။ အကယ်၍ ဗီဒီယိုထဲက ရှောင်လုံက စနောက်တတ်သော ကလေးတစ်ယောက်ဖြစ်ခဲ့မည်ဆိုပါက အဆင်ပြေသွားမည်။

ဒါပေမယ့် သူက ကျိုးကြောင်းဆင်ခြင်စွာနဲ့ ပြောခဲ့ပြီး အဆုံးတွင် သူရဲ့ အမှားကိုပင် နားလည်ခဲ့တဲ့အပြင် ဦးညွှတ်တောင်းပန်ပြီး နောက်ဆုံး၌ သူနှစ်သက်တဲ့ မုန့်များကို ‌ပေးကမ်းခဲ့သည်...

ဒီလို အကျင့်စာရိတ္တကောင်းတဲ့ ကလေးလေးအပေါ် အင်တာနက်သုံးစွဲသူများက ဘယ်လိုမှ မရုန်းထွက်နိုင်ကြပေ...

သူက ရိုးရိုးရှင်းရှင်းလေးနဲ့ ချစ်စရာကောင်းလွန်းတယ်လေ...

သူက အမှားလုပ်မိသော်လည်း ဝန်ခံရာ၌ သူ့၏ သဘောထားက ကောင်းမွန်ပြီး သူ့၏ ရည်ရွယ်ချက်က အမျိုးသမီး ပရိသတ်ကို ကာကွယ်ရန် ဖြစ်၏။ 

မားမားဖန်အဖွဲ့ကြီးက အွန်လိုင်းပေါ်တွင် ထွက်ပေါ်လာပြီး “ရှောင်လုံ” ဟု ဝမ်းမြောက်ဝမ်းသာ အော်ဟစ်နေကြလေသည်...

ဒီအရာမှာ အဆုံးသတ်မဟုတ်ပေ...ပိုင်ရှန်းကျစ်က စကားမပြောနိုင်ဖြစ်စေတာကတော့ သူ့သားလေးဟာ “ချစ်သူကောင်မလေးဖန်များ” ရလာတယ်ဆိုတာပဲ...ယုံနိုင်မလား...လုံလေးက အခုမှ ငါးနှစ်ပဲ ရှိသေးတာလေ...သူဘယ်လို ချစ်သူကောင်မလေး ရနိုင်မလဲ...သူက အခုထိ နေ့တိုင်း နွားနို့ သောက်နေသေးတာ...

အွန်လိုင်းတွင် အမျိုးသမီးအုပ်စုကြီးတစ်စုက သူ၏ ငါးနှစ်အရွယ်သားလေးကို ''အမျိုးသား ငယ်လေး'' ဟုခေါ်ဆိုကြပြီး ရှောင်လုံ၏ လုပ်ရပ်များကို အတုယူ၍ ၎င်းတို့ထံ ချဉ်းကပ်လာသူ တစ်ဦးအား လျစ်လျူရှုထားပြီး ၎င်းတို့၏ ချစ်သူ သို့မဟုတ် ခင်ပွန်းများ၏ ပုံများကိုပင် လွှင့်တင်ခဲ့သည်။ 

ရှောင်လုံက မရေမတွက်နိုင်သော အမျိုးသမီးများနဲ့အတူ အွန်လိုင်းမော်ဒယ်ချစ်သူ ဖြစ်လာခဲ့ပြီး ရှောင်လုံရဲ့ "ရည်းစားပါဝါ" က နေရာပင် မရှိတော့ဘဲ အားလုံးက သူ့လို ရည်းစားကို ရှာနေကြလေသည်..

ပိုင်ရှန်းကျစ် “.....”

လူတစ်ယောက်ကို မောင်းထုတ်တာက သာမန်အရာမဟုတ်ဘူးလား... အသံချဲ့စက်သုံးပြီး အော်လိုက်တာက သူ့ကို စံပြချစ်သူဖြစ်အောင် လုပ်လိုက်သလိုပဲ...မိန်းမများရဲ့ စိတ်က တကယ်နားလည်ရခက်တာပဲ...

အဆုံးမှာတော့ ထိုအဖြစ်အပျက်က နင်းယွမ်ကို သိပ်ဒုက္ခမပေးခဲ့သော်လည်း ရှောင်လုံနဲ့ ရှောင်လုက အမှားလုပ်မိလိုက်ခြင်းပင်။ ပိုင်ရှန်းကျစ်က ၎င်းတို့တစ်ဦးစီအား ပြစ်ဒဏ်အဖြစ် စာအုပ်တစ်အုပ်မှ ဇာတ်ကောင်ကြီးငါးကောင်ကို ကော်ပီကူးယူခိုင်းခြင်းကို ၎င်းတို့နှစ်ဦးအား လုပ်ဆောင်စေပြီး က‌လေးငယ်နှစ်ဦးကလည်း ညှိနှိုင်းမှုမပြုဘဲ သဘောထားကြီးစွာဖြင့် လက်ခံခဲ့သည်။

အပေါ်ထပ်သို့ ကလေးနှစ်ယောက် တက်သွားသည်ကို ကြည့်ရင်း ပိုင်ရှန်းကျစ်က နောက်ပြဿနာ တစ်ခုကို ရိပ်မိသွား၏။ သူ ဟွားကော်တွင် ရှိနေစဉ် ရှောင်လုံနှင့် ရှောင်လုတို့က ကမ္ဘာသုံးထောင်တွင်ဖြစ်၏။ ယခု ဖြစ်ပျက်ခဲ့သလို သူတို့ဆိုင်၏ အဝင်ဝမှာ ပြဿနာဖြစ်သော်လည်း သူက ပြဿနာတိုင်းကို ကူညီဖြေရှင်းပေးရန် နေနေသာသာ သူတို့ ဘာဖြစ်သွားမှန်း မသိလိုက် ချေ။ 

အနာဂတ်တွင်  ကမ္ဘာသုံးထောင်မှာ သူတို့တစ်ခုခု တွေ့ကြုံရပါက သူတို့ "အဖေ" ပေါ်လာရန် လိုအပ်မည်ဆိုရင်....သူဘယ်လိုလုပ်မလဲ။ သူတို့ကို ဘယ်လိုကာကွယ်နိုင်မလဲ...

မူလက ပိုင်ရှန်းကျစ်သည် ကမ္ဘာသုံးထောင်ကို မသွားနိုင်သည့်အတွက်  ပြဿနာမရှိဘူးဟု ထင်ခဲ့သော်လည်း ယခု ထိုကိစ္စကို အရေးတကြီး ဖြေရှင်းရန် လိုအပ်နေပေပြီ။ 

သူ ကမ္ဘာသုံးထောင်ကို သွားရမှဖြစ်မယ်...

🥘