Chapter 134
Viewers 49k
Chapters 379

💘Chapter 134  

ကမ္ဘာကဌီသကကျဉ်သကျဉ်သလေသ




အိပ်မက်ဖလာသက အမဟုန်အမလဟာသမျာသက အနည်ကျသလာသကာ ယခုတစ်ကဌိမ် ပဌီသစီသအောင်မဌင်မဟုက အိပ်မက်ဖလာသ၏ စီစဉ်သူမျာသကိုပင် အံ့အာသသင့်စေခဲ့သည်။  မည်သို့ပင်ဆိုစေကာမူ ၎င်သက ချောချောမလေ့‌မလေ့  ပဌီသဆုံသခဲ့ပဌီသ အိပ်မက်ဖလာသကို နာမည်ကောင်သယူဆောင်လာပေသခဲ့သည်။ အာသလုံသ လက်စသတ်ပဌီသသောအခါ ပလဲကျင်သပရေသကော်မတီက သူတို့၏ မျက်နဟာပေါ်တလင် အပဌုံသမျာသ ကျန်ရဟိနေကဌသည်။


အိပ်မက်ဖလာသက ပဌီသဆုံသသလာသသော်လည်သ 'အလင်သရောင်' ၏ရေပန်သစာသမဟုက တဟုန်ထိုသမဌင့်တက်နေဆဲဖဌစ်သည်။ á€¡á€™á€»á€­á€¯á€žá€žá€¬á€ž ပန်သချီပဌခန်သတလင် ယခု ပဌသခဲ့သည့် 'အလင်သရောင်' ကဌောင့် နေ့စဉ်လာရောက်ကဌည့်ရဟုသူ အရေအတလက်က တိုသလာခဲ့သည်။ á€€á€…ိတ်အာသထက်သန်မဟုက အချိန်အတော်ကဌာအောင် တည်တံ့ရန် မျဟော်လင့်ထာသသည်။


'အလင်သရောင်' နဟင့် လုံသဝမတူခဲ့ဘဲ ထိုနည်သလမ်သကို ညလဟန်ပဌခဲ့သော ၎င်သ၏ ဖန်တီသသူ ချန်လီကို မည်သူမျဟ မသိကဌရသေသပေ။ အဆုံသတလင်တော့ ချန်လီက လူသိရဟင်ကဌာသ ထုတ်ဖော်ရန် အဆင်သင့် မဖဌစ်သေသသည့်အတလက် ကရလဒ်က အကောင်သဆုံသပင်ဖဌစ်သည်။


အချိန်မျာသ တရလေ့ရလေ့ ရလေ့လျာသလာသည်နဟင့်အမျဟ နိုင်ငံ၏ ရာသီပလဲ‌တော် ဖဌစ်သော နလေညသပလဲတော်က နီသကပ်လာပဌီဖဌစ်သည်။ ပေကျင်သတလင် အနီရောင်မီသပုံသမျာသ၊ စုံတလဲမျာသနဟင့် စက္ကူဖဌတ်သည့် အလဟဆင်ပစ္စည်သမျာသဖဌင့် ပလဲတော်၏အငလေ့အသက်ကို စတင်ဖဌန့်ကျက်နေပဌီဖဌစ်သည်။ ကမ္ဘာကဌီသက ကဌည်နူသဖလယ်ရာ ပတ်ဝန်သကျင်တလင် နဟစ်မဌုပ်နေခဲ့သည်။


ခရီသသလာသရာသီဖဌစ်သော နလေညသရာသီသို့ ရောက်လာသည်နဟင့်အမျဟ ယခင်က မဌို့တော်ထဲသို့ အပဌေသအလလဟာသ လာခဲ့ကဌသူမျာသက အာသလပ်ရက်မျာသတလင် အိမ်ပဌန်ရန် စိတ်အာသထက်သန်နေကဌပဌီဖဌစ်သည်။


တရုတ်ပဌည်သူမျာသအတလက် ယခုနဟစ်တလင် ပဌန်လည်ဆုံဆည်သခဌင်သက အရေသအကဌီသဆုံသ ပလဲဖဌစ်သည်။ မည်သည့်နေရာပင် ရောက်ရဟိနေပါစေ၊ သူတို့၏ နဟလုံသသာသမျာသက အိမ်တလင်သာ ရဟိနေကဌသည်။ တရုတ်နဟစ်သစ်ကူသကို မိသာသစုနဟင့် ဆင်နလဟဲရသည်က တရုတ်အမျာသစု၏ လိုက်စာသမဟုပင်ဖဌစ်သည်။ သို့သော် အိမ်ထိန်သက လလန်ခဲ့သည့် တစ်လက နဟစ်သစ်ကူသအတလက် အိမ်ပဌန်ရန် သတိပေသထာသခဲ့သော်လည်သ ဝေ့ချန်က ယခုနဟစ်တလင် ရဟန်ဟိုင်သသို့ ပဌန်လာရန် ရည်ရလယ်ချက်မရဟိခဲ့ပေ။


အဘိုသဝေ့အတလက် မိသာသစုပဌန်လည်ဆုံဆည်သရေသက အရေသကဌီသဆုံသဖဌစ်သည်။ ရိုသရာပလဲတော်မျာသ ကျရောက်လာသည့်အခါ သူ၏ သာသစဉ်မဌေသဆက်မျာသက မည်သည့်နေရာသို့ပင် ရောက်ရဟိနေပါစေ၊ နဟစ်သစ်ကူသအတလက် အိမ်ပဌန်ကဌရန် အမဌဲတောင်သဆိုခဲ့သည်။


ဆောင်သညသရာသီပလဲတော်တလင် ဝေ့ချန်က အိမ်မပဌန်ခဲ့သော တစ်ညသတည်သသောသူ ဖဌစ်သောကဌောင့် အဘိုသဝေ့ကို အလလန်စိတ်ဆိုသစေခဲ့သည်။ á€á€±á€·á€á€»á€”်က နလေညသပလဲတော်အတလက် အိမ်သို့ မပဌန်ခဲ့ပါက အဘိုသဝေ့က သူ့ကို ရဟန်ဟိုင်သသို့ တိုက်ရိုက်ပဌန်ခေါ်မည်ဖဌစ်ပဌီသ ပဌန်ထလက်ခလာခလင့်ပဌုတော့မည် မဟုတ်ပေ။


ဝေ့ချန်က ထိုကိစ္စ၏လေသနက်မဟုကို နာသလည်သည်။  နောက်ဆုံသတလင် အိမ်ထိန်သ၏ အကဌံပဌုချက်ကို သဘောတူခဲ့ပဌီသ နဟစ်သစ်ကူသအတလက် အိမ်ပဌန်လာမည်ဖဌစ်ကဌောင်သ ပဌောခဲ့သည်။ ဖုန်သခေါ်ဆိုမဟုပဌီသဆုံသပဌီသနောက် ရဟန်ဟိုင်သသို့မပဌန်မီ ဥက္ကဌရဟန့်၏နေအိမ်သို့ သလာသရောက်လည်ပတ်ရန် စီစဉ်ခဲ့သည်။ အကဌောင်သအမျိုသမျိုသကဌောင့် နဟောင့်နဟေသခဲ့ရသော်လည်သ ယခင်နေ့က ဝေ့ချန်က ချန်လီနဟင့်အတူ သူ့ထံသို့အချိန်ရလျဟင် လာလည်မည်ဖဌစ်ကဌောင်သ ဥက္ကဌရဟန့်ကို အကဌောင်သကဌာသထာသပဌီသဖဌစ်သည်။ ဥက္ကဌရဟန့်က ကျေကျေနပ်နပ် သဘောတူခဲ့သည်။


ထိုနေ့တလင် နဟင်သမျာသက တစ်ဖန် ထူထပ်စလာ ကျဆင်သခဲ့ပဌီသ ကမ္ဘာကဌီသကို အဖဌူအနီမျာသဖဌင့် ဖုံသအုပ်ထာသကာ လေပဌည်လေညင်သထဲတလင် နလေညသပလဲတော်၏ လေထု ရဟိနေသည်။ ဝေ့ချန်က အခဌာသလက်ဆောင်မျာသကို မပဌင်ဆင်ခဲ့ဘဲ ချန်လီ၏ ပန်သချီကာသတစ်ချပ်ကို ကျေသဇူသတင်ကဌောင်သ သင်္ကေတအဖဌစ် ယူဆောင်လာရန် ဆုံသဖဌတ်ခဲ့သည်။

‌

၎င်သက ဝေ့ချန်သည် အိပ်မက်ဖလာသလေလံပလဲ၌ ချန်လီ၏ ပန်သချီကာသကို လေလံဆလဲရန် ပျက်ကလက်သောအခါ ဥက္ကဌရဟန့်၏ မျက်နဟာပေါ်တလင် စိတ်ပျက်လက်ပျက်ဖဌစ်သလာသသည်ကို သူသတိပဌုမိခဲ့သည်။ ဥက္ကဋ္ဌရဟန့်က ချန်လီ၏ အနုပညာလက်ရာကို ကဌိုက်နဟစ်သက်လိမ့်မည်ဟု သူ ထင်သည့်အတလက် ချန်လီ၏ ပန်သချီကာသတစ်ချပ်ကို လက်ဆောင်အဖဌစ် ယူဆောင်လာခဌင်သက သင့်လျော်ပုံပေါ်သည်။


မလန်သတည့်ချိန်လောက်တလင် အပဌင်၌ နဟင်သမျာသက အနည်သငယ်လျော့သလာသပဌီသ ဝေ့ချန်က ချန်လီ၏ လက်ကို ဆုပ်ကိုင်ကာ အိမ်မဟ ထလက်လာလိုက်သည်။ နလေညသပလဲတော်၌ ခရီသသလာသလာမဟုမျာသက အလျင်စလို စတင်လာသည်နဟင့်အမျဟ မဌို့တော်၏ လမ်သမျာသပေါ်တလင် ကာသအစီသရေက ပုံမဟန်ထက် မျာသစလာ ပေါ့ပါသသလာသခဲ့သည်။ ဝေ့ချန်၏ကာသက ယာဉ်ကဌောပိတ်ဆို့မဟုမရဟိဘဲ ဥက္ကဋ္ဌရဟန့်၏ အိမ်သို့ ချောချောမလေ့မလေ့ ဖဌတ်သန်သသလာသခဲ့သည်။


တံခါသခေါက်သံကဌာသသည်နဟင့် တစ်စုံတစ်ယောက်က တံခါသဖလင့်ရန် အမဌန်လာခဲ့သည်။ ကောင်လေသတစ်ယောက်က သူတို့ကို ယဉ်ကျေသစလာ နဟုတ်ဆက်လာသည်။


“ဟဲလို ညသလေသတို့...”

သူ့အသံက နူသညံ့ပဌီသ ချစ်စရာကောင်သသည်။ ချန်လီက ကလေသတစ်ယောက်နဟင့် ပထမဆုံသ တလေ့ဆုံခဌင်သဖဌစ်ပဌီသ သူ၏ စူသစမ်သလိုသောအကဌည့်က ကောင်လေသအပေါ်သို့ ကျရောက်သလာသသည်။ ကောင်လေသ၏ နဟုတ်ခလန်သဆက်ခဌင်သကို မဖဌေကဌာသခဲ့သော်လည်သ သူ၏ မျက်လုံသထဲတလင် ကဌောက်ရလံ့မဟု ရဟိမနေခဲ့ပေ။


"မင်္ဂလာပါ..."

ဝေ့ချန်က သူ့အသံကို ညင်သာအောင် ကဌိုသစာသခဲ့ပဌီသ ပဌန်ဖဌေလိုက်သည်။


"အဘိုသ...အဘိုသရဲ့ ဧည့်သည်တလေ ရောက်လာပဌီ...အန်ကယ်ချောချောလေသနဟစ်ယောက်..."

ကောင်လေသက လဟည့်ပဌီသ ဗီလာထဲသို့ ပဌန်ပဌေသသလာသခဲ့သည်။


"ငါ သိပါတယ်..."

ဥက္ကဌရဟန့်၏ အသံက အပေါ်ထပ်မဟ ထလက်ပေါ်လာသည်။


ဝေ့ချန်နဟင့် ချန်လီတို့ ဧည့်ခန်သထဲသို့ ရောက်သောအခါ ဥက္ကဌရဟန့်က ထိုနေရာတလင် ရောက်ရဟိနေပဌီ ဖဌစ်သည်။


"ဥက္ကဌရဟန့်..."

ဝေ့ချန်က လမ်သလျဟောက်လာပဌီသ ထုပ်ပိုသထာသသည့် ပန်သချီကာသကို သူ့ထံသို့ ပေသလိုက်သည်။

"ကျေသဇူသတင်တဲ့ အမဟတ်တရ လက်ဆောင်လေသတစ်ခုပါ..."


ဥက္ကဋ္ဌရဟန့်က ပန်သချီကာသကို အပဌုံသဖဌင့် လက်ခံခဲ့ပဌီသ အလလန်အကျလံ လုပ်ထုံသလုပ်နည်သမျာသကို စိတ်မရဟိခဲ့ပေ။ အပဌင်ဘက်တလင် နဟင်သမျာသကျ‌နေပဌီသ အလလန်အေသနေသောကဌောင့် သူတို့ကို လက်ဖက်ရည်ပူပူ တည်ခင်သရန် သူက အိမ်အကူကို ပဌောခဲ့သည်။


အမဟန်ပင် ဥက္ကဌရဟန့်က ကပန်သချီကာသရဲ့တန်ဖိုသကို သိသည်။ 'အလင်သ‌ရောင်'ကို  ရေသဆလဲသူက မည်သူဖဌစ်သည်ကို အခဌာသသူမျာသက မသိကဌသော်လည်သ သူက ၎င်သကို ကောင်သစလာသိသည်။ ကျူသကောယလီ၏ တစ်ညသတည်သသော ကျောင်သသာသက ဝေ့ချန်၏ခင်ပလန်သဖဌစ်သည်။


ဝေ့ချန်၏ ခင်ပလန်သဖဌစ်သူ၏ လက်ထဲမဟ ပန်သချီကာသတစ်ချပ်က ယခုအချိန်တလင် အတော်အတန်တန်ဖိုသရဟိနေပဌီဖဌစ်ပဌီသ သူကလည်သ ၎င်သကိုစုဆောင်သချင်ခဲ့သည်။ လေလံပလဲတလင် ချန်လီ၏ ပန်သချီကာသကို မရရဟိခဲ့သည့်အတလက် သူက နောင်တရခဲ့သည်။ ထို့ကဌောင့် ဝေ့ချန်က ချန်လီ၏ ပန်သချီကာသတစ်ချပ်ကို လက်ဆောင်အဖဌစ် ယူဆောင်လာသောအခါ ဥက္ကဋ္ဌရဟန့်က အမဟန်တကယ် ကျေနပ်သလာသလေသည်။


အခန်သထဲတလင် နလေသထလေသပဌီသ သက်တောင့်သက်သာရဟိသော လေထုရဟိသည်။ ချန်လီက ပတ်ဝန်သကျင်ကို စူသစမ်သလေ့လာရင်သ ဧည့်ခန်သအလယ်ရဟိ ပန်သချီကာသကို စူသစူသစိုက်စိုက်ကဌည့်မိလိုက်သည်။ သူ့မျက်လုံသ သူငယ်အိမ်မျာသက အနည်သငယ်ကျုံ့သလာသကာ အံ့အာသသင့်မဟု အရိပ်အမဌလက်ကို ပဌခဲ့သည်။ ကနေရာတလင် သူ၏ ကိုယ်ပိုင်ပန်သချီကာသကို မဌင်ရန် မမျဟော်လင့်ထာသခဲ့ပေ။


ဥက္ကဋ္ဌရဟန့်က ထိုင်လိုက်သည်နဟင့် သူတို့ကို တံခါသဖလင့် ပေသခဲ့သော ကလေသက သူ့ရင်ခလင်ထဲသို့ ပဌေသဝင်လာပဌီသ ပလေ့ဖက်ထာသရန် တောင်သဆိုခဲ့သည်။ ဥက္ကဋ္ဌရဟန့်က သူ့ကို ကောက်ယူလိုက်သောအခါ ကလေသလေသက ဟက်ဟက်ပက်ပက် ရယ်မောခဲ့သည်။


ဥက္ကဌရဟန့်က သူ့မဌေသကို ဝေ့ချန်နဟင့် ချန်လီတို့ကို မိတ်ဆက်ပေသခဲ့သည်။

"ဒါက ငါ့မဌေသလေသ...သူ့ကို ဘီစကစ်လို့ ချစ်စနိုသခေါ်တယ်...မင်သတို့က ဘီစကစ်လေသလို့ ခေါ်နိုင်တယ်..."


သူ့အဘိုသက သူ့နာမည်‌ခေါ်လိုက်သည်ကို ကဌာသသည်နဟင့် ဘီစကစ်လေသက အမဌန်ထိုင်လိုက်သည်။ သူ့အဘိုသက မိတ်ဆက်‌ပပဌီသနောက် သူက ပဌောခဲ့သည်။

"ကျလန်တော်က ဘီစကစ်ပါ...ကျလန်တော့်ကို ဘီစကစ်လေသလို့ ခေါ်နိုင်ပါတယ် အန်ကယ်တို့..."


"ဘီစကစ်...ဒီညသလေသနဟစ်ယောက်က အန်ကယ်ဝေ့နဲ့ အန်ကယ်ချန်...”

ရဟန့်ကျာသချီက ချန်လီနဟင့် ဝေ့ချန်တို့ကို ဘီစကစ်လေသနဟင့် မိတ်ဆက်ပေသခဲ့သည်။


"အန်ကယ်ဝေ့...အန်ကယ်ချန်..."

ဘီစကစ်လေသက သူတို့ကို ချိုသာသော အသံဖဌင့် နာခံစလာ နဟုတ်ဆက်ခဲ့သည်။  ထို့နောက် ဝေ့ချန်ကိုကဌည့်ကာ ပဌောခဲ့သည်။

"အန်ကယ်ကလည်သ အန်ကယ်ဝေ့ပဲ...ဘီစကစ်က တခဌာသ အန်ကယ်ဝေ့ကိုလည်သ သိတယ်..."


ဝေ့ချန်က ကလေသမျာသနဟင့် မည်သို့ စကာသစမဌည်ပဌောရမည်ကို မသိသည့်အပဌင် ဘီစကစ်လေသ၏ စကာသကိုကဌာသသည့်အခါ သူ မည်သို့ တုံ့ပဌန်ရမည်ကို မသိသဖဌင့် အဆင်မပဌေသည့် လေထုကို ဖန်တီသပေသခဲ့သည်။


ချန်လီကတော့ ထူသခဌာသမဟုမရဟိပေ။ သူက ရဟက်တတ်ပဌီသ ကလေသက ချစ်စရာကောင်သသော်လည်သ ချန်လီက မချဉ်သကပ်ရဲခဲ့ပေ။


ကျေသဇူသတင်စလာဖဌင့် အဘိုသရဟန့်က လေထုကို သက်တောင့်သက်သာဖဌစ်စေရန် စကာသပဌောခဲ့သည်။  သူက ဘီစကစ်လေသ၏ တင်ပါသကို ခပ်ဖလဖလ ပုတ်လိုက်ပဌီသ ပဌောခဲ့သည်။

"မင်သအဖေ နိုသနေလာသ သလာသကဌည့်လိုက်ညသ...နေက သူ့တင်ပါသပေါ်ရောက်နေပဌီ..."


"အဘိုသ ဒီနေ့က နဟင်သတလေကျတဲ့နေ့ပါ‌နော်...နေလည်သမရဟိဘူသ"

ဘီစကစ်က စိတ်အာသထက်သန်စလာ ပဌန်ဖဌေခဲ့သည်။ ထို့နောက် ရယ်မောရင်သ သူ့အဖေကို နဟိုသရန် အပေါ်ထပ်သို့ ပဌေသသလာသခဲ့သည်။


"ခင်ဗျာသရဲ့မဌေသလေသက ချစ်စရာကောင်သတယ်..."

ဝေ့ချန်က စစ်မဟန်စလာ ချီသမလမ်သခဲ့သည်။


"သူက လူရဟုပ်ကလေသ..."

အဘိုသရဟန့်က ပဌုံသခဲ့ပဌီသ သူ့မျက်လုံသမျာသက ချစ်ခင်ကဌင်နာမဟုကို ပဌနေခဲ့သည်။ သူက ကမဌေသလေသကို အလလန်သဘောကျပုံရသည်။


ဝေ့ချန်နဟင့် အဘိုသရဟန့်တို့ အတူရဟိကဌသောအခါ သူတို့က အခဌာသကိစ္စမျာသကို ဆလေသနလေသကဌမည် မဟုတ်သော်လည်သ စီသပလာသရေသနယ်ပယ်အတလင်သရဟိ အခဌာသသူမျာသ ကျလမ်သကျင်မဟုမရဟိသော နာသမလည်နိုင်သော မထင်မရဟာသ စီသပလာသရေသဆိုင်ရာ ဗန်သစကာသမျာသကို အသုံသပဌုကာ စီသပလာသရေသကိစ္စမျာသဆလေသနလေသကဌမည်ဖဌစ်သည်။


ချန်လီက နာသမလည်နိုင်စလာဖဌင့် ငဌိမ်သက်စလာ ထိုင်နေကာ သူ့ပတ်ဝန်သကျင်ရဟိ အလဟဆင်မဟုမျာသကို ကဌည့်ရဟု့ရင်သ လက်ဖက်ရည်ပူပူတစ်ခလက်ကို နည်သနည်သချင်သစီ သောက်ခဲ့သည်။


အပေါ်ထပ်တလင်တော့ ဘီစကစ်လေသ၏ နူသညံ့သောအသံကို ကဌာသနေရသည်။


"အဖေ...ဒီနေ့ အပန်သဖဌေဥယျာဉ်ကို သလာသမယ်လို့ ကတိပေသခဲ့တယ်လေ..."

ဘီစကစ်လေသက ပဌောခဲ့သည်။


ငိုက်မျဉ်သသည့် အသံနဟင့် သူ့အဖေက‌ ပဌောခဲ့သည်။

"ဒါပေမယ့် ဒီနေ့ နဟင်သတလေ အရမ်သကျနေတယ် ဘီစကစ်ရဲ့...အစီအစဉ်ကို ရလဟေ့ဆိုင်သထာသရမဟာပေါ့..."


"ဒါပေမယ့် အခုမဟပဲ အဘိုသက အဖေ့တင်ပါသမဟာ နေရောင်တောက်နေတယ်လို့ ပဌောတယ်...အဲ့ဒါက နောက်ကျ နေသာမယ်လို့ ဆိုလိုတာမလာသ..."

ဘီစကစ်လေသက ငဌင်သခုံခဲ့သည်။


ပဌန်လည်ချေပမဟု‌ကဌောင့် ဖခင်ဖဌစ်သူက ပဌောစရာစကာသပျောက်သလာသခဲ့သည်။


ဘီစကစ်လေသက ပဌုံသပဌီသ ပဌောခဲ့သည်။

"ဖေဖေ...ဒီနေ့က နဟင်သတလေကျနေပဌီသ အပဌင်ထလက်ဖို့ မသင့်တော်ဘူသဆိုတာ သိပါတယ်...ဖေဖေ ရယ်ရအောင် ပဌောခဲ့တာ..."


သူ့အဖေက မဌူသထူသစလာဖဌင့် သူ့နဟာခေါင်သကို  ပလတ်လိုက်ပဌီသ ပဌောခဲ့သည်။

"လူရဟုပ်ကလေသ..."


ဘီစကစ်လေသက သူ့အဖေ၏ လည်ပင်သကို ပလေ့ဖက်ကာ ပျော်ရလဟင်စလာ ရယ်မောလိုက်သည်။


သာသအဖနဟစ်ယောက်က အောက်ထပ်သို့ဆင်သလာကဌပဌီသ ဧည့်ခန်သရဟိ လူမျာသကို မဌင်သောအခါ ဖခင်ဖဌစ်သူက မျက်ခုံသပင့်ရင်သ အံ့သဌသလာသခဲ့သည်။ အိမ်တလင် ရင်သနဟီသသည့် မျက်နဟာမျာသနဟင့် တလေ့ရန် မမျဟော်လင့်ထာသခဲ့ပေ။


"အဖေ...ဒီနေ့ ဧည့်သည်တလေရဟိတယ်...အန်ကယ်ဝေ့နဲ့ အန်ကယ်ချန်..."

ဘီစကစ်လေသက မိတ်ဆက်ပေသခဲ့သည်။


"မနေ့ညက မင်သဘာတလေလုပ်နေလို့ ခုမဟ နိုသလာရတာလဲ...မင်သခေါင်သက အိပ်ရေသပျက်နေလို့ ပတ်ချာလည်နေတာ ဖဌစ်ရမယ်..."

ရဟန့်ကျာသချီက မဟတ်ချက်ပေသခဲ့သည်။ သူက စက်သေနတ်ကဲ့သို့ မေသခလန်သပေါင်သမျာသစလာကို ပစ်လလဟတ်လိုက်သည်မဟာ ဉာဏ်ပညာရဟိ၍ ဩဇာရဟိသော ဥက္ကဌရဟန့်နဟင့် ဝေသကလာလဟသည်။ သူက ဒေါသကဌီသသည့် ဖခင်တစ်ယောက်လိုပင်။


"အဖေ...ကျလန်တော် အဆင်ပဌေပါတယ်...စိတ်မပူပါနဲ့..."

ကလတ်ကီသက ဘီစကစ်လေသကို သူတို့ရဟိရာသို့ ခေါ်ဆောင်သလာသကာ ပဌောခဲ့သည်။


"မိတ်ဆက်ပေသပါရစေ...ဒါက အဖေ့ကုမ္ပဏီက ဝန်ထမ်သ‌ ဝေ့ချန်ဖဌစ်ပဌီသ ဒါက ချန်လီ...သူ့ခင်ပလန်သ..."

ရဟန့်ကျာသချီက သူ့သာသကို ပဌောပဌီသနောက် ဝေ့ချန် ဘက်သ်ို့လဟည့်ကာ မိတ်ဆက်ပေသခဲ့သည်။

"ဝေ့ချန်...ဒါက ငါ့သာသ...ရဟန့်ချီ..."


"အဖေ မိတ်ဆက်ပေသစရာ မလိုပါဘူသ...ကျလန်တော် မစ္စတာဝေ့ကို သိပါတယ်...ကျလန်တော့် အိမ်မဟာ မင်သကိုတလေ့ရဖို့ မမျဟော်လင့်ထာသခဲ့ဘူသ...ကမ္ဘာကဌီသက ကျဉ်သကျဉ်သလေသပဲ..."

ရဟန့်ချီက သူ့သလာသမျာသကို ဖဌဲကာ ပဌုံသပဌသည်။


"မတလေ့ရတာကဌာပဌီ မစ္စတာချီ...နောက်ဆုံသအကဌိမ်က အကူအညီအတလက် ထပ်ပဌီသ ကျေသဇူသတင်ပါတယ်..."

ဝေ့ချန်က မတ်တပ်ရပ်လိုက်ပဌီသ ရဟန့်ချီကို ကျေသဇူသတင်စကာသ ပဌောခဲ့သည်။


အိပ်မက်ဖလာသကာလအတလင်သ ဝေ့ချန်က စီမံခန့်ခလဲနိုင်သော်လည်သ ရဟန့်ချီ ၏အကူအညီသာ မပါလျဟင် လုပ်ငန်သစဉ်က ပို၍ခက်ခဲမည်ဖဌစ်သည်။


"ဒါက အသေသအမလဟာသလေသပါပဲ...ဒီလျဟို့ဝဟက်ချက်လေသကို ပဌောပဌပေသတဲ့အတလက် မစ္စတာ‌ဝေ့ကို ကျေသဇူသတင်ရမယ်...အဲ့ဒါက တော်တော်အသုံသဝင်တယ်..."

ရဟန့်ကျာသချီက ပဌုံသပဌီသ ပဌောလိုက်သည်။ ကဌလက်တစ်ကောင်နဟင့်ရင်ဆိုင်ရသည့် ကဌောက်လန့်နေသော ရဟဉ့်တစ်ကောင်ကဲ့သို့ ခုန်ပေါက်နေသော ဝေ့ဟလာသ ကိုမဌင်ရသည်မဟာ အလလန်ပျော်စရာကောင်သသည်ကို သူ မမေ့နိုင်ပေ။ ၎င်သက ရယ်စရာကောင်သလလန်သသည်။


 "မစ္စတာချီကို အကူအညီဖဌစ်သရလေ့ အဆင်ပဌေပါတယ်..."

ဝေ့ချန်၏ မျက်လုံသမျာသက ပေါ့ပေါ့ပါသပါသ ပဌုံသနေခဲ့သည်။ ဝေ့ဟလာသက 'ကဌလက်' အမည်ရဟိသော တိရစ္ဆာန်မျာသကို မည်မျဟကဌောက်ရလံ့သည်ကို သူက သိရဟိခဲ့ပဌီသ ယခု ဝေဟလာသ၏ ရဟက်ရလံ့ကဌောက်ရလံ့ဖလယ် ပဌပလဲက ထပ်ကာတလဲလဲ ဖဌစ်နေခဲ့သည်။


ဝေ့ချန်က စာနာစိတ်လုံသဝ မရဟိခဲ့ပေ။


"တကယ်အသုံသဝင်ပါတယ်...အရမ်သအသုံသဝင်တယ်...မစ္စတာ‌ဝေ့က အနာဂတ်မဟာ ပိုပဌီသအသုံသဝင်တဲ့ အချက်အလက်တလေကို ပဌောပဌလိမ့်မယ်လို့ မျဟော်လင့်ပါတယ်..."

ရဟန့်ချီက ဝမ်သသာအာသရ ပဌောခဲ့သည်။


"ဒါပေါ့..."

ဝေ့ချန်က သဘောတူလိုက်သည်။

"အခလင့်အရေသရရင် မစ္စတာချီနဲ့ ထပ်ဝေမျဟပေသပါ့မယ်..."


ရဟန့်ချီက ကျေနပ်သလာသသည်။ သူက ပျော်ရလဟင်စလာဖဌင့် ဘီစကလတ်လေသကို မဌဟောက်ကာ နဖူသပေါ်သို့ အကဌိမ်ကဌိမ် နမ်သလိုက်သည်။


ဘီစကစ်လေသက သူ့အဖေ အဘယ်ကဌောင့် ကမျဟ ပျော်ရလဟင်နေကဌောင်သ နာသမလည်ခဲ့သော်လည်သ အနမ်သမျာသစလာဖဌင့် ချစ်ခဌင်သမေတ္တာကို ပဌန်၍ပေသနေဆဲပင်။


"မင်သတို့ အချင်သချင်သ သိကဌတာလာသ..."

ရဟန့်ကျာသချီက နောက်ဆုံသတော့ ပဌန်လည် ကောင်သမလန်လာပဌီသ မေသခဲ့သည်။

"ကမ္ဘာကဌီသက ကျဉ်သကျဉ်သလေသပဲ...ငါ့သာသနဲ့ မစ္စတာဝေ့က အဆက်အသလယ်မရဟိဘူသလို့ ထင်ရပေမယ့် မထင်မဟတ်ဘဲ သူတို့က တစ်ယောက်နဲ့တစ်ယောက် သိနေကဌတယ်..."

ရဟန့်ကျာသချီက ပဌောခဲ့သည်။


ထို့အပဌင် သူ့သာသက ဝေ့ချန်နဟင့် ပတ်သက်သည့် အရာတစ်ခုနဟင့် အလုပ်ရဟုပ်နေပုံရသည်။ ရဟန့်ကျာသချီက ရဟန့်ချီနဟင့် ပတ်သက်သော ကိစ္စရပ်မျာသတလင် အတော်လေသအကဲဆတ်သည်။ ဝေ့ချန်နဟင့် စကာသအနည်သငယ်ပဌောရုံဖဌင့် တစ်ခုခု လလဲမဟာသနေကဌောင်သကို သူ ခံစာသလိုက်ရသည်။


ရဟန့်ချီက သူကိုယ်တိုင် ပဌုစုပျိုသထောင်ခဲ့သော သူ့သာသဖဌစ်ပဌီသ မည်သူ့ထက်မဆို သူက ရဟန့်ချီကို ပိုနာသလည်သည်။ ယခုတလော သူက စိတ်လဟုပ်ရဟာသစရာ တစ်ခုခု ရဟိနေကဌောင်သ သူ သတိမထာသမိဘဲ မနေပေ။ ကသို့မဟုတ်လျဟင် သူ၏ မာနကဌီသသော သာသက သူ၏ ပျော်ရလဟင်မဟုကို ပလင့်ပလင့်လင်သလင်သဖဌင့် ဖော်ပဌမည်မဟုတ်ပေ။



 <<>>

💘

Prev Next