Chapter 59

🐯Chapter 59

ကုယွီမြန်က ဆိုင်နေရာကိုပိတ်ပြီး အဲလ်ဘတ် စားသောက်ဆိုင်၏ အစွန်းရောက်အခန်းကဏ္ဏအားလုံးကို ပြုပြင်မှုများ လုပ်ဆောင်ရန် ခြောက်နာရီနီးပါး အချိန် ကြာသွားခဲ့သည်။ အချိန်အလျင်လိုမှုကြောင့်၊ ထည့်သွင်းစဉ်းစား၍ မရသည့် အသေးစိတ်အချက်အလက်များ အမြဲရှိနေတတ်သော်လည်း အရေးပေါ်တုံ့ပြန်မှု ပြုလုပ်ရန် လုံလောက်နေသေးသည်။

ဟင်းပွဲများကို ပြန်လည်ချိန်ညှိရန် တစ်ရက်နှင့်တစ်ည ကြာသွားသည်က အရေးပါသည့် ကိစ္စမဟုတ်ပေ။ ကုယွီမြန်က ရိုးရှင်းသော်လည်း အရသာရှိသော ချက်ပြုတ်နည်းဖြင့် ဟင်းအသစ်နှစ်မျိုးကို ထည့်ထားသည်။ အခြားဟင်းလျာဟောင်းများကို ဆိုင်တွင်လက်ဝယ်ရှိသော ကုန်ကြမ်းများကို အသုံးပြု၍ ချိန်ညှိထားသည်။ သူက ဝန်ထမ်းဟောင်း အတော်များများကို တိုက်ရိုက်ဖယ်ရှားခဲ့ပြီး ကျန်သည့်သူများ၏ လုပ်ဆောင်နိုင်စွမ်းကို ချက်ချင်းပင် မြှင့်တင်ပေးကာ သူအမိန့်ပေးထားသည့်အရာများကို အမြဲတမ်း မြန်မြန်ဆန် ဆန် ပြီးမြောက်စေခဲ့သည်။

ခြောက်နာရီကြာပြီးနောက်တွင် ကုယွီမြန်က ကလေးငယ်များကို အနားယူရန် အိမ်သို့ခေါ်ဆောင်သွားခဲ့သည်။ ကျန်သည့်ကိစ္စများကို သူနောက်ပိုင်းမှသာ စဉ်းစားတော့မည်ပင်။

ကုယွီမြန် အိမ်ပြန်ရောက်သည့် ညနေ ၆ နာရီ တွင် အဲလ်ဘတ် စားသောက်ဆိုင်၌…

အချိန်က တစ်နေ့တာ၏ ညစာစားချိန်ဖြစ်သောကြောင့် စားသောက်ဆိုင်တွင် အထူးတလည် အလုပ်များနေကြသည်။ အင်တာနက်နာမည်ကြီး တစ်ယောက်က အရာအားလုံးကို လျစ်လျူရှုခဲ့သည်။

ကွမ်နီးနီက ချိန်းဆိုထားသည့် သူငယ်ချင်း လာသည်ကို တံခါးဝတွင် စောင့်လျက် ရပ်နေချိန်တွင် သူမ သက်ပြင်းကိုမချဘဲ နေနိုင်တော့နိုင်ပေ။ အဲလ်ဘတ်စားသောက်ဆိုင်က သူမနှင့် သူမ၏ အခင်ဆုံးသူငယ်ချင်းများ ကျောင်းသားဘဝတည်းက သူမတို့ အကြိုက်ဆုံး စားသောက်ဆိုင်ဖြစ်သည်။ အတန်းပြီးသည့် ညနေတိုင်း ထမင်းလာစားလေ့ရှိသည်။ ထိုစဉ်က ဆိုင်ဖွင့်ကာစအချိန်ဖြစ်ပြီး ကြယ်တစ်ခုလုံးတွင် ထိုကဲ့သို့သော စားသောက်ဆိုင်တစ်ခုသာ ရှိခဲ့သည်။

ပထမပိုင်ရှင်မှာ ရှီကာသမင်ဖြစ်သည်။ သူမက အလွန် ကြင်နာတတ်သော အဖွားတစ်ဦးဖြစ်ပြီး သူမ၏ ဟင်းချက် ကျွမ်းကျင်မှုကလည်း ထူးခြားသည်။ အဲလ်ဘတ်က ထိုပိုင်ရှင်၏မြေးအမည်ဖြစ်သည်။

ဤစားသောက်ဆိုင်က ကွမ်းနီးနီနှင့် သူမ၏ အခင်ဆုံးသူငယ်ချင်း၏ ငယ်ရွယ်မှုကို ကိုယ်စားပြုသည်။

သို့သော်လည်း နောက်ပိုင်းတွင် ဆိုင်ရှင်က အငြိမ်းစားယူကာ ဆိုင်ကိုစောင့်ရှောက်ရန် မျိုးဆက်သစ်များအား ပေးခဲ့သည်။ နောက်ပိုင်းတွင် အမြတ်ရရန် လောဘကြီးသူများက စားသောက်ဆိုင်၏ ရှယ်ယာများကို ယူလိုက်ကြသည်။ ထိုသူတို့၏ အရင်းအနှီးဖိအားအောက်တွင် ဆိုင်၏ အတိုင်းအတာက ပိုမိုကြီးမားလာပြီး ဆိုင်ခွဲများ ပိုများလာသော်လည်း ချက်ပြုတ်ခြင်းနှင့် ဝန်ဆောင်မှုစသည့် အရေးပါဆုံးသော ကဏ္ဍများတွင်မူ တဖြည်းဖြည်းချင်း လူကြိုက်နည်းလာခဲ့သည်။

ထိုအရာကပင် သူမ လူသားများကို မုန်းတီးရခြင်း၏ အဓိက အစိတ်အပိုင်းတစ်ခုဖြစ်သည်။

ကွမ်နီးနီက ရင်းနှီးနေသည့် ဆိုင်းဘုတ်ကို ကြည့်ပြီး အနည်းငယ် စက်ဆုပ်သွားခဲ့သည်။

ယခုတွင်မူ အဲလ်ဘတ်က အတိတ်မှ ခံစားချက်များ၏ အခွံဖြစ်နေသည်မှလွဲ၍ အခြား မည်သည့်အဓိပ္ပါယ်မှ မရှိတော့ပေ။ အစားအသောက်များ၏ အရသာက ပုံမှန်သာဖြစ်၍ ဝန်ဆောင်မှုညံ့ကာ ဈေးလည်းကြီးသည်။ ယခု အကြိမ်က သူမနှင့် သူမ၏ အချစ်ဆုံးသူငယ်ချင်းတို့ ဤနေရာသို့ လာလည်သည့် နောက်ဆုံးအကြိမ်ဖြစ်နိုင်သည်။ အဲလ်ဘတ် စားသောက်ဆိုင်က မကြာမီ ပိတ်သွားဖွယ်ရှိသည်။

“နီးနီ…ဘာလို့လဲ ဝင်ကြရအောင်လေ...”

သူမ၏ အချစ်ဆုံးသူငယ်ချင်းက ပြောလိုက်သည်။ 

"ကောင်းပြီလေ…"

သူမ ခေါင်းညိတ်လိုက်သည်။

"စကားမစပ် မိသားစုက ဘာလို့ အဲလ်ဘတ်ကို ရောင်း လိုက်တာလဲ သိလား…"

လမ်းလျှောက်လာရင်း သူမ၏အချစ်ဆုံးသူငယ်ချင်းက ကွမ်နီးနီနှင့် စကားစမြည်ပြောလာသည်။

"ဆိုင်ကို ထိန်းသိမ်းရခက်ပြီး ဒေဝါလီခံတော့မယ်ဆိုပြီး ငါကြားထားတယ်…"

ကွမ်နီးနီက ထိုအကြောင်းကို မသိသေးပေ။

 "အိုး…"

အဲလ်ဘတ်၏ အဓိကရှယ်ယာရှင်မှာ ယခု မြို့လယ်တွင် နေထိုင်သူဖြစ်သည်။

နောက်ဆုံးပိုင်ရှင် လွန်ခဲ့သည့်ခြောက်နှစ်က ကွယ်လွန် ချိန်၌ သူ၏ တစ်ဦးတည်းသောသားတစ်ယောက်သာ ကျန်ခဲ့သည်။ မိသားစု၏အမွေကို ဆက်ခံသင့်သော ကောင်လေးက ထိုသို့မလုပ်ဘဲ အစွန်းဆုံးဂြိုဟ်ဆီသို့ တစ်ယောက်တည်း သွားရောက်နေထိုင်ခဲ့ရသည်။ ထို့နောက်တွင် စားသောက်ဆိုင်၏ မိသားစုပုံစံက ပြောင်းလဲသွားခဲ့သည်။

ယခင်က ကံကောင်းရန်အတွက် စေတနာထားကာ ချက်ပြုတ်ခဲ့သော်လည်း ပိုင်ရှင်ပြောင်းလဲပြီးနောက်ပိုင်းတွင် ပိုက်ဆံရရန်အတွက်သာ ဦးစားပေးလာသည်။

ကုမိသားစုက ချမ်းသာသော်လည်း လူအများစုက ကုမိသားစုကဟု ပြောလိုက်သည်နှင့် ထိုသူ့ကို ပြေးမြင်မိကြပြီး ထိုသူ့ကြောင့်ပင် ကုမိသားစု၌ ဆိုးရွားသည့် ဂုဏ်သတင်း အများအပြား ရှိလာခဲ့သည်။

"ဟုတ်တယ် သူက ဘယ်သူ့ကို စော်ကားမိတာလဲတော့ မသိဘူး... တော်ဝင်မိသားစုက တိုက်ရိုက်လုပ်ခဲ့တာလို့ ပြောတာပဲ ဘယ်လိုပဲဖြစ်ဖြစ် အရှုပ်တော်ပုံတွေ အများကြီး ပေါ်လာတော့ သူတို့သာ ဒေဝါလီခံသွားရင် သူတို့ရဲ့ တိုးတက်မှုတွေအကုန် ဆုံးရှုံးသွားလိမ့်မယ်…"

"သူတို့ ဒေဝါလီခံလိုက်တာ ကောင်းပေမယ့် အဲလ်ဘတ်က သူ့ရဲ့ အဓိကရှယ်ယာရှင်တွေမပါဘဲ ရှင်သန် နိုင်မှာ မဟုတ်ဘူး…"

အဲလ်ဘတ်၏ မူလဝန်ဆောင်မှုအရည်အသွေးက ရပ်တန့်သွားခဲ့ပြီး မကောင်းသည့် သုံးသပ်ချက်များ ပိုများလာခဲ့သည်။ ကံဆိုးစွာဖြင့် သူတို့၏ အဓိကရှယ်ယာရှင်အချို့ကလည်း နှုတ်ထွက်သွားခဲ့ကြသည်။ 

ကွမ်နီးနီလည်း ခေါင်းခါလိုက်သည်။

သူတို့ စကားစမြည်ပြောရင်း စင်္ကြန်လမ်းကို အမြန်လျှောက်လာချိန်တွင် စားသောက်ဆိုင်တံခါးက သူ တို့ရှေ့၌ ဖြည်းညှင်းစွာပွင့်သွားသည် ။

ဆိုင်၏ ပုံစံက ကျိုးကျနေသော အနောက်တောင်တန်း၏ ပုံသဏ္ဍာန်(ဒေဝါလီခံကာနီး စားသောက်ဆိုင်)နှင့် မတူပေ။

ဆိုင်၏ နောက်ခံက ကြယ်ရောင်စုံကောင်းကင်ကြီး ဖြစ်ကာ ကျယ်ပြောလှသော ညကောင်းကင်ယံတွင် လွင့်မျောနေသော ကောင်းကင်မီးအိမ်လေးများကဲ့သို့ လေထုအလယ်တွင် သီးသန့်အခန်းများစွာကို ဆိုင်းငံ့ထားသည်။ မူလက ကြော်ငြာဘုတ်ထားရှိသည့် ခန်းမအလယ်ရှိ လေဟာပြင်ပလပ်ဖောင်းပေါ်တွင် စန္ဒယားတစ်လုံးရှိသည်။ ၀တ်စုံပြည့် ဝတ်ကာထိုင်နေလျက် သာယာနာပျော်ဖွယ် စန္ဒယားတီးခတ်နေသည့် ချောမောသော အမျိုးသားတစ်ဦးလည်း ရှိသည်။

ယခင်က လာရောက်သည့်လူ နည်းသည်ဖြစ်စေ များသည်ဖြစ်စေ တန်းစီပြီး စောင့်ရသကဲ့သို့ မည်သည့် ဝန်ဆောင်မှုမှ မပေးချေ။ သို့သော်လည်း ယခုတွင်မူ သူတို့ စောင့်ရန်ပင် မလိုတော့ပေ။ သူတို့ကို ကြိုဆိုပြီး သီးသန့် ခန်းသို့ ခေါ်ဆောင်ပေးမည့် သီးသန့်ဖောက်သည်ဝန်ဆောင်မှု စက်ရုပ်တစ်ခု ရှိနေသည်။

"အယ်… သူတို့ ဝန်ဆောင်မှုစက်ရုပ်ကို ပြန်လည်သတ်မှတ်လိုက်ပြီလား…" 

ကွမ်နီးနီက ပင်ဂွင်းနှင့်တူသော စက်ရုပ်လေးကို စပ်စုဟန်ဖြင့် ကြည့်လိုက်သည်။ စက်ရုပ်လေးက မိန်းကလေးနှစ်ယောက်အတွက် ပန်းကန်ခွက်ယောက်များ ပြင်ဆင်ပေးရန် သူ့ခြေထောက်တိုလေးနှင့် ရောက်လာသည်။

 "စက်ရုပ်ကလေးက အရမ်းချစ်စရာကောင်းတာပဲ ကျေးဇူးတင်ပါတယ်…"

စက်ရုပ်ငယ်၏ မျက်ဝန်းများက တုန်လှုပ်သွားကြသည်။ ပြီးနောက် ခဏအကြာတွင်သူက တုံ့ပြန်လိုက်သည်။

 "ကျေးဇူးတင်စရာ မလိုပါဘူး… မင်း လက်သည်းလေးတွေက တောက်ပတဲ့ သကြားလုံးတွေလိုပဲ လှတယ်နော်…ကျွန်တော်နဲ့ လက်ဆွဲနှုတ်ဆက်လို့ရလား…"

ကွမ်နီးနီနှင့် သူမ၏ အချစ်ဆုံးသူငယ်ချင်း -"ဝိုးးး"

သူမ အံ့အားသင့်စွာ လှမ်းကြည့်လိုက်သည်။ သူမနှင့် လက်ဆွဲနှုတ်ဆက်ပြီးနောက် စက်ရုပ်ငယ်လေးက သူမ သူငယ်ချင်း၏ မျက်လုံးမိတ်ကပ်အလှကို ချီးကျူးခဲ့သည်။ သူက အခြားလက် တစ်ဖက်ကိုယမ်းကာ ပြောကြားခဲ့သည်။

"ဖောက်သည် အချက်အလက်စုဆောင်းခြင်း နှင့် ကျွန်ုပ်တို့ဆိုင်၏ အဖွဲ့ဝင်ခြင်း အထောက်အထားစိစစ်ခြင်း အောင်မြင်ပါသည်… ကြိုဆိုပါတယ် ယခု တိုက်ရိုက် မှာယူနိုင်ပါပြီ…"

'လက်ဆွဲနှုတ်ဆက်ခြင်း'ကို လက်ဗွေရာ ဖော်ထုတ်ခြင်းမှတစ်ဆင့် ဖောက်သည်များ၏ အချက်အလက်ကို စုဆောင်း ရန်အတွက် အသုံးပြုခဲ့ခြင်းဖြစ်သည်ကို တွေ့ရှိရသည်။

ကောင်မလေးနှစ်ယောက်က ထိုအသေးအမွှားလေးများကြောင့် ထိတ်လန့်ကာ ကျေနပ်သွားကြပြီး ချီးမွမ်းခန်းဖွင့်နေကြပြီဖြစ်သည်။ အော်ဒါမှာယူရန် အလင်းဖန်သားပြင်ကိုဖွင့်လိုက်သည့်အခါ မူရင်းစျေးနှုန်းက ပုံမှန်ထက် ခြောက်ဆယ်ရာခိုင်နှုန်းနီးပါး နိမ့်သည်ကို တွေ့ရှိခဲ့ပြီး ထိုအရာက 'ဖောက်သည်ဟောင်း စျေးနှုန်း' ဟု ရှင်းပြထားသည်။ သူတို့ နောက်တစ်ဖန် ကျေနပ်အံ့ဩသွားကြသည်။

သို့သော်လည်း သူတို့ အနည်းငယ် တိတ်တဆိတ် စိုးရိမ်နေကြသေးသည်။ အစားအသောက်များက အရသာရှိ သောကြောင့် မူရင်းဟင်းလျာ၏ ဈေးနှုန်းက မြင့်မားနေခြင်းဖြစ်သည်။ 

စျေးနှုန်းလျှော့ပေးလိုက်ရင် အစားအသောက်ပစ္စည်းကုန်ကျစရိတ်တွေကိုပါ လျော့ကျသွားပြီး စားလို့ အဆင်ပြေပါ့မလား…

မီနူးတွင် ဟင်းအသစ်နှစ်မျိုးရှိကာ အများစုက ယခင် နှင့် အတူတူပင် ဖြစ်သည်။

ကွမ်နီးနီနှင့် သူမ၏ အချစ်ဆုံးသူငယ်ချင်းတို့က ယခင်စားနေကျ ဟင်းပွဲများကိုသာ မှာကြားလိုက်သည်။ ခဏမျှ တွေဝေပြီးနောက် သူမ “တုန်းဖိုဝက်သား”ဟူသည့် ဟင်းကို စမ်းကြည့်ရန် ဆုံးဖြတ်လိုက်သည်။ ထို့နောက် သူတို့ထမင်းစားရန် စောင့်ဆိုင်းနေတော့သည်။ 

စားသောက်ဆိုင်၏ အချိန်ဆွဲခြင်းအလေ့အထအရ အော်ဒါ တင်ပြီးနောက် နာရီဝက်မှ တစ်နာရီအထိ စောင့်ရသည်မှာ ပုံမှန်ဖြစ်သည်။

သို့သော်လည်း မကြာမီတွင် စက်ရုပ်လေး ထွက်လာပြီး အဖြူရောင်လက်သုတ်ပုဝါ ခပ်နွေးနွေးနှစ်လိပ်ပါသော ဗန်းသေးသေးလေးကိုကိုင်ကာ ပြန်လာကာ ပြောလာသည်။

"အမျိုးသမီးလေးတို့အတွက် လက်သုတ်ပုဝါပါ…"

လက်သုတ်ပုဝါများက လာဗင်ဒါနံ့ရပြီး အလွန်သန့်ရှင်းသည်။

ကွမ်နီးနီနှင့် သူ့သူငယ်ချင်းတို့ တစ်ယောက်ကိုတစ်ယောက် အံ့သြစွာ ကြည့်လိုက်ကြပြီး လက်သုတ်ပုဝါတစ်ထည်စိီယူ၍ လက်ကိုသုတ်လိုက်သည်။ လက်သုတ်ပုဝါ၏ ပျော့ပျောင်းပြီး ပူနွေးစိုစွတ်သော အထိအတွေ့က လက်ဖဝါးကို မွှေးကြိုင်သောရနံ့ ဖြင့် နွေးထွေးစေသောကြောင့် သူတို့ကို ခံစားချက်များ ပိုမိုကောင်းမွန်လာစေသည်။

ထိုအရာက အလွန်ကောင်းမွန်ကာ အနုစိတ်လှသည်။

သူတို့ လက်သုတ်ပုဝါကို ချလိုက်ပြီးနောက် စက်ရုပ်လေးက အခြားအရာ တစ်ခုကို ထုတ်ယူလိုက်သည်။

 "ဒါက ဓာတ်ပုံပရင်တာပါ သင်တို့ကိုယ်တိုင် ဓာတ်ပုံတွေကို အခမဲ့ ဓါတ်ပုံထုတ်နိုင်ပါတယ် သင်တို့ ဆန္ဒရှိသလို အသုံးပြုပါ…"

ကောင်မလေးများက ထိုကဲ့သို့ ထူးဆန်းသည့်အရာအကြောင်းကို မကြားဘူးကြပေ။ 

ဓါတ်ပုံထုတ်တာတဲ့လား … 

ကွမ်နီးနီ နှင့် သူမ၏ အချစ်ဆုံးသူငယ်ချင်း တို့ မျက်တောင်ခတ်လိုက်ကြကာ သူတို့လက်နှစ်ဖက်က ထိုပစ္စည်းကို လေ့လာရန် လှမ်းယူလိုက်ကြပြီး ဆယ်လ်ဖီ နှစ်ပုံ ရိုက်ကာ မကြာမီမှာပင် ပုံထုတ်လိုက်ကြသည် ။ ဖလင်ကို ဆိုမထားနှင့် ကြယ်တာရာခေတ်မှ လူငယ်များက စာအုပ်အစစ်များကိုပင် မမြင်ဖူးကြပေ။

ဖလင်ကို ညွှန်းဆိုရသော် ကြယ်တာရာခေတ်မှ လူငယ်များက ရုပ်ပိုင်းဆိုင်ရာစာအုပ်(စာအုပ်အစစ်)များကို မမြင်ဖူးကြပေ။ ဓာတ်ပုံများကို သူတို့လက်ထဲတွင် ကိုင်ထားရသည်မှာ အလွန် စိတ်ဝင်စားစရာကောင်းလှသည်။ 

သူတို့ တစ်ယောက်နှင့် တစ်ယောက် ဓါတ်ပုံများရိုက်ပြီး ခဏတာ ပျော်နေကြသည်။ စက်ရုပ်ငယ်လေးက ဟင်းပွဲ တစ်ပွဲကို သယ်လာသောအခါ အချိန်များများမကုန်သေးဟု ပင် သူတို့ ထင်နေကြသည်။

စက်ရုပ်လေးက လက်သုတ်ပုဝါကိုလည်း အသစ်တစ်ခုနှင့် အစားထိုးပေးခဲ့သည်။

"ဒီဟင်းက ငါတို့ မှာထားတာ မဟုတ်ဘူး…မှားနေတာလား..."

ကွမ်နီးနီက သေးငယ်ပြီး လက်ရာမြောက်သော ပုဇွန်လုံးကြော်များကိုကြည့်ကာ ပြောသည်။ 

သူမနှာခေါင်းကို လှုပ်ကာ အနံ့ခံရုံမှလွဲ၍ မတတ်နိုင်ပေ။ လေထုထဲတွင် ချိုချိုချဉ်ချဉ် ကြော်ထားသည့် ပုဇွန်၏ ရနံ့နှင့် နွားနို့နှင့် ရောစပ်ထားသည့် ချိုမြန်သော စပျစ်ဝိုင်တို့၏ အနံ့လေးနှင့် ပြည့်နေသည်။

"ဒါက ကြိုဆိုတဲ့ လက်ဆောင်ပါ…" 

စက်ရုပ်လေးက ပြန်ဖြေလိုက်သည်။

ကွမ်နီးနီနှင့် သူမ၏သူငယ်ချင်းတို့ အံ့သြတကြီး အကြည့် ချင်းဖလှယ်လိုက်ကြသည်။ သူတို့ ခက်ရင်းကို ကောက်ကိုင်ကာ မနေနိုင်တော့ဘဲ မြည်းစမ်း ကြည့်လိုက်သည်။ 

မကြာခင်မှာပင် …

ကွမ်နီးနီနှင့် သူမ၏ အချစ်ဆုံးသူငယ်ချင်း- "...."

"ဘုရားရေ သိပ်ကောင်းတာပဲ…"

"မင်းတို့ စားဖိုမှူးကို ပြောင်းလိုက်တာလား… ဒီပုဇွန်လုံးက ကောင်းကောင်းကြော်ထားတာပဲ အရမ်းနူးညံ့တယ်…"

ဟင်းပွဲလေး၏ ပမာဏက မနည်းလွန်း မများလွန်းဘဲ အနေတော်ဖြစ်သည်။ ၎င်းက ချိုချိုချဉ်ချဉ် အရသာလေးနှင့် ခံတွင်းတွေ့စေသော်လည်း မလုံလောက်သေးပေ။ ထိုဟင်းလျာက အရသာရှိလွန်းသောကြောင့် ကွမ်နီးနီက နှုတ်ခမ်းကိုလျှာဖြင့်သပ်နေပြီး အဓိကဟင်းလျာများ လာရောက်တည်ခင်းပေးသည်နှင့် သူမခက်ရင်းကို ချလိုက်သည်။

"ဒီနေ့အရမ်းမြန်လွန်းနေတယ် မလား… ဒီလောက်တောင် ထိရောက်မှုရှိတယ်ပေါ့… ဘာလို့များလဲ…"

အချိန်ကို ကြည့်လိုက်သောအခါ နာရီဝက်ကျော်နေပြီ ဖြစ်၍ အမှန်မှာ ယခင်အတိုင်းပင် ဖြစ်နေကြောင်း တွေ့ ရှိရသည်။ သို့သော်လည်း ယခုတစ်ခါတွင် လက်သုတ်ပဝါ နွေးနွေးလေးများ ၊ ဓာတ်ပုံထုတ်ပေးမှုများ ၊ အခမဲ့ဟင်းလျာများနှင့် အခြားအရာများ ရှိနေသောကြောင့် မသိလိုက်စဉ်မှာပင် အချိန်ကုန်မြန်သွားသည်။

စက်ရုပ်ငယ်လေးက သူတို့စကတ်များပေါ်  မပေကျံစေရန်အတွက် ကာကွယ်ရန် အေပရွန်တစ်ထည် ပေးခဲ့ပြီး ဝတ်ပြီးသည်နှင့် သူတို့စားရန် မစောင့်နိုင်ကြတော့ပေ။

အရသာက ယခင်နှင့်တူသော်လည်း လုံးဝ ကွဲပြားသည့် ခံစားချက်ကိုပေးစွမ်းနိုင်သည်။

မျှစ်များက ပိုအရသာရှိကာ အသားကလည်း ပိုကျစ်လျစ်ပြီး နူးညံ့သည်။ ချက်ပြုတ်သည့်ကြာချိန်က မကြာဘဲ အပူချိန်နှင့် အပေါ့အငန်ကလည်း ကောင်းနေသည်။ ထို အသေးစိတ်အချက်လေးများက ဟင်းတစ်ပွဲချင်းစီ၏ အရသာကို ပိုကောင်းအောင် ပေါင်းစပ်ထားသောကြောင့် ဟင်းပွဲတစ်ခုလုံး၏ အကျိုးသက်ရောက်မှုက အံ့ဩစရာကောင်းလှသည်။ 

သူတို့ကို အထင်ကြီး သဘောကျသွားစေသည့်ဟင်းကမူ ဟင်းလျာအသစ် ဖြစ်သည့် တုန်းဖိုဝက်သားဟင်းပင်။

အဆီတစ်ဝက် အသားတစ်ဝက်ပါသည့် ဝက်ဗိုက်သားကို လတ်ဆတ်ပြီး ချိုမြိန်သောအနှစ်ထဲသို့ ပေါင်းထည့်ထားသော်လည်း အီမသွားပေ။ သူတို့ အားစိုက်ရန်မလိုဘဲ ကိုက်ဝါးနိုင်သည်။ အရသာက ချိုမြိန်ပြီး အံ့ဩစရာကောင်းလှသည်။ စက်ရုပ်က ထိုဟင်းကို ပူနေစဉ်၌ ယူဆောင်လာခဲ့သော်လည်း အံ့ဩဖွယ်ကောင်းသည်က ကွမ်နီးနီးနှင့် သူ့သူငယ်ချင်းတို့က မနေနိုင်တော့ဘဲ ပူနေစဉ်မှာပင် တစ်လုတ်ပြီးတစ်လုတ် စားနေကြခြင်းပင်။

သူတို့မျက်လုံးထဲတွင် ပြီးပြည့်စုံနေသည့် ထိုဟင်းက အမှန်တကယ်တွင် ကုယွီမြန်ချက်သည့် ဟင်းလျာ၏ သုံးပုံနှစ်ပုံ အဆင့်သာ ရှိသည်ကို သူတို့မသိခဲ့ကြပေ။ တုန်းဖိုဝက်သားက ချက်ရန် အတော်အတန်လွယ်ကူသောကြောင့် ကုယွီမြန်က ပထမဆုံး အရသာနယ်ထားသည့် ပါဝင်ပစ္စည်းများနှင့် အခြားပါဝင်သည့်အရာအမျိုးမျိုးကို တွဲပေးထားလိုက်သည်။ 

သူတို့က ဟင်းပွဲကို အမြန်ချက်လိုက်ကြသည်။ နောက်ဆုံးတွင် ချက်သည့်အချိန်က မြန်လွန်းနေသေးသည်။ သူ ကိုယ်တိုင်ချက်လျှင် အကျိုးသက်ရောက်မှုက အဆပေါင်းများစွာ ပိုအံ့ဩစရာကောင်းပေလိမ့်မည်။ 

ကွမ်နီးနီနှင့် သူမ၏ အချစ်ဆုံးသူငယ်ချင်းတို့ အစာစားပြီး ရေငတ်လာသောအခါ စက်ရုပ်ကလေးက လတ်ဆတ်သော စတော်ဘယ်ရီဝိုင်ကို အခမဲ့အချိုရည်အဖြစ် အချိန်မီ ယူဆောင်လာခဲ့သည်။

မိန်းကလေးများ၏ နှလုံးသားထဲတွင် မထိန်းထားနိုင်သော အံ့သြစရာများစွာ ရှိခဲ့သည်။

အစားအသောက်များက အလွန်စိတ်ကျေနပ်စရာကောင်းသည်။ အရသာရှိပြီး စျေးမကြီးဘဲ၊ အသေးစိတ်အချက်အလက်များတွင် အံ့သြစရာလေးများရှိသည်။

အံ့ဩစရာကောင်းသည့် ပတ်ဝန်းကျင်အငွေ့အသက်ကိုပင် ထည့် မပြောရသေးပေ။

ပျော့ပျောင်းသော စန္ဒယားတီးသံက ပတ်ဝန်းကျင်တွင် ပျံ့လွင့်နေသည်။ ညကောင်းကင်က တိတ်ဆိတ်ပြီး ညင်သာသည့် သင်းပျံ့နေသော လာဗင်ဒါရနံ့ ကို ရှူရှိုက်မိသည်၊ နွေးထွေးသော စက္ကူမီးအိမ်များကို သီးသန့်အခန်းထဲတွင် ထွန်းညှိကာ မိန်းကလေးငယ်လေးဘဝသို့ ပြန်သွားသကဲ့သို့ ခံစားရစေသည်။

သူတို့ ထမင်းစားပြီးနောက် ကူရှင်ပေါ်တွင် ပျင်းရိစွာလှဲနေကြပြီး ထွက်ခွာရန် ဝန်လေးနေကြသည်။

ရှစ်နာရီတွင် ကွမ်နီးနီနှင့် သူမ၏ အချစ်ဆုံးသူငယ်ချင်းတို့ သီးသန့်ခန်းမှ ထွက်လာသည်။ သို့သော်လည်း မထင်မှတ်ထားဘဲ စက်ရုပ်ငယ်လေးက သူတို့ကို လက်ဆောင်ပေးခဲ့သည်။

"ဂုဏ်ယူပါတယ် အမျိုးသမီးလေးတို့ တစ်ယောက်ချင်းစီအတွက် လက်သန့်ဆေးတစ်ဘူးစီ ရပါတယ်…"

စက်ရုပ်လေးက ဖန်ပုလင်းလှလှလေးနှစ်လုံးကို လူနှစ်ယောက်အား ပေးလိုက်သည်။

ကွမ်နီးနီက ၎င်းကိုဖွင့်၍ ရှူကြည့်လိုက်ရာ ချက်ချင်းပင် သစ်ရွက်နံ့ကို ခံစားရသည်။ စျေးကွက်ရှိ မည်သည့်လက်သန့်ဆေးနှင့်မှ မတူဘဲ၊ ၎င်းက စျေးသက်သာခြင်း သို့မဟုတ် အနံ့ပြင်းခြင်းမရှိဘဲ အလွန်လတ်ဆတ်ပြီး အနံ့အသက်ကောင်းမွန်သည်။

ဝင်ပေါက်တွင် လက်မှတ်နှင့် မက်ဆေ့ချ်များရေးရန် ဘုတ်တစ်ခုရှိပြီး စားသုံးသူ အများအပြားက မက်ဆေ့ချ်များ ချန်ထားခဲ့ကြသည်။

[အဲလ်ဘတ်ကို ငါတို့ထပ်ပြီးပံ့ပိုးပေးပါ့မယ်…]

[ကြီးမားတဲ့ တိုးတက်မှုပဲ… တုန်းဖိုဝက်သားက အရသာရှိ တယ်…ကျွန်တော်ကြိုက်တဲ့ တင်ဆက်သူလုပ်ထားတဲ့ တုန်းဖိုဝက်သားနဲ့တူတယ်…မီနူးထဲမှာ ဆက်ထားမယ်လို့ မျှော်လင့်ပါတယ်…]

[ချိန်းတွေ့ဖို့ သင့်တော်တဲ့နေရာကို ရွေးမိလို့ ငါ ဝမ်းသာ ပါတယ်…]

အချို့လူများက ချစ်စရာကောင်းသည့် ပုံလေးများဆွဲ ပြီး ဓာတ်ပုံလေးများ တင်ထားကြသည်။ အနာဂတ်တွင် သူတို့ရေးခဲ့သည့်စာများကို ပြန်မြင်ရပါက အလွန် ပျော်စရာ ကောင်းပြီး အမှတ်တရဖြစ်မည်ပင်။ 

ကွမ်နီးနီနှင့် သူမ၏ အချစ်ဆုံးသူငယ်ချင်းတို့ကလည်း မက်ဆေ့ခ်ျတစ်စောင် ရေးခဲ့ကြသည်။ နောက်လတွင် သူတို့ ပြန်လာရန် သဘောတူခဲ့ကြသည်။

လူနှစ်ယောက်က တံခါးအပြင်ကို တုံ့ဆိုင်းစွာ လျှောက်သွားလိုက်ကြပြီး ပျော်ရွှင်စရာ စိတ်အပန်းပြေသည့် အခိုက်အတန့်များနှင့် ကျေနပ်မှုများက သူတို့စိတ်ထဲတွင် စွဲထင်နေလိမ့်မည်ပင်။

“အဲလ်ဘတ်စားသောက်ဆိုင် ရဲ့ တိုးတက်မှုက တကယ်ကို ကောင်းတယ်… သူတို့မှာ သူဌေးအသစ်တစ်ယောက် ရှိတယ်လို့ ငါကြားတယ်... ငါ ပြန်ရောက်တဲ့အခါ ငါ့ရဲ့ သူငယ်ချင်း အသိုင်းအဝိုင်းကို အကြံပေးရမယ်…" 

ကွမ်နီးနီက အကြံဥာဏ်တစ်ခု ထွက်ပေါ်လာသည်။

 "ငါ့ရဲ့နောက်အင်တာဗျူးကို ဘာလို့များ ဒီနေရာအကြောင်း မလုပ်ရမှာလဲ… ငါ ဒီက သူဌေးနဲ့များ ဆက်သွယ်လို့ရနိုင်မလား မသိဘူး…"

ကွမ်နီးနီက လွန်ခဲ့သော ဆယ်နှစ်ကျော်က ဘွဲ့ရခဲ့ပြီး ယခုတွင် သူမက သာမာန်လူတန်းစားနယ်မြေရှိ ဩဇာအာဏာပြီးမားသော ပင်မမီဒီယာကြီး၏ အယ်ဒီတာဖြစ်သည်။

သို့သော်လည်း သူမက နောက်လာမည့် အင်တာဗျူးတွင်၊အဲလ်ဘတ်၏သူဌေးအသစ်နှင့် အင်တာဗျူးလုပ်ရမည်လား သို့မဟုတ် ကြယ်တာရာကောင်းကင် တိုက်ရိုက်ထုတ်လွှင့်မှုမှ နာမည်ကြီးလူသစ်ကုယွီမြန်နှင့် အင်တာဗျူးလုပ်ရမည်လားဆိုသည်ကို တွေဝေနေဆဲပင် ။ 

🐯🐯🐯