MM Story Teller

Chapter 124

Viewers 19k

👾Chapter 124

ထိုအချိန်တုန်းက သူတို့နှစ်ယောက် တွေ့ကြုံခဲ့ရသော အရာများကို ပြန်စဥ်းစားကြည့်လျှင် လင်းဟန်မှာ အားနည်းလွန်း၍ စိတ်ဖတ်နိုင်သည့်စွမ်းအင်ပါ ပျောက်ကွယ်သွားခဲ့သည်။ ဟယ့်ယွင်ထင်သည်လည်း အစာရေစာမရှိသဖြင့် အလွန်ခက်ခဲခဲ့ရ၏။ သို့သော် ထိုအခြေအနေများကို ယခုပြန်တွေးကြည့်လိုက်သောအခါ အံ့ဩစရာကောင်းသည်က မှုန်ဝါးဝါးမှတ်ဥာဏ်များအဖြစ်သာ ကျန်ရစ်နေခဲ့တော့သည်။

"ဒီတစ်ခေါက်...ကျွန်တော် အာကာသယာဥ်ထဲမှာပဲ မနေခဲ့ဘူးနော်"

လင်းဟန် ပြောလိုက်သည်။

"ဒုလေယာဥ်မှူးနေရာမှာနေမှာ..."

ဟယ့်ယွင်ထင်လည်း လင်းဟန်၏ ခါးလေးကို လှမ်းဖက်ရင်း ပြောလိုက်သည်။

"အိုခေလေ...."

"ဟုတ်ပြီ...ဒီညတော့ ဒီမှာအနားယူပြီး မနက်ဖြန်ကျမှ ပြင်ဆင်တာတွေလုပ်ရအောင်"

လင်းဟန်တစ်ယောက် ဟယ့်ယွင်ထင်ကို ရေချိုးခန်းဘက်သို့ တွန်းလိုက်ပြီးမှ တစ်စုံတစ်ခုကို သတိရသွားသောကြောင့် ပြောလိုက်သည်။

"ကျွန်တော့်ကုတင်က သေးလွန်းတယ်...ဘယ်လိုလုပ်ကြမလဲ"

ထို့နောက် ဟယ့်ယွင်ထင်၏ ယူနီဖောင်းပေါ်မှ ကော်လံကြယ်သီးကို တစ်ခုပြီးတစ်ခု ဖြုတ်လိုက်သည်။ ဟယ့်ယွင်ထင်က လင်းဟန်၏ ဆွဲဆောင်မှုရှိလှသည့်မျက်ဝန်းတို့ကို စိုက်ကြည့်ပြီးပြောလာသည်။

"မစ္စတာလင်းက ဒါကိုအများကြီးကြိုက်နေတာလား..."

"အင်း...ကျွန်တော် တော်တော်ကြိုက်နေတာ..."

လင်းဟန် မျက်တောင်ဖျားလေးများကို တဖျပ်ဖျပ်ခတ်ပြီး တုံ့ဆိုင်းခြင်းမရှိ ပြန်ဖြေလိုက်သည်။

"ခင်ဗျားရဲ့ဦးထုပ်ရော ခါးပတ်ခေါင်းရော ပခုံးပေါ်က ပန်းဖွားရော ဖဲပွင့်ရော အကုန်လုံးကို ကြိုက်တယ်"

ဟယ့်ယွင်ထင်၏ ခါးပေါ်မှ ခါးပတ်လေးကို ဖြုတ်ရင်း လင်းဟန် ရယ်ရယ်မောမောနှင့်ပြောလိုက်သည်။

လူသန်းပေါင်းများစွာ၏ သူရဲကောင်းကို ပွေ့ဖက်ထားရသည့် ခံစားချက်က ဘာနှင့်မှမတူပေ။

သို့သော် သူ ထိုအရာကို ထုတ်မပြောခဲ့ချေ။

****

အာကာသယာဥ်က သတ်မှတ်ထားသည့်အချိန်အတိုင်း ထွက်ခွာခဲ့သည်။

လင်းဟန်လည်း ကျွမ်းကျင်ပညာရှင်အဖွဲ့၏ အဖွဲ့ဝင်တစ်ယောက်အနေနှင့် အာကာသယာဥ်ပေါ်သို့ အောင်မြင်စွာ စီးနင်းလိုက်ပါလာနိုင်ခဲ့သည်။ သို့သော် အဆင့်အတန်း ရာထူးမတူသောကြောင့် လတ်တလောအချိန်တွင် ဟယ့်ယွင်ထင်နှင့်အတူ နီးနီးကပ်ကပ်နေ၍မရပေ။

အာကာသယာဥ်နှင့် မက်ခါတို့က မတူညီသောကြောင့် ယာဥ်လမ်းကြောင်းမှာလည်း ထုံးစံအတိုင်း တူညီခြင်းမရှိချေ။ သို့သော် ဆင်းသက်သည့်အခါ အဆင်ပြေစေရန်အတွက် ခရစ်ယာဥ်ရပ်နားစခန်း ကိုသာ ရွေးချယ်လိုက်သည်။

မြို့တစ်ခုလုံးကို ယာဥ်များဖြင့် ယခင်က တစ်ကြိမ်မျှ ရှင်းလင်းထားပြီးဖြစ်သည်။ ထို့အပြင် ဗွီပရိုတွန်ဂြိုလ်ကလည်း ထိုမြို့ကို အချိန်တိုအတွင်း ပြန်လည်တည်ဆောင်ရန် အင်အားမပြည့်ဝသေးသဖြင့် လတ်တလောအချိန်တွင် အခွံလွတ်ကြီးကဲ့သို့သာဖြစ်နေသည်။

မည်သို့ပင်ဆိုစေ ခရစ်ယာဥ်ရပ်နားစခန်းက ပင်လယ်အနားတွင်ရှိနေသောကြောင့် ယာဥ်လမ်းကြောင်းက အခြားမြို့များထက် ပို၍ကောင်းမွန်သည်။ အာကာသယာဥ်၏ ပထမဆုံး ဆင်းသက်မှုကို ဤနေရာတွင် နေရာချထားပြီးနောက် အမျိုးမျိူးသော လိုအပ်ချက်များအရ မက်ခါယာဥ်များကို နေရာထပ်ခွဲပေးသည်။

အရာအားလုံးကို စနစ်တကျစီမံကာ အနီးပတ်ဝန်းကျင်ကို စူးစမ်းလေ့လာပြီးနောက် အာကာသယာဥ်မှာ ကောင်းကောင်းမွန်မွန် ဆင်းသက်နိုင်တော့သည်။

ခါတိုင်းလိုပင် စုံစမ်းစစ်ဆေးရေးအနေနှင့် အသုံးပြုသည့် ရှေ့ပြေးမက်ခါအုပ်စုလေးတစ်ခုရှိနေသည်။ ထိုအုပ်စုက အဓိကယာဥ်ကြီးနှင့် ဆက်သွယ်ချိတ်ဆက်ထားပြီး အစီအစဥ်၏နောက်ခြေလှမ်းစရန်အတွက် ခေါင်းဆောင်၏ အမိန့်ကို စောင့်ဆိုင်းနေကြသည်။

ရှေ့ပြေး စုံစမ်းစစ်ဆေးရေးအတွက် တာဝန်ရှိသည်လ မက်ခါယာဥ်ငယ်များမှာ အာကာသယာဥ်ပေါ်မှ ပထမဆုံးဆင်းလာကြသည်။ မော်နီတာက ထိုယာဥ်များနှင့် ချိတ်ဆက်မှု အောင်မြင်သွားပြီးနောက် ဟယ့်

ယွင်ထင်က အလယ်တွင်ထိုင်ကာ လက်ရှိအခြေအနေကို အကဲခတ်နေသည်။

အံ့ဩစရာကောင်းသည်က သုသာန်တစ်စပြင်ကဲ့သို့ တိတ်ဆိတ်ခြောက်ကပ်နေရမည့် မြို့ကြီးမှာ ပြောင်းလဲမှုအချို့ရှိနေသည့်ပုံပေါ်သည်။

"ခဏနေဦး"

"နံပါတ် ၈၇၇၅"

ဟယ့်ယွင်ထင်က ဆက်သွယ်ရေးကိရိယာမှတစ်ဆင့် အနီးပတ်ဝန်းကျင်ကို စုံစမ်းရှာဖွေနေ

သည့် မက်ခါယာဥ်အသေးတစ်စင်းကို လှမ်းပြောလိုက်သည်။

"နောက်တစ်လှမ်းပြန်ဆုတ်လိုက်..."

ဇဝေဇဝါဖြစ်နေသော ထိုမက်ခါမှာ ဟယ့်ယွင်ထင် ပြောသည့်အတိုင်း နောက်ပြန်ဆုတ်သွားသည်။

မက်ခါ၏ အရှေ့ခြေထောက်ရွေ့သွားသောအခါ ၎င်းတက်နင်းထားမိသည်မှာ အလောင်းတစ်လောင်းဖြစ်ကြောင်း လူတိုင်း သိလိုက်ရသည်။

သို့သော် လက်တွေ့လေ့ကျင့်ရေးတွင် ပါဝင်ခဲ့သူများနှင့် ယခင်က ဝမ်ထျန်းယောင်ကိုမြင်ဖူးသူများမှာ မက်ခါယာဥ်ခြေရင်းရှိ အလောင်းကို မြင်လိုက်ရချိန်တွင် ပင့်သက်ရှိုက်လိုက်မိကြသည်။

ထိုအလောင်းမှာ အရှင်မင်းသား၏ လက်ထောက်ဟောင်းဖြစ်သူ ရှီးယွမ်ပင်ဖြစ်၏။

ဟယ့်ယွင်ထင် ဆက်သွယ်ရေးကိရိယာကိုပိတ်လိုက်ပြီး မက်ခါယာဥ်ထဲသို့ တိတ်တဆိတ်တက်လာသော လင်းဟန်ကို ကြည့်နေမိသည်။

မြေပြင်ပေါ်တွင် လဲလျောင်းနေ

သည့် ရှီးယွမ်၏အလောင်းကို တွေ့သော်လည်း သူ့မျက်နှာအမူအရာက တည်ငြိမ်နေကာ ဟယ့်ယွင်ထင်အား သူ့ကိုစိတ်မပူနဲ့ဟု သဘောရသည့် အကြည့်မျိုးဖြင့်ပင် ပြန်ကြည့်နေသေးသည်။

ယခင်တစ်ခေါက်က ယာဥ်ပျံမှာ အလောတကြီးထွက်ခွာသွားသည့်အပြင် ဌာနချုပ်မှာလည်း ဝမ်ထျန်းယောင်နှင့် အဆက်အသွယ်မရှိသောကြောင့် ရှီးယွမ်မှာ မက်ခါအဖွဲ့နှင့် အလွယ်တကူလိုက်သွားရန်မဖြစ်နိုင်ပေ။

အင်ပါယာမှ သာမာန်လူတစ်ယောက်က ဗွီပရိုတွန်ဂြိုလ်ပေါ်သို့ ကိုယ်တိုင်ကိုယ်ကျလာရောက်ရန် ခက်ခဲလှသည်။ ယာဥ်ရပ်နားစခန်းအနီး ဖြတ်သွားသော ယာဥ်များနှင့် ဆက်သွယ်ဖို့ဆိုသည်မှာလည်း သက်သေအထောက်အထားအတည်ပြုရန်နှင့် လုပ်ရိုးလုပ်စဥ် အဆင့်ဆင့်လိုအပ်သည်။

ဝမ်ထျန်းယောင်ပြောခဲ့သည့် "တာဝန်ပြောင်းသည်" ဟူသောစကားမှာ ရှီးယွမ်တစ်ယောက် သူ့သက်သေအထောက်အထားကို သုံးပြီး ဗွီပရိုတွန်ဂြိုလ်ပေါ်သို့ ထပ်သွားရန်အတွက် ဆင်ခြေတစ်ခုသာဖြစ်နိုင်သည်။

ထိုနေရာတွင် အမှန်တကယ် မတော်တဆဖြစ်ခဲ့ပုံရပြီး ရှီးယွမ်လည်း မလွတ်မြောက်နိုင်ခဲ့ပုံပင်။

ရှီးယွမ် သေဆုံးသည်မှာ သိပ်မကြာသေးပုံပင်။ အဝတ်အစားများက တစ်စစီဆုတ်ပြဲနေပြီး ခြေလက်များနှင့် အထူးသဖြင့် လက်ချောင်းဆယ်ချောင်းလုံးမှာ သူ့ကိုယ်သူ ကုတ်ခြစ်ထားသကဲ့သို့ လက်သည်းများကွာကျကာ သွေးအလိမ်းလိမ်းထွက်နေသည်။

ထို့အပြင် ရှီးယွမ်၏ ဘေးပတ်ပတ်လည်တွင် အလောင်းတစ်လောင်းထက်မက ရှိနေသည်။

ဟယ့်ယွင်ထင်၏ အမိန့်ပေးမှု

ကြောင့် မက်ခါလေးက မြေပြင်ပေါ်တွင် မျက်နှာအပ်နေသည့် နောက်ထပ်အလောင်းတစ်လောင်းကို ဆွဲလှန်လိုက်သည်။

ရှီးယွမ်ကို လူအချို့သာ မှတ်မိကြသော်လည်း ယခုအလောင်းကမူ လူတိုင်းနီးပါးတွေ့မြင်ဖူးသူ၏ အလောင်းဖြစ်သည်။

ထိုအလောင်းမှာ ကိတ်မုန့်နှင့် ဆယ်ကျော်သက်ကောင်လေးပင်ဖြစ်သည်။

သူသေဆုံးထားသည့်ပုံက ရှီးယွမ်

နှင့်တူညီသည်။ သူတို့ အသက်ရှင်နေစဥ် မည်သည့်အဖြစ်အပျက်များ ရှိခဲ့မှန်း မည်သူမှမသိကြပေ။

သို့သော် အဓိကအချက်မှာ ထိုစဥ်က သူရှိနေခဲ့သည့်မြို့တွင် ရှင်းလင်းရေးလုပ်ထားပြီးသားဖြစ်သည်။ ထိုမြို့က ယခုလက်ရှိ ခရစ်ယာဥ်ရပ်နားစခန်းမဟုတ်ပေ။

သိပ်မကြာခင်က သတင်းတွင်ပါလာခဲ့သည့် "အသက်ရှင်ကျန်ရစ်သူ" မှာ ယခုကဲ့သို့ ဖြစ်သွားခဲ့သည်။

မည်သို့ပင်ဆိုစေ ဤသည်က ရှုကျစ်ဟန်၏ သွေးရည်ကြည်ဖြေဆေးရှာဖွေတွေ့ရှိမှုနှင့်ပတ်သက်ပြီး အလှည့်အပြောင်းတစ်ခုဖြစ်သည်။

လူတိုင်းက ဆယ်သွယ်ရေးကိရိယာမှတစ်ဆင့် ပုံမှန်အတိုင်း စကားပြောနေကြသော်လည်း မြင်လိုက်ရသော မြင်ကွင်းကြောင့် ထိတ်လန့်ပြီး စိတ်ရှုပ်ထွေးနေကြသည်မှာ သိသာလှသည်။

လင်းဟန်လည်း အတော်လေး အံ့ဩသွားသည်။ ဟယ့်ယွင်ထင်၏ တုံ့ပြန်မှုကို အကဲခတ်ရန် မတ်တပ်ရပ်လိုက်သော်လည်း သူ့ပါတနာ၏ ကျောပြင်ကျယ်ကိုသာတွေ့လိုက်ရသည်။

တစ်ခဏမျှ တွေဝေတုံ့ဆိုင်းနေပြီးနောက် လင်းဟန် သည်းမခံနိုင်တော့သောကြောင့် သူ့ဦးထုပ်ကို ချွတ်ကာ ဒုလေယာဥ်မှူးအခန်း၏ တံခါးကိုတွန်းဖွင့်ပြီး အထဲသို့ဝင်သွားကာ ဟယ့်ယွင်ထင်၏ လက်ကို လှမ်းဆွဲလိုက်သည်။

အားလုံးထဲတွင် ဟယ့်ယွင်ထင်က အတည်ငြိမ်ဆုံးမှန်း သူသိသော်လည်း သူပွေ့ဖက်ချင်သေးသည်။

ဟယ့်ယွင်ထင်၏ လက်ဖဝါးတို့က ခြောက်သွေ့နေသည်။ လင်းဟန် ရောက်လာသည်ကို မြင်သောအခါ သူ့မျက်နှာကို တစ်ဖက်သို့ ညင်သာစွာ လှည့်လိုက်ပြီး ခန္ဓာကိုယ်ကို ကိုင်းညွှတ်ကာ လင်းဟန်၏ နှာခေါင်းထိပ်ဖျားလေးကို ပွတ်သပ်လိုက်သည်။

ဟယ့်ယွင်ထင်က အများသုံး ဆက်သွယ်ရေးကိရိယာနှင့် အသံလိုင်းတစ်ခုကိုဖွင့်ကာ တုံ့ဆိုင်းခြင်းမရှိဘဲ ရှုကျစ်ဟန်ကို ဆက်သွယ်လိုက်သည်။

"ပရော်ဖက်ဆာရှု...ရှီးယွမ်က တစ်ချိန်တုန်းက ခင်ဗျားရဲ့တပည့်တစ်ယောက်ဖြစ်ခဲ့တာပဲ...သူ့ရဲ့ဒုတိယလိင်ကို ခင်ဗျားမှတ်မိလား..."

ရှုကျစ်ဟန်က ချက်ချင်းပြန်ဖြေသည်။

"ဘီတာပါ..."

"ကျွန်တော်နားလည်ပြီ..."

ဟယ့်ယွင်ထင်လည်း မေးခွန်းထပ်မမေးတော့ဘဲ ဆက်သွယ်ရေးကိရိယာကို ပိတ်လိုက်သည်။

သူ လင်းဟန်ကို တစ်ချက် လှမ်း

ကြည့်လိုက်သည်။

တစ်ဖက်လူ၏ မျက်နှာအမူအရာက အတော်လေး တည်ငြိမ်သွားပြီဖြစ်သည်။ သွေးပျက်ဖွယ် မြင်ကွင်းကို မြင်လိုက်ရသော်လည်း သူ့မျက်နှာထက်တွင် ကြောက်ရွံ့ထိတ်လန့်မှုတို့ကို မတွေ့ရချေ။ မြေပြင်ပေါ်တွင် လဲလျောင်းနေသောသူမှာ တစ်ချိန်က သူ့ကို လူမဆန်စွာ အစမ်းသပ်ခံအနေနှင့် အသုံးချရန် ကြိုးစားခဲ့သော်ငြား သူက တည်ငြိမ်အေးဆေးလွန်းနေသည်။

ဟယ့်ယွင်ထင်၏ ခံစားချက်တို့ကို အာရုံခံမိသောကြောင့် လင်းဟန် အရင်စကားစလိုက်သည်။

"ကျွန်တော် ဘာကိုမှမကြောက်ပါဘူး...ဒါပေမဲ့ ရှီးယွမ်က...."

ယခင်တစ်ခေါက်က မတော်တဆမှု၏ နောက်ကွယ်တွင် ကြိုးကိုင်နေသူက သူနှင့်ပတ်သက်ဆက်နွှယ်နေခဲ့လျှင် ဘီတာများအပေါ် အန္တရာယ်ပေးနိုင်သည့် မျိုးရိုးဗီဇအကြောင်းကို သေချာပေါက်သိနေနိုင်သည်။ ထို့အပြင် ဤနေရာသို့လာရန် အခြားရည်ရွယ်ချက်ရှိနေခဲ့လျှင် မည်သို့ပင်ဖြစ်စေ ကြိုတင်ကာကွယ်ရန် လုံးဝမဖြစ်နိုင်ချေ။

ထိုအစား ထိုလူက ဤနေရာတွင် အေးစက်စွာ လဲလျောင်းနေ၏။

အမျိုးသားနှစ်ယောက်ကြားတွင် တိတ်ဆိတ်မှုတို့က တစ်ခဏမျှလွှမ်းမိုးသွား၏။

"အာကာသယာဥ်က ခရစ်ယာဥ်ရပ်နားစခန်းကနေ ထွက်ခွာပြီး...ဗဟိုမြို့ကိုဦးတည်နေပါပြီ"

ဟယ့်ယွင်ထင်က အများသုံး ဆက်သွယ်ရေးကိရိယာကို ပြန်ဖွင့်လိုက်သည်။

"အာကာသယာဥ်ဆင်းရင်...လှုပ်ရှားနိုင်တဲ့ မက်ခါတွေအကုန်လုံး အခုကပြီး ဗဟိုမြို့ကလွဲလို့ ဗွီပရိုတွန်ဂြိုလ်ရဲ့ တခြားမြို့တွေအကုန်လုံးဆီကို တပ်ဖြန့်မယ်...ပြီးတော့ လက်ရှိအခြေအနေကို တတ်နိုင်သလောက် အသေးစိတ်ကျအောင် စုံစမ်းလာခဲ့သိလာသမျှ အချက်အလက်အသစ်တွေအကုန်လုံးကို ဒုဗိုလ်မှူးလုဆီတိုက်ရိုက်တင်ပြပါ..."

"ဗဟိုမြို့ကိုတော့ ငါတစ်ယောက်တည်းသွားလိုက်မယ်"

သိပ်မကြာလိုက်သောအချိန်တွင် ရှုကျစ်ဟန်၏ ကိုယ်ပိုင်ဆက်သွယ်ရေးလိုင်းက ပွင့်လာသည်။ ဟယ့်

ယွင်ထင် တစ်ခဏမျှ စဥ်းစားပြီး ခလုတ်နှိပ်လိုက်သောအခါ တစ်ဖက်မှ စိုးရိမ်တကြီးအသံတစ်ခု ထွက်ပေါ်လာသည်။

"ဗိုလ်ချုပ်...ကျွန်တော်လည်း ဗဟိုမြို့ကို ဗိုလ်ချုပ်နဲ့အတူ လိုက်ခွင့်ပေးပါလို့ တောင်းဆိုပါတယ်"

ရှုကျစ်ဟန်က ပြောလာသည်။

"ဗဟိုမြို့ရဲ့ ထောက်ပို့စနစ်က တခြားမြို့တွေနဲ့လုံးဝမတူဘူး...ပြီးတော့ အရင်အခြေအနေအတိုင်းဆိုရင် တခြားမြို့တွေရဲ့အခြေအနေတွေ ပြင်းထန်နေတယ်ဆိုရင်တောင်...ဗဟိုမြို့က သက်ရောင်မှုမရှိတဲ့ တစ်ခုတည်းသောနေရာပဲအဲဒီလိုဆိုရင် အသက်ရှင်ဖို့ မျှော်

လင့်ချက်ရှိနေသေးတယ်...."

"ဒါပေမဲ့...ပရော်ဖက်ဆာရှု"

ဟယ့်ယွင်ထင် တည်တည်ငြိမ်ငြိမ် ပြန်မေးလိုက်သည်။

"ကျွန်တော်တို့...အရင်တစ်ခေါက်က ထွက်သွားပြီးတဲ့နောက်...အဲဒီနေရာက တဖြေးဖြေးပြန်ကောင်းလာတယ်လို့ပြောတယ်နော်...ဒါပေမဲ့ အဲဒီနေရာကို တခြားမျိုးရိုးဗီဇတစ်ခုခုက မကျူးကျော်ထားဘူးဆိုတာ ခင်ဗျားသေချာလား..."

"အရင်တစ်ခေါက် ခင်ဗျား မက်ခါထဲ ဝင်ဖို့လုပ်တုန်းက မတော်တဆဖြစ်ခဲ့ပြီးပြီ...အခုတစ်ခေါက်လည်း ခင်ဗျား ကတိပေးထားတယ်ဆိုပေမဲ့ ကျွန်တော်တော့ ခင်ဗျားကိုကာကွယ်ပေးနေရဦးမှာပဲ...ပြီးတော့ ခင်ဗျားလို ပညာရှင်တစ်ယောက်ကို အင်ပါယာအတွက် အဆုံးရှုံးမခံနိုင်ဘူး..."

ရှုကျစ်ဟန်ထံမှ အသံမထွက်လာပေ။

ဟယ့်ယွင်ထင်က တစ်ခဏမျှ တုံ့ဆိုင်းသွားပြီး ချီကျားမူ၏မက်ခါနံပါတ်ကို အမိန့်ပေးလိုက်သည်။

"ပရော်ဖက်ဆာရှုရဲ့ လုံခြုံရေးကို မင်းဆက်ပြီး တာဝန်ယူလိုက်..."

"ဟုတ်ကဲ့...."

တစ်ဖက်လူက ခြောက်ကပ်ကပ် ပြန်ဖြေသည်။

အခြားမည်သူမှ ထပ်ပြီး အတွန့်တက်ခြင်း ကန့်ကွက်ခြင်းမရှိကြတော့ပေ။ မက်ခါများက ဟယ့်ယွင်ထင်၏ ညွှန်ကြားမှုအောက်တွင် မြို့အသီးသီးသို့ ထွက်ခွာသွားကြပြီးအာကာသယာဥ်ကမူ ဗဟိုမြို့သို့ ဦးတည်ထွက်ခွာသွားသည်။

ထို့နောက် ဟယ့်ယွင်ထင်က ဆက်သွယ်ရေးကိရိယာကိုဖွင့်ကာ ကြိမ်နှုန်းအသစ်သို့ပြောင်းပြီး ပြန်ဆက်သွယ်လိုက်သည်။

အကာသယာဥ်က ဗဟိုမြို့သို့ ရောက်သွားချိန်တွင် တပ်ဖြန့်လိုက်ပြီး လုအန်းဟယ်က ရရှိလာသည့် သတင်းအချက်အလက်များကို လိုက်လံစုဆောင်းရန် တာဝန်ယူထားပြီး တပ်ပြန်စုသည့်နေရာတွင် ဟယ့်ယွင်ထင်ဆီသို့ ပြန်ပြီးအစီရင်ခံတင်ပြရသည်။

"ရှီးယွမ်နဲ့ ဟိုဘီတာလေးရဲ့ အလောင်းကိုရှာတွေ့တာကလွဲလို့ ခရစ်ယာဥ်ရပ်နားစခန်းမှာ တခြားမူမမှန်တာမရှိပါဘူး"

လုအန်းဟယ်က ပြောသည်။

"ရှီးယွမ်က အဲဒီကလေးကိုရှာဖို့ ဗွီပရိုတွန်ဂြိုလ်ပေါ်ကို သူ့တစ်ယောက်တည်း သိုသိုသိပ်သိပ်သွားခဲ့တယ်နဲ့တူပါတယ်...ပရော်ဖက်ဆာရှုရဲ့ ပဋိဇီဝဆေးက တကယ်အကျိုးသက်ရောက်မှုရှိတယ်ထင်ပြီး အဲဒီကလေးကို တခြားတစ်နေရာပို့ပေးဖို့ ခရစ် ယာဥ်ရပ်နားစခန်းဆီခေါ်လာခဲ့တာဖြစ်နိုင်တယ်...သူကိုယ်တိုင်လည်း ကူးစက်ခံထားရတယ်ဆိုတာမသိဘဲနဲ့လေ...နောက်ဆုံးရလဒ်ကတော့ ကျွန်တော်တို့ မြင်ခဲ့တဲ့အတိုင်းပဲ..."

ဟယ့်ယွင်ထင်က ပြန်ပြောလာသည်။

"တခြားမြို့တွေရဲ့ အခြေအနေကရော..."

"ရှင်းလင်းရေးလုပ်ပြီးသားမြို့တွေမှာ သက်ရှိအရိပ်အယောင်တစ်ခုကိုမှ မတွေ့ရပါဘူး...ဒါပေမဲ့ ကျွန်တော်တို့ကယ်လိုက်နိုင်တယ်လို့ထင်တဲ့ တခြားပတ်ပတ်လည်က မြို့တွေကလည်း..."

လုအန်းဟယ်၏အသံက အက်ကွဲနေသည်။

"အခြေအနေတွေ ဒီလောက်အထိ ပြင်းထန်သွားလိမ့်မယ်လို့ ကျွန်တော်မမျှော်လင့်ထားခဲ့မိဘူး..."

သတင်းများပြန့်နှံ့သွားပြီး ဗွီပရိုတွန်ဂြိုလ်ပေါ်တွင် ထိုမျိုးရိုးဗီဇဆိုင်ရာဗိုင်းရပ်စ်ပိုး ပြန်လည်အသက်ဝင်လာကြောင်း သက်သေအထောက်အထားများတွေ့ရသည်မှ ဧကရာဇ်က ဗွီပရိုတွန်ဆီသို့ အာကာသယာဥ်စေလွှတ်လိုက်သည်အထိ အချိန်ကာလမှာ တစ်ပတ်သာရှိသေးသည်။

ဗွီပရိုတွန်ဂြိုလ်ပေါ်တွင် ထိုရောဂါပိုး စတင်ပေါ်ပေါက်ခဲ့သောအချိန်က ရောဂါပြန့်ပွားမှုနှုန်းမှာ ဤမျှလောက် မမြန်ချေ။ စစ်ဆင်ရေးအတွက် မြို့တစ်မြို့ဆီတွင် တာဝန်ကျသော မက်ခါများက ငရဲတစ်မျှ ဆိုးရွားလှသော မြင်ကွင်းပုံရိပ်များကို တိုက်ရိုက်ပေးပို့လာသည်။

ဗွီပရိုတွန်ဂြိုလ်၏ တောင်ဘက်အစွန်ဆုံးမြို့ဖြစ်သည့် နိုရှာမြို့က ဂြိုလ်တစ်ခုလုံးတွင် လူအစည်ကားဆုံး နေရာတစ်ခုဖြစ်ခဲ့သည်။ မျိုးရိုးဗီဇဗိုင်းရပ်စ် ပထမအကြိမ် ပြန့်ပွားကူးစက်မှုအပြီးတွင်လည်း နိုရှာမြို့က အတော်လေး နာမည်ကြီးခဲ့၏။ အဘယ်ကြောင့်ဆိုသော် ထိုမြို့က ကူးစက်မှုစတင်ခဲ့သည့်မြို့နှင့် ဝေးကွာပြီး ကူးစက်ခံရသူ အရေအတွက်ကလည်း နည်းပါးသောကြောင့်ပင်။ နာမကျန်းသူများမှာလည်း ပဋိဇီဝဆေးရပြီးနောက် အမြန်ပြန်လည်နေကောင်းကျန်းမာသွားကြသည်။

👾

Prev Next