Chapter 104

🐯Chapter 104

[အလှကုန်တွေကိုလွှင့်ပစ်မယ်: သောက်ကျိုးနည်း၊ ငါတို့အဓိကအချက်​တွေကို မြင်လိုက်ရတာပဲ…]

[ဂျူနီယာဘီ: ငါ​သေသွားပြီ…]

[auchjv - ...@ဂျူနီယာဘီ @အလှကုန်တွေကို လွှင့်ပစ်မယ်၊ ငါ တင်ဆက်သူရဲ့ ပရိသတ်တွေကို ​မေးချင်တာရှိတယ်။ အဲဒီလက်ထပ်ပွဲကို မင်းတို့နှစ်​ယောက် မဆန့်ကျင်ကြဘူးလား… မင်းတို့ ဘာအတွက်ရန်​ဖြစ်​နေကြတာလဲ…]

[ပ​လေ့ဒ်ပန်းသီးကိုစားမယ်: အရင်ဆုံးဆူညံမ​နေကြနဲ့… နား​ထောင်ကြဦး…]

ကင်မရာက ခြေမွှခံရခြင်းမဟုတ်​ပေ။ သူတို့ မမြင်ရ​သော်လည်း အသံကြားရဆဲပင်။

ထိုသို့တိတ်ဆိတ်ငြိမ်သက်သွားချိန်တွင် အချို့​သောအလိုလိုသိစိတ်က ပို၍ထင်ရှားလာပြီး ​နောက်တစ်စက္ကန့်တွင်ー

 "အာဝူး~"

ဟက်စကီလေးက သူ့အမြီးကို​ဝှေ့ယမ်းပြီး ​ထောင့်နားမှ ​ပျော်ရွှင်စွာ​ပြေးလာသည်။ သူက ဥက္ကာခဲ​လေးတစ်ခုကဲ့သို့ ကုယွီမြန်၏ရင်ခွင်ထဲသို့ ​ပြေးဝင်သွားသည်။ သူ၏ဆွဲဆွဲငင်ငင်အူသံနှင့်အတူ ဝိ​ရောဓိဖြစ်ကာ ​ပျော်ရွှယ်ဖွယ်​လေထုက ချက်ချင်းပျက်စီးသွားသည်။

ကုယွီမြန်က အာ့ဟာလေး၏​ခေါင်းကိုပွတ်သပ်​ပေးပြီး ထလိုက်သည်။

ရှို့ဟန် "..."

ပရိသတ်များ "..." မဟုတ်ဘူး​လေ

ဒီအရူးက ငြိမ်ငြိမ်ကိုမ​နေနိုင်ဘူး...

ထိုအချိန်တွင် မြို့အရှင်အစစ်က ​ရောက်ရှိလာပြီး ကြယ်တာရာလမင်း​ရေကန်တစ်ခုလုံးလည်း ကိုးရိုးကားယားနိုင်စွာ တိတ်ဆိတ်သွားရသည်။ 

ပါတီပွဲက စပြီလား…မစ​သေးဘူးလား...

"မင်းတို့ ဘာကို​စောင့်​နေတာလဲ…"

မြို့အရှင်က ​တောက်ပ​သော​ရွှေဝါ​ရောင်ဆံပင်နှင့် ​ချော​မောခန့်ညား​သည့်သူဖြစ်သည်။ သူ့အ​ဖေတွင် အမည်း​ရောင်ဆံပင်ရှိ​သော​ကြောင့် ထို​ရွှေဝါ​ရောင်ဆံပင်ကို သူ့အ​မေဖြစ်သူ ​ရေသူမထံမှ ​အ​မွေဆက်ခံရရှိခဲ့ခြင်းဖြစ်သည်။

"ငါ့ရဲ့ပါတနာက​ရော..."

သူ စားပွဲထိုး​လေးကို သံသယဖြစ်စွာ​မေးလိုက်သည်။

 စားပွဲထိုး "..." ​

နေစမ်းပါဦး တစ်ခုခု​တော့မှား​နေပြီ…

မြို့အရှင်က သူ့ပါတနာကို ဆွဲ​ခေါ်သွားတယ်မဟုတ်ဘူးလား... ဒီမြို့အရှင်က ဘယ်က​နေ​ရောက်လာတာလဲ...

အမှန်တိုင်း​ပြောရရင် မြို့အရှင်အတုက ဒီလိုပုံစံပဲမဟုတ်ဘူးလား... ​သူတို့ ခုန​လေးက ဖမ်းစားနိုင်စွမ်းရှိတဲ့အဲဒီလူကို မြို့အရှင်ဆိုပြီး ဘယ်လို​တောင် အထင်မှားမိတာပါလိမ့်... တကယ်လို့သာ ခုနကမြို့အရှင်က အတုဆိုရင် အကတွဲဖက်ပါတနာကို ​ခေါ်သွားပြီ​လေ... ဒါဆို ဇာတ်လမ်းမြှုပ်ကွက်ရဲ့ ​နောက်လာမဲ့အပိုင်းက ဘာဆက်ဖြစ်မှာလဲ...

ပြီးသွားပြီလား...

အမျိုးစုံ​သော​မေးစရာများ ​ပေါ်လာ​သော်လည်း ​နောက်တစ်စက္ကန့်မှာပင် ​ရွှေဝါ​ရောင်ဆံပင်နှင့်လူက သူတို့၏အ​တွေးများကို အဆုံးသတ်​ပေးလိုက်သည်။

"ကောင်းပြီ​လေ ကပွဲကိုစလိုက်ရ​အောင်…"

ကံ​ကောင်းစွာပင် အဖြစ်အပျက်များက မြန်ဆန်လွန်း​သော​ကြောင့် ခရီးသွားများက ပျော်​ပျော်ရွှင်ရွှင်သာ ကြည့်​နေလိုက်သည်။ နတ်သူငယ်​လေးများက သူတို့၏​နေရာများဆီသို့ အလျင်အမြန်သွားကာ သံစဉ်ကို စတင်တီးမှုတ်လိုက်သည်။ လူတိုင်း၏စိတ်ထဲတွင် သံသယများရှိ​နေ​သော်လည်း ကပွဲအတွက် ပါတနာကောင်းများကို ရှာ​ဖွေခဲ့သည်။

နောက်ဆက်တွဲအဖြစ်...

ထိုအရှုပ်အ​ထွေးများကို စိတ်ကူးယဉ်မြို့​တော်၏ တာဝန်ရှိသူများအား ကိုင်တွယ်ခွင့်​ပေးလိုက်သည်။

စိတ်ကူးယဉ်မြို့​တော်၏အရာရှိများက ဓါတ်ပုံများကိုရွေးချယ်ရန် စု​ဝေး​နေကြသည်။ စိတ်ကူးယဉ်မြို့​တော်ကစားကွင်းတွင် ​နေရာတိုင်း၌ ကင်မရာများရှိကြသည်။ ထိုသို့ဓါတ်ပုံရိုက်ထားခြင်းကို ခရီးသွားများ ခွင့်ပြုလျှင် အမှတ်တရဓါတ်ပုံများအဖြစ် ရိုက်ကူးထားလိမ့်မည်။ ​ယေဘုယျအားဖြင့်​ပြောရလျှင် အမှတ်တရဓါတ်ပုံများမှာ ခရီးသွားများအတွက်သာဖြစ်သည်။

သို့​သော် ယ​နေ့တွင် ထိုအမှတ်တရဓါတ်ပုံများထဲမှ ကုန်ကြမ်းများကို ​ရွေးထုတ်​နေရသည်။ အဘယ်​ကြောင့်ဆို​သော် ပိုစတာများနှင့် ကိုယ်ပိုင်ဘ​လော့အစီအစဉ်များတွင် အသုံးပြုရန်ဖြစ်၏။ ကုယွီမြန်၏ဓါတ်ပုံအားလုံးနီးပါးကို  ပိုစတာအဖြစ် အသုံးပြုနိုင်ပြီး အရာရှိများသည်လည်း မည်သည့်ဓါတ်ပုံကို​ရွေးရမည်နှင့် ပတ်သက်ပြီး ငြင်းခုန်လုနီးပါးပင်။ ​သေချာ​ပေါက် ကုယွီမြန်ထံမှ ခွင့်ပြုချက်ရမှသာ အသုံးပြုနိုင်​ပေလိမ့်မည်။

 "ဒီပုံ၊ ဒီပုံ ပြီး​တော့ ဒီပုံ၊ အားလုံး အရမ်း​ကောင်းတယ်…"

တာဝန်ရှိသူက ရုတ်တရက် သတင်းတစ်ခုလက်ခံရရှိခဲ့သည်။ တစ်ဖက်မှ​ပြောလာသည်ကို နား​ထောင်ပြီး မျက်​မှောင်ကြုတ်ကာ ပြောလိုက်သည်။

"ဘာ၊ မြှုပ်ကွက်မှာဘာဖြစ်တယ်ー ဘယ်သူက စိတ်ကူးယဉ်မြို့​တော်မှာ စွမ်းအားသုံးပြီး အနိုင်ကျင့်နေတာလဲ… သူတို့က စိတ်ထိန်းချုပ်တဲ့စွမ်းအားကို သုံးတာလား..."

အ​ကြောင်းအရာများက အလွန်ရိုးရှင်းမည်မဟုတ်​ကြောင်း လူတိုင်း နားလည်လိုက်ပြီး ထိုတာဝန်ရှိသူ၏​ဘေးနားတွင် စု​ဝေးကာရပ်လိုက်ကြသည်။ ခဏမျှစကား​ပြောပြီး​နောက် တာဝန်ရှိသူက ဆက်သွယ်မှုကို ဖြတ်​တောက်လိုက်ပြီး ​ဒေါသထွက်​နေသည့်ပုံပင်။ သူ တစ်စုံတစ်ခု ​ပြောခါနီးတွင် ​နောက်ထပ်ဆက်သွယ်မှုတစ်ခုသည် ဝင်​ရောက်လာပြန်သည်။

တာဝန်ရှိသူက ​ဒေါသထွက်​နေဆဲဖြစ်ပြီး ဆက်သွယ်မှုကို ပြန်​ဖြေလိုက်သည်။

"ဟဲလို…"

တစ်ဖက်လူက ပထမတစ်ခွန်း​ပြောလိုက်ရုံနှင့်တင် တာဝန်ရှိသူ၏မျက်နှာက ပြောင်းလဲသွားသည်။ သူ၏​ခေါင်း​ပြောင်​ပြောင်နှင့်အတူ သူ့အမူအရာက သတိကြီးစွာထားလာသည်။

"ဟုတ်ကဲ့ပါ ဟုတ်ကဲ့ပါ… အရှင်​ပြောတဲ့အတိုင်း... ကျွန်​တော် သိပါပြီ၊ မြို့စားကြီး…"

လူတိုင်း အံ့အားသင့်သွားရသည်။

ဤနေရာတွင် လူတစ်​ယောက်ကိုသာ မြို့စားကြီးဟု​ခေါ်နိုင်ပြီး ထိုလူက ဖန်းနစ်ခ်ပင်။ သူ့ကိုယ်ပိုင်ကိစ္စမဟုတ်လျှင် မြို့စားကြီးဖန်းနစ်ခ် ​ပေါ်ထွက်လာရခြင်း၏ အ​ကြောင်းအရင်း ၉၉ ရာခိုင်နှုန်းက သူတို့၏ဘုရင်မင်းမြတ်နှင့် ပတ်သက်နေသည်။

ကယ်ကြပါဦး သူတို့က သာမန်ကစားကွင်း​လေးတစ်ခုပဲ​လေ…

"မြှုပ်ကွက်က မပြီး​ဆုံးသေးဘူး..."

တာဝန်ရှိသူက ဖုန်းချလိုက်ပြီး တိတ်တဆိတ်​ပြောလိုက်သည်။

မည်သည့်အနုပညာရှင် သို့မဟုတ် အင်တာနက်​ကျော်ကြားသူပင်ဖြစ်​စေ ထိုအရာကိုပြုလုပ်ရန် ကုယွီမြန်ထက်ပိုပြီး သင့်​တော်မည့်သူမရှိ​ပေ။

မဟုတ်​သေးဘူး...

ဒီတစ်​ကြိမ်မှာ အဆုံးမသတ်လိုက်​ရပေမဲ့ ​နောက်တစ်ကြိမ် ရှိ​သေးတယ်မလား...

ပြီးတော့ ငါခန့်မှန်းတာမှန်ရင် အဲဒီတင်ဆက်သူက...

ဒါဆို သူတို့ကစားကွင်းက တကယ်ကြီး နာမည်ကျော်ကြားလာ​တော့မှာလား...

တစ်နာရီကြာပြီး​နောက်တွင် အ​ပျော်စီးချားရဟတ်၏ဝန်ထမ်းက အာ့ဟာလေးကို မထိန်းနိုင်လိမ့်မည်ဟု သူ ​မျှော်လင့်မထား​​ပေ။ ကုယွီမြန် သွား​ရောက်စုံစမ်းကြည့်လိုက်သည်။ ပထမတွင် အာ့ဟာလေးက စိတ်အားတက်ကြွ​နေ​သော်လည်း ​နောက်ပိုင်းတွင် ကုယွီမြန်ကို မ​တွေ့​တော့သော​ကြောင့်ဟု ​ပြောလာသည်။

ငါးမိနစ်အတွင်းမှာပင် သူ အလွန်ကိုစိတ်​သောက​ရောက်လာပြီး ​ကြောက်ရွံ့လာခဲ့သည်။ ထန်ယွမ်​လေးနှင့် ​မြေ​ခွေး​လေးတို့ သူ့ကို နှစ်သိမ့်​ပေး​သော်လည်း အသုံးမဝင်​ပေ။

ထို့​နောက် သူ ဆက်မကစားချင်​တော့​ပေ။ သံစည်းရိုးတစ်ဝိုက်တွင် လှည့်ပတ်​နေပြီး သံစည်းရိုး၏ကြားလပ်​နေရာတစ်ခုကို ဖြတ်​ကျော်ကာ ထွက်​ပြေးသွားခဲ့သည်။

ထို့​နောက် အ​ခြေအ​နေက ရှုပ်​ထွေးသွားခဲ့သည်။

မြေ​ခွေး​လေးက ကုယွီမြန်၏​တောင်းဆိုမှုကို မ​မေ့မ​လျော့သတိရ​နေပြီး သူ့ကိုရှာရန် စိတ်အားထက်သန်​နေ​သော်လည်း နှင်းကျားသစ်​လေးက ထွက်သွားခဲ့သည်။ သူလည်း ဟက်စကီ​လေးကို သွားရှာသည်လား ​မြေ​ခွေး​လေး မသိ​ပေ။ ထန်ယွမ်​လေးသာ ​နေရာတွင်ရှိ​နေသည်။ ကံ​ကောင်းစွာပင် က​လေးများအားလုံး ထိုလက်ပတ်ကို ဝတ်ဆင်ထားခြင်း​ကြောင့် သူတို့ အလွန်အန္တရာယ်ရှိ​သော​နေရာသို့ ​ရောက်သွားလိမ့်မည်မဟုတ်​ပေ။ ထို့အပြင် ထိုလက်ပတ်များက က​လေးများ၏တည်​နေရာကို ချက်ချင်း ညွှန်ပြ​ပေးနိုင်သည်။

ရှို့ဟန်... မဟုတ်သေး၊ မြို့အရှင်အ​နေဖြင့် ​နောက်ဆုံးတွင် သူက ရှို့ဟန်ဖြစ်​ကြောင်း ဝန်ခံလိုက်ရသည်။ သူက ​ကုယွီမြန်နှင့်အတူ မြေ​ခွေး​လေးကိုကူရှာ​ပေးပြီး​နောက် အလျင်စလို ထွက်သွားခဲ့သည်။ ကုယွီမြန်သည်လည်း နှင်းကျားသစ်​လေးကို ရှာရန်အလျင်လို​နေ​သော​ကြောင့် ​မေးရန်အချိန်မရှိခဲ့​ပေ။

-----

က​လေးများကို ထိန်းထားပြီး စိတ်ကူးယဉ်မြို့​တော်ကိုပြန်ရန် ​ကောင်းကင်ရထားကို ​စောင့်ဆိုင်း​နေ​သော ကုယွီမြန်က မ​ပြောဘဲမ​နေနိုင်​တော့​ပေ။

"မူမမှန်တာတစ်ခုခုရှိ​နေတယ်လို့ ထင်တယ်..."

နှင်းကျားသစ်​လေးက ပျင်းရိစွာဖြင့် မျက်​တောင်များကိုခတ်လိုက်ပြီး သူ၏ခဲပြာ​ရောင်မျက်လုံးများဖြင့် ကုယွီမြန်၏မျက်လုံးများအား ကြည့်လိုက်သည်။

ကုယွီမြန်လည်း အဘယ့်​ကြောင့်မှန်းမသိ သူ့ကို နှစ်စက္ကန့်မျှ ကြည့်လိုက်မိသည်။ ကုယွီမြန် ခဏမျှ အိပ်​မွေ့ချခံလိုက်ရသလိုဖြစ်သွားပြီး မကြာမီမှာပင် သူ့​တွေး​နေသည်များကို ပြန်သတိရသွားသည်။ သူ့​ခေါင်းထဲတွင် လှည့်ပတ်​နေ​သော အမျိုးမျိုး​သောပြဿနာများက ​ပျောက်ကွယ်သွားပြီး​နောက် အရိုးရှင်းဆုံးနှင့် လက်​တွေ့အကျဆုံး ပြဿနာတစ်ခု ပေါ်လာခဲ့သည်။

"အမ်... ပြီးကျရင် မင်းတို့ ဘာစားချင်လဲ…"

ထိုကဲ့သို့အဖြစ်အပျက်များပြီး​နောက် လူတိုင်း အနည်းငယ်ဗိုက်ဆာ​နေ​သော်လည်း အ​တော်​လေးညနက်​နေပြီပင်။

မြေ​ခွေး​လေးက နှင်းကျားသစ်​လေးနှင့် ကုယွီမြန်ကိုကြည့်ပြီး အသံ​ပေးကာ မသိနားမလည်ဟန်​ဆောင်လိုက်သည်။ ထိုအပြင် ဟက်စကီ​လေးက ယ​နေ့ည​နေခင်းတွင် သူ၏ခံနိုင်ရည်စွမ်းအင်ထက် ​ကျော်လွန်သွားခဲ့သည်။ ယခုအချိန်တွင် သူ အနည်းငယ်ဗိုက်ဆာ​နေပြီး အင်အားမရှိ​တော့​ပေ။ သူ ကုယွီမြန်အ​ပေါ်တွင် အိပ်မောကျသွားခဲ့သည်။

"ထန်ယွမ်​စားမယ်ဆိုရင်​ရော…"

ကုယွီမြန် ​တွေးလိုက်သည်။

ထန်ယွမ်​လေးသည်လည်း ​ကြောက်လန့်သွားသည်။

'ဘာ​တွေဖြစ်​နေတာလဲ'

 "မင်းတို့ စားချင်လား၊ မစားချင်ဘူးလား…"

ကုယွီမြန်က နှမ်းမုန့်လုံးထန်ယွမ်ကို ဆိုလိုခြင်းဖြစ်ပြီး ထန်ယွမ်​လေး၏​ခေါင်းကို ပွတ်သပ်လိုက်သည်။

"အရမ်းချစ်ဖို့​ကကောင်းတဲ့ ယွမ်ယွမ်​လေး​ရော ယွမ်ယွမ့်(နှမ်းမုန့်လုံး)ကို စားနိုင်မှာလား…"

 ကောင်းကင်မြို့​တော်ဇာတ်ကွက်အပြီး စိတ်ကူးယဉ်မြို့​တော်၏ ညခရီးစဉ်က ပြီးဆုံးသွားသင့်​ပေပြီ။

အခြားပိတ်ပွဲအပိုင်းများ ရှိ​သော်လည်း ကုယွီမြန် မမှတ်မိ​ပေ။ ​နောက်ထပ်တိုက်ရိုက်ထုတ်လွှင့်မှု လုပ်ရမလား စဉ်းစား​နေပြီး ပရိသတ်များကို နှုတ်ဆက်ကာ ​တောင်းပန်စကားဆိုလိုက်သည်။ မည်သို့ပင်ဆို​စေကာမူ သူ အ​စောပိုင်းက တိုက်ရိုက်ထုတ်လွှင့်မှုကို ဖြတ်​တောက်လိုက်​သော​ကြောင့် အားလုံးအ​ပေါ် အပြစ်ရှိသလိုခံစားရသည်။

သို့​သော် ယခုအခါ ၁၀ နာရီ​ကျော်သွားပြီဖြစ်ပြီး အလွန်​နောက်ကျ​နေ​ပေပြီ။ တိုက်ရိုက်ထုတ်လွှင့်မှုက ဤထက်ပိုမကြာသင့်​တော့​ပေ။

ထိုအချိန်တွင် ​ကောင်းကင်မြို့​တော်သို့ အလည်လာ​သောခရီးသွားများက ထွက်လာကြသည်။ သူတို့ထဲတွင် အင်တာနက်​ကျော်ကြားသူလည်း ပါဝင်​နေသည်။

သူက ဇာတ်လမ်းမြှုပ်ကွက်ကို ဖျက်စီးပစ်ခဲ့တာ…ဒါ​ကြောင့် ဘယ်နဂါးကမှ သူ့ကို လာမ​ခေါ်​တော့ဘူး… အရင်က ​အရမ်းနာမည်ကြီးခဲ့တာ​တောင် အခု ဘာ​ကြောင့် ရထားလာ​စောင့်​နေရတာလဲ…

သူမနှင့်အ​ပေါင်းအသင်းများက သားပေါက်​လေးများနှင့်အတူ ရထား​စောင့်​နေ​သော ကုယွီမြန်ကို ​တွေ့လိုက်ပြီး​နောက် မလိုမုန်းထားစိတ်များနှင့် တစ်​ယောက်ကိုတစ်​ယောက်ကြည့်ကာ ထိုသို့​တွေးလိုက်သည်။

နှင်းကျားသစ်​လေးက အေးစက်စက်အကြည့်များကို သူတို့ထံ ​ပြောင်း​ရွှေ့လိုက်ပြီး ပျင်းပျင်းရိရိဖြင့် သူ့​မေး​စေ့ကို​မော့ကာ သူ့နားရွက်များကို ကုယွီမြန်၏လည်ပင်းနှင့် ပွတ်သပ်လိုက်ပြီး သူ့လက်ပတ်ကွန်ပျူတာ​ပေါ်တွင် အကြိမ်အနည်းငယ်ဖိလိုက်သည်။

စက္ကန့်အနည်းငယ်ကြာပြီး​နောက် လူတိုင်း ​အော်ဟစ်သံကို ကြားလိုက်ရသည်။

"ကျဲー"

နှာ​ခေါင်းတွင် မီး​တောက်များမှုတ်ထုတ်လျှက် ​ကောင်းကင်အား ဖုံးလွှမ်းထားလုနီးပါး အ​တောင်ပံများနှင့်အတူ ကြီးမား​သောနဂါးကြီးတစ်​ကောင်က တဖြည်းဖြည်း နီးကပ်လာသည်။ သူ ​ရောက်လာချိန်တွင် အား​ကောင်းလှ​သော ​လေပြင်းတစ်ခုသယ်​ဆောင်လာပြီး ထို​လေပြင်းက အင်တာနက်​ကျော်ကြားသူ မိန်းက​လေး၏ဆံပင်ကို ကြက်သိုက်အဖြစ် ပြောင်းလဲသွား​စေသည်။

အင်တာနက်​ကျော်ကြားသူ "..."

နဂါးကြီးက ကုယွီမြန်၏​ရှေ့တွင် ရပ်တန့်သွားပြီး ​နှုတ်ဆက်သည့်အ​နေဖြင့် ကုယွီမြန်ထံ ​မေး​စေ့ကိုပင့်လိုက်သည်။

ကုယွီမြန်က သူ့​ရှေ့ရှိနဂါးကြီးကို ရှက်ရွံ့စွာကြည့်လိုက်သည်။

"ဒါက အဆင်​ပြေလို့လား… မင်းအတွက် အရမ်းဒုက္ခဖြစ်​​စေမိပြီ…"

သူ အ​စောပိုင်းကပိတ်ခဲ့​သော တိုက်ရိုက်ထုတ်လွှင့်မှုကို မ​တော်တဆ စတင်မိသွားချိန်တွင် ပရိတ်သတ်များက ​ပျော်ရွှင်စွာ ဝင်​ရောက်ကြည့်ရှုလာကြပြီး မျက်စိတစ်မှိတ်အတွင်း ၁၀ သန်း​ကျော်အထိ ​ရောက်ရှိသွားခဲ့သည်။

သို့​သော် နှင်းကျားသစ်​လေးက သူ့ကိုယ်သူအပြင်လူတစ်​ယောက်အဖြစ် သတ်မှတ်မထားခဲ့​ပေ။ သုက ကမ္ဘာ​မြေကြီးထံ ​အောက်သို့ငုံ့ကြည့်ကာ နဂါးကြီး၏​ကျော​ပေါ်သို့ တက်လိုက်ပြီး ထိုင်ချလိုက်သည်။ သူ၏အသွင်သဏ္ဍာန်ကြည့်ပြီး ဟက်စကီးလေက အနည်းငယ်အင်အားတက်ကြွစွာ တုန့်ပြန်လိုက်ပြီး သူ့အမြီးကို​ဝှေ့ယမ်းကာ ခုန်သွားခဲ့သည်။

မြေ​ခွေး​လေးနှင့် ထန်ယွမ်​လေးတို့နှင့်အတူ နဂါးကြီးပေါ် တက်ထိုင်ရန်အပြင် ကုယွီမြန်တွင် ​ရွေးချယ်စရာမရှိ​တော့​သော​ကြောင့် နဂါးကြီးကို ယဉ်ယဉ်​ကျေး​ကျေး​ပြောလိုက်သည်။

"ဒီလိုညကြီးမှာ မင်းကို အရမ်းဒုက္ခများ​စေမိပြီ… ကျွန်တော် ညလယ်စာအဆာ​ပြေမုန့် နည်းနည်း​လောက်လုပ်​ပေးလိုက်မယ်… အဲဒါကိုယူသွားပြီး မင်းရဲ့မိသားစုနဲ့အတူ စားလိုက်ပါ…"

ညလယ်စာအဆာ​ပြေမုန့်တဲ့လား...

နဂါးကြီးက အခု​လေးတင် သူ့မိန်းမ သူ့ကိုပြလာ​သော ဆန်းဒဝေ့ခ်ျကိုအမှတ်ရသွားသည်။ ရုတ်တရက် သူ့နှာ​ခေါင်းမှ စိတ်​ကျေနပ်သည့်မီး​တောက်များကို မှုတ်ထုတ်လိုက်ပြီး ဟိန်း​ဟောက်ကာ ည​ကောင်းကင်ယံအထိ သူ့​တောင်ပံများကို ဖြန့်လိုက်သည်။

ယခု​လေးတင် ကြက်သိုက်လိုဆံပင်ပုံစံကို ပြုပြင်ပြီး​သော အင်တာနက်​ကျော်ကြားသူ မိန်းက​လေး၏ဆံပင်က ထိုမီး​တောက်များ​ကြောင့် မီး​လောင်းကျွမ်းသွားပြန်သည်။

 အင်တာနက်​ကျော်ကြားသူ "....." ​သေစမ်း

တစ်ဖက်တွင် ပရိသတ်များသည် ​နောက်မှလိုက်ပါရန် အလွန်​ပျော်ရွှင်​နေကြသည်။

ဇာတ်လမ်း၏မြှုပ်ကွက် ဆုံးခန်းမတိုင်လိုက်ခြင်းက ​ချို့ယွင်းချက်တစ်ခုဖြစ်​သော်လည်း အ​စောပိုင်း အတင်းအဖျင်း​ပြောသူများမှာ အာ့ဟာလေး၏ ဝင်​ရောက်​နှောင့်ယှက်ခြင်းကိုခံလိုက်ရသည်။ သို့​သော် တစ်ညလုံးမအိပ်ဘဲ တိုက်ရိုက်ထုတ်လွှင့်မှုကို ကြည့်ခြင်းက အပြန်အလှန်အ​နေဖြင့် သူတို့နဂါးလည်း စီး၍ရရုံသာမက ညလယ်စာအဆာ​ပြေမုန်မျ့ားကိုလည်း စား၍ရ​ပေသည်။

ဒီ​နေ့က ပွဲ​တော်ရက်တစ်ခုလား...

ကြည့်ရှုသူ ၁၀ သန်းရှိပြီဖြစ်၏။ ထိုအချိန်၌ တိုက်ရိုက်ထုတ်လွှင့်မှုကို ပိတ်ပစ်ရန်မှာ ကုယွီမြန်အတွက် မ​ကောင်း​ပေ။ ထိုအမှားအတိုင်း ဆက်လုပ်ရန်မှအပ ​ရွေးချယ်စရာမရှိ​​တော့​သော​ကြောင့် နှုတ်ဆက်လိုက်သည်။

"ဟဲလို… ကျွန်​တော်က ကုယွီမြန်ပါ …စောနက တိုက်ရိုက်ထုတ်လွှင့်မှုကို အ​နှောင့်အယှက်​ပေးလိုက်ရတဲ့အတွက် စိတ်မ​ကောင်းပါဘူး… ဘာ​ကြောင့်လဲဆို ကျွန်​တော့်က​လေး​တွေ တစ်ခုခုဖြစ်သွားလို့ပါ… ကိစ္စမရှိပါဘူး အခုအားလုံး အဆင်​ပြေသွားပါပြီ… အခု မစ္စတာနဂါးက ကျွန်​တော်တို့ကို ဟိုတယ်ဆီ ပြန်ပို့​ပေး​နေတာ… ပြီးကျရင် ကျွန်​တော်တို့ဗိုက်​တွေကို ဖြည့်ဖို့အတွက် အဆာ​ပြေမုန့်နည်းနည်းလုပ်ကြမယ် ပြီးရင် အိပ်ယာဝင်မယ်…"

မည်သို့ပင်ဆို​စေကာမူ ​နောက်ထပ်​ရှေ့ဆက်ရန် နှစ်ရက်ကျန်​သေး​ပေသည်။

🐯🐯🐯