MM Story Teller

Chapter 79

Viewers 7k

🐯Chapter 79

မိနစ်အနည်းငယ်ကြာပြီးနောက် ရေပူစမ်း၏ ဧည့်ခန်းဝင်ပေါက်တွင်...

ပန်ဒါပေါက်စလေးအတွက် ကုယွီမြန်က အခြားသူများနှင့် ရေကန်တစ်ခုတည်း မသုံးလိုရာ သီးခြား ရေပူစမ်းတစ်ခုကို လျှောက်ထားရန် အချိန်၂ရက် ၃ရက်ခန့် ဖြုန်းလိုက်သည်။ သူက ၄င်းကို မဖြစ်နိုင်ဟု ထင်ထားသော်လည်း ယမန်နေ့ညက ထောက်ခံချက်တစ်ခု လက်ခံရရှိမည်ဟု မမျှော်လင့်ထားပေ။

၄င်းမှာ ရှုခင်းကောင်းမွန်ကာ လိုအပ်သည့် ပစ္စည်းများ အပြည့်အစုံပါဝင်သည့် ရေပူစမ်းကန်လေးတစ်ကန် ဖြစ်၏။ ၄င်းတွင် သန့်စင်ခန်းတစ်ခု၊ မီးဖိုချောင်ငယ်လေးတစ်ခုနှင့် ထမင်းစားခန်းတစ်ခုပါဝင်သည့် သန့်ရှင်းသော အခန်းတစ်ခန်းရှိကာ သူတို့က ရေစိမ်ပြီးနောက် တိုက်ရိုက်ပင် စားသောက်နိုင်လေသည်။

ကုယွီမြန်က သစ်သားအိမ်ငယ်လေးဆီသို့ မပြန်ဘဲ သားပေါက်ကလေးများကို ရေပူစမ်းရှိရာသို့ ခေါ်လာလိုက်သည်။

"နှင်းဘောလုံး တိုက်ပွဲပြီးသွားရင် ချွေးထွက်လာလိမ့်မယ်... အဲ့ဒါဆိုရင် အနားယူပြီး ရေပူစမ်းကို သွားရတာ ပိုပြီး သက်သောင့်သက်သာ ရှိတယ်...ဒါပေမဲ့ တိုက်ရိုက်ကြီး ရေစိမ်လိုက်လို့ မရဘူး... လေ့ကျင့်ခန်း ပြင်းပြင်းထန်ထန် လုပ်ပြီး ရေပူနဲ့ တန်းထိတာက အန္တရာယ်များတယ်..."

သူက ရှင်းပြလိုက်သည်။

[အလှကုန်တွေကို လွှင့်ပစ်မယ်: နှင်းဘောလုံးတိုက်ပွဲတုန်းက ထွမ်ထွမ် အရမ်းတော်တယ်... ဒါပေမဲ့ ရိုးရိုးသားသားပြောရရင် သားပေါက်တစ်ကောင်အနေနဲ့ ရွှယ်ထွမ်ရဲ့ အဆင်နဲ့ အမွေးတွေက အရမ်းလှတယ်... အဲ့လောက်လှတဲ့ အရောင်အတွဲအစပ်မျိုးကို ဒါ ပထမဆုံးမြင်ဖူးတာပဲ... နောက်ဆိုရင် သူက ကောင်ချောလေးဖြစ်လာမယ်လို့ ငါထင်တယ်...]

[ဒိန်ချဥ်ရေခဲချောင်း: စိတ်မပျော်ဘူး... နှလုံးသားလေး နာကျင်ရတယ်...]

[ajgfuf: နေ့ခင်းတုန်းကရေ ဘာတွေ လုပ်နေလဲဟင်… ဘယ်လိုလုပ်ပြီး စတူဒီယိုထဲမှာ ဖန်သားပြင်ပေါ်မှာ ပေါ်နေတဲ့ မှတ်ချက်တွေအများကြီး ဖြစ်နေရတာလဲ... ငါ့ကိုယ်ငါတောင် ရှာမတွေ့တော့ဘူး...]

အလိုအလျောက် စစ်ထုတ်ခြင်းကာလဖြစ်သည့် နာရီဝက်မကျော်သေးသော်လည်း တိုက်ရိုက်ထုတ်လွှင့်မှု အခန်းအတွင်းရှိ အွန်လိုင်းရှိနေသော လူအရေအတွက်မှာ သန်း၂၀ထိ မြင့်တက်သွားသည်။ အဓိကအကြောင်းအရင်းမှာ ကုယွီမြန်က ပရိသတ်ကို ဆွဲဆောင်နိုင်မှု မြင့်မားခြင်းကြောင့်ပင်။ လူမများသည့် အချိန်ကာလဖြစ်သည့် ညနေ ၃နာရီနှင့် ၄နာရီကြားတွင်ပင် ပရိသတ်တိုးပွားမှုက အလွန်ကြောက်စရာကောင်း၏။

ထို့အပြင် နှင်းဘောလုံးဆော့သည့်အချိန်က တိုတောင်းသော်လည်း ၄င်းက ပရိသတ်အား ဝင်ရောက်ခံစားနိုင်ခြင်းနှင့် ဖျော်ဖြေရေးခံစားချက်ကိုပေးရာ မှတ်ချက်များတွင် တက်တက်ကြွကြွ ဆွေးနွေးချက်တစ်ခု ရှိနေပေသည်။

ကုယွီမြန်က သူတို့ ပျော်ရွှင်စွာစကားပြောနေသည်ကို ကြည့်ကာ ပြုံးရွှင်ပြီး စတင်ချိန်နှင့် အဆုံးသတ်ချိန်ကြားတွင် အချိန်အပိုင်းခြားတစ်ခု ချမှတ်လိုက်သည်။

ယခုတွင် အခြားတစ်ခုပြုလုပ်ရန် ရှိပေသည်။

"နောက်ကို နှင်းဘောလုံးတိုက်ပွဲ မလုပ်နဲ့တော့..."

ကုယွီမြန်က အပူပေးစက်ကို ဖွင့်ကာ သစ်သားကြမ်းခင်းတွင် ထိုင်ပြီး လက်တစ်ဖက်တွင် အမွေးလုံးတစ်လုံးနှင့် ပခုံးပေါ်တွင် အမွေးလုံးတစ်လုံးကိုကိုင်ထားကာ သက်ပြင်းချလိုက်သည်။

"မင်းတို့ကို ဝေးဝေးမှာ ဘယ်လိုထားရမလဲ ငါမသိတော့ဘူး..."

မြေခွေးပေါက်လေး၏ အမွေးများက နှင်းဘောလုံးများကြောင့် ညှိုးခြောက်နေသည်။ သူ့၏ လည်ပင်း၊ အမြီးနှင့် မျက်နှာပေါ်တွင်ပင် တွဲလောင်းကျနေသည့် ရေခဲအကျန်များ ရှိနေသည်။ သူ့နားရွက်များက အောက်သို့ ကျနေကာ ကုယွီမြန်၏ လက်မောင်းများထဲတွင် သနားစဖွယ် ခွေနေဟန်ရ၏။

အစောပိုင်းက ဖြစ်သွားသည့် နှင်းဘောလုံးတိုက်ပွဲက နှင်းကျားသစ်လေးအတွက် အောင်ပွဲကြီးတစ်ခုဖြစ်သည်မှာ မလွဲမသွေပင်။ မြေခွေးလေးက အာတိတ်ဒေသက မြေခွေးတစ်ကောင်ဖြစ်၍ မျိုးနွယ်ဆိုင်ရာ အားသာချက် ရှိနေသော်လည်း စမ်းသပ်ခန်းထဲမှာသာ ထိုင်နေခဲ့ရသည့် သိပ္ပံပညာရှင်တစ်ယောက်က စစ်ပွဲကို အမှန်တကယ်ရောက်ဖူးပြီး လူတိုင်းထက် ခွန်အား သာလွန်သည့် ဧကရာဇ်တစ်ပါးကို တိုက်ခိုက်နိုင်မည် မဟုတ်ပေ။

နှစ်ဖက်စလုံးက သားပေါက်ပုံစံ ဖြစ်နေပြီး သူတို့ရဲ့ စွမ်းအားအစစ်တွေကို ထုတ်မသုံးဘူး ဆိုရင်တောင်ပေါ့....

နှင်းကျားသစ်လေးမှာ သူ့အရည်အချင်းများကို ကြွားဝါရန်မပြုလုပ်ပါက အနိုင်ရရန်မှာ ပို၍ လွယ်ကူမည်ဖြစ်ကာ အားစိုက်ထုတ်ရန်ပင် လိုအပ်မည် မဟုတ်ချေ။ ဤတစ်ကြိမ်တွင် နှင်းကျားသစ်လေးက ရည်ရွယ်ချက် မရှိစွာနှင့် ခေါင်းမော့ကာ ရှည်လျားလှသည့်အမြီးဖြင့် မြေခွေးလေးကို ကုယွီမြန်၏ လက်မောင်းများထဲမှ တွန်းထုတ်လိုက်သည်။

ပန်ဒါပေါက်လေးက ပို၍ နာနာခံခံရှိ၏။ သူက မြေခွေးလေး၏ ဘေးတွင်ထိုင်ကာ သူ့လက်သည်းများကို ကုယွီမြန်နှင့် အတူတကွ ဖြန့်ထုတ်ကာ မြေခွေးလေး၏ အမွေးပေါ်မှ ရေခဲအကျန်များကို ခါထုတ်ပေးရန် ကူညီလိုက်သည်။

နှင်းများနှင့် တစ်နာရီကျော် ကစားပြီးနောက် ကလေးသုံးယောက်စလုံးမှာ သူတို့၏ကိုယ်ပေါ်တွင် အနည်းနှင့် အများဆိုသလို ရေခဲအချို့နှင့် နှင်းအချို့ ခဲနေပေသည်။ ထိုသည်ထက်ပင် သူတို့အားလုံးမှာ ရှည်လျားကာ ထူထည်းသည့် အမွေးရှိကြသည်။ သူတို့က ၄င်းတို့ကို ခါမချခဲ့ပါက ကိုယ်တွင်းသို့ ဝင်လာသည့်အခါ နှင်းက အရည်ပျော်ပြီး အအေးမိနိုင်ကာ သန့်ရှင်းမည် မဟုတ်ပေ။

သူတို့က နှင်းနှင့် ဆော့ကစားမည် ဖြစ်ရာ ကုယွီမြန်က ကြိုတင်၍ပြင်ဆင်ထားပေသည်။ သူ့တွင် ဝက်မှင်ဘီးများ၊ စောင်ထူထူများ၊ ရေနွေးအိတ်များနှင့် သောက်စရာ ပူပူများ၊ မုန့်များရှိထားရာ နှင်းဖြင့် ဆော့ကစားပြီးနောက် သူတို့အား ပူနွေးသောနွေဦးအဖြစ် အလျင်အမြန် ကူးပြောင်းနိုင်ပေသည်။

"ငါ ထွမ်ထွမ်၊ ယွမ်ယွမ်နဲ့ ချိုးချိုးကို ရေခဲတွေကို အရင်ဆုံး ဖယ်ပေးမယ်နော်..."

ကုယွီမြန်က သူ့လက်ထဲမှ မြေခွေးလေးကိုကိုင်ကာ သူ့လက်သည်းများကို သန့်ရှင်းပေးနေရင်းဖြင့် ဆိုလိုက်သည်။ သူ့လက်သည်းအက်ကြောင်းများကြားတွင် ရေခဲအပိုင်းအစလေးအချို့က ညှပ်နေ၏။ ကုယွီမြန်က သေးငယ်ကာ ပါးလွှာပြီး နူးညံ့သော ဝက်မှင်ဘီးတစ်ခုကို ယူလိုက်ကာ ၄င်းတို့ကို ဖယ်ထုတ်ပေးပြီး ဆိုလိုက်သည်။

"သောက်စရာပူပူလေးနဲ့ မုန့်လေးတွေ စားလိုက်ဦး... ပြီးရင် ငါတို့ ရေပူစမ်းကို သွားကြမယ်..."

ဤသို့ဖြင့် ကုယွီမြန်က မြေခွေးလေးကို သန့်ရှင်းရေး လုပ်ပေးလိုက်သည်။ သူက မြေခွေးလေးကို သန့်ရှင်းပေးရန် တဘက်ကြီးတစ်ခုကို ယူလိုက်ပြီး သူ့အား စောင်နွေးနွေးတစ်ထည်ဖြင့် ပတ်ထားလိုက်သည်။ သူက မြေခွေးလေးကို ဘေးဖယ်ထားခါနီးတွင် မြေခွေးလေးက ရုတ်တရက် တုန်ယင်သွားသည်။

ကုယွီမြန်က ရပ်လိုက်ပြီး သားပေါက်လေးကို သူ့လက်မောင်းထဲသို့ ပြန်ယူလိုက်ကာ နာကျင်နေသည့် သူ့ခေါင်းကို ပွတ်ပေးလိုက်သည်။

"အေးလို့လား... ဟုတ်ပါပြီး ခဏအိပ်လိုက်နော်... အအေးမမိစေနဲ့..."

မြေခွေးလေး၏ အမြီးကြီးက ဘောလုံတစ်လုံးအဖြစ် စုစည်းသွားပြီး ရှက်ရွံ့စွာ ကျည်ကျည်ကျာကျာ ပြုလုပ်လိုက်သည်။

ပရိသတ်မှာ မြေခွေးလေး၏ ရှုထောင့်မှဖြစ်ကာ သူတို့သည်လည်း ကုယွီမြန်၏ လက်မောင်းထဲမှ ထွက်ခွာရန် တွန့်ဆုတ်နေကြသည်။

ထိုအချိန်တွင် မှတ်ချက်ကြီးများထဲတွင်

[ချိုးချိုးက အရမ်းတော်တာပဲ...]

[မြန်မြန်ရဲ့ ပွေ့ဖက်မှုကို အောင်အောင်မြင်မြင်ရနိုင်တဲ့ အတွက် ဂုဏ်ယူပါတယ်...]

[ငါကတော့ ဒီမှာ တစ်ဘဝလုံး လှဲနေချင်တော့တာပဲ....]

ထိုစကားများမှာ လူပေါင်း သန်း၃၀ကျော်ထံမှ ထပ်မံ ရောက်ရှိလာပြီး လေထုက အလွန်နွေးထွေးသွားလေ၏။

နှင်းကျားသစ်လေး၏ စိတ်ခံစားချက်ကောင်းလေးမှာ ရုတ်တရက် ပျောက်ကွယ်သွားလေသည်။

"....."

သူက စက္ကန့်ပိုင်းခန့် တုံ့ဆိုင်းနေပြီး ကုယွီမြန်၏ ပခုံးပေါ်မှ ခုန်ချကာ သူ့မျက်လုံးအောက်တွင် ထိုင်နေပြီးနောက် အလွန်နှေးကွေးစွာနှင့် အတွေ့အကြုံမရှိသော အပြုအမူဖြင့် တုန်ယင်ပြလိုက်သည်။

ကုယွီမြန်က ပန်ဒါပေါက်လေး၏ အမွေးပေါ်မှ ရေခဲအကြွင်းအကျန်များကို မမြင်ပေ။ ပန်ဒါပေါက်လေး၏ ခေါင်းလုံးလုံးလေးမှာ ကုယွီမြန်၏ လက်မောင်းထံသို့ တိုးဝင်ချင်နေကာ သူ့၏ အလုပ်ကို ပို၍ ခက်ခဲအောင် ပြုလုပ်နေ၏။

နှင်းကျားသစ်လေးက ကုယွီမြန် သူ့အား ချီလာသည်ကို မစောင့်ပေ။ သူက အပြင်ပန်းတွင် ပျင်းရိကာ အမှတ်တမဲ့ ဖြစ်သော်လည်း အနည်းငယ် စိုးရိမ်နေပေသည်။ သူက လက်သည်းများကို ဖြန့်လိုက်ပြီး ကုယွီမြန်၏ လက်ကောက်ဝတ်ကို ဖိထားကာ အတန်ကြာအောင် တုံ့ဆိုင်းနေပြီး မြေခွေးလေး၏ သွင်ပြင်ကို အတုခိုးရန် ကြိုးစားလိုက်ပြီး နောက်ထပ်လှုပ်ယမ်းမှုတစ်ခု ပြုလိုက်သည်။

သူက အနည်းငယ်ရိုးစင်းကာ ရည်ရွယ်ချက်ကလည်း အလွန်သိသာနေပေ၏။ သူက အမှန်ပင် အရူးလေးတစ်ယောက်သဖွယ် ပြုမူနေသည်။ သူက ပန်ဒါပေါက်လေး မဟုတ်ရာ သရုပ်ဆောင် အရည်အချင်းမှာလည်း သုညနှင့် နီးကပ်ပေသည်။ သူက အကြည့်တစ်ချက်ဖြင့်ပင် ထိုးဖောက်မြင်နေရ၏။

ကုယွီမြန်က ထိန်းထားရန်ကြိုးစားသော်လည်း အပြုံးတစ်ခု ထွက်ပေါ်လာလေသည်။ သူက နှင်းကျားသစ်လေးအပေါ် အနည်းငယ် ချိုချိုသာသာဆက်ဆံ၏။ နှင်းကျားသစ်လေးကို သူ့လက်မောင်းအောက်မှ မလိုက်ပြီး နူးညံ့သော လည်ပင်းကို ပွတ်သပ်ပေးကာ သူ့နားထဲသို့ တီးတိုးဆိုလိုက်သည်။

"ထွမ်ထွမ်လည်း ဖက်တာခံချင်တာလား... ငါမင်းကို ဘယ်တုန်းက ငြင်းဖူးလို့လဲ အရူးလေး..."

နှင်းကျားသစ်လေးက မျက်နှာငယ်လေးနှင့် အနည်းငယ် နီရဲနေသော နားများဖြင့် တောင့်တင်းသွားပြီး လှုပ်ရှားနေသည်ကို ရပ်တန့်လိုက်သည်။

ပရိသတ်များ - "...."

မှတ်ချက်များက အချိန်ခဏကြာသည်အထိ တိတ်ဆိတ်သွားပြီးနောက် ဆော့ကစားနေသည့် သို့မဟုတ် အော်ဟစ်နေသည့် မရေမတွက်နိုင်သော စကားလုံးများက ထွက်ပေါ်လာသည်။

[သစ်တော်ပွင့်ဖြူလေး လီလီ: အားးးးး... ငါမရှိတုန်း ဘာဖြစ်သွားတာလဲ... လိမ္မာတဲ့ကောင်လေးတွေ...]

[ဗီဗီယန်: ပြီးသွားပြီ... ငါ့ဦးနှောက်က အဆုံးမရှိ စပြီးလည်နေပြီ... ရူးလိုက်တာ... ]

[အိုလယ်ရို: အကောင်းဆုံး သားပေါက်လေးနေရာအတွက် တိုက်ပွဲကို စတင်မဲပေးနိုင်ပါပြီ... အခုက ထွက်သွားရမဲ့အချိန်ပဲ... ငါအရင်ဆုံး အဖွဲ့တစ်ခုကို ဝယ်လိုက်မယ်... ဟေး... ဟေး... ဟေး...]

[တဘက်မပါဘဲ မျက်နှာသစ်ပါ: ဟုတ်တယ်... ဒါက မြန်မြန်ရဲ့ မိသားစုထဲက ထွမ်ထွမ်ပဲ... ငါ မင်းတို့ရဲ့ နေ့စဥ်ဘဝကို ကြည့်ရတာ တကယ်ကြိုက်တယ်...နောက်ဆိုလည်း ငါက အဲ့ဒါကို အရမ်း သဘောကျနေဦးမှာပဲ.... မီးပန်းများပေးလိုက်သည်...]

ကုယွီမြန်၏ တိုက်ရိုက်ထုတ်လွှင့်မှုမှာ တိကျလှသော်လည်း ၄င်းတွင် ပါဝင်သည့် အကြောင်းအရာများမှာ အဘယ့်ကြောင့် အလွန် ထိုင်းမှိုင်းပြီး နှေးကွေးသည့် စည်းချက်တစ်ခု ရှိနေသည်ကို ထပ်တူညီစွာ သံယဝင်နေကြသည့် လူအများစုရှိပေသည်။ တစ်ချက်အကြည့်တွင် ဤသည်က နေ့စဥ်မှတ်တမ်းတစ်ခုနှင့် တူသော်လည်း ကြည့်ရှုသူများစွာကို ဆွဲဆောင်နေနိုင်ဆဲ ဖြစ်သည်။

တိုက်ရိုက်ထုတ်လွှင့်မှုကို ကြည့်ပြီးနောက် ထိုမေးခွန်းအတွက် အဖြေမှာ အလွန် ရိုးရှင်းလာပေသည်။

ဤအချိန်တွင် ကုယွီမြန်မှာ နှင်းကျားသစ်လေးကို တဘက်ကြီးတစ်ထည်ဖြင့် စိတ်ရှည်စွာ ဂရုတစိုက် သန့်ရှင်းပေးနေပြီး သူ့မျက်လုံးများထဲတွင် အလွန်ပေါ့ပါးသော အပြုံးတစ်ခု ရှိနေ၏။ သားပေါက်သုံးကောင်က သူ့လက်မောင်းထဲတွင် ပြည့်ကြပ်နေသည်။ တစ်ခါတစ်ရံ သဘောထားကွဲလွဲမှုလေးများနှင့် ရန်ပွဲအသေးလေးများ ဖြစ်ပွားတတ်ပြီးတစ်ခါတစ်ရံ မဖြစ်ပေ။ သူက အချို့သော အရေးမပါလှသည့် အကြောင်းအရာများအကြောင်း ပြောလိုက်သည်။

ရေပူစမ်းမှာ ၄င်း၏ ကိုယ်ပိုင် နားနေခန်းအသေးလေးတစ်ခုရှိ၏။ သူတို့က ကြမ်းခင်း ပြတင်းပေါက်မှတစ်ဆင့် မရေမတွက်နိုင်သည့် နှင်းတောင်များနှင့် ကြည်လင်သော ကောင်းကင်ပြာကို မြင်နိုင်လေသည်။ ညနေခင်းပိုင်းတွင် အလင်းရောင်က ခပ်ဖျော့ဖျော့သာ လင်းနေ၏။

နှင်းဘောလုံးတိုက်ပွဲပြီးနောက် နွေးထွေးသော ရေပူစမ်းတွင် အနားယူကာ တစ်ရေးတစ်မောအိပ်ရန်မှာ အကောင်းဆုံး ဖြစ်ပေသည်။ သူတို့က နှာခေါင်းဝတွင် ဆောင်းရာသီ မြက်ပင်များ၏ ရနံ့ဖျော့ဖျော့ကို အနံ့ရကာ ၄င်းက ဘဝတွင် အစားပြန်မရနိုင်သည့် မမေ့နိုင်ဖွယ်ရာ အတွေ့အကြုံတစ်ခု ဖြစ်ပေလိမ့်မည်။ ထို့အပြင် မကြာမီတွင် နေဝင်လုပြီ ဖြစ်ပြီး ရေပူစမ်းသာမက အစားအသောက်များနှင့် ဝိုင်ပါ ရှိနေပေသည်။

ဤသည်က ကမ္ဘာပေါ်တွင် သာမန်အဆန်ဆုံးနှင့် စိတ်ကူးယဉ်အဆန်ဆုံးဖြစ်သော မြင်ကွင်း ကဗျာပင်။

ပရိသတ်ထဲတွင် ကြည့်ရှုသူတစ်ဦးနှင့် ပါဝင်သူတစ်ဦးအနေဖြင့် ၄င်းက အကြည့်လွှဲပစ်ရန် အခက်ခဲဆုံးအရာတစ်ခုဖြစ်လာပေသည်။ သူတို့က မနေနိုင်ဘဲ ကုယွီမြန်၏ စည်းချက်အတိုင်း လိုက်ပါကာ ပို၍ တွေ့ကြုံခံစားလိုက်သည်။

စတူဒီယိုထဲရှိ ကြည့်ရှုသူအရေအတွက်က ဆက်လက်၍ ထိုးတက်နေသည်။ ပိုက်ဆံမပါရှိဘဲ လက်ဆောင်များနှင့် မှတ်ချက် အမျိုးအစားအားလုံးက တစ်ခုပြီးတစ်ခု ပေါ်လာလေသည်။

[ချောကလက် လက်ဖက်စိမ်း: ငါ ဒီစတူဒီယိုကို ချစ်တယ်... တင်ဆက်သူနဲ့ သားပေါက်လေးတွေကိုလည်း ချစ်တယ်...]

[ငါ ခေါက်ဆွဲစားရတာ ကြိုက်တယ်: ကျေးဇူးပြုပြီး ဆက်ပျော်နေပါ +၁... ဒီတိုက်ရိုက်ထုတ်လွှင့်မှုကို ကြည့်လိုက်တဲ့အချိန်တိုင်း ငါ့ရဲ့ စိတ်ခံစားချက်က အများကြီး ပိုကောင်းလာတယ်... အဲ့ဒါက နွေးထွေးတယ်... ငါအရမ်းကြိုက်တယ်... ကြော်ငြာ ၁၀၀၀၀...]

လက်ရှိအချိန်တွင် ကြည့်ရှုနေသူ အရေအတွက်က သန်း၅၀ ရှိပေသည်။

ထုတ်လွှင့်ချိန် နာရီဝက်ကြာပြီးနောက် ညနေ ၄:၃၀အချိန်ရောက်သည့်အခါ ကုယွီမြန်၏ တိုက်ရိုက်ထုတ်လွှင့်ခြင်း စတူဒီယိုက မူလစာမျက်နှာ၏ အချိန်နှင့်တစ်ပြေးညီ နာမည်ကြီးမှုစာရင်း၏ ထိပ်ဆုံးဆယ်ခုသို့ တိုက်ရိုက် ရောက်ရှိသွားပြီး သုံးနေရာပင် အလျင်အမြန် ထပ်မံ၍ မြင့်တက်သွားသည်။

လူအများက အံ့ဩမနေပေ။ ဤခေတ်ရေစီးကြောင်းအရ ယနေ့တွင် ထပ်မံ၍ စံချိန်ချိုးလိုက်မည့်ပုံရပေသည်။

ကုယွီမြန်က အချိန်နှင့် တိုက်ရိုက်ထုတ်လွှင့်မှုအခန်း၏ နာမည်ကျော်မှု တိုးပွားလာခြင်းကို တစ်ချက်ကြည့်လိုက်ပြီး ရှက်ရွံ့ကာ ပျော်ရွှင်လာသည်အထိ ချီးကျူးခံလိုက်ရသည်။ သူက ခေတ္တမျှ တရားထိုင်လိုက်ပြီး လွန်ကဲသည့် နွေးထွေးမှုအချို့ကို ညင်သာစွာ ပြန်လည် ရယူလိုက်သည်။

"လက်ဆောင်တွေနဲ့ သဘောကျပေးလို့ ကျေးဇူးတင်ပါတယ်... ဟုတ်ပြီ... ကျွန်တော် ထွမ်ထွမ်ရယ် ယွမ်ယွမ်ရယ် ချိုးချိုးရယ်ကို သန့်ရှင်းရေးလုပ်ပေးပြီးသွားပြီ... ရှောက်ခါးသီးပျား လက်ဖက်ရည် နည်းနည်းသောက်ပြီး ခန္ဓာကိုယ် ကြံ့ခိုင်ရေးကို ထောက်ပံ့ပေးမဲ့ ရေဘဝဲတွေ စားရအောင်..."

[ T/N - ရှောက်ခါးသီးဆိုတယ ဂရိပ်ဖရုသီးကို ပြောတာပါ ]

ကုယွီမြန်က နှင်းထဲတွင် ဆော့ကစားကာ ချွေးထွက်ပြီးနောက် သက်သောင့်သက်သာဖြစ်ကာ အလွန် ဆီမများသည့် ရှောက်ခါးသီးပျားလက်ဖက်ရည်နွေးနွေးတစ်ခွက်ကို သောက်ရသည်မှာ ကောင်းမွန်လှသည်ဟု ကိုယ်တိုင်ခံစားရသည်။ ရေဘဝဲလုံးကြော်မှာမူ အလွန်သေးကာ အရသာရှိလှ၍ ရေပူစမ်းတွင် မစိမ်မီ မုန့်တစ်ခုအဖြစ် စားသုံးရန် အလွန်သင့်လျော်ပေသည်။

ကုယွီမြန်က ထပ်လောင်းပြောလိုက်သည်။

"တချို့ ကြောင်ပေါက်လေးတွေက အချဥ်အရသာကို မကြိုက်တာ သဘာဝပဲ.... သူတို့ အဲ့ဒါကို မကြိုက်ရင် စားစရာမလိုပါဘူး..."

နှင်းကျားသစ်လေးမှာ ရှောက်ခါးသီးနှင့် သံပရိုသီးကဲ့သို့ အချဥ်များကို မကြိုက်သည်မဟုတ်ရာ ကုယွီမြန်က ရံဖန်ရံခါ အချဉ်အသုံးပြုရသည့် သောက်စရာအချို့နှင့် မုန့်အချို့ကို ပြုလုပ်မည် ဖြစ်သော်လည်း ထိုထက်ပို၍ လုပ်မည်မဟုတ်ပေ။

🐯🐯🐯

Prev Next