MM Story Teller

Chapter 119

Viewers 19k

🐯Chapter 119

ညမိုးချုပ်သည်နှင့်အမျှ ကြယ်များ စတင်လင်းလက်လာသည်။ လှေပေါ်တွင် ဆီမီးခွက်များစွာရှိပြီး ၎င်းတို့က ရေလှိုင်းများနှင့်အတူ လှုပ်ခတ်သွားသည်။ မြစ်ကမ်းစပ်ရှိ ညနေခင်းလေက ညင်သာစွာတိုက်ခတ်လာသည်။ ၎င်းက မတောက်ပသော်လည်း အလွန်ကျေနပ်စရာကောင်းသည်။

သို့သော် ယခုချိန်တွင် ပတ်ဝန်းကျင်၏ ကဗျာဆန်သည့်အလှတရားအား ခံစားရန် မည်သူမှ အာရုံမရှိခဲ့ကြချေ။

ကလေးလေးယောက်နှင့် ကြည့်ရှု့သူများက အိုးကို စိုက်ကြည့်နေကြသည်။ မြေခွေးလေးက အဖြူရောင်ကြွေပန်းကန်ပြားအား နှာခေါင်းဖျားဖြင့် တွန်းလိုက်သည်။ကုယွီမြန်က သူ၏ခေါင်းလေးအား ထိလိုက်ပြီး ပင်လယ်စာထမင်းကြော်တစ်ဇွန်းကိုပေးကာ နူးညံ့စွာပြောလိုက်သည်။

"ငါ ဒီစွပ်ပြုတ်ကို ချက်နေတာကြပြီ... အခုက အရမ်းပူနေသေးလို့ သောက်လို့မရသေးဘူး... ဒါပေမယ့် ထမင်းကြော်တော့စားလို့ရတယ်..."

အနောက်တိုင်းစတိုင် ပင်လယ်စာထမင်းကြော်၏ အရသာက ဤစွပ်ပြုတ်ပျစ်ပျစ်ထဲတွင်ရှိသည်။ ပင်လယ်စာစွတ်ပြုတ်ပူတစ်အိုးအား မီးဖိုတွင် မီးအေးအေးဖြင့်တည်ထားသည်။ စွပ်ပြုတ် ပွက်ပွက်ဆူလာသောအခါ နို့အနည်းငယ်သာရှိပြီး ဖြူဖွေးလတ်ဆတ်နေသည်။

နေ့ခင်းတွင် ကြည့်ရှု့သူအချို့မှာ အိပ်မပျော်ခဲ့ပေ။ သူတို့က ကုယွီမြန် ဖြည်းညင်းစွာ စွပ်ပြုတ်ချက်နေသည်အား ကြည့်နေခဲ့သည်။ ပါးပါးလှီးထားသော ကြက်သွန်နီ၊ ကြက်သွန်ဖြူ၊ ချင်း နှင့် ပုစွန်တို့ကို အိုးထဲသို့ထည့်ပြီး

လျင်မြန်စွာမွှေကာ ထွက်လာသောအရည်များအား စုဆောင်းပြီးနောက် ထပ်မွှေလိုက်သည်။

ချက်ပြုတ်နေစဉ်၌ ဟက်စကီးလေးက သူ့သွားများကိုဖြဲကာ ဇွန်းကိုလျက်ရန် အကြိမ်ပေါင်းများစွာ ကြိုးစားခဲ့ပြီး ကုယွီမြန်ထံမှ တားဆီးခြင်းခံလိုက်ရသည်။

ယခုအချိန်တွင် စွပ်ပြုတ်၏အရသာက ထမင်းနှင့်အရံဟင်းလျာများတွင် လုံးဝစုပ်ယူပျော်ဝင်သွားလေသည်။ရွှေရောင် ဆန်စေ့များက အနည်းငယ် ပျော့ပျောင်းပြီးအရသာရှိစေကာ ပုစွန်ကြော်၊ ကဏန်းခြေထောက်အသားနှင့် ကြက်ရင်ပုံတို့က တောက်ပသောဆီတစ်လွှာဖြင့် ဖုံးအုပ်နေပြီး မွှေးကြိုင်ကာ ပူပူနွေးနွေးနှင့်

ပန်းကန်လုံး၏နှုတ်ခမ်းဝအထိ အပြည့်ထည့်ထားသည်။

ပန်ဒါလေးနှင့် ကြည့်ရှုသူများမှာ ကြည့်ရှုနေစဉ် အချိန်ကောင်းလေးများရှိနေသည်။

မှတ်ချက်မျက်နှာပြင်တစ်ခုလုံးတွင်"အား" ၊ "စားချင်တယ်" နှင့် "မြန်မြန် မစားသေးဘူးဆိုရင် ငါ စားပွဲခုံကို

စားလိုက်တော့မယ်" တို့ဖြင့်ပြည့်နေသည်။

ကုယွီမြန် ဇွန်းကိုကိုင်ပြီး ပန်းကန်လုံး ၄လုံးထဲသို့ ထမင်းများထည့်နေသည့် အချိန်တိုအတွင်းမှာပင် ကြည့်ရှု့သူအရေအတွက်မှာ ထပ်မံတိုးလာခဲ့သည်။ ကြည့်ရှု့သူက သန်း၅၀၀အထိ ရောက်သွားမည့်ပုံပေါ်သည်။

ကုယွီမြန်က ကလေးများအား သူ့လက်မောင်းထဲတွင်ထည့်၍ထိုင်ပြီး တစ်ယောက်လျှင် ဇွန်းအပြည့် တစ်ဇွန်းကျွေးလေသည်။

"ဒါက ပူနေသေးတယ် ဖြေးဖြေးစားနော်... အသီးဖျော်ရည်လည်း လုပ်ပေးမယ်..."

နှင်းကျားသစ်လေးက ပထမတစ်လုတ်အား ပျင်းရိစွာစားလိုက်သည်။ တစ်ခဏကြာပြီးနောက် သူ ပုံမှန်ပြန်ဖြစ်ကာ ဝါးသည့်နှုန်းမှာ တဖြည်းဖြည်း တိုးလာခဲ့သည်။ အစာစားနေစဉ် မြေခွေးလေးက လေးနက်သောပုံပေါက်နေပြီး

စဉ်းစားနေသည်။ ဟက်စကီးလေးက ပန်းကန်လုံးတစ်ဝက်ကို သူ၏ပါးစပ်ကျယ်ကျယ်ဖွင့်ကာ စားလိုက်သည်။ ပန်ဒါလေးက အရသာကြောင့် အံ့အားသင့်သွားပြီး ကုယွီမြန်၏ လက်ဖဝါးအားထိကာ သူ့ခြေထောက်တိုတိုလေးများကို ကန်နေမိသည်။

၎င်းသည် အလွန်အရသာရှိသောကြောင့်ပင်...

ခပ်ပျစ်ပျစ် ပင်လယ်စာစွပ်ပြုတ်၏ လှပမှုနှင့် ထမင်းကြော်၏အနံ့က ချောမွေ့စွာဖြင့် အတူတကွရောနှောသွားသည်။

ပထမဆုံး ပင်လယ်စာစွပ်ပြုတ်၏အရသာအား မြည်းကြည့်ပြီးနောက် သူတို့၏လျှာများ လန်းဆန်းသွားသည်ဟု ထင်ရသည်။ ထို့နောက် ရွှေရောင်သန်း၍ နူးညံ့သောထမင်းအား မြည်းကြည့်လိုက်သည်။ ပုစွန်ကြော်နှင့် ကဏန်းသားက အလွန်နူးညံ့သည်။ နောက်ဆုံးတွင် သူတို့၏အရသာက

ကြွပ်ရွသော မျှစ်နုလေးများဖြင့် အဆုံးသတ်သွားသည်။

၎င်းက အရသာမျိုးစုံပါသော ပင်လယ်စာထမင်းကြော် တစ်ဇွန်းသာဖြစ်သည်။ အရသာအား ပြောစရာပင်မလိုချေ။ ထမင်းက ပျော့အိပြီး ပင်လယ်စာစွပ်ပြုတ်က မွှေးသည်။ ၎င်း၏အရသာက သာမန်ထမင်းကြော်ထက်ပို၍ နူးညံ့ကာအရသာရှိသည်။ ၎င်းကို ကြွပ်ရွသောပုဇွန်နှင့် ကြက်ရင်ပုံဖြင့် တွဲဖက်ထားသည်။

ပန်ဒါလေးက ဇွန်းအား လက်ကလေးဖြင့်ကိုင်၍ ကျေနပ်စွာအော်ဟစ်ကာ သူ့ဗိုက်ကလေးအား အခြားလက်တစ်ဖက်ဖြင့် ပုတ်နေလေသည်။ မျက်စိတစ်မှိတ်အတွင်းမှာပင် နှင်းကျားသစ်လေးက ပန်းကန်လုံးတစ်လုံးအား စားပြီသွားပြီဖြစ်သည်။ သူက ကုယွီမြန်၏ လက်ကောက်ဝတ်အား ဖိထားပြီး နောက်တစ်ပန်းကန်ပေးရန် တိုက်တွန်းနေသည်။

"နင်နေဦးမယ်...ဖြေးဖြေးစား..."

ကုယွီမြန် ကူကယ်ရာမဲ့စွာပြုံးလိုက်ပြီး ကောင်ဆိုးလေးအတွက် နောက်တစ်ပန်းကန်ဖြည့်ပေးလိုက်သည်။

အရသာရှိသော ထမင်းကြော်မှာ ဤဆောင်းဦးညအတွက် အလွန်သင့်လျော်သည်။ မြစ်ရေက လေနှင့်အတူ အနည်းငယ်ရွေ့လျားနေပြီး လှေက ကမ်းစပ်တွင် ကျောက်ချထားသည်။ မြစ်၏အလင်းလှိုင်းများတွင်မှိတ်တုတ်မှိတ်တုတ်အလင်းများနှင့် လရောင်ရှိသည်။

ထမင်းကြော်က အရသာရှိသော်လည်း မအီပေ။ ကုယွီမြန် မီးဖိုပေါ်တွင် တည်ထားသော သစ်သီးလက်ဖက်ရည်က နှုတ်ခမ်းနှင့်သွားများမှ အစာအိမ်အထိ နွေးထွေးစေသည်။လတ်ဆတ်သောဘယ်ရီသီးများနှင့် လော်ရယ်အနံ့တို့က နှာဖျားမှတစ်ဆင့် စီးဝင်သွားပြီး ထမင်းကြော်က မွှေးကြိုင်သောအနံ့များဖြင့် ပြည့်လျှံနေသည်။ စားပြီးနောက် အရသာက အဆုံးမရှိ ရှည်လျားစွာကျန်ရစ်ခဲ့ပြီး ဆောင်းဦးကဗျာတစ်ပုဒ်နှင့်လိုက်ဖက်သော ထူးခြားသည့် ရှုခင်းတစ်ခုဖြစ်သည်။

တူညီသော စက္ကန့်မှာပင် မရေတွက်နိုင်သော လက်ဆောင်များက အတူတကွပေါက်ကွဲထွက်လာပြီး မှတ်ချက်မျက်နှာပြင်တစ်ခုလုံးပြည့်သွားသည်။

[ဒီငါးဆားနယ်က အရှုံးသမားမဟုတ်ဘူး : အာ... အရသာရှိတယ် အရသာရှိတယ် အရသာရှိတယ်… ငါ့ရဲ့ သရေတွေစားပွဲပေါ်ကျကုန်လို့ အခု သန့်ရှင်းနေရပြီ...]

[တိမ်လေးတစ်ခုရှိတယ် : ထမင်းကြော်က မွှေးကြိုင်ပြီး အရသာရှိတယ်..။စွပ်ပြုတ်လောင်းထည့်လိုက်တော့ သူကပို နူးညံ့ပြီးပျော့ပျောင်းသွားတယ်...အရသာရှိလွန်းတယ်...]

[မူးနေတဲ့အလှလေးအတွက် အစိမ်းရောင်မိတ်ကပ်ပါးပါး :ဒါကတကယ့်ကို အရသာရှိတယ်... ထမင်းကမွှေးပြီး ပုစွန်နဲ့တခြားအရံဟင်းတွေက အရမ်းလတ်ဆတ်ပြီး နူးညံ့တယ်... အရသာက ဒီတိုင်းအရမ်းကိုကောင်းတယ် အာ... တင်ဆက်သူ ကံစမ်းမဲလုပ်ဖို့ စဥ်းစားပေးနိုင်မလား...

လောဘကြီးသော မျက်လုံးများဖြင့်QAQ]

[အမှောင်ထဲမှသံသယ:မကြာသေးခင်တုန်းက အယ်လ်ဘတ်မှာနေ့တိုင်း ညစာသွားစားဖြစ်တယ်… ဒါပေမယ့် အယ်လ်ဘတ်ရဲ့ဟင်းပွဲအသစ်တွေက ကုယွီမြန်ရဲ့တိုက်ရိုက်ထုတ်လွှင့်မှုကိုအမှီမလိုက်နိုင်ဘူး ...မုန်းတယ်...]

[ဗီဗီယန် : ငါအရမ်းပျော်တယ်... မြင်ကွင်းတိုင်း အသေးစိတ်တိုင်းက ငါ့အိပ်မက်ထဲကအတိုင်းကွက်တိပဲ ဝူး ဝူး ဝူး...ထမင်းကြော်စား၊ ဖျော်ရည်ပူပူလေးသောက်၊ မြန်မြန်နဲ့ချစ်ဖို့ကောင်းတဲ့ ဒီကလေးအုပ်စုကိုကြည့်ရတာက အိပ်မက်ကောင်းလေးတစ်ခုလိုပဲ...]

မှတ်ချက်မျက်နှာပြင်မှာ တစ်ခုပြီးတစ်ခုတက်နေပြီး လူတို့အားမူးဝေအောင်လုပ်နေသည်။

ဆိုလိုသည်မှာ ကုယွီမြန်က တစ်နေ့တည်းနှင့် လူကြိုက်များသည့်စာရင်း၏ ထိပ်ဆုံးတွင် သုံးနာရီကျော်ကြာအောင် ထိန်းထားနိုင်ခဲ့သည်။ လူသစ်ပြိုင်ပွဲ၏ဗိုလ်လုပွဲည ပထမနေရာအား နောက်ရှစ်နာရီအတွင်း ကြေညာမည်ဖြစ်သည်။

တစ်ချိန်တည်းမှာပင် သူက ယခုတစ်ပတ်၏ အကျော်ကြားဆုံးစာရင်း၏ထိပ်ဆုံးတွင် ရှိနေလိမ့်မည်။

၎င်းက အဓိကမျက်နှာပြင်အကြံပြုချက်၏ အထူးပြုချက်များအား တိုက်ရိုက်ခလုတ်ဖွင့်လိုက်ပြီး ပလက်ဖောင်းတစ်ခုလုံး ကံစမ်းမဲများဖြင့် ပြည့်နေစေသည်။ ကြည့်ရှု့သူအရေအတွက်က သန်း ၅၀၀သို့တစ်ဖြောင့်တည်းတက်သွားပြီး ကြည့်ရှုသူအသစ်များက စက္ကန့်တိုင်းဝင်ရောက်လာသည်။

"အဓိကက ညစျေးမှာ အရသာရှိတဲ့စားစရာတွေအများကြီးရှိတယ်..."

ကုယွီမြန်က အကောင်ပေါက်လေးများ၏ မေးကို ကုတ်ပေးလိုက်သည်။

"အခု စားတာလုံလောက်ပြီလို့ ပြောရင်ရော ဘယ်လိုလဲ..."

ညဈေးတွေနဲ့ ဘုရားကျောင်းပွဲတွေမှာ အကောင်းဆုံးပျော်ရွှင်စရာ တစ်စိတ်တစ်ပိုင်းက စားသောက်တာပဲ မဟုတ်လား...

ထိုနေရာများတွင် ဒေသထွက် သရေစာမျိုးစုံကို ကြော်လှော်ထားပြီး အိုးထဲတွင်ချက်ထားသည်။ လက်ထဲတွင်

တစ်စုံတစ်ခုကိုင်ပြီး လမ်းလျှောက်ရင်း စားသောက်ရသည်မှာ ပျော်စရာတစ်ခုပင်။

မြေခွေးလေးက တစ်ခဏမျှ တုံ့ဆိုင်းသွားပြီး ကုယွီမြန်၏ စကားကို နားထောင်ကာ သူ့လက်ဖဝါးလေးဖြင့် ဇွန်းကိုင်ခြင်းအား ရပ်လိုက်ပြီး သူစားရသည်မှာ မလုံလောက်သေးဟု တွေးနေခဲ့သည်။ သို့သော် အခြားကလေး သုံးယောက်မှာ မကြားရနိုင်ပေ။ နှင်းကျားသစ်လေးက ပန်းကန်လုံး သုံးလုံး စားခဲ့ပြီးဖြစ်သည်။ စားသောက်ပြီးနောက် သူက ကုယွီမြန်၏ လက်မောင်းထဲတွင် အသိုက်ဆောက်ကာ သူ့လက်ဖဝါးများကို ဖြေညင်းစွာလျက်နေခဲ့သည်။

သို့သော်လည်း ပန်ဒါလေးနှင့်ဟက်စကီးလေးမှာ လျင်မြန်စွာစားသောက်ခြင်းကြောင့် ကြို့ထိုးနေကြပြီး အလွန်ချစ်စဖွယ်ကောင်းလှသည်။ သူတို့က လှေပေါ်တွင်ထိုင်ပြီး ရေနှင့်ဆော့ကစားနေခဲ့သည်။

ကြည့်ရှု့သူများ :

[ဒါက ငါပြောချင်တာပဲ... ဒါပေမဲ့ စားနေတာကိုမရပ်နိုင်ဘူး...]

[ဟုတ်တယ် ထွမ်ထွမ်ရဲ့ရှု့ထောင့်ကနေ ၃ပန်းကန်စားပြီးပြီဆိုပေမယ့် ငါလုံလောက်တယ်လို့ မခံစားရသေးဘူး...]

[မြန်မြန် ချက်ထားတဲ့အရသာရှိတဲ့အစားအစာတွေက

ဘယ်လိုလုပ် ညစျေးနဲ့ယှဥ်နိုင်မှာလဲQAQ...

အသီးဖျော်ရည်ကလည်း အားလုံးကိုအနိုင်ယူပစ်တယ်...]

[အလှကုန်တွေကို လွှင့်ပစ်မယ်: သူ ခုဏလေးတင် ကိတ်ရှိတယ်လို့ပြောလိုက်တာမလား... ကိတ်စားချင်တယ်...ကိတ်နာမည်က ဘာပါလိမ့်...]

"ချီဖုန်းကိတ်လို့ခေါ်တယ်..."

ကုယွီမြန် သူ၏မျက်လုံးများကွေးသွားပြီးနောက် ပြန်ပြောလိုက်သည်။

"ခဏစောင့်ပါဦး..."

ကံကောင်းထောက်မစွာဖြင့် သူက ကလေးများစားရန်လုံလောက်မည်ဟု ထင်ခဲ့သည်။ ကိတ်မုန့်အများစုအား ရေခဲသေတ္တာထဲတွင်ထည့်ထားပြီး ညစာစားပြီးနောက် စားရန် ကိတ်မုန့်အနည်းငယ်သာချန်ထားခဲ့သည်။ ၎င်းက အရသာ အမှန်တကယ်ကောင်းသော်လည်း ဗိုက်မပြည့်စေသည့် ကိတ်မုန့်မျိုးဖြစ်သည်။

ပန်ဒါလေးက ကိတ်မုန့်ရှိသည့်အကြောင်း ကုယွီမြန်ပြောခဲ့သည်အား မေ့သွားခဲ့သည်။ ဤအချိန်တွင် ၎င်းက ကောင်းကင်မှကျလာသည့် ကိတ်မုန့်တစ်ခုကဲ့သို့ပင်။ သူ ပျော်ရွှင်စွာ လေချဥ်တက်လိုက်သည်။ ချီဖုန်းကိတ်က ရှေးဟောင်းကမ္ဘာပေါ်တွင် လူကြိုက်အများဆုံး ကိတ်မုန့်တစ်ခုလည်းဖြစ်သည်။ ၎င်း၏အရသာမှာ နူးညံ့၊စိုစွတ်၊ချိုမြိန်သော်လည်း လေးပင်ခြင်းမရှိဘဲ ပေါ့ပါးသည်။

သို့သော် ကလေးများ၏အရသာခံမှုအား ဂရုစိုက်သည့်အနေဖြင့် ကုယွီမြန် ချိစ့်ထည့်ထားပြီး ၎င်းက ချီဖုန်းကိတ်နှင့် ချိစ့်ကိတ်၏ ပေါင်းစပ်ထားမှုတစ်ခုဖြစ်သည်။

ထုတ်လုပ်မှု လုပ်ငန်းစဥ်က မခက်ခဲချေ။ ကြက်ဥအနှစ်နှင့် ဆီတို့အား အညီအမျှရောမွှေပြီး သံပုရာရည်နှင့် ဘယ်ရီသီးထည့်လိုက်သည်။ ကုယွီမြန်က ကိတ်မုန့်အားထုတ်ပြီး တြိဂံပုံသဏ္ဍာန်လေးခုအညီအမျှလှီးကာ ကလေးများအတွက် တစ်ခုစီခွဲ၍ ခက်ရင်းတစ်ခုစီ ထည့်ပေးလိုက်သည်။

၎င်းက နူးညံ့သော နို့ဖြူရောင် ကိတ်မုန့်သေးသေးလေးဖြစ်ပြီး အထဲတွင် ချိစ်ခရင်များပါသည်။

ချီဖုန်းကိတ်က ပေါ့ပေါ့ပါးပါးနှင့် အရသာရှိသည်။ ၎င်းက ချဉ်သည်၊ချိုသည်၊အစိုဓါတ်ရှိပြီး ခရင်မ်လည်းပါဝင်သည်။ ထို့အပြင် ကိတ်၏မျက်နှာပြင်မှာ တောက်ပသောအရောင်နှင့် ဘယ်ရီယို၊ အခွံမာသီးများ တစ်လွှာဖုံးအုပ်ထားပြီး အနုပညာလက်ရာတစ်ခုကဲ့သို့ လိမ္မော်ဘယ်ရီနှင့် ဖုံးအုပ်ထားသည့် သကြားခဲတစ်လွှာလည်းပါဝင်သည်။

ဇွန်းသေးသေးလေးဖြင့် သူတို့၏ပါးစပ်ထဲသို့ မုန့် ခပ်ထည့်လိုက်သည်နှင့် အရည်ပျော်သွားသည်။ လတ်ဆတ်သော ချိုချိုချဥ်ချဥ်ဘယ်ရီနှင့် ဆော့စ်က နှင်းစက်နှင့်မြက်ပင်ရိုးတံတို့၏ရနံ့အား ရနိုင်လုနီးပါးပင်။ ဆောင်းရာသီ၏

သီးနှံခူးဆွတ်ခြင်းအရသာတစ်ခုလုံးက ထိုထဲတွင်ပုန်းကွယ်နေပြီး နူးညံ့လှ၍ ချိစ့်၏နို့အရသာက ချီဖုန်းကိတ်နှင့်အတူပေါင်းစပ်လျက်ရှိသည်။

"ကျီ..."

မြေခွေးလေး၏ရှေ့တွင် ကိတ်ပန်းကန်လေးရှိပြီး မကြာမီတွင် ပါးစပ်အပြည့်တစ်လုပ်စာသာ ကျန်တော့သည်။ ကျေနပ်သွားသော မြေခွေးလေးက နှင်းဘောလုံးလေးဖြစ်သွားသည်။

ဟက်စကီးလေးနှင့် ပန်ဒါလေးက သူတို့၏ပန်းကန်ပြားများအား လျှာဖြင့်လျက်ပြီး ကုယွီမြန်လက်မောင်းထဲတွင် ချုပ်နှောင်ခံထားရသည်။ ပင်လယ်စာထမင်းကြော်အား စားပြီးနောက် ကိတ်မုန့်စားရသည်မှာ ချိုသော်လည်း မအီချေ။ကိတ်မုန့်သေးသေးလေးနှင့် စိတ်ခံစားချက်များ ကျေနပ်သွားသည်။

ကြည့်ရှုသူများတွင် စကားပြောရန် အချိန်မရှိချေ။ ၎င်းတို့အား အရသာခံနေစဥ်တွင် မျက်နှာပြင်မှာ ဆက်တိုက် လက်ဆောင် အထူးပြုချက်များဖြင့်သာ ပြည့်နေသည်။

သူတို့၏လှေက စိတ်ကူးယဥ်မြို့တော်၏ အဓိကမြို့နှင့်မဝေးသော မြစ်ကမ်းဘေးတွင်ရှိနေသည်။ တစ်နေ့တာ၏အဆုံးတွင် နေရောင်က တဖြည်းဖြည်း အလင်းရောင်အား စုစည်းလာသည်။ သူတို့က တစ်မြို့လုံး

ရွှေနီရောင်လင်းနေသည်အားမြင်နိုင်ပြီး တဖြည်းဖြည်းနှင့် ပျော်ရွှင်ဆူညံနေကြသည်။

မှင်စာများက စည်များအား တစ်ခုပြီးတစ်ခုရွှေ့ကာ သီချင်းဆိုရင်း အချင်းချင်းနှုတ်ဆက်ကြသည်။ နတ်သမီးများက လမ်းမီးများကို ၎င်းတို့၏မီးပုံးလေးများဖြင့် ထွန်းညှိပေးသည်။ လှော်တက်များနှင့်လရောင်က ရေပေါ်တွင် ရောင်ပြန်ဟပ်နေပြီး စိတ်ကူးယဥ်မြို့တော်၏

ဘယ်ရီပွဲတော်ည စတင်တော့မည်ဖြစ်သည်။

ဤတိကျသောချာသောစက္ကန့်ပိုင်းမှာ တစ်ညတာလုံးအတွက် လူတိုင်း၏မျှော်လင့်ချက်ကို ရုတ်တရက် ပြည့်စုံသွားစေသည်။

အစားအစာနှင့်သောက်စရာ အလုံအလောက်ရရှိပြီးနောက် နှင်းကျားသစ်လေးက ကုယွီမြန်၏ပခုံးပေါ်တွင် ထိုင်ပြီး လှမ်းကြည့်နေသည်။ ထန်ယွမ်လေးက ကျေနပ်သော နှာခေါင်းသံလေးပေးကာ ထန်ယွမ်ဘောလုံးလေးအဖြစ် လဲကျသွားသည်။ ဟက်စကီးလေး၏ ခြေထောက်၂ချောင်းမှာ

ကုယွီမြန်၏ရင်ခွင်ပေါ်တွင် ရှိနေပြီး သူ၏ကိုယ်ပိုင် အာ့ဟာအကကို ပျော်ရွှင်စွာ ကပြကာ သူ့ကိုယ်ပိုင်နည်းလမ်းဖြင့် သူ၏စိတ်လှုပ်ရှားပျော်ရွှင်မှုအား ဖော်ပြနေသည်။

[ဒိန်ချဥ်ကမချိုဘူး : အစားအစာတိုက်ရိုက်ထုတ်လွှင့်မှုကိုပဲကြည့်ချင်ခဲ့တာပါ ဒါပေမဲ့ နောက်ပိုင်းက ဘာဖြစ်သွားတာလဲ...]

[သစ်တော်ပန်းပွင့် အဖြူရောင်လေး : ဒီကိတ်က အံ့သြစရာကောင်းတယ်...ပင်လယ်စာထမင်းကြော်ကလည်း ထူးခြားတယ်... အာ... ဘယ်အချိန်မှ ကိုယ်တိုင်စားနိုင်မှာလဲ...]

[အသုံးပြုသူ 1763: အခုက ၆နာရီထိုးခါနီးပြီ…ညလည်းရောက်လာပြီ...ရှေ့ဆက်မျှော်လင့်နေမိတယ်...]

[ဖျောက် ဖျောက် ဖျောက် : ငါညစျေးတန်းကို မြန်မြန်နဲ့ ကလေးတွေနဲ့အတူ သွားချင်တယ်... မီးပုံပွဲနဲ့ နတ်သူငယ်သစ်တောကိုလည်းသွားချင်တယ်...ငါအဆင်သင့်ဖြစ်နေပြီ အဆင်သင့်ပဲ...]

လူသစ်ပြိုင်ပွဲ၏ ယဗိုလ်လုပွဲညမှာ ၅နာရီသာကျန်တော့သည် ရှည်လျားသောအချိန်ဇယားက နောက်ဆုံးတွင် အဆုံးသတ်ခါနီးလေပြီ။ ယခုအချိန်တွင် ကြည့်ရှု့သူမှာ သန်း ၄၈၀ သို့ ရောက်ရှိလာပြီဖြစ်သည်။

ကြည့်ရှု့သူအားလုံးက မြန်မြန်နှင့်ကလေးများနှင့်အတူ ညအားကုန်ဆုံးရန် မျှော်လင့်နေခဲ့ကြသည်။

မြေခွေးလေးက နောက်ဆုံးကိတ်မုန့်တစ်ကိုက်အားစားရန် တွန့်ဆုတ်နေ၏။ ကုယွီမြန်က သူစားပြီးသည်အထိ စိတ်ရှည်ရှည်နှင့် စောင့်ဆိုင်းနေခဲ့ပြီး မြေခွေးလေးအား ဘီစကစ်တစ်ပိုင်း ဆုချကာ လှော်တက်ဖြင့် စိတ်ကူးယဥ်မြို့တော်၏အဓိကမြို့ထံ လှော်ခတ်သွားသည်။

"ဗိုက်ပြည့်ပြီလား... ဒါဆို စိတ်ကူးယဥ်မြို့တော်ကို သွားကြစို့..."

လှေလေးထဲရှိ မီးတိုင်တို့၏အရိပ်ဖြင့် မြို့ထဲသို့ လှော်ခတ်သွားသည်။

စိတ်ကူးယဥ်မြို့တော်ထဲမှ ညတိုင်းက အလွန်သက်ဝင်လှုပ်ရှားသော်လည်း ယနေ့က နှစ်စဥ်ဘယ်ရီပွဲတော်ညဖြစ်သောကြောင့် ယခင်ထက်ပို၍ လူစည်ကားနေသည်။ ခရီးသွားအမြောက်အများက ယနေ့ည ဘယ်ရီပွဲတော်အတွက် ရောက်လာကြသည်။

ဘယ်ရီပွဲတော်မှာ တစ်နှစ်အတွင်း အသီးအနှံများနှင့် ဆန်စပါးရိတ်သိမ်းပွဲ ကျင်းပရန်အတွက် ရည်ရွယ်ထားခြင်းဖြစ်သည်။ နောက်လာမည့်နှစ်အတွက် ဆုတောင်းရန်နှင့် ကောင်းမွန်သည့်ပွဲတော်တစ်ခုလည်း ဖြစ်သည်။

မြို့တံခါးအား စောင့်ကြပ်နေသော မှင်စာအမျိုးသားငယ်များနှင့် အမျိုးသမီးများက ၎င်းတို့၏ ကွေးနိုင်ဆန့်နိုင်သော

ခါးကိုပြနိုင်သည့် ရိုးရာဝတ်စုံများအား ၀တ်ဆင်ထားကြသည်။ အမျိုးသားအများစုက ၎င်းတို့၏ ခန္ဓာကိုယ်အပေါ်ပိုင်း၌ တက်တူးများကို တိုက်ရိုက်ဖော်ပြကာ ရိုးရှင်းသောဒီဇိုင်းများပြသလျက် လွတ်လပ်စွာ ရယ်မောရင်းဖြင့် ခရီးသွားများကို ဆွဲဆောင်လျက်ရှိသည်။

ဘယ်ရီပွဲတော်အတွင်း အရွယ်ရောက်ပြီးသည့် ခရီးသွားဧည့်သည်များက မြို့ထဲသို့ဝင်ရန် အထူးချက်ထားသည့် ဘယ်ရီဝိုင်တစ်ခွက်သောက်ရန် လိုအပ်သည်။ ကလေးများနှင့်လူကြီးများကလည်း အသီးဖျော်ရည်သောက်ကြရလိမ့်မည်ဖြစ်သည်။

ကုယွီမြန်အား ဝိုင်ငှဲ့ပေးသည့် မှင်စာမလေးက ရှက်ရွံ့စွာပြုံးပြနေခဲ့ပြီး သူ့ကိုကြည့်ကာ ဆွဲဆောင်နေခဲ့သည်။ သူမ တစ်စုံတစ်ခုပြောချင်ခဲ့သော်လည်း နှင်းကျားလေး၏ အေးစက်မှောင်မိုက်သောမျက်လုံးများဖြင့် ခြောက်ထုတ်ခြင်း ခံလိုက်ရသည်။

ကုယွီမြန် :"...."

ပါတနာတစ်ယောက်ရှာဖို့ ဖြစ်နိုင်ချေကတော့ တကယ်

အဆုံးသတ်ပဲ...

မြေခွေးလေးက ခွက်ကိုယူ၍ ဖျော်ရည်အား ဦးစွာသောက်ပြီးနောက် ခွက်အား လေးလေးနက်နက်ကိုင်ပြီး အမူအရာမဲ့သောမျက်နှာဖြင့် ဟက်စကီးလေးကို တိုက်လိုက်သည်။ ပန်ဒါလေးက သောက်ပြီးမကြာမီတွင် သူ၏ဗိုက်အား ကျေနပ်စွာထိလိုက်သည်။ ၎င်းက ကုယွီမြန်၏ သစ်သီးလက်ဖက်ရည်နှင့်မတူဘဲ ပိုမိုစိမ်းစိုသော အရသာရှိပြီး ပြင်းထန်သော်လည်း ကွဲပြားသော အရသာတစ်ခုရှိသည်။

ကုယွီမြန်လည်း ခွက်သေး၂ခွက်သောက်ချင်သော်လည်း ဝိုင်ပမာဏက အလွန်သာမန်ဖြစ်သည်။ သို့သော် သူက ကလေးများအား ကစားရန်ခေါ်လာရသည့်အတွက် ပျော်ရွှင်နေသည်။ အသီးဝိုင်၏ဒီဂရီက မမြင့်လောက်ဟုထင်ခဲ့၍ တစ်ခွက်လုံးသောက်ခဲ့သည်။

ခွက်ကိုချပြီးသည့်နောက် ဘေးပတ်လည်မှလူများက သူ့အား နှစ်လိုစွာကြည့်နေကြပြီး အထူးသဖြင့် မှင်စာမလေးများပင်။ သူတို့၏မျက်လုံးများက ပို၍အရူးအမူးစွဲလမ်းနေကြပုံပေါ်သည်။

🐯🐯🐯

Prev Next