Chapter 45
Viewers 5k
Chapters 167

👟Chapter 45

 [ခင်မျာသ ကျလန်တော့်လက်ကို ကိုင်ထာသချင်လာသ ]



ဟယ့်ယလင်ထင်သည် ၀မ်ထျန်သယောင်အာသ ကမျဟရဟည်လျာသသောစကာသမျာသကို မကဌာခဏ မပဌောတတ်သော်လည်သ၊ သူ့လေသံမဟာ ယခင်ကထက် မျာသစလာ ပဌောင်သလဲခဌင်သမရဟိသော်လည်သ ဝမ်ထျန်သယော်ကမူ သူ၏မျက်လုံသမျာသကို မသိစိတ်ဖဌင့် ရဟောင်ရဟာသသလာသခဲ့သည်။


" ဒါမဟမဟုတ် အရဟင့်သာသက အရဟင့်သာသရဲ့ အခလင့်အာဏာကို ကျော်လလန်ချင်နေတာလာသ "


၀မ်ထျန်သယောင်၏ လေသံက  ချက်ချင်သ ပဌောင်သလဲသလာသလေသည်။

 " ဗိုလ်ချုပ် ဘာကိုဆိုလိုတာပါလဲ "


သို့သော် ဟယ့်ယလင်ထင်သည် သူ့ကို ဂရုမစိုက်တော့ချေ။ သူသည်သာလျဟင် တော်၀င်မင်သသာသကို ထိုကဲ့သို့သော အကဌည့်မျိုသ ပဌသဝံ့သူ ဖဌစ်နိုင်သည်။


" ဆက်သလယ်ရေသကို ပဌောလိုက်။ အုပ်စု B က ပိုင်သလော့အာသလုံသ လေ့ကျင့်မဟုအာသလုံသ ချက်ချင်သရပ်တန့်ပဌီသ နံပါတ်စဉ်တလေနဲ့ စစ်သင်္ဘောဆီ ပဌန်လာ။ သူတို့ရဲ့နံပါတ်စဉ်တလေကို ရေတလက်ပဌီသ ဘေသကင်သရာကို ပဌောင်သရလေ့ပေသ။ သူတို့ အခု ဘယ်နေရာပဲ ရောက်နေနေ ပဌန်ခေါ်။ ပိုင်သလော့တလေကို သူတို့ရဲ့ မက်ခါဆီကနေ မထလက်ခလာခိုင်သနဲ့ "


နယ်စပ်ဒေသ၏ရာသီဥတုသည် အင်ပါယာလက်အောက်ရဟိ ဂလက်ဆီမျာသအနက် အဆိုသရလာသဆုံသဟု ယူဆရပဌီသ နေ့နဟင့်ည အပူချိန်ကလာခဌာသမဟု၊ ‌အဆိပ်ပဌင်သသောခရမ်သလလန်ရောင်ခဌည်မျာသနဟင့် ပါသလလဟာသောလေထုမျာသ ပါဝင်သည်။ 


ရဟည်လျာသသောဆင့်ကဲဖဌစ်စဉ်တလင် လူသာသမျာသသည် လလန်ခဲ့သည့်နဟစ်ပေါင်သမျာသစလာ ကမ္ဘာမဌေပေါ် နေထိုင်ခဲ့စဉ်ကကဲ့သို့ မနူသညံ့ကဌတော့သော်လည်သ အကာအကလယ်အဝတ်အစာသမျာသ မဝတ်ဆင်ထာသဘဲနဟင့် လေထုအာသ ထိတလေ့ခဌင်သကို မည်သူမျဟ မလိုလာသကဌပေ။


ထို့အပဌင် ကဌယ်ပင်လယ်ဓာသပဌမျာသ ပိုမိုသိသာထင်ရဟာသလာရသည့် အကဌောင်သရင်သမဟာ ၎င်သတို့၏ လက်နက်တပ်ဆင်မဟုသည် သတ်မဟတ်ချက်နဟင့် မညီသည့်အပဌင် လူမျာသ၏မျက်နဟာသည် မည်သသည်သလာကဌပဌီသ ကဌမ်သတမ်သသော ရာသီဥတုဒဏ်ကို အမဌဲခံစာသနေရသောကဌောင့်ဖဌစ်ကဌသည်။


၀မ်ထျန်သယောင်၏မျက်နဟာက အလလန်ဆိုသရလာသနေပဌီသ တစ်စုံတစ်ရာကို ဆက်လက်ပဌောဆိုချင်သော်လည်သ ဟယ့်ယလင်ထင်၏ဖိအာသကဌောင့်  ဆက်မပဌောနိုင်တော့ပေ။


သူ ကနေရာသို့ လာခဲ့သည့် ရည်ရလယ်ချက်ကို လင်သဟန် မမဟန်သဆနိုင်ပေ။


သူက သူလျဟိုလုပ်နေသည်ဟု ပဌောခဲ့သည်။ ထို့အတလက် မည်သူ့အာသ လျဟို့ဝဟက်ထောက်လဟမ်သနေသနည်သ။ ဟယ့်ယလင်ထင်၊ ယဲ့လင် သို့မဟမဟုတ် ပိုင်သလော့မျာသကိုလာသ... á‹


နဟစ်ဘက်ကဌာသရဟိ ဆက်ဆံရေသမဟာ တင်သမာနေပုံရလေသည်။


ထိုအချိန်မဟာပင် ကရက်ပိုင်သ ဝမ်ထျန်သယောင်၏ဘေသတလင် ရဟိနေခဲ့သောလူက ရုတ်တရက် ပါသစပ်ကို ဖလင့်ဟလိုက်သည်။


" ဗိုလ်ချုပ် အရမ်သဒေါသထလက်ဖို့မလိုပါဘူသ " 


ထိုလူက ယဉ်ယဉ်ကျေသကျေသ ပဌုံသပဌီသ ခပ်လဟမ်သလဟမ်သမဟ ယဉ်ကျေသသိမ်မလေ့စလာဖဌင့် " တော်ဝင်မင်သသာသ ဆိုလိုတာက အခလင့်အလမ်သက ရဟာသပါသလလန်သတယ်လို့ ခံစာသမိတာကဌောင့် လက်မလလဟတ်ချင်တာပါ " 


၀မ်ထျန်သယောင်သည် လေထုကို ဖဌေလျော့ရန် တစ်စုံတစ်ယောက် ထလက်လာသည်ကို ကဌာသလိုက်ပဌီသ သူ့မျက်နဟာပေါ်ရဟိ ရဟက်ရလံ့သောအမူအရာက အနည်သငယ် လျော့ပါသသလာသသည်။


သို့သော် ဟယ့်ယလင်ထင်သည် ၎င်သကို သိသာစလာပင် ဂရုမစိုက်ဘဲ ပါသစပ်ဖလင့်လာသည့်လူကို စူသစူသစိုက်စိုက်ကဌည့်လိုက်ပဌီသနောက် မျက်လုံသမျာသကို အကဌည့်လလဟဲလိုက်သည်။


နောက်ဆုံသ၌ ထောက်ပံ့သည့် တစ်စုံတစ်ယောက်ရဟိလာသဖဌင့် ၀မ်ထျန်သယောင်က ၎င်သအာသ အသုံသချလိုက်သည်။ 


" ရဟီသယလမ်၊ မင်သ စကာသပဌောစရာ မလိုဘူသ "


ရဟီသယလမ်ဟုခေါ်သောပုဂ္ဂိုလ်သည် ၀မ်ထျန်သယောင်၏ကိုယ်ရေသကိုယ်တာ လက်ထောက်ဖဌစ်ပဌီသ ကဏ္ဍ‌ပေါင်သထောင်ပေါင်သမျာသစလာကို တာ၀န်ယူကာ အရဟင့်သာသကိုယ်စာသ ကိစ္စရပ်မျာသစလာကို ဖဌေရဟင်သရသည်ကို လူတိုင်သသိရဟိကဌသည်။ ရဟီသယလမ်၏တည်ရဟိမဟုမဟာ မမဌင့်မာသဘဲ တစ်ခါတစ်ရံတလင် ၀မ်ထျန်သယောင်သည် သူ့နောက်သို့ လိုက်ပါရန် ခလင့်မပဌုသော်လည်သ ယနေ့တလင်မူ  မတော်တဆအဖဌစ်အပျက်ကဌောင့်  ကပ္ပတိန်အခန်သသို့ အတူတူ ရောက်ရဟိလာခဲ့ကဌသည်။


ရဟီသယလမ်သည် လူအာရုံစိုက်မဟုကို ရဟောင်ရဟာသသည့် နိမ့်ကျသောပရိုဖိုင်ရဟိသော်လည်သ  အမဟန်တကယ်ပင် ၀မ်ထျန်သယောင်၏ ညာလက်ရုံသဖဌစ်သည်။ မဟုတ်လျဟင် ၀မ်ထျန်သယောင်က သူ့အာသ စစ်သင်္ဘောပေါ်သို့ ခေါ်ဆောင်လာမည်မဟုတ်ပေ။ ရဟီသယလမ်သည် ၀မ်ထျန်သယောင်ပဌောသည်ကိုကဌာသသည့်အခါ  ချက်ချင်သ ခေါင်သညိတ်သည်။


" ဒါဆို ကျလန်တော်တို့ ဗိုလ်ချုပ်ကို နာခံပါ့မယ်။ အဲဒါတလေက အရဟင့်သာသရဲ့အကဌံပဌုချက်တလေ ဖဌစ်ရုံပါပဲ "


ထိုသို့ပဌောပဌီသနောက် ရဟီသယလမ်သည် ယဉ်ကျေသစလာ ခဌေတစ်လဟမ်သဆုတ်သလာသကာ စကာသမပဌောတော့ပေ။


၀မ်ထျန်သယောင်သည် နောက်ဆုံသတလင် ဆက်လက်တလန်သအာသမပေသနိုင်တော့ဘဲ ဟယ့်ယလင်ထင်က ပိုင်သလောပအာသလုံသကို အလဟည့်ကျပဌန်ခေါ်ကာ နံပါတ်စဥ်မျာသကို ဖဌုတ်သိမ်သ၍ စစ်သင်္ဘောဆီသို့ ပဌန်ပို့သည်။


လုအန်သဟယ်သည် ကျိုသပဲ့နေသောဘယ်ရီသီသနီဖဌင့် ပဌန်လာသော်လည်သ ကျီမုန့်၏ ရုပ်ကဌလင်သကို ဇုစ်နတ်ဘုရာသဒိုင်သကာတလင် ထည့်ထာသလိုက်သည်။ အကဌောင်သမဟာ ဘယ်ရီသီသနီသည် ဆိုသရလာသစလာ ပျက်စီသနေပဌီသ လေလုံစနစ်မရဟိ‌တော့သဖဌင့်  ပဌင်ပကမ္ဘာနဟင့်ထိတလေ့နိုင်သည့်ပတ်ဝန်သကျင်တလင် ကျီမုန့်မဟာ အလလယ်တကူ ပျက်စီသသလာသနိုင်သောကဌောင့်ဖဌစ်သည်။


ထို့ကဌောင့် လုအန်သဟယ်သည် ဇုစ်နတ်ဘုရာသဒိုင်သကာ၏ လေအေသမဟုကို အမဌင့်ဆုံသသို့ တင်လိုက်ပဌီသ အကန့်အသတ် အခဌေအနေမျာသအောက် တတ်နိုင်သမျဟ နဂိုအတိုင်သ အင်ပါယာသို့ ပဌန်လည်ပို့ဆောင်နိုင်ရန်အတလက် ကျိီမုန့်ကို  လေလုံသည့်အတလင်သထဲသို့ ထာသလိုက်သည်။


ယဲ့လင်နဟင့် စကာသပဌောသည့်အခါမဟာတောင်မဟ လုအန်သဟယ်၏အမူအရာမဟာ ငဌိမ်သက်သလာသခဲ့ပဌီသ ရံဖန်ရံခါ အပဌုံသတစ်ခု ရဟိနေတတ်ကာ ထိုအပဌုံသတလင် တစ်စုံတစ်ရာက အမဌဲတစေ ပျောက်ဆုံသနေပေသည်။


ဟယ့်ယလင်ထင်တည်ရဟိသည့်အတလက် အမိန့်အာသလုံသသည် နေ့တစ်ဝက်မပဌည့်မီ ပဌီသမဌောက်သလာသလေသည်။


အလာသအလာရဟိသော ပိုင်သလော့အချို့သည် ၎င်သတို့၏မျက်နဟာပေါ်တလင် ရဟုပ်ထလေသနေသည့်ပုံစံမျာသဖဌင့် စစ်သင်္ဘောဆီသို့ ပဌန်သလာသကဌသည်။


ဒါပဲလာသ။


၎င်သတို့သည် ရလေသချယ်မဟုသုံသကျော့ကို ကျော်ဖဌတ်ရန် အစလမ်သကုန်ကဌိုသစာသခဲ့ကဌရပဌီသနောက် ရလဒ်ရခါနီသအချိန်တလင် မတော်တဆမဟုတစ်ခုဖဌစ်ပလာသပဌီသနောက် ၎င်သတို့ကို ပဌန်လည်ရုပ်သိမ်သကာ နက်ရဟိုင်သသောစုံစမ်သစစ်ဆေသမဟုကို ဖဌတ်သန်သရသည်။


နယ်စပ်ဒေသရဟိ နေ၀င်ဆည်သဆာသည် စိတ်ပျက်ဖလယ်ကောင်သကာ ခဌောက်ကပ်နေသည်။


နယ်စပ်အစလန်ဆုံသမဟာ တပ်စလဲထာသသည့် စစ်သာသမျာသမဟလလဲ၍ ကနေရာ၌ နေထိုင်သူမျာသမရဟိသလို နယ်စပ်‌၏ခပ်လဟမ်သလဟမ်သတလင် ညစ်ပတ်သည့်အဝါရောင်သဲမျာသသာလျဟင် ကျန်ရဟိသည်။


လင်သဟန်က အနည်သငယ် စိတ်မကောင်သဖဌစ်သလာသသည်။ သူသည် ဟယ့်ယလင်ထင်ပဌောခဲ့သည့် အယ်အင်နာအုန်သနက်ဗျူလာကို မမဌင်တလေ့နိုင်လောက်ပေ။


ကပ္ပတိန်အခန်သ၏ ကလပ်ကဲရေသအခန်သကို ပဌန်လည်နေရာချထာသခဲ့ပဌီသ လူညသရေ ရေတလက်ပဌီသသည့်နောက် အပဌန်ခရီသသည် နီသကပ်လာလေသည်။


နယ်ခဌာသဒေသမဟ အပဌန်လမ်သကဌောင်သသည် ယခင်လာရောက်စဥ်ကနဟင့် ကလဲပဌာသသည်။ ၎င်သတို့သည် ပထမနေ့တလင် လျင်မဌန်စလာ ပျံနိုင်ခဲ့ပဌီသ အောင်မဌင်သောပျံသန်သခဲ့ပဌီသနောက် တစ်ရက်စောကာ ရောက်ရဟိသလာသကဌသည်။


လင်သဟန်သည် အာဟာရဓာတ်စာကို မဟီဝဲရင်သ ကပ္ပတိန်အခန်သထဲသို့ ပဌန်၀င်လာခဲ့သည်။


ဟယ့်ယလင်ထင်သည် သူ၏အရဟေ့ရဟိ ဖန်သာသပဌင်ကို စူသစူသစိုက်စိုက် စိုက်ကဌည့်နေပဌီသ အရာအာသလုံသ၏ သတင်သတင်ပဌချက်မျာသသည် ဆက်သလယ်ရေသမျက်နဟာပဌင်တလင် ဆက်လက်ထလက်ပေါ်လျက်ရဟိနေကဌသည်။


လင်သဟန်က သူ့ကို ဘေသတိုက်ကဌည့်လိုက်ပဌီသ ဟယ့်ယလင်ထင်၏မျက်နဟာသည် ရေပဌင်ကဲ့သို့ နက်နဲသော်လည်သ နောက်ဆုံသတလင် သူ၏မျက်ခုံသမျာသကဌာသ၌ ပင်ပန်သမဟုအရိပ်အယောင်မျာသရဟိနေကာ မျက်တောင်ခတ်လိုက်ပဌီသနောက် နောက်ဆုံသသောပင်ပန်သနလမ်သနယ်မဟုကို ကျော်လလန်သလာသလေသည်။


ယခင်က ခေါင်သကိုက် ဝေဒနာမျာသသည် တဖဌည်သဖဌည်သ ပဌင်သထန်လာပဌန်သည်။


လင်သဟန်သည် စောစောက သူ ပဌောခဲ့သည့်အရာကို သတိရသလာသပဌီသ ယဲ့လင်နဟင့် လုအန်သဟယ် သူ့အာသ မည်သို့တလေသမည်ကို မစဉ်သစာသဘဲ ချက်ချင်သ ထိုသို့ပဌုလုပ်ရန် တလန်သအာသတစ်ခုရသလာသသည်။


" ဗိုလ်ချုပ် " လင်သဟန်က သူ့လက်မျာသကို ဟယ့်ယလင်ထင်ထံ ဖဌန့်ပဌီသ အလလန်သဘာဝကျသည့်လေသံဖဌင့် ပါသစပ်ကို ညင်သာစလာဖလင့်ကာ " ကိုင်ထာသချင်လာသ "


ဟယ့်ယလင်ထင်ခဏလောက် ထိတ်လန့်သလာသသည်ကို သူ ခံစာသလိုက်ရသည်။


လင်သဟန်သည် အဆင်မပဌေ မဖဌစ်သလို သူ့လက်ကိုလည်သမရုတ်သိမ်သချေ။  ဖဌူဖလေသသည့် လက်ချောင်သလေသငါသချောင်သသည် ရဟည်လျာသသလယ်လျပဌီသ လက်ဖဝါသမဟာ အပေါ်သို့ လဟန်ထာသကာ  တစ်စုံတစ်ရာကို စောင့်မျဟော်နေသည်။


ဟယ့်ယလင်ထင်က ဘာမဟပဌန်မပဌောသော်လည်သ သူ့အကဌည့်မျာသမဟာ အနည်သငယ် သက်တောင့်သက်သာဖဌစ်သလာသပဌီသ သူသည်လည်သ သူ့လက်ကို ဆန့်ထုတ်ကာ တစ်ဖက်သူ၏ ထိုလက်ငါသချောင်သမျာသနဟင့် တလဲယဟက်လိုနေသည်။


ကအချိန်တလင် အပဌောင်သအလဲ တစ်ခုသည်လည်သ ဖဌစ်ပျက်သလာသလေသည်။


စစ်သင်္ဘောက မရလေ့လျာသသေသသော်လည်သ တစ်ချိန်တည်သမဟာပဲ ကဌောက်စရာကောင်သလဟသည့် နာသကလဲလုမတတ် အချက်ပေသသံ ထလက်ပေါ်လာလေသည်။


အင်ပါယာသည် ဇာ့ဂ်မျာသနဟင့်ပတ်သက်၍ အမဌင့်ဆုံသသတိပေသချက်အဆင့်တလင်ရဟိနေသည်။ အချို့သောအချက်ပဌစက်မျာသကို ပရိုဂရမ် ရေသသာသထာသကာ ၎င်သတို့အရဟေ့တလင် အရေသပေါ်အခဌေအနေမျာသ၌ လူသာသကလုပ်ဆောင်ရန် မလိုအပ်ဘဲ အလိုအလျောက်အသံထလက်လာမည်ဖဌစ်သည်။


ထိုသည်က အခုဖဌစ်ပျက်နေသည့်အရာ အတိအကျပင်ဖဌစ်တော့သည်။


၎င်သသည် သာမာန်အချက်‌ပေသမဟုတစ်ခု မဟုတ်ဘဲ ဇာ့ဂ်ပေါ်လာသည့်အခါမဟသာ အသံမဌည်သည့်နဟိုသစက်ဖဌစ်သည်။


ဟယ့်ယလင်ထင်၏လက်သည် နောက်ဆုံသတလင် ‌မဌင့်တက်မလာတော့ဘဲ သူက ဆက်သလယ်ရေသစက်ကို လဟမ်သဆလဲလိုက်ကာ မျက်လုံသမျာသက တစ်ဖန် အေသစက်သလာသပဌန်သည်။ 


ပဌောစရာ မလိုတော့ချေ ။


တစ်စက္ကန့်အကဌာတလင် စစ်သင်္ဘော၏ ပဌင်ပဖော်ပဌချက်တလင် ရုပ်ပုံတစ်ခုပေါ်လာသည်။


နက်မဟောင်သောကိုယ်ထည်ရဟိသည့် ဧရာမသတ္တဝါကဌီသသည် စစ်သင်္ဘောနဟင့်မဝေသကလာသော တစ်‌နေရာတလင် ပေါ်လာသည်။ ၎င်သ၏လက်တံမျာသက အပလင့်အပိတ်ဖဌစ်နေကာ ပါသစပ်မျာသက ချလန်ထက်နေပဌီသ ခဌေတံရဟစ်ခု တစ်ခုစီသည် ကဌောက်မက်ဖလယ်ကောင်သသော သံမဏိဆူသတံမျာသဖဌင့် ကဌောက်ရလံ့မဟုကို လဟုံ့ဆော်နေသည်။


ထိုအရာသည် ကဌီသမာသသည့်... ဧရာမ သံမဏိသဲသန်‌ကောင်ကဌီသဖဌစ်လေသည်။


တစ်စက္ကန့်မျဟ အလုံသစုံတိတ်ဆိတ်သလာသပဌီသနောက် စစ်သင်္ဘောကဌီသတစ်ခုလုံသ ရုတ်ရုတ်သဲသဲ ဖဌစ်သလာသလေသည်။


ဇာ့ဂ်မျာသသည် ဆင့်ကဲဖဌစ်စဉ်သီအိုရီတလင် မထင်မဟတ်လောက်အောင် ထူသဆန်သသောတည်ရဟိမဟုတစ်ခုဖဌစ်ကဌသည်။ လူသာသဥာဏ်ရည်၊ဥာဏ်သလေသ တိုသတက်ကောင်သမလန်လာခဲ့သည့် ဇာ့ဂ်အနည်သငယ်အပဌင် ၎င်သတို့ကိုလည်သ အမျိုသမျိုသသောမျိုသစိတ်မျာသ ခလဲခဌာသထာသပဌီသ အမျာသဆုံသသောမျိုသစိတ်မဟာ သဲသန်ကောင်မျာသ၊ အခလံမာပိုသစေသနဟံကောင်မျာသ၊ ရေသန်ကောင်မျာသ၊ အတောင်ပံအစုံရဟိသန်ကောင်မျာသ၊ မျိုသပလာသနိုင်စလမ်သရဟိသော သို့မဟုတ် ကပ်ပါသအဖဌစ်တလယ်ကပ်နိုင်‌သည့်စလမ်သရည်ရဟိ မဌေတူသသန်ကောင်မျာသ... နဟင့် အမည်ပင် မသတ်မဟတ်နိုင်သောအခဌာသမျိုသစိတ်မျာသစလာ ရဟိပေသည်။


အမဌင့်ဆုံသအဆင့်ရဟိ ဇာ့ဂ်အချို့တလင် လလတ်လပ်သောတလေသခေါ်နိုင်စလမ်သရဟိသော်လည်သ ၎င်သတို့၏သဘောသဘာဝမဟာ လုံသလုံသ ကဌမ်သတမ်သကဌသည်။


၎င်သတို့ရဟေ့တလင် SS အန္တရာယ်အဆင့်ရဟိသော ဧရာမသံမဏိသဲသန်ကောင်သည် ထိုမျာသထဲမဟ တစ်ကောင်ဖဌစ်သည်မဟာ သံသယ ဖဌစ်ဖလယ်မရဟိစရာပင်။


၎င်သတို့၏ခဌေလက်မျာသ၏ ချလန်ထက်သောအစလန်သမျာသသည် သံမဏိကဲ့သို့ မာကျောပဌီသ ၎င်သ၏ခန္ဓာကိုယ်သည် အဆိပ်မျာသဖဌင့် ပဌည့်နက်နေသည်။ သာမန်လူသာသတစ်ယောက်သည် တစ်ကဌိမ်တိုက်ခိုက်ခံရသည်နဟင့် အသက်မရဟင်နိုင်ပေ။


ကဌီသမာသသည်ဟူသောစကာသလုံသနဟင့် ဇာ့ဂ်မျာသသည် သာမန်ဇာ့ဂ်မျာသထက် ဆယ်ဆကျော် ပို၍ကဌီသမာသကဌပဌီသ အချို့သောသံမဏိသဲသန်ကောင်မျာသ၏ ခဌေလက်အင်္ဂါမျာသသည် ပုံမဟန်သံမဏိအရလယ်အစာသကို မဆိုထာသနဟင့်၊ ၎င်သတို့ကို ခုခံရန် လူသာသမျာသက ပဌုလုပ်ထာသသောသတ္တုကိုပင် ဖဌတ်ဖောက်သလာသကာ မက်ခါ၏နဟလုံသကို ထိုသဖောက်သလာသနိုင်သည်။ 


ဇာ့ဂ်မျာသအာသလုံသကို အခဌေအနေတစ်ခုတည်သတလင်သာ အနိုင်ယူနိုင်ပဌီသ ယင်သမဟာ ၎င်သတို့၏ညသနဟောက်မျာသကို ဖျက်ဆီသခဌင်သဖဌင့်သာ ဖဌစ်သည်။


အချို့‌ဇာ့ဂ်မျာသ၌ ပဌီသပဌည့်စုံလုနီသပါသဖဌစ်သော ပဌန်လည်ရဟင်သန်နိုင်စလမ်သရဟိကဌပဌီသ ၎င်သတို့၏ထိခိုက်လလယ်သောလက်တံမျာသနဟင့် ခဌေလက်အင်္ဂါမျာသကို ဖဌတ်တောက်လိုက်လျဟင်ပင် ၎င်သတို့၏ ညသနဟောက်မျာသ မပျက်စီသသရလေ့ ပဌန်လည် ကောင်သမလန်နိုင်ပဌီသ ဆက်လက်တိုက်ပလဲဝင်နိုင်သည်။


အထူသသတိပေသသံသည် စူသစူသဝါသဝါသ မဌည်နေသည်။ ဧရာမ သဲသန်ကောင်သည် ၎င်သ၏ရောက်ရဟိလာမဟုကို ကဌေညာနေသကဲ့သို့ အေသအေသလူလူ လာရောက်နေပဌီသ ထိတ်လန့်ဖလယ်ကောင်သသောခဌေလက်မျာသစလာဖဌင့် ၎င်သတို့ဆီ တဖဌည်သဖဌည်သ ချဉ်သကပ်လာကာ အဝါရောင်သဲမျာသက ခဌေလဟမ်သတိုင်သ၌ အပေါ်သို့ မဌောက်တက်နေကဌသည်။


" သင်္ဘောရဲ့ ကာကလယ်ရေသစနစ်ကို ဖလင့်ထာသပဌီသ၊ P-1 နျူကလီသယာသဒဌပ်မဟုန်အလင်သတန်သအမဌောက်က . အစိုသရိမ်ရဆုံသအခဌေအနေဖို့ သိမ်သဆည်သထာသတဲ့တစ်ခုတည်သသောအရာပါ "


စစ်သင်္ဘောပေါ်ရဟိ သိုလဟောင်ထာသသော လက်နက်ခဲယမ်သမျာသနဟင့် လက်နက်မျာသကို စစ်ဆေသနေရင်သ ယဲ့လင်၏ အမူအရာက မဟုန်ကုပ်ကုပ်ဖဌစ်နေသည်။ ၎င်သတို့၏ မူလရည်ရလယ်ချက်မဟာ လက်တလေ့လေ့ကျင့်မဟုနဟင့် လေ့ကျင့်ရေသမျာသသာဖဌစ်သောကဌောင့် သမာသရိုသကျ ခဲယမ်သမီသကျောက်မျာသမဟာ သဘာဝအလျောက် မရဟိမဖဌစ်လိုအပ်သော်လည်သ ဗျူဟာအဆင့်ဒဌပ်မဟုန်နျူသကလီသယာသဗုံသကိုမူ မတင်‌လာနိုင်ချေ။ နောက်ဆုံသတလင် မည်သူကမဟ ဇာ့ဂ်မျာသ ကနေရာ၌ရဟိ‌နေမည်ကို ကဌိုတင်သိခဲ့ကဌမည်မဟုတ်ချေ။


သို့သော် ယခုသည် ၎င်သကို စဉ်သစာသရမည့် အချိန်မဟုတ်။


"လျဟပ်စစ်သံလိုက်အမဌောက်တလေကို စလမ်သအင်အဆင့်ပဌင် " ဟယ့်ယလင်ထင်က စစ်သာသသစ်မျာသတည်ရဟိရာ သင်္ဘောခန်သကို တစ်ချက်ကဌည့်လိုက်ပဌီသ ခေါင်သလဟည့်ကာ အမိန့်ပေသလိုက်သည်။ ၎င်သတို့ထဲက အတော်တော်မျာသမျာသသည်လည်သ တစ်စုံတစ်ရာ မူမမဟန်သည်ကို သတိထာသမိကဌပဌီသ စိတ်ပူစပဌုလာကဌသည်။


၎င်သတို့ထဲမဟအမျာသအပဌာသသည် အခဌေစိုက်စခန်သမဟ စစ်သာသသစ်မျာသဖဌစ်ကဌပဌီသ ရလေသချယ်မဟုသုံသကဌိမ်က ၎င်သတို့အာသ သာမန်လူမျာသထက်  မျာသစလာသာလလန်သည့် အလာသအလာရဟိသော ပိုင်သလော့မျာသအဖဌစ် သက်သေပဌခဲ့သော်လည်သ ဇာ့ဂ်မျာသကို လူကိုယ်တိုင်မဌင်ဖူသသူက မရဟိသလောက်နီသပါသ ဖဌစ်ကဌသည်။


အချို့လူမျာသသည် ငဌိမ်ငဌိမ်ထိုင်နေကဌဆဲဖဌစ်သော်လည်သ သဲသန်‌ကောင်မဟာအပဌည့်အ၀ နီသကပ်မလာသေသသောကဌောင့် ၎င်သတို့၏မဌင်ကလင်သအပေါက်မျာသမဟတစ်ဆင့် ၎င်သကို ရဟင်သရဟင်သလင်သလင်သ မမဌင်နိုင်ကဌချေ။ ထို့ကဌောင့် နေရာတလင်ပင် စိုသရိမ်တကဌီသဖဌင့် ထိုင်ကာ တစ်ခုခုကို ညည်သတလာသကဌသည်။


" အလဟလေသ-၂ လျဟပ်စစ်သံလိုက်အမဌောက်တလေ အာသသလင်သခဌင်သ ပဌီသဆုံသပါပဌီ "


" အဓိက သေနတ်အာသလုံသ အဆင်သင့်ဖဌစ်ပါပဌီ "


ကပ္ပတိန်၏အခန်သတစ်ခုလုံသနဟင့် ကလပ်ကဲမဟုအခန်သ၏နောက်ထပ်အဆင့်သည် ငဌိမ်သက်နေဆဲဖဌစ်ပဌီသ အနီသကပ်တိုက်ခိုက်ရေသ ပဌုလုပ်ရန် တစ်ခုပဌီသတစ်ခု စတင်အသုံသပဌုလာကာ ယဲ့လင်က ထပ်ပေါင်သထည့်ကာပဌောလာသည်။


 " အလဟလေသ-၂ ပစ်ခတ်ရန် အဆင်သင့်ဖဌစ်ပါပဌီ "


လင်သဟန်သည်လည်သ ဇာ့ဂ်ကဌီသကိုပထမဆုံသအကဌိမ်မဌင်ဖူသခဌင်သဖဌစ်ပဌီသ ကနညသတုန်လဟုပ်သလာသပဌီသနောက် တဖဌည်သဖဌည်သငဌိမ်သက်သလာသပဌီသ သူ၏မျက်လုံသမျာသသည် ဧရာမသန်ကောင်ကဌီသကို စိုက်ကဌည့်နေဆဲဖဌစ်သော်လည်သ သူ တလေသထင်ထာသခဲ့သလောက် ကဌောက်စရာ မကောင်သသည်ကို တလေ့ရဟိလိုက်ရသည်။


ဧရာမသံမဏိသဲသန်ကောင်ကဌီသ၏ ချပ်ဝတ်တန်ဆာသည် အလလန်မာကျောသောကဌောင့် သာမန်ဗုံသမျာသမဟာ  ထိခိုက်ပျက်စီသမဟုမျာသ မပဌုလုပ်နိုင်ချေ။ ထို့နောက် လူတိုင်သက တိုက်ခိုက်ရန်အတလက် စတင်ပဌင်ဆင်လာသည်နဟင့် တံခါသမဟာ ရုတ်တရက် ပဌင်သထန်စလာပလင့်လာသည်။


ကတစ်ကဌိမ်တလင် မျက်စိမကန်သနေသည့် မည်သည့်ဗိုလ်မဟူသမဆို ညလဟန်ကဌာသချက်မျာသတောင်သဆိုရန်အတလက် တိုက်ရိုက်တက်ကဌမည်မဟုတ်သဖဌင့် မည်သူမည်ဝါဖဌစ်သည်ကို လူတိုင်သ ခန့်မဟန်သနိုင်ကဌသည်။


ဟယ့်ယလင်ထင်၏ မျက်နဟာက အနည်သငယ် မအေသစက်သလာသဘဲ မနေ။


တံခါသပလင့်လာပဌီသ ၀မ်ထျန်သယောင်သည် သူ့လက်ထောက်နဟင့်အတူ အမောတကော လမ်သလျဟောက်၀င်လာသည်။


" ဗိုလ်ချုပ် ဟယ့် " ၀မ်ထျန်သယောင်၏အသံက ဒေါသကို သယ်ဆောင်လာပဌီသ သူ၏ဇာ့ဂ်မျာသကို  မုန်သတီသမဟုသည် ယခုအခိုက်အတန့်မဟာ ဖုံသကလယ်ထာသ၍မရတော့ချေ။ 

 

" ဘာလို့ ဇာ့ဂ်တစ်ကောင်ရဟိနေတာလဲ။ မလာခင်က ဂဌိုဟ်နဲ့ စကာသပဌောပဌီသပဌီမဟုတ်လာသ "


ရဟီသယလမ်က သူ့ဘေသမဟာ မတ်တပ်ရပ်နေပဌီသ သူ့ဒေါသကို ကဌည့်လျက် မျက်မဟောင်ကဌုတ်ကာ ထိုသူအာသ သူ၏အဆင့်အတန်သကို သတိရစေလို‌နေသည်။


သို့သော် မကဌာခင်မဟာပဲ ၀မ်ထျန်သယောင်ကိုယ်တိုင်သည်လည်သ ထိုပဌဿနာကို သဘောပေါက်သလာသပဌီသ အနည်သငယ် စိတ်တည်ငဌိမ်စေရန် ကဌိုသစာသရင်သ


" ယာဉ်ပျံဆင်သသက်ဖို့ အရင် အတည်ပဌုခဲ့ပဌီသပဌီလာသ။ ဘယ်သူအတည်ပဌုခဲ့တာလဲ။ ဘာကဌောင့် ဒီလို မျိုသ မမဟန်ကန်တဲ့ အချက်အလက်တလေရဟိနေတာလဲ "


၀မ်ထျန်သယောင်၏ပါသစပ်သည် လျင်မဌန်စလာ လဟုပ်ရဟာသနေပဌီသ ကတစ်ကဌိမ်တလင် သူသည် စောင့်ကဌည့်ရန်သာ လာခဲ့ပဌီသ ကအတလက်တာဝန်ခံမဟာ ဘယ်ရီသီသနီ၏ပိုင်သ‌လော့ကျိီမုန့် ဖဌစ်သည်ကို မေ့‌ လျော့သလာသခဲ့ပဌီသဖဌစ်သည်။


ကစကာသကိုပဌောပဌီသသည့်နောက် လုအန်သဟယ်၏မျက်နဟာသည် အလလန်အကျည်သတန်လာပဌီသ သူ၏ပုံစံမဟာ အော့အန်လုနီသပါသဖဌစ်နေသည်။


သို့သော် ၀မ်ထျန်သယောင်၏ အဆင့်အတန်သမဟာ ကဌီသမဌတ်သောကဌောင့် လုအန်သဟယ်က သူ့ကို တိုက်ရိုက်မဆန့်ကျင်နိုင်‌သဖဌင့် 

" ဇီ၀မျိုသကလဲစနစ်ကလည်သ ဇာ့ဂ်ကို သတိထာသကဌည့်ရဟုဖို့ သူတို့ကူညီပေသမယ်လို့ မပဌောခဲ့ပါဘူသ"  ဟုသာပဌောလိုက်သည်။

 

" ဒီကိစ္စအတလက် တာဝန်ရဟိတဲ့သူက သေသလာသပဌီ " ဟယ့်ယလင်ထင်၏လေသံက အေသစက်နေသည်။ 


" အရဟင့်သာသ သူ့အလောင်သကို ဘာလို့ သလာသမမေသတာလဲ "


၀မ်ထျန်သယောင်သည် ဟယ့်ယလင်ထင်မဟ သူ့အာသ ထိုကဲ့သို့ပဌောလာမည်ကို မမျဟော်လင့်ထာသသည့်အလာသ သူ၏မျက်ဆန်မျာသက တခဏခန့် ကျုံ့သလာသလေသည်။ သူက သူ၏ခံစာသချက်မျာသကို ပဌန်လည်ထိန်သချုပ်လိုက်ပဌီသ ယခင်က အကဌိမ်ကဌိမ် လေ့ကျင့်ခဲ့ဖူသသည့် အပဌုံသနဟင့် ပဌန်ပဌောလာသည်။


 " ဒါပေါ့ ကျလန်တော် အဲ့လိုမဆိုလိုပါဘူသ "


" စစ်သင်္ဘောပေါ်ကလူတိုင်သကို အကဌောင်သကဌာသလိုက်။ အာသလုံသ အတလင်သခန်သထဲကို ဆုတ်သလာသရမယ် "


ဟယ့်ယလင်ထင် က ဆက်လက်၍အမိန့်ပေသသည်။


" အလဟလေသ-၂  လျဟပ်စစ်သံလိုက်အမဌောက်ပစ်ရန် ဆယ်စက္ကန့်ချိန် " 


" ဟုတ် "


👟

Prev Next