MM Story Teller

Chapter 112

Viewers 19k

🐯Chapter 112

အာ့ဟာနှင့် ထန်ယွမ်လေးက တစ်ခဏမျှ တုံ့ဆိုင်းသွားပြီးနောက် သူတို့၏ခေါင်းလေးများဖြင့် ကုယွီမြန်၏လက်မောင်းထဲသို့ တိုးဝှေ့လာကြသည်။ တစ်ယောက်က ကုယွီမြန်၏လက်ဖဝါးထဲတွင် ပွတ်သပ်နေပြီး အခြားတစ်ယောက်မှာ ပြုံးဖြဲဖြဲမျက်နှာလေးဖြင့် ကျေနပ်နေသည်။

"အီ..."

"အာဝူး...အာဝူး..."

ယခုအချိန်တွင် သူတို့သုံးယောက်စလုံးနှင့် ကြည့်ရှုသူများက ဆက်စပ်နေသည်။

နှင်းကျားသစ်လေးလည်း တူညီသောအဓိပ္ပါယ်ဖြင့် တိတ်တဆိတ် ခေါင်းညိတ်လိုက်သည်။ မြေခွေးလေးသာလျှင် စဥ်းစားအပေးတတ်ဆုံးသော သူဖြစ်သည်။

သူပျော်ရွှင်ကြောင်းပြရန် "ကျီ"ဟုကောင်းမွန်စွာ ပြောလိုက်သည်။

"အကုန်လုံးလား..."

ကုယွီမြန်က ကလေးနှစ်ယောက်၏နဖူးအား

ထိလိုက်သည်။

"မရဘူး မီးဖိုချောင်သုံးပစ္စည်းတွေငှားရမှာလေ... တစ်ခုပဲရွေးလို့ရမယ်..."

ထန်ယွမ်လေး ကျဥ်းထဲကျပ်ထဲရောက်သွားသည်။ သူနှင့်ဟက်စကီးလေးက တစ်ယောက်နှင့်တစ်ယောက်ကြည့်ပြီး နှစ်ယောက်သားအတူ အော်၍ ပွစိပွစိလုပ်ကာ ခက်ခဲသောရွေးချယ်မှု ပြုလုပ်ရတော့သည်။ နှင်းကျားသစ်လေးက

သူတို့နှောင့်နှေးနေသည်အား မကြည့်ချင်ပေ။ သူ၏လက်ဖဝါးလေးအား ကုယွီမြန်၏ လည်ပင်းပေါ်တွင်ထားကာ စိတ်မရှည်စွာဖြင့်ကုတ်လိုက်သည်။

"ကောင်းပြီ...ငါ ထွမ်ထွမ့်စကားကိုနားထောင်လိုက်မယ်..."

ကုယွီမြန် ခေါင်းညိတ်လိုက်သည်။

"ဘယ်ရီပန်ကိတ်ပဲ လုပ်လိုက်မယ်နော်... ဘယ်ရီဌာပနာမုန့်နဲ့သကြားအုပ်ဘယ်ရီကို အချိန်ရမှပဲလုပ်မယ်... ကိစ္စမရှိပါဘူး ငါသေချာပေါက်လုပ်ပေးမယ်... ဒီနေ့က အချိန်သိပ်မရှိလို့ပါ..."

ထန်ယွမ်လလေးနှင့်အာ့ဟာလေးမှာ မျက်မှောင်ကြုတ်လိုက်ပြီးနောက် နှင်းကျားသစ်လေးက စိတ်ကျေနပ်စွာ

ခေါင်းညိတ်ပြလေသည်။

[ကိုကိုးပူပူလေးနဲ့နွေးထွေးအောင်လုပ်မယ် : ငါလည်း တင်ဆက်သူလိုမျိုး ထွမ်ထွမ်ပြောတာကို နားလည်ချင်တယ်...]

[တရုတ်ပြည်တောင်ဘက်ကကျားက ဘယ်တော့မှချိန်းမတွေ့ဘူး :နောက်ဆုံးတော့ မြန်မြန်က အုပ်စုဘာသာစကားမှာ အဆင့်၁၀ပဲ... ထွမ်ထွမ်ရဲ့ရှာလကာရည်တွေကနေ ဝေးဖို့ ချော့နည်းပေါင်း၁၀၀လောက် ကျွမ်းကျင်နေပြီ ဟားဟားဟား...]

မတိုင်မှီက ထိုအပြုအမူအား ရှာတွေ့ခဲ့သည့်ကြည့်ရှုသူမှာ အနည်းငယ်သာရှိခဲ့သည်။ ယခုအခါ လူတိုင်းက နှင်းကျားသစ်လေး၏ လက်ဖဝါးနှင့် အကုတ်ခံချင်ကြသည်။

ယခုအချိန်တွင် လူပေါင်း သန်း ၁၅၀ ကြည့်ရှု့နေပြီး မှတ်ချက်မျက်နှာပြင်တွင် ချက်ချင်း ရယ်မောမှုများ စတင်လာခဲ့သည်။

ကုယွီမြန်လည်း မနေနိုင်ဘဲ ရယ်လိုက်မိသည်။ ထူးဆန်းသည်မှာ နှင်းကျားသစ်လေး၏ အပြုအမူက စိတ်ကူးသာဖြစ်ပြီး တစ်နည်းနည်းဖြင့် သူကခန့်မှန်းနိုင်ခဲ့သည်။

မြက်ခင်းစိမ်းစိမ်းဖြင့် ပြည့်နေသောကမ္ဘာ၊ ဆောင်းဦးကောင်းကင်ပြာနှင့်ကမ္ဘာသစ်ပင်၏ ရွှေရရောင်သစ်ရွက်များအားဖြတ်ပြီးကျလာသော နေရောင်က သူတို့ပေါ်သို့အလင်းကွက်ကျကာ တလက်လက်တောက်ပနေသည်။

"အခုစကြရအောင်... ကျွန်တော် အချိုပွဲမလုပ်ဖြစ်တာကြာပြီလား..."

[သစ်သားလူသား 123 :ဟုတ်တယ်... နောက်ဆုံးလုပ်ခဲ့တဲ့ အချိုပွဲက ကန်စွန်းဥနဲ့ဒိန်ချဥ်ဆိုတာ ပြန်သတိပေးဖို့ ငါ့ကိုလိုလား... နောက်ဆုံးတော့ ငါဒီနေ့ထိစောင့်ခဲ့ရတာ... မင်းစောင့်နိုင်သ၍ မင်းလိုချင်တာကို ရလိမ့်မယ်ဆိုတာ မှန်တာပဲ...]

[auxjhk:ကြောက်စရာလူပဲ... ဒါနဲ့ ငါတို့လည်းမှတ်မိတယ်...]

ကုယွီမြန် မလုံမလဲနှင့်ပြုံးလိုက်မိပြီး ခေါင်းခါလိုက်သည်။

ယခင်နှင့်မတူဘဲ ကြယ်တာရာခေတ်တွင် မျိုးနွယ်အများစုက သကြား၏ချိုမြိန်မှုအား မပြောနိုင်ပေ။ တိရစ္ဆာန်များက သကြားအရသာကို ခံစားဖူးပြီးဖြစ်သည်။ သို့သော် အဆုံးတွင် သူတို့မှာတိရစ္ဆာန်များသာ ဖြစ်သည်။ အကောင်ငယ်အတော်များများက ဆားနှင့်သကြား အများအပြားမစားနိုင်ချေ။ အိမ်တွင်ချက်ပြုတ်ခြင်းက အမြဲတမ်း လတ်ဆတ်ပြီး ပေါ့ပါးသည်။

သို့သော် ကလေးများကစားရန်ထွက်သွားပြီးနောက် အချို့ ချိုသောအစားအစာများတွင် အရသာတွေ့သွားနိုင်သည်။

ကုယွီမြန် ပါဝင်ပစ္စည်းများအားဖြန့်ခင်းပြီး သူ၏ကျောပိုးအိတ်ထဲမှ ခရီးဆောင်ပစ္စည်းများအား ပျော်ပွဲစားအခင်းပေါ်တွင်တင်ကာ အခြားအရာများကို ငှားရမ်းခဲ့သည်။

စိတ်ကူးယဥ်မြို့တော်က လူများအားကိုယ်တိုင််ချက်ပြုတ်၍ ပျော်ပွဲစားထွက်ခြင်း (သို့) လက်မှုပညာများလုပ်ခြင်းကို အားပေးလေသည်။ နေရာတိုင်းတွင် ပိုးသတ်ထားသည့် မီးခိုးချောင်သုံးပစ္စည်းများအား တပ်ဆင် ပေထားသည်။ အနီးနား၌ အရက်မီးဖိုပေါ်တွင် စွပ်ပြုတ်နှင့် ပျော်ပွဲစားထွက်သည့်အဖွဲ့ရှိသည်။

မိနစ်အနည်းငယ်ကြာပြီးနောက် ကုယွီမြန်က မီးဖိုချောင်သုံးပစ္စည်းများနှင့် ဘယ်ရီပန်ကိတ်လုပ်ရန်လိုအပ်သည့် ဟင်းခတ်အမွှေးအကြိုင်များအား ငှားရမ်းလိုက်သည်။

ပထမဦးစွာ ဘယ်ရီပန်ကိတ်အစာသွပ်ကိုလုပ်မည်ဖြစ်သည်။

"ဒါက စိတ်ကူးယဥ်မြို့တော် ကမ္ဘာ့သစ်ပင်ရဲ့အသီး..."

ကုယွီမြန် ဆေးကြောထားသော အသီးများအား ကလေးများကို ပြလိုက်သည်။

"အရသာကောင်းတယ်မလား..."

စိတ်ကူးယဥ်မြို့တော် ဘယ်ရီသီးများက အချိုးကျပြီး အရောင်အဆင်းမှာလည်း ရွှေရောင်သန်း၍ အနီရောင်တောက်နေသည်။ ပင်စည်နှင့်အပေါ်ပိုင်းကနီရဲနေပြီး ရွှေရောင်သို့ပြောင်းလဲသွားသည်။ ချိုချိုချဥ်ချဥ်အနံ့လေးရပြီး လတ်ဆတ်ကာ မြက်နံ့အနည်းငယ်နှင့် အလွန်ထူးခြားသည်။

မြေခွေးလေးနှင့် ထန်ယွမ်နှစ်ယောက်လုံးက ဘယ်ရီသီးလေးများအား သိချင်စိတ်အပြည့်ဖြင့်ကြည့်ပြီး ထိလိုက်သည်။ ဟက်စကီးလေးသာလျှင် သူ၏ခေါင်းအားလှည့်ကာ ရွေ့လျားရန်အသင့်ဖြစ်သည်။ တစ်ခဏမျှကြာပြီးနောက် ကုယွီမြန် ဘယ်ရီသီးများအားစုလိုက်သည့်အခါ

၎င်းတို့ပေါ်တွင် ထင်ရှားသည့်သွားရာလေးများရှိနေသည်။

ဟက်စကီးလေးက အဝေးမှကြည့်နေပြီး ရွှီကနဲအသံပြုကာ တစ်စုံတစ်ခုအား သဘာဝမကျစွာ ဝါးနေသည်။

ကုယွီမြန် ဆွံ့အသွားရသည်။

ကောင်းပြီ အိမ်ပြန်ရောက်တဲ့အခါ လုပ်စရာတွေပိုများလာပြီ...

ကုယွီမြန် ဘယ်ရီသီးလေးများအားလှီးကာ ကလေးများစိတ်ကျေနပ်စေရန် ပေးလိုက်သည်။ သွားရာနှင့်တစ်ခုအား ဟက်စကီးလေးထံ သေချာပေါက်ပေးလိုက်သည်။ ဘယ်ရီသီးတစ်မျိုးတည်းစားလျှင်ပင် အရသာရှိပေသည်။ ၎င်းက ချဥ်ပြီး အရသာပြင်းထန်ရုံမကာ ကြည့်ရသလောက် အံ့အားသင့်ဖွယ်မကောင်းချေ။

"ဘယ်ရီပန်ကိတ်ကို ပန်ကိတ်နဲ့ အစာသွပ် ၂မျိုးခွဲထားတယ်..ပြောရရင် ဒါကရိုးရှင်းပါတယ်... မင်းတို့လုပ်နိုင်..."

[တရုတ်ပြည်တောင်ဘက်ကကျားက ဘယ်တော့မှချိန်းမတွေ့ဘူး : အိမ်မှာလုပ်နိုင်ပါတယ်...(ညာပြောတာ ငါဒီဘဝတော့မလုပ်နိုင်ဘူး) ]

[သစ်တော်ပန်းပွင့်အဖြူရောင်လေး: အိမ်မှာလုပ်နိုင်ပါတယ်...(ညာပြောတာ ငါဒီဘဝတော့မလုပ်နိုင်ဘူး)]

[ဗီဗီယန် : (ညာပြောတာ ငါဒီဘဝတော့မလုပ်နိုင်ဘူး)]

ကုယွီမြန် ကူကယ်ရာမဲ့သွားသော်လည်း ပြုံးလိုက်သောကြောင့် သူ့မျက်လုံးများကွေးသွားသည်။

ဒီလူဟောင်းတွေကတော့ ငါ့ရဲ့ပြဇာတ်ကို အရမ်းဖျက်ဆီးကြတာပဲ...

"အစာသွပ်အရင်လုပ်ကြစို့..."

မြေခွေးလေးမှာ အလွန်လိမ္မာသည်။ သူက ကုယွီမြန်အား ကူညီရင်း အလုပ်ရှုပ်နေလေသည်။ ယခုအချိန်တွင် သူက အသုံးပြုမည့် မီးဖိုချောင်သုံးပစ္စည်းများအား စီပြီးလေပြီ။ ကုယွီမြန် မနေနိုင်တော့ဘဲ သူ့အားချီပြီး နဖူးလေးကို နမ်းလိုက်သည်။

"ချိုးချိုးရေ ကျေးဇူးပါ..."

မြေခွေးလေးက ရှက်ရွံ့စွာဖြင့် သူ့မျက်လုံးကို အဝေးသို့ကြည့်လိုက်ရာ နှင်းကျားသစ်လေးနှင့် အကြည့်ချင်းဆုံသွားသည်။ သူ၏အမြှီးကြီးမှာ တစ်ခဏမျှ တောင့်ခဲသွားသည်။

ကုယွီမြန်က ကလေးများ၏အခြေအနေကို သတိမပြုမိပေ။ ကလေးများအား လက်မောင်းထဲတွင်ချီထားပြီ လက်တစ်ဖက်ဖြင့် ဓါးကိုင်ကာ ဘယ်ရီသီးများကို အခွံ့ခွာပြီး အူတိုင်အားဖယ်လေသည်။ ထို့နောက် အတွင်းသားအား နုပ်နုပ်စင်းလိုက်သည်။

ခရီးဆောင် အရက်မီးဖိုပေါ်တွင် အိုးလေးတင်၍ ပြင်ဆင်ထားသည်။ ကုယွီမြန်က တုံးထားသောအသီးအနှစ်များ၊ သကြားနှင့်ဆားအနည်းငယ်ကို အိုးထဲသို့ထည့်ပြီး သံပုရာရည်၂ဇွန်းထည့်ကာ အပူပေး၍ချက်လိုက်သည်။

" သံပုရာရည်က ဘယ်ရီသီးတွေကို မဲမသွားအောင်လုပ်ပေးလိမ်မယ်...သူတို့ကိုအရောင်ပိုတောက်စေပြီးတော့ အရသာကြွပ်ရွပြီး နူးညံ့အောင်လုပ်ပေးတယ်... အစပိုင်းမှာ မီးကိုနည်းနည်းမြှင့်ထားရမယ်... သကြားတွေအရည်ပျော်ပြီး ဘယ်ရီသီးက အရည်ထွက်လာပြီဆိုရင် မီးကိုလျှော့ချလို့ရပြီ..."

အိုးထဲရှိ သကြားက လျင်မြန်စွာအရည်ပျော်သွားပြီး ‌စေးကပ်၍ပျစ်သော အနီရောင်ဆော့စ်အဖြစ်ပြောင်းသွားကာ တရှဲရှဲအသံမြည်နေသည်။ ဘယ်ရီသီး၏အရည်ကြည်များက အပူဖြင့် အငွေ့ပျံသွားသည်။ ကုယွီမြန် အနှစ်များကိုချက်ပြုတ်ပြီး အရည်စုရန်အတွက် အပူအားလျှော့ကာ

အရည်ပျစ်အောင်မချက်မီ ဆန့်မှုန့်လောင်းထည့်လိုက်သည်။

အချိန်တိုအတွင်း ဘယ်ရီအစာသွပ်က တောက်ပသော ရွှေနီရောင်အရောင်ဖြစ်ကာ ကြည်လင်ပြီးပျစ်သော အနေအထားဖြစ်လာသည်။ အရောင်စုံ၍ အရည်ရွှမ်းသော ဘယ်ရီသီးအား သကြား၊ သံပုရာရည်နှင့်အတူ ချက်ပြုတ်လိုက်သောအခါ ကွဲပြားသည့်အရသာထွက်လာသည်။

ဘယ်ရီသီးများက ပျစ်၍ချိုသောအရသာရသည်အထိ အဆင်သင့်ဖြစ်သွားပြီး လတ်ဆတ်၍ချဥ်သောအရသာ ရောလာသည်။ ဘယ်ရီ၏အတွင်းပိုင်းမှာနူးညံ့ပြီး ချိုမြိန်လတ်ဆတ်သည်။ မျက်နှာပြင်မှာ အနည်းငယ်တောက်ပကာ ချိုမြိန်သောအပိုင်းလေးများဖြင့် အိုးထဲတွင်ပြည့်နေပြီး လူတိုင်း၏လည်းချောင်းများကို လှုပ်ရှားသွားစေသည်။

ထန်ယွမ်လေး : "အီ"

မြေခွေးလေးနှင့် နှင်းကျားသစ်လေးမှာ အိန္ဒြေထိန်းထားနိုင်သော်လည်း ထန်ယွမ်နှင့် အာ့ဟာမှာ အလွန်စိတ်မရှည်ဖြစ်နေကြပြီး အိန္ဒြေမဆည်နိုင်တော့ချေ။ သူတို့က လူးလှိမ့်ရင်း

၎င်းအားကျွေးရန် ကုယွီမြန်အား မရပ်မနား အနှောင့်ယှက်ပေးနေကြသည်။

မွှေးရနံ့က လေနှင့်အတူပါသွားသည်။ မီတာ ရာဂဏန်းအကွာရှိလူအားလုံး၊ ကောင်းကင်မြို့တော်၏နေထိုင်သူများဖြစ်စေ၊ ခရီးသွားများဖြစ်စေ သူတို့၏နှာခေါင်းများကိုရွှေ့ရင်း လှမ်းကြည့်မိစေသည်။

စတူဒီယိုထဲတွင် အပူလှိုင်းက ပိုမြင့်လာနေပြီဖြစ်သည်။

[မတ်ရှ်မယ်လိုက မြန်မြန့်လောက်မချိုဘူး :အားး...ဘုရားရေ...အားး..မြန်မြန်ရေ...အနံ့လေးက အားးးး...အော်ပြီးလူးလှိမ့်နေပြီ...]

[ရေမြေခွေးပြာ : ဒါကတကယ်ကြီး အဲ့ဒီချဥ်တဲ့ ဘယ်ရီသီးတွေလား...ကိုယ့်သွားရည်ထဲမှာ ကိုယ် ပြန်နစ်နေပြီ...]

[အဖြူဆီးနှင်း မူလန် : မြန်မြန် အိုးထဲထည့်ပြီး မချက်ခင်အထိ အသီးတွေကို တိုက်ရိုက်စားလို့ရတယ်လို့ပဲ ထင်ထားခဲ့တာ... အရသာရှိလိုက်တာ... သူက တခြား ချို၊ချဥ်၊ကြွပ်ရွပြီး နူးညံ့တဲ့အရသာအဖြစ် ပြောင်းသွားတယ်... နှုတ်ခမ်းကို အရူးအမူးလျက်နေမိပြီ...]

အချိန်တိုလေးအတွင်းမှာပင် ကြည့်ရှုသူ အရေအတွက်မှာ သန်း ၂၀နီးပါးတိုးလာပြီး ယနေ့ကျော်ကြားမှုစာရင်းတွင် ထိပ်ဆုံး ၃နေရာသို့ ရောက်သွားသည်။

ထို့ပြင် လူသစ်ပြိုင်ပွဲ၏ ဗိုလ်လုပွဲအထူးပြိုင်ပွဲစနစ်ဖြင့် တိုက်ရိုက်ထုတ်လွှင့်မှု ချန်နယ်တစ်ခုလုံးက သတ်မှတ်ထားသောတန်ဖိုးထပ်တိုးလာကာ ကံစမ်းမဲများ ထပ်မံပေါ်လာစေရန် အစပျိုးပေးသည်။

တိုက်ရိုက်ထုတ်လွှင့်မှုအခန်း၏အပူက ခဏချင်းကြီးထွားလာပြီး ပို၍ပို၍ ရူးရူးမူးမူးမြင့်တက်လာသည်။

"ဒါ အစာသွပ်ပဲရှိသေးတယ်... ပန်ကိတ်ကမလုပ်ရသေးဘူး...ကောင်းပြီ နည်းနည်းအရှိန်မြှင့်လိုက်မယ်နော်..."

ထန်ယွမ်နှင့်ဟက်စကီးလေးက မစားရသော်အခါ ချက်ချင်း မတရားသကဲ့သို့ ခံစားလိုက်ရသည်။

သနားစရာကောင်း၍ စိုစွတ်သောမျက်ဝန်း၂စုံက သူ့အားကြည့်လာသောအခါ ကုယွီမြန်၏နှလုံးသားမှာ မတ်ရှ်မယ်လိုကဲ့သို့ အရည်ပျော်သွားရပြီး သူတို့၏မေးလေးများကို တစ်ယောက်ချင်း ကုတ်ပေးလိုက်သည်။

ခရီးဆောင် စဥ့်တီတုံးလေးကိုလည်း ပြင်ဆင်ထားပြီးပြီဖြစ်သည်။ ကုယွီမြန်က ထောပတ်အား အတုံးသေးသေးများတုံးပြီးနောက် ဂျုံမှုန့်နှင့် ရောနယ်လိုက်သည်။ ရောနယ်ပြီးနောက် နွားနို့အတုအား လောင်းထည့်လိုက်သည်။ ကုယွီမြန်၏ လက်ချောင်းများမှာ ရှည်ပြီး ပျော့ပျောင်း၍ သူက ကျွမ်းကျင်စွာ လုံးပြီးနောက် ပြားလိုက်သည်။ သူ၏လက်ဖြင့် ရှေ့နောက်အကြိမ်ကြိမ် ညင်သာစွာ လှိမ့်လေသည်။

သူ၏လှုပ်ရှားမှုများမှာ သပ်ရပ်ပြီး သူ တစ်စုံတစ်ခုအား အာရုံစိုက်သည့်အခါ သူ့မျက်လုံးများနှင့် အမူအရာအား

စောင့်ကြည့်ရသည်မှာ ကံကောင်းမှုပင်။

သားပေါက်လေးများ နှင့်ကြည့်ရှုသူများက ငေးမောကြည့်နေမိသည်။

ထိုအကြောင်းကို ကုယွီမြန် သတိမထားမိပေ။

ဂျုံနယ်ပြီးနောက် ၎င်းအားလှိမ့်ကာ အစာသွပ်ဖြည့်ပြီး အပေါ်ယံအလွှာအား ဓားဖြင့်အလျားလိုက် ကြက်ဥအနှစ်ဖြင့် သုပ်လိုက်သည်။ သူက ထိုသို့ အကြိမ်ရေများစွာလုပ်ခဲ့သည်။ နောက်ဆုံးတွင် မုန့်ဖုတ် ပန်ကန်ပြားပေါ်တင်ပြီးနောက် ငှားထားသည့် ခရီးဆောင်မုန့်ဖုတ်စက်ထဲသို့ထည့်ကာ ဖုတ်လိုက်သည်။

တစ်ခဏမျှကြာပြီးနောက် ဘယ်ရီပန်ကိတ်၏ အပေါ်ယံလွှာက ရွှေရောင်သန်းကာ အဆီအနည်းငယ်ပြန်လာသည်။

ပါးလွှာ၍ ကြွပ်ရွသော ပန်ကိတ်၏အပေါ်ယံလွှာမှာ ခပ်ပါးပါးအချိုဖြင့်အုပ်ထားပြီး ဘယ်ရီအစာသွပ်က အပူကြောင့် အသံဗလုံစီထွက်နေသည်။ ယခုအချိန်တွင် ၎င်းအားဖြတ်လိုက်ပါက အစာပလာများမှာ ရေတံခွန်ငယ်လေးကဲ့သို့

စီးကျလာလိမ့်မည်။ တောက်ပသောအရောင်နှင့် နူးညံ့သော အနေအထားကြောင့် လူတိုင်း သွားရည်ယိုလာရသည်။

ထောပတ်၏အနံ့မှာ ချိုချိုချဥ်ချဥ် ဘယ်ရီအနံ့နှင့်ရောသွား၍ မမျှော်လင့်စွာဖြင့် လိုက်ဖက်ညီပြီး ဆွဲဆောင်မှုရှိနေသည်။ ကုယွီမြန် လက်အိတ်ဝတ်၍ မုန့်ဖုတ်စက်ထဲမှထုတ်သည့်အခါ ကြည့်ရှုသူများ၊ ကလေးများ၊ ခရီးသွားဧည့်သည်များနှင့် နယ်မြေခံပြည်သူများသည် ဘယ်ရီပန်ကိတ်ထံမှမျက်စိမလွှဲနိုင်ကြချေ။

ဟက်စကီးလေးက "အာဝူး"ဟုအော်ကာ ကုယွီမြန်၏လက်မောင်းထဲသို့ တိုက်ရိုက်ခုန်ဝင်လိုက်ပြီး သူ၏လက်နှစ်ဖက်အား ကုယွီမြန်၏ပခုံးပေါ်သို့တင်ကာ စိတ်လှုပ်ရှားမှုနှင့်မျှော်လင့်စောင့်စားမှုအားပြရန် ခေါင်းခါယမ်းနေလေသည်။

အစပိုင်းမှနေ၍ မှတ်ချက်မျက်နှာပြင်က "အာ အရသာရှိမယ့်ပုံပဲ"နှင့် "မြန်မြန်စားပါ"တို့ဖြင့် ပြည့်နေသည်။စက္ကန့်တိုင်း အသစ်များတက်လာပြီး ကြည့်ရှုသူအဖွဲ့ဝင်အသစ်များစွာ ဝင်လာကြသည်။ လူသစ်ပြိုင်ပွဲနောက်ဆုံးမှာ

ကုယွီမြန်၏တိုက်ရိုက်ထုတ်လွှင့်မှုအခန်းမှ ကျော်ကြားမှုကျေးဇူးကြောင့် ယခုအခါ ကြော်ငြာချန်နယ်အပြည့်နှင့် ကံစမ်းမဲများစွာ ဖွင့်ပြီးသွားလေပြီ။

"အပူလောင်မယ် ဂရုစိုက်နော်...မုန့်ကိုမှုတ်လိုက်ဦး..."

ကုယွီမြန်က ဘယ်ရီပန်ကိတ်အား အပူခံစက္ကူအိတ်ဖြင့် ပတ်လိုက်ပြီး ပန်ကိတ်များအား ပန်ကာအသေးလေးဖြင့် အအေးခံလိုက်သည်။ ၎င်းကို မူလကနွေရာသီတွင်အေးစေရန်အတွက်သုံးသော်လည်း ကလေးများလက်ထဲသို့မထည့်မီ တိုက်ရိုက်စားရန် အဆင်ပြေသွားသည်။

အကောင်ပေါက်လေးများက သူတို့၏လက်ကလေးများဖြင့် အပူခံအိတ်အားကိုင်နိုင်သည်။ နှင်းကျားသစ်လေးသာလျှင်

ကုယွီမြန်မှ သူ့အား ခွံ့ကျွေးစေချင်နေသည်။

ပထမဆုံးအရသာမှာပင် အားလုံးက အရသာနှင့်ပုံစံကြောင့် ဆွဲဆောင်ခံလိုက်ရသည်။

ပန်ကိတ်၏ကြွပ်ရွသော အလွှာပါးလေးက သူတို့ကိုက်လိုက်ချိန်မှာပင် ကွဲသွားကာ အတွင်းထဲမှ ဘယ်ရီအစာသွပ်ပူပူအား အရသာခံနိုင်သည်။

🐯🐯🐯

Prev Next