Chapter 133

🐯Chapter 133

ဖြစ်ခဲ​လှသော်လည်း ယ​နေ့တွင် ၇ ​ယောက်​မြောက်​ ကောမိသားစုအကြီးအကဲ၏ စိတ်အခြေအနေက  မဆိုးလှ​ပေ။ ၎င်းက နှစ်လအတွင်း အတည်ငြိမ်ဆုံး​နေ့ရက်ပင်။

"ရှစ်စန်း​လေး…"

၇​ယောက်​မြောက်​ကောက ​ခေါင်းညိတ်ကာ ​မေးလာသည်။ 

"အဲဒီဘက်အ​ခြေအ​နေ​ရော ဘယ်လိုရှိလဲ။ ဒါနဲ့စကားမစပ် ၂၄ ​လေး​ရော ဘယ်လိုလဲ…"

"သူ့ သတင်းမရ​သေးပါဘူး…"

 ကောရှစ်စန်း​ ပြန်​ဖြေလိုက်၏။

"၂၄ ​လေးအတွက်က... သူ့ဘဝမှာ ဘာအန္တရာယ်မှမရှိဘူး… ဒါ​ပေမဲ့ သူ ဘယ်​ရောက်​နေလဲဆိုတာ မသိဘူး…"

မည်သူကမှ ထိုအ​ကြောင်းကို ၇​ ​ယောက်​မြောက် ​ကောမိသားစုအကြီးအကဲထံ မ​ပြောပြခဲ့​သော်လည်း ၂၄ ​လေး​ပျောက်ဆုံး​နေ​ကြောင်း သူ သိ​နေ​​ပေသည်။ ထိုအခြင်းအရာ​ကြောင့် ​ကောရှစ်စန်း အံ့ဩမသွား​ပေ။

ကမ္ဘာပျက်ကပ်​ခေတ်မှ ယ​နေ့အချိန်အထိ ပန်ဒါမိသားစု၏ မျိုးဆက်တိုင်းမှ က​လေးများအားလုံးက "အနာဂါတ်ကြိုတင်သိမြင်ခြင်း" စွမ်းရည်ကို နိုးထလာကြသည်။ ထိုစွမ်းရည်သည် အသက်အရွယ်နှင့်အလိုက် ကြီးထွားလာကြသည်။

ကမ္ဘာကြီးအဆုံးမသတ်ခင် တစ်လအလိုကတည်းကပင် ကမ္ဘာပျက်ကိန်းဆိုက်​တော့မည်ဖြစ်​ကြောင်း ကြိုတင်​ဟောကိန်းထုတ်ခဲ့၏။ ထို့​ကြောင့်ပင် ကပ်ဆိုးကြီးအပြင်းအထန် ဖြစ်​ပေါ်ခဲ့​သော စစ်ချွမ်​ဒေသတွင် သူတို့က အသက်ရှင်လွတ်​မြောက်​အောင် စွမ်း​ဆောင်နိုင်ခဲ့သည်။

သူတို့က စကြာဝဠာကြီးတစ်ခုလုံးတွင် စွမ်းရည်နိုးထလာပြီး ကြိုတင်​ဟောကိန်းထုတ်နိုင်သည့် တစ်ခုတည်း​သော မျိုးနွယ်စုပင်ဖြစ်၏။ သို့သော် သူတို့ကိုယ်သူတို့ ကာကွယ်ရန် လုံ​လောက်သည့်စွမ်းရည်မရှိကြ​၍ ဆိုးယုတ်​သောစိတ်ထားရှိသည့် မျိုးနွယ်စုအများအပြား၏ လိုချင်တပ်မက်ခြင်းကိုခံခဲ့ရသည်။ ​နောက်ပိုင်းတွင် အလိုအ​လျောက် ရုပ်ဖျက်ခြင်းစွမ်းရည်ကို တဖြည်းဖြည်း ဖွံဖြိုးတိုးတက်လာ​စေရန် အတင်းအကျပ်ပြုလုပ်ခဲ့ရသည်။

ထို့အပြင် ပန်ဒါမျိုးနွယ်စုကြားတွင် စိတ်ချင်းဆက်သွယ်​နေကြသည်။ မှန်၏၊ တိုက်ရိုက်သတင်းစကားပါး၍ မရ​သော်လည်း အ​နည်းဆုံးအ​နေဖြင့် တစ်​ယောက်ကိုတစ်​ယောက် စိတ်ခံစားချက်အ​ခြေအ​နေကို ပို့လွှတ်ခန့်မှန်းနိုင်သည်။

"စိတ်ချင်းဆက်သွယ်ခြင်းက​နေပြီး သူ ​ကောင်းမွန်တဲ့အ​ခြေအ​နေမှာ ရှိ​နေတယ်ဆိုတာကို ခံစားရတယ်… သူ့ရဲ့ဉာဏ်ရည်က အရင်တုန်းကထက် ပိုဆိုးသွားရုံပဲ… ဒါ​ပေမဲ့ အန္တရာယ်မရှိဘူး...ပြီး​တော့ သူက စိတ်အ​ခြေအ​နေ​ ကောင်းမွန်​နေတဲ့အတွက်​ကြောင့် ငါတို့ သူ့ကို ရှာဖို့မကြိုးစားသင့်ဘူး…"

ကောအာရှစ်စစ်က လူသားပုံစံသာမက၊ တိရစ္ဆာန်​ပုံစံနှင့်ပါ ငယ်ရွယ်ပုံ​ပေါ်​သော်လည်း အရွယ်​ရောက်ပြီးသားလူတစ်​ယောက်ပင်။ ထို့​ကြောင့် တစ်ချိန်လုံး သူ့ကို အိမ်ထဲတွင်ထားပြီး ​စောင့်ကြည့်​နေရန် အ​ကြောင်းပြချက်မရှိ​ပေ။ သူ ​ပျောက်ဆုံး​နေ​သော်လည်း အကူအညီ မ​တောင်းခံခဲ့​ပေ။

ထို့အပြင် ယခင့် ယခင် ၁၈ ​ယောက်​မြောက်​ ကောမိသားစုဝင်ကလည်း ဘာသတင်းမှမရရှိခဲ့​ပေ။ အသိမိတ်​ဆွေများက ရဲစခန်းကို အကြိမ်များစွာ အ​ကြောင်းကြားခဲ့ကြသည်။ သို့​သော် ပန်ဒါများက သူ အဆင်​ပြေ​နေ​ကြောင်း စိတ်ချင်းဆက်သွယ်မှုမှတစ်ဆင့် သိ​နေ​ပေ၏။ ထို့​နောက် နှစ်နှစ်အကြာတွင် ​ကောင်​လေးသည် ပြာမှုန့်များသာကျန်ရှိ​နေ​သော ကမ္ဘာဂြိုဟ်​ပေါ်သို့ "အနုပညာကို ရှာ​ဖွေရန်" ရုတ်တရက် သွားချင်လာခဲ့သည်။

မိသားစုဝင်​တစ်​ယောက်​ယောက်ကသာ အကူအညီလိုအပ်သည့် အချက်ပြမှုတစ်ခုကို ​ပေးပို့ခဲ့လျှင် မိသားစုဝင်တိုင်း ​သေချာ​ပေါက် အ​ပြေးအလွှားသွား​ရောက် အကူအညီ​ပေးကြလိမ့်မည်။

"သူ့ရဲ့​အေးဂျင့်အတွက်က​တော့... အင်း၊ ဒီလိုစိတ်ဆင်းရဲစရာ​ကောင်းတဲ့ အ​တွေး​တွေကို မ​ပြောပါနဲ့ဦး…"

ကောရှစ်စန်း ပြုံးကာ​​ခေါင်းညိတ်ပြလိုက်သည်။

ထို​အေးဂျင့်က အစကနဦးတွင် ရဲကိုအ​ကြောင်းမကြားချင်ခဲ့​ပေ။ တစ်လ​ခန့်​စောင့်ဆိုင်းပြီး​နောက် ၎င်းက လွယ်လွယ်ကူကူ ပြီးသွားမည့်ကိစ္စမဟုတ်ကြောင်း သူ နားလည်သွားခဲ့သည်။ ​ကောအာရှစ်စစ်က အချိန်အတိုင်းအတာတစ်ခုအထိ ပြန်မလာခဲ့​သော​ကြောင့် သူ၏​ငွေရ​ပေါက်အတွက် ဆက်လက်ပြုလုပ်၍မရ​တော့​ပေ။ ထို့​ကြောင့် အလွန်တုန်လှုပ်သွားပြီး သူ့သရုပ်မှန်ကို ​ဖော်ပြလာခဲ့သည်။

ထိုလူက ကောအာရှစ်စစ်၏လုံခြုံ​ရေးကို လုံးဝ ဂရုမစိုက်​​ဘဲ သူ ပိုက်ဆံရရန်အတွက်သာ ဂရုစိုက်၏။ ထို့အပြင် သူ့တွင် ​လောင်းကစားအ​ကြွေးများလည်း ရှိ​နေ​သေးသည်။ ​ကောအာရှစ်စစ်သာမရှိလျှင် သူ့​ငွေသစ်ပင်က ပြီးဆုံးသွားလိမ့်မည်။

(T/N -  ကောအာရှစ်စစ်ကို ခိုင်းစားလို့မရ တော့ငွေရပေါက်တွေ ပိတ်ကုန်ပြီလို့ ပြောချင်တာပါ )

ပထမတွင် ​ကောအာရှစ်စစ်က ​ပျောက်ဆုံး​နေခြင်းမဟုတ်ဘဲ ​အမှန်တကယ်​ ​နေမ​ကောင်းဖြစ်​နေသည်ဟု လိမ်ညာချင်ခဲ့သည်။ သူက ဗီဒီယိုတစ်ခုကိုဖန်တီးကာ ​ကောမိသားစုနှင့် ပရိသတ်များကို လှည့်စားရန်ကြိုးပမ်းခဲ့သည်။ အခက်အခဲ အ​တော်များများလည်းရှိခဲ့၏။

​နောက်ဆုံးတွင် ​ကောမိသားစုက လူလုံးထွက်ပြလာပြီး ​ကောအာရှစ်စစ် အဆင်​ပြေ​ကြောင်း ​ကြေညာခဲ့သည်။ အချိန်ခဏမျှ အနားယူ​နေ​ကြောင်းနှင့် ​အေးဂျင့်နှင့် အလုပ်သမားဆက်ဆံ​ရေး ရပ်စဲလိုက်ပြီဖြစ်​ကြောင်းကိုလည်း ​ပြောဆိုခဲ့​သော​ကြောင့် ဟန်​ဆောင်​နေမှုများ အဆုံးသတ်သွားရသည်။

သို့​သော် ​​အေးဂျင့်က လက်​လျှော့လိုက်သည့်ပုံမ​ပေါ်​ပေ။ သူ မည်သည့်အရာများကြံစည်​နေသည်ကို သူတို့ မသိကြ​ပေ။ ယခုအချိန်တွင် ထိုပြဿနာကို ကိုင်တွယ်​ဖြေရှင်းနိုင်ရန် ​ကောမိသားစုတွင် စွမ်းရည်အများအပြားမရှိကြ​ပေ။

မည်သို့ပင်ဆို​စေကာမူ သူတို့တွင် အခြားပို၍အ​ရေးကြီး​သောအရာများ ပြုလုပ်ရန်ရှိ​သေး​ပေသည်။

​ကောရှစ်စန်းက ၇​ ​ယောက်​မြောက် ​ကောမိသားစုအကြီးအကဲကို ​ဆေးထ​သောက်ရန် ကူညီ​ပေးလိုက်သည်။ ထို့​နောက် အကြီးအကဲက ပြင်းပြင်းထန်ထန် ​ချောင်းဆိုးလိုက်​သော​ကြောင့် ​ကောရှစ်စန်း သူ့​​နောက်​ကျောကို အလျင်အမြန် ပုတ်​ပေးလိုက်ရသည်။

"ဦး​လေးခုနစ်…"

၇​ ​ယောက်​မြောက် ​ကောမိသားစုအကြီးအကဲက လက်​ဝှေ့ယမ်းလိုက်ပြီးပြောလာသည်။

"ငါ အဆင်​ပြေတယ်…"

​ကောရှစ်စန်း :  "ဒါနဲ့ စကားမစပ်... ၂၄ ​လေးရဲ့အ​ကြောင်းကို ဘာလို့ ရုတ်တရက် ​ပြော​နေရတာလဲ…"

၇​ ​ယောက်​မြောက် ​ကောမိသားစုအကြီးအကဲသည်လည်း ဝဝတုတ်တုတ်ပန်ဒါပုံသဏ္ဍာန်ရှိ​သော်လည်း တစ်ချိန်က ဆူမိုနပန်းပြိုင်ပွဲတွင် ပါဝင်ယှဉ်ပြိုင်ခဲ့ဖူး​သော ​ကောရှစ်စန်းထက် ပို၍ပိန်ပါး​ပေ၏။ ထိုအချိန်တွင် ​​စိတ်ပျက်စွာပြုံးလိုက်ပြီး သူ့ဗိုက်ကိုထိကာ ပြောလိုက်သည်။

"ဉာဏ်ပညာက ငါတို့ကို လှည့်စား​နေတာနဲ့တူတယ်လို့ တစ်ခါတစ်​လေ ​တွေးမိတယ်..."

"ဘာလို့ အဲဒီလို​ပြောရတာလဲ…"

"မင်း သူ့အ​ကြောင်းကို ပိုပြီးကြိုတင်ခန့်မှန်း​လေ​လေ…" 

၇ ​ယောက်​မြောက် ​ကောမိသားစုအကြီးအကဲ၏အသံက အားနည်းသည်ထက် အားနည်းလာပြီး ​နောက်ထပ်တစ်ဖန် အိပ်စက်သွား​တော့မည်မှာ ​သေချာသ​လောက်နီးပါးပင်။ 

"သူနဲ့ ဆန့်ကျင်ဘက်ဖြစ်​လေ​လေပဲ..."

"ဦး​လေးခုနစ်... ဘာကို ဆိုလိုတာလဲ…"

သူ့ဦး​နှောက်က အလျင်အမြန် စဉ်းစား​နေ​ပြီး သူ့​နောက်​ကျောတွင် မသိစိတ်မှ​နေပြီး ​​ချွေး​အေးများထွက်​ပေါ်လာသည်။

"ငါတို့မိသားစုထဲမှာ ဘယ်သူက သူ့ကိုကြိုတင်ခန့်မှန်းလို့ ရနိုင်စွမ်းမရှိဘူးလဲဆိုတာ စဉ်းစားကြည့်ပါ... သူ ပြန်လာ​ကောင်းပြန်လာနိုင်ပါတယ်..."

၇ ​ယောက်​မြောက် ​​ကောမိသားစုအကြီးအကဲက ထိုစကားကို​ပြောပြီး​နောက် မျက်လုံးများမှိတ်သွားကာ သူ့အသက်ရှူသံက ငြိမ်သက်လာပြီး  နောက်ထပ်တစ်ဖန် အိပ်​ပျော်သွားသည်။

​ကောရှစ်စန်း ရုတ်တရက် ထရပ်လိုက်သည်။

သူတို့ "သူ့"ကို ကြိုတင်ခန့်မှန်း​လေ​လေ၊ "သူ"နှင့် ဆန့်ကျင်ဘက်ဖြစ်​လေ​လေပင်။

ကြယ်တာရာ​ခေတ်ရှိ စွမ်းအားအများစုတွင် "အနာဂါတ်ကြိုတင်သိမြင်နိုင်ခြင်း" စွမ်းရည်ကို လှည့်စားနိုင်သည့်အဆင့်ရှိသည်ဟု ဆို​ကြသည်။ သာမန်စွမ်းအားကြီးမား​သော စွမ်းရည်တစ်ခုက သူနှင့်ထိုက်တန်​သော​အဖိုးအခကို ပြန်​ပေးရ​ပေသည်။ သို့​သော် ​ကောမိသားစုက ထိုအဖိုးအခကို နှစ်​ပေါင်းများစွာကြာသည်အထိ ပြန်လည်မ​ပေးဆပ်ခဲ့ရ​ပေ။

သူတို့က အလွန်အသက်ရှည်ကျန်းမာကြပြီး သူတို့၏သားသမီးများသည်လည်း ကြီးပွားချမ်းသာလာကြကာ စည်းစိမ်အ​တော်များများကို စု​ဆောင်းနိုင်ခဲ့ကြသည်။

သို့​သော် ထိုအဖိုးအခကို တိတ်တဆိတ် ပြန်​ပေးဆပ်​နေရသည်မှာ ဖြစ်​ကောင်းဖြစ်နိုင်ဖွယ်ရှိ၏။

မိသားစု၏စည်းကမ်း ကန့်သတ်ချက်များ​ကြောင့် သူတို့၏ စွမ်းရည်ကို အလွယ်တကူ အသုံးမပြုကြ​ပေ။ သို့​သော် ကုယွီမြန်ကိုရှာ​ဖွေ​နေကြ​သော ​ကောမိသားစုရှိပန်ဒါအားလုံးက ကြိုတင်ခန့်မှန်းခြင်းစွမ်းရည်ကို မလွှဲမ​သွေအသုံးပြုကြ​ပေလိမ့်မည်။ ထို့အပြင် သူနှင့် ဘယ်အချိန်၊ ဘယ်​နေရာတွင် ​တွေ့ဆုံနိုင်လိမ့်မည်ဆိုသည့်အ​ကြောင်းကိုလည်း သိချင်​နေကြသည်။

သို့​သော် စွမ်းရည်ကို ပိုအသုံးပြု​လေ​လေ၊ သူတို့တွေ့ဆုံးရမည့်အချိန်ကို ​နှောင့်​နှေး​စေ​လေ​လေပင်။

အဘယ်​ကြောင့်ဆို​သော် အ​ကြောင်းအကျိုးတရား၏စွမ်းရည်ကို အလွန်အကျွံ ထုတ်ယူသုံးစွဲမိခြင်း​ကြောင့်ပင်။

ရိုးရှင်း​သောကိစ္စ​လေးသည်ပင် အလွန်ခက်ခဲ​သောကိစ္စတစ်ခု ဖြစ်လာခဲ့သည်။

ဤနိယာမက အနည်းငယ်ဆန်းကျယ်လွန်းပြီး ထီ​ပေါက်သူ သို့မဟုတ်​ ဆုတစ်ခုအနိုင်ရရှိသူတစ်​ယောက်ကဲ့သို့ပင် ​နောက်တစ်ကြိမ် အနိုင်ရရန် ခက်ခဲ​ကောင်းခက်ခဲ​ပေလိမ့်မည်။ ​အ​ကြောင်းတရားနှင့် အကျိုးတရား၏ လှည့်ပတ်ဆက်စပ်နေမှုကို ကာကွယ်ထိန်းသိမ်းထား၏။ စကြာဝဠာကြီးတစ်ခုလုံးက အဘယ်​ကြောင့် ​ကောင်းကင်ကြီးထံ မျက်နှာမူသွားရသည်ဟူသည့် ဖြစ်နိုင်​ချေ​အ​ကြောင်းပြချက်နှစ်ချက်ရှိ၏။

"ပထမဆုံးအ​နေနဲ့ သူက ငါတို့ထုတ်ပယ်ထားတဲ့စာရင်း​မှာ တကယ်ကိုရှိ​နေတယ်…" 

ကောရှစ်စန်း တီးတိုး​ရေရွတ်လိုက်သည်။

ကြယ်တာရာ​ခေတ်တွင် လူသားမျိုးနွယ်များ အမြားအပြားမရှိကြ​ပေ။ ​ကောမိသားစုက လူသားမျိုးနွယ်နှင့် ၎င်းနှင့်နီးကပ်ဆက်နွယ်​နေ​သောမျိုးနွယ်များကို အထူးအာရုံစိုက်ရှာ​ဖွေခဲ့ကြသည်။ ကုမျိုးဆက်၏ မကြာ​သေးမီက ​မွေးဖွားလာ​သောက​လေးများအားလုံးကဲ့သို့ မျိုးဆက်သစ်​တော်​တော်များများက ​မွေးဖွားလာချိန်တွင် "​ဘိုး​ဘေးများမဟုတ်" ဟု သတ်မှတ်ခံခဲ့ရသည်။

အချိန်ကုန်သက်သာ​စေရန် အ​စောကြီးကတည်းက ဖယ်ထုတ်ထား​သောထိုလူများကို ရှာ​ဖွေရမည့်စာရင်းထဲမှ လုံးဝထုတ်ပယ်ထားလိုက်သည်။

သူတို့က မျက်စိ​ရှေ့မှာတင် အမှန်တရားကို လျစ်လျူရှုလိုက်ခြင်းပင်။

"ဒုတိယအ​နေနဲ့ ကြိုတင်သိမြင်နိုင်တဲ့ဉာဏ်က ​အ​ကြောင်းတရားနဲ့ အကျိုးတရား စွမ်းရည်ကို အလွန်အကျွံသုံးစွဲမိသွားပြီ… ​နောက်ပြီး ပန်ဒါ​တွေဆီက စွမ်းရည်ကိုအသုံးပြုရင် သူနဲ့​တွေ့ဆုံမဲ့အချိန်က ​ရွှေ့ဆိုင်းသွားလိမ့်မယ်... ကြိုတင်သိမြင်တဲ့စွမ်းရည်ကို အသုံးမပြုမှဘဲ သူ့ကို ​တွေ့​ကောင်း​တွေ့နိုင်လိမ့်မယ်..."

ဒါဆို ဘယ်သူက ကြိုတင်သိမြင်နိုင်စွမ်းကို အသုံးပြုခဲ့တာလဲ...

ဘယ်သူက ​နောက်ဆုံးအကြိမ် အိမ်​ဟောင်းမှာ​တွေ့ဆုံတုန်းက ​ပေါ်မလာခဲ့တာလဲ...

ဒယ်အိုး ၂၄…

-----

မိနစ်သုံးဆယ်ပြည့်သွားချိန်တွင် ကုယွီမြန်က အချိန်မီထွက်မလာခဲ့​ပေ။

သူ့တွင် စဉ်းစားစရာများ အများအပြားရှိ​နေ​ပေသည်။

အမှန်တွင် ထွမ်ထွမ်​သာမက ရှို့ဟန်​ပါ နှစ်​ယောက်စလုံး ကုယွီမြန်အ​ပေါ် 'အလွန်​ကောင်း' ကြ​ပေသည်။ နည်းလမ်းမှာ မမှန်ကန်သော်လည်း...

ရှို့ဟန်က ကုယွီမြန်အ​ပေါ် သူ၏ချစ်ခင်နှစ်သက်မှုကိုဖော်ပြရန် ကို့ယို့ကားယားနိုင်စွာဖြင့် ပစ္စည်အများအပြားကို ဝယ်​ပေး​ကာ သူ့အ​တွေးများကို အ​လေးအနက်ထား​ပေလိမ့်မည်။ နှင်းကျားသစ်​လေးသည်လည်း ထိုနည်းတူပင်။ သူ ဝမ်းနည်း​နေချိန်တွင် ကို့ယို့ကားယားဖြင့် သူ့ကို နှစ်သိမ့်​ပေးလိမ့်မည်ဖြစ်ကာ သူ ပျင်း​နေသည်ဟု ​တွေးလိုက်မိချိန်တွင် တစ်စုံတစ်ခုကို ပြုလုပ်​ပေးလိမ့်မည်။

ဤနည်းအားဖြင့် ရှို့ဟန်သည်လည်း သူ၏ရှင်းပြ၍မရနိုင်​သော ချစ်ခင်မြတ်နိုးမှုအတွက် ​ဖြေရှင်းချက်တစ်ခုရရှိသွားခဲ့သည်။

စိတ်ဆိုးရမည့် အ​ကြောင်းတစ်စုံတစ်ရာရှိခဲ့လျှင် ၎င်းက သူ လှည့်စားခံလိုက်ရသလို ခံစားမိခြင်းပင်။

သို့​သော် ရှို့ဟန်၏အ​တွေးများကို နားလည်​ပေးနိုင်​ပေ၏။

​ရေ​နွေး​နွေးများ ​အောက်သို့စီးကျလာပြီး ကုယွီမြန် မျက်လုံးများကိုမှိတ်ကာ ​သူ့နဖူးမှ ​မေး​စေ့၊ လည်ပင်းအထိ ​ရေကိုစီးဆင်းခွင့်ပြုလိုက်သည်။

"သူက ပထမဆုံး သား​ပေါက်​လေးဖြစ်လာဖို့ ဖိအား​ပေးခံခဲ့ရတယ်…ဒါမှမဟုတ် သူ ဘာလို့ ငါ့ဆီ​ရောက်လာရတာလဲ... သူ့ကို ပထမဆုံးအကြိမ်တွေ့တည်းက ရှို့ဟန်ရဲ့အကျင့်စရိုက်အတိုင်းပဲ…"

ကုယွီမြန် သူ့ကိုယ်သူ ပြောလိုက်သည်။

မိုးရွာ​သော​နေ့တွင် အိမ်သို့​ရောက်လာ​သော နှင်းကျားသစ်​လေးကို ​တွေးလိုက်မိသည်။

အ​ကောင်​ပေါက်​လေးကို အတင်းအကျပ် ထိန်းသိမ်းထားခိုင်းချိန်ခဏတွင် ကုယွီမြန်နှင့်အတူ​နေပြီး သူ လူကြီးတစ်​ယောက်ပုံစံသို့ ​ပြောင်းလဲသွားချိန်တွင် ပွင့်ပွင့်လင်းလင်းပြောဆိုသင့်​ပေသည်။ သူ အချိန်​ကောင်းကို လွဲ​ချော်သွားခဲ့၏။

ရှို့ဟန်၏ခန့်မှန်းချက်က အမှန်တကယ်မှန်​ပေ၏။ လူတစ်​ယောက်၏နှလုံးသားနှင့်ပတ်သက်ပြီး သူ၏သိကျွမ်းနားလည်ပုံက ​ကြောက်စရာ​ကောင်းလှသည်။

တစ်လ​ကျော်သာကြာမြင့်​သောအချိန်တွင် ထွမ်ထွမ်သာ လူကြီးတစ်​ယောက်ဖြစ်ပြီး သူ၏ဂရုစိုက်​ပေးမှုကို မလိုအပ်​ကြောင်းပြောခဲ့လျှင် ထိုအချိန်တွင် ကုယွီမြန်က စဉ်းစားပြီး သူ့အားတည်တည်ငြိမ်ငြိမ်ဖြင့် လမ်းခွဲစကားဆိုမိ​ပေလိမ့်မည်။ ထိုအပြင် သူ့စိတ်ကိုထိန်းချုပ်ထားပြီး ရှင်းရှင်းလင်းလင်း စည်းချထားကာ သာမန်သူငယ်ချင်းများ ဖြစ်လာ​ပေလိမ့်မည်။

သို့​သော် ရှို့ဟန်က "သာမန်သူငယ်ချင်း" တစ်​ယောက် မဖြစ်ချင်​ပေ။

ထို့​ကြောင့် အလိမ်အညာများဖြင့် စတင်ဇာတ်လမ်းဆင်ခဲ့သည်။

"သား​ပေါက်အ​ခြေအ​နေနဲ့ လူကြီးအ​ခြေအ​နေ၊ မှတ်ဉာဏ်ကအတူတူပဲထင်တယ်… ဒါ​ပေမဲ့ သားပေါက်အ​ခြေအ​နေမှာ သူ့အ​တွေး​တွေက ပိုပြီးရိုးသားတယ်…"

ကုယွီမြန်က ​ရေပန်းခလုတ်ကိုပိတ်လိုက်ပြီး ​ရေချိုးဝတ်အင်္ကျီရှည်ကို ယူကာဝတ်ဆင်လိုက်သည်။

ထို့နောက် အမိုးအုတ်ကျွတ်ပြားများ​ပေါ်ရှိ ​ရေချိုးခန်းမီးများကို ဖွင့်လိုက်သည်။

ထိုတစ်စက္ကန့်အတွင်း သစ်သားတံခါးကို ကန်ဖွင့်ခံလိုက်ရသည်။

ရှို့ဟန်၏ဖိနပ်က သစ်သားတံခါး​ပေါ်တွင် နင်းထားသည်။

သူ ဝင်လာချိန်တွင် ကုယွီမြန်က ​ရေချိုးဝတ်ရုံကြိုးကို ချည်​နှောင်​နေဆဲဖြစ်ပြီး ဖြူ​ဖွေးပြီး နူးညံ့​ချော​မွေ့​သောရင်အုပ်နှင့် ညှပ်ရိုးလှလှ​လေးများကို လှစ်ဟပြထား​ပေသည်။ ၎င်းက အဓိပ္ပါယ်နှစ်မျိုးသက်​ရောက်​စေပြီး သား​ကောင်ကိုဆွဲ​ဆောင်​နေ​ပေသည်။

ရှို့ဟန် ရုတ်တရက် ရပ်တန့်သွားရ၏။

ကုယွီမြန်လည်း မတုန့်ပြန်နိုင်ဖြစ်သွားသည်။ ထိုအစား ရှို့ဟန်၏မျက်လုံးများမှာ ဦးစွာကျဉ်းမြောင်းသွားပြီး လည်စေ့က ရုတ်တရက် အထက်​အောက် သိသာစွာ လှုပ်ရှားသွားသည်။

ခဲပြာ​ရောင်မျက်လုံးများက နက်​မှောင်သွားပြီး သူ့၏နှုတ်ခမ်းပါးများမှာ တွန့်​ကွေးသွားသည်။

"မင်းー"

ရှို့ဟန် ဘာပြောချင်​နေသည်ကို သူ မသိ​ပေ။ ခဏမျှရပ်တန့်သွားပြီး သူ့အသံခပ်ဩဩက တစ်ဖန်ပြန်လည် ထွက်​ပေါ်လာသည်။

"ကိုယ့်ကို အရိပ်အမြွက်​ပေး​နေတာလား…"

ကုယွီမြန် "....."

ကုယွီမြန်၏အ​တွေးများက ​ခေတ္တမျှ​နှောင့်ယှက်ခံလိုက်ရသည်။ သူ ​ခေါင်းခါလိုက်ပြီး ခါးစည်းကြိုးကို အလျှင်အမြန် တင်းတင်းကျပ်ကျပ် ချည်လိုက်သည်။

​ကောင်းတယ်... တကယ်ကို မတူဘူးပဲ...

အကယ်၍ ဤ​နေရာမှာသာ ထွမ်ထွမ်ဆိုလျှင် သူ့နားရွက်​လေးများနီလာပြီး သူ့ပခုံး​ပေါ်သို့ အပူတပြင်း ​ပြေးတက်လာပြီး သူ့နားရွက်များကို လက်​လေးများဖြင့် ဖိထား​ပေလိမ့်မည်ー 

မဟုတ်ဘူး တော်​တော့ ရပ်လိုက်​တော့…

ကုယွီမြန် အချိန်ကိုကြည့်လိုက်သည်။ မိနစ်သုံးဆယ်​ကျော်သွားပြီဖြစ်၏။ 

ဒီလူ သူ့စိတ်ထဲက​နေပြီး စက္ကန့်​တွေကို ​ရေတွက်ထားတာလား...

ကုယွီမြန် ပြန်မ​ဖြေ​ပေ။ ရှို့ဟန် ခဏမျှရပ်တန့်သွားပြီး အနားသို့တိုးကပ်လာသည်။

ကုယွီမြန် "ငါ မင်းကို နားမလည်နိုင်ဘူး…"

"ဘာကို နားမလည်တာလဲ…"

ရှို့ဟန် သူ့မျက်ခုံးများကို အနည်းငယ်ပင့်တင်လိုက်၏။

သူ ​ရှေ့သို့ ​ခြေလှမ်းအနည်းငယ် လှမ်းလာပြီး ကုယွီမြန်ကို ​ရေချိုးခန်းနံရံဆီ တွန်းပို့ကာ ကုပ်ပိုးကို လှမ်းဆုပ်ကိုင်လိုက်သည်။

🐯🐯🐯