Chapter 221

Volume 10 : အနုပညာဌာန

Chapter 221 (မျက်နှာဖုံးကပွဲ ၀၂)

ည 7:50 အားလုံးက သဘောတူထားသော သင်တန်းရွေးချယ်ရေးစင်တာတွင် စုဝေးကြသည်။

ယခုအကြိမ် ဖိတ်ခေါ်ထားသည့် 'X အဖွဲ့ဝင်'သည် ဂျူနီယာညီလေး ချီလော့ရန်မှ မိတ်ဆက်ပေးသော အကဌာနမှ စီနီယာအစ်မဖြစ်ပြီး ယွီရှင်းဟုအမည်ရကာ သူမသည် ငယ်စဉ်ကတည်းက အကပညာကို လေ့လာခဲ့သည်။ သူမသည် သွယ်လျသောအသွင်အပြင်နှင့် လမ်းလျှောက်သည့်အခါ ဖြောင့်စင်းသော ကိုယ်ဟန်ရှိပြီး သူမ၏မျက်နှာတန်ဖိုးကလည်း အလွန်မြင့်သည်။ သူမက ကျောင်းပန်းကလေးအဆင့်တွင် ပါဝင်နိုင်သည်။

သို့သော်လည်း ယွဲ့ရှင်းဝမ်တွင် လှပသော အမျိုးသမီးများကို တန်ဖိုးထားလေးမြတ်သည့် စိတ်ထားရှိသည်။ ဟွာအန်းတက္ကသိုလ်ရှိ တရုတ်ဘာသားစကားဌာနတွင် ကြည့်ကောင်းသော မိန်းကလေးများစွာရှိပြီး သူသည် လူကြီးလူကောင်းပီသသောအမူအရာဖြင့် မိန်းကလေးနှင့် ခပ်ခွာခွာနေလိမ့်မည်။ တရုတ်ဘာသာစကားဌာနတွင် ဂျူနီယာညီမလေးများက 'အဲဒီစီနီယာအစ်ကိုရှင်းဝမ်က အခု single ဖြစ်နေတာ သူ့အမြင်က အရမ်းမြင့်လို့ဖြစ်မယ်'လို့ ပြောကြသည်။ တကယ်တော့ သူသည် မိန်းကလေးများနှင့် မည်သို့ပေါင်းသင်းရမည်ကို မသိပေ။

ယွီရှင်းသည် တကယ်ကို လှပသော်လည်း ကံကောင်းထောက်မစွာဖြင့် သူမသည် အပေါ်စီးမှ မျက်လုံးများဖြင့် မာနမကြီးဘဲ လိုက်လျောညီထွေရှိသော အကျင့်စရိုက်ရှိသည်။ သင်တန်းရွေးချယ်ရေးစင်တာသို့ရောက်ပြီးနောက် သူမသည် အခြားမိန်းကလေး လေးယောက်ကို ဦးစွာနှုတ်ဆက်ကာ ယွဲ့ရှင်းဝမ်ထံသို့ လျှောက်သွားပြီး ပြောခဲ့သည်။ "အကဌာနအတွက် စာမေးပွဲကို ဘယ်လိုဖြေရမှန်း ငါမသိသေးဘူး။ ဒီတော့ ပထမဆုံး စာမေးပွဲ ညွှန်ကြားချက်ကို ကြည့်ရအောင်လား။"

ယွဲ့ရှင်းဝမ်ူည် သင်တန်းရွေးချယ်ရေးခလုတ်ကိုဖွင့်လိုက်ပြီး သူ့ရှေ့ရှိ ဖန်သားပြင်ပြင်ကြီးတွင် အချက်အလက်တစ်ခုပေါ်လာသည်—

[မသင်မနေရသင်တန်း: မျက်နှာဖုံးကပွဲ]

[ဌာန: အနုပညာဌာန]

[Credits: 4]

[စာမေးပွဲခန်းစည်းမျဉ်းများ: အကန့်အသတ်သင်တန်းများတွင် credit မျှဝေခြင်းလုပ်ဆောင်ချက်ကို အသုံးပြုနိုင်ပြီး စာမေးပွဲခန်းရှိ အများဆုံးလူအရေအတွက်မှာ 8 ဦး (X အဖွဲ့ဝင်အပါအဝင်)]

[သင်တန်းဖော်ပြချက်: အကပုံစံအမျိုးမျိုးရှိသည်။ ထူးချွန်သော အကသမားများသည် သူတို့၏ လိုက်လျောညီထွေရှိသော ခြေလက်အင်္ဂါများဖြင့် မတူညီသော စိတ်ခံစားမှုများကို ဖော်ပြနိုင်သော်လည်း အဖွဲ့လိုက်အကများသည် အဖွဲ့လိုက်လုပ်ဆောင်မှုနှင့် ကကွက်ပုံစံတို့ကို ပိုမိုအာရုံစိုက်နိုင်သည်။]

[စာမေးပွဲလိုအပ်ချက်များ: အဖွဲ့လိုက်အကကို ပြီးအောင်လုပ်ပါ၊ မျက်နှာဖုံးကပွဲတစ်ခုတွင်ပါဝင်ပြီး အခြေခံအဖွဲ့ရမှတ်ကိုရယူပါ။ အကပါတီတွင် လူတစ်ဦးတည်း၏ ဖျော်ဖြေမှုက အဖွဲ့အား အမှတ်များပေါင်းထည့်နိုင်သည်။]

[မှတ်ချက်: ဤသင်တန်းတွင် ပရော်ဖက်ရှင်နယ် အကလှုပ်ရှားမှုများစွာ ပါဝင်သည်၊ သုတေသနအဖွဲ့တွင် အကဘာသာရပ်ကို သင်ယူနေသော အနည်းဆုံးကျောင်းသားတစ်ဦးရှိရန် အကြံပြုပါသည်။]

[သင်တန်းရွေးချယ်ရေးကို အတည်ပြုပါ: Yes/No]

ယွဲ့ရှင်းဝမ်က ဤဖော်ပြချက်ကိုမြင်ရသည်မှာ မအံ့သြပါ။

အနုပညာဌာနရှိ သင်တန်းသုံးခုအနက် ပန်းချီဌာနသည် စိတ်ကူးယဉ်ပန်းချီနှင့် ဆီဆေးပန်းချီတို့နှင့်သက်ဆိုင်သည့် ကျိုးကြောင်းဆင်ခြင်သင်တန်းဖြစ်ပြီး ဂီတဌာနသည် ဂီတပုံစံ ဂိမ်းအသေးစားဖြစ်ပြီး အကဌာနသည် သူတို့အား တိုက်ရိုက်အကကိုသင်ယူစေခြင်းဖြစ်ကာ အကဌာန၏ စတိုင်နှင့် လိုက်လျောညီထွေဖြစ်သည့် အကပါတီများတွင် ပါဝင်ရမည်ဖြစ်သည်။

အထူးသဖြင့် ရုပ်ပိုင်းဆိုင်ရာ ပေါင်းစပ်ညှိနှိုင်းမှုနှင့် လိုက်လျောညီထွေမရှိသော လူများအတွက် အချိန်တိုအတွင်း အကကို လေ့ကျင့်ရန် မလွယ်ကူသောကြောင့် ကခုန်သောအခါတွင် ဝင်ပူးထားသကဲ့သို့ဖြစ်ပြီး ၎င်းသည် "အဖွဲ့လိုက်နတ်ဆိုးအက" ဖြစ်လာမည်။

သင်တန်းရွေးချယ်ရေး သတိပေးချက်ပေါ်တွင် ပေါ်လာသည့်အချက်မှာ အချက်အလက်များစွာကို ဖော်ပြမထားသော်လည်း ယွဲ့ရှင်းဝမ်သည် ဤသင်တန်း၏နောက်ဆုံးအဆင့်က လူတိုင်း၏အကသင်ကြားမှုနှင့် နောက်ဆုံးတင်ဆက်ခြင်းပြီးစီးမှုနှင့် ဆက်စပ်မှုရှိသင့်သည်ဟု ယူဆနိုင်သည်။

ယွီရှင်းကလည်း ပြောလာသည်။ "လူရှစ်ယောက်က စာမေးပွဲဖြေပြီး မျက်နှာကပွဲမှာ ဖျော်ဖြေဖို့ လိုအပ်တယ်... အဲဒါက အကလေ့ကျင့်ရေးစခန်းတစ်ခုလို ဖြစ်နိုင်ပြီး အချိန်အကန့်အသတ်ရှိရမယ်။ ငါတို့က သတ်မှတ်ထားသောအချိန်အတွင်း ကခုန်ခြင်းအဆင့်တွေ အားလုံးကို သင်ယူဖို့လိုပြီး တေးဂီတစည်းချက်တွေကို ဆက်လက်လုပ်ဆောင်ရမယ်။ နောက်ဆုံးလက်ခံခြင်းအဆင့်က အကတိကျမှုနဲ့ ပြီးစီးမှုအလိုက် အမှတ်သတ်မှာဖြစ်တယ်။"

ခယ်ရှောင်ပင်းက သူ့ခေါင်းကို ကုတ်လိုက်ပြီး ပြောသည်။ "ငါ့ခြေထောက်တွေက ညှိလို့မရဘူး၊ ငါကရင် ငါ့ခြေထောက်နဲ့လက်တွေက အတူတူသွားနေလိမ့်မယ်၊ ငါမသွားဘူး။"

ရှင်းယန်က ပေါ့ပေါ့ပါးပါး ပြောသည်။ "သူ့အတိုင်းပဲ။"

ကျန်းရှောင်နျန်က ဆက်ပြောသည်။ "ကျွန်တော့်မှာ အနုပညာအရည်အချင်းလုံးဝမရှိလို့ စာမေးပွဲဖြေဖို့မလိုတာ ကောင်းပါတယ်။"

လန်ယာရုန်က ယွဲ့ရှင်းဝမ်ကိုကြည့်ပြီး ပြောသည်။ "ရှင်းဝမ်၊ လူရှစ်ယောက်ဆိုရင် ယောင်္ကျားလေး လေးယောက်နဲ့ မိန်းကလေး လေးယောက်ရှိတာက ပိုမကောင်းဘူးလား။"

ချင်မြောင်က အစပြုကာ သူမလက်ကို မြှောက်လိုက်သည်။ "ငါနဲ့ ရှောင်လုက လုံးဝမကတတ်ဘူး။ သတ်မှတ်ထားတဲ့ အချိန်အတွင်းမှာ ကခုန်တတ်ဖို့ ငါ အကကို သင်ယူမယ်ဆိုရင် လှုပ်ရှားမှုတွေက စံနှုန်းမပြည့်မီဘဲ အားလုံးကို ဆွဲချသလိုပဲ ဖြစ်လိမ့်မယ်။ ဒါက မိန်းကလေးနဲ့ ယောင်္ကျားလေး လူညီဖို့မလိုအပ်ဘူးလို့ ထင်တယ်။ သင်တန်းလိုအပ်ချက်မှာ လူရှစ်ယောက်ရှိရမယ်ပဲပြောထားပြီး ယောင်္ကျားလေး လေးယောက်နဲ့ မိန်းကလေး လေးယောက်ဖြစ်ရမယ်လို့ မပြောထားဘူးလေ။ ကခုန်တာ ပိုကောင်းတဲ့ လူရှစ်ယောက်ကိုရှာတာက စာမေးပွဲအောင်ဖို့ ပိုကောင်းတယ်မဟုတ်ဘူးလား။"

ချင်လုက သဘောတူသည်။ "အစ်မပြောတာမှန်တယ်။ ငါ မူလတန်းကျောင်းတက်တုန်းက ကလေးများနေ့မှာ အရိုးရှင်းဆုံး ကလေးအကကို ဖျော်ဖြေခဲ့တယ်။ အားလုံးရဲ့လှုပ်ရှားမှုတွေကို ငါလိုက်မမီနိုင်ဘဲ နိုင်ငံတကာအခြေခံအကလို စုံတွဲအကဆိုရင် မပြောနဲ့တော့။ ငါ ဒီသင်တန်းကို သွားမယ်ဆိုရင် ငါ့အကဖော်ရဲ့ခြေထောက်ကို တက်နင်းနေမိပြီး ဆွဲချသလိုဖြစ်လိမ့်မယ်။"

အမြွှာညီအစ် ချင်မြောင်နှင့် ချင်လုတို့သည် မကတတ်သောကြောင့် သူတို့အဖွဲ့တွင် မိန်းကလေး 3 ဦးသာ ရှိတော့သည်။

သို့သော် ချင်မြောင် ပြောတာမှန်သည်။ သင်တန်းလိုအပ်ချက်မှာ ယောင်္ကျားလေး လေးယောက်နှင့် မိန်းကလေး လေးယောက်ရှိရမည်ဟု မပြောထားပေ။ တချို့သောသုတေသနအဖွဲ့များ (ဥပမာ ကျိုတိုတက္ကသိုလ်မှ စီနီယာအစ်ကိုယွိ၏အဖွဲ့)က စုစုပေါင်း မိန်းကလေး နှစ်ယောက်သာရှိသည်။ ဒီတော့ သူတို့က ဒီသင်တန်းကို မအောင်တော့ဘူးလား။

ထို့ကြောင့် ဖြေဆိုသူရှစ်ယောက်တွင် ယောင်္ကျားလေးနှစ်ယောက်ကို အဖွဲ့လိုက် ကခြင်းအား ခွင့်ပြုရမည်ဖြစ်သည်။

ဒါကိုစဉ်းစားရင်း ယွဲ့ရှင်းဝမ်က ရိုးရိုးရှင်းရှင်းပဲ ဆုံးဖြတ်ချက်တစ်ခုချလိုက်သည်။ "ဒါဆို ငါ ဖျင်စစ်နဲ့ တွဲလိုက်မယ်။ ငါတို့က အကဘာသာရပ်က မဟုတ်ပေမဲ့ ငါတို့ပထမနှစ်တုန်းက အတူတူ အကလေ့ကျင့်ရေးသင်တန်းတွေမှာ ပါဝင်ခဲ့ပြီး အခြေခံအကအဆင့်တချို့ကို သိတယ်။ ပြီးတော့ ငါတို့မှာ အပြန်အလှန် နားလည်မှုလည်းရှိတယ်။"

ကျိုဖုန်းက ခဏလောက်စဉ်းစားပြီး ပြောလိုက်သည်။ "ဒါကအဆင်ပြေပါတယ်။ ချင်မြောင်ကော ချင်လုကော မကတတ်တဲ့အတွက် မင်းတို့နှစ်ယောက်သွားရင် မြန်မြန်ဆန်ဆန် သင်ယူနိုင်လိမ့်မယ်။ ကျန်တဲ့ခြောက်ယောက်ကတော့ ငါက မန့်လော်နဲ့ တွဲလိုက်မယ်။"

လျှိုကျောက်ချင်းသည် သူ့ဘေးနားရှိ လန်ယာရုန်ကို တစ်ချက်ကြည့်လိုက်ပြီး ပြောသည်။ "စီနီယာအစ်မ၊ ကျွန်တော်တို့ တွဲကြမလား။"

လန်ယာရုန်က ပြတ်ပြတ်သားသားပြောသည်။ "နင်က အရပ်ရှည်လွန်းတယ်၊ ငါနင့်ကို မမှီဘူး။ ငါ နင်နဲ့ တွဲပြီး ကရင် ဘီလူးက ကြက်တစ်ကောင်ကို သယ်ထားသလို မြင်ကွင်းဖြစ်နေမှာပေါ့။"

လျှိုကျောက်ချင်းက သူ့နဖူးကို ထောက်လိုက်ပြီး "ဒါဆို ကျွန်တော် ငုတ်တုတ်ထိုင်ပြီး စီနီယာအစ်မနဲ့ ကမယ်ဆိုရင်ကော။"

ရွှီယိရှန်းသည် အပြုံးဖြင့် ရှေ့သို့ ခြေတစ်လှမ်းတိုးကာ ဖျန်ဖြေရန် အစပြုခဲ့သည်။ "ကျွန်တော် စီနီယာအစ်မလန်နဲ့ တွဲလိုက်ပါ့မယ်။ စီနီယာအစ်ကိုလျှိုက တကယ်ကို အရပ်ရှည်တယ်၊ အရပ်အမောင်းသင့်တော်ဖို့အတွက် စီနီယာအစ်ကိုလျှိုက ယွီရှင်းနဲ့ တွဲလိုက်ပါ။"

ယွီရှင်းသည် 1.7 မီတာရှိပြီး လန်ယာရုန်က 1.55 မီတာသာရှိသည်။ လျှိုကျောက်ချင်းသည် မိန်းကလေးနှစ်ယောက်ကြားရှိ အရပ်အမောင်းကွာခြားမှုကို တစ်ချက်ကြည့်လိုက်ကာ အဆင်သင့်သဘောတူလိုက်သည်။ "ကောင်းပြီလေ၊ ဂျူနီယာညီမလေးယွီ၊ ငါ့ကို အကြံဉာဏ်လေးပေးပါဦး။"

ယွီရှင်းက သူ့ကို ခေါင်းငြိမ့်ပြလိုက်သည်။ "ရပါတယ်။"

သင်တန်းတွင်ပါဝင်မည့်သူများစာရင်းကို ဆွေးနွေးပြီးနောက် ယွဲ့ရှင်းဝမ်သည် လူတိုင်းကိုပြင်ဆင်ရန် သင်တန်းရွေးချယ်ရေးခလုတ်ကို နှိပ်လိုက်သည်။

ဒီအခိုက်အတန့်မှာ ခယ်ရှောင်ပင်းက သူ့ခေါင်းကို ရုတ်တရက် ပုတ်လိုက်ပြီး ဆိုသည်။ "အကက ယေဘုယျအားဖြင့် ယူနီဖောင်းဝတ်ဖို့ လိုတယ်။ ငါတို့အဖွဲ့က အားကစားဝတ်စုံတွေနဲ့ ဖိနပ်အဖြူတွေဝတ်ပြီး အကဖျော်ဖြေဖို့ မသင့်တော်ဘူးမလား။ သင်တန်းလိုအပ်ချက်တွေက ယူနီဖောင်းဝတ်ဖို့လိုအပ်သလားဆိုတာ မပြောထားဘူးလား။"

ယွဲ့ရှင်းဝမ်ကလည်း ဤပြဿနာကို တွေးတောခဲ့သည်။ "အားလုံး ရှုပ်ယှက်ခတ်နေတဲ့ ဝတ်စားဆင်ယင်မှုဟာ အဖွဲ့လိုက်အကအတွက် မကောင်းဘူးဆိုတာ အမှန်ပဲ၊ ဒါပေမဲ့ ယူနီဖောင်းအတွက် အခုမှ အဝတ်အစားဝယ်ဖို့ အရမ်းနောက်ကျသွားပြီ၊ အချိန်ကျလာမှ မီးစင်ကြည့်ကတာပေါ့။"

ခယ်ရှောင်ပင်းက အကူအညီမဲ့စွာ ဆိုသည်။ "ဒါက တစ်ခုတည်းသော နည်းလမ်းပဲ။" 

ကျန်းဖျင်စစ်က ပေါ့ပါးစွာ ပြောလိုက်သည်။ "သင်တန်းကို မျက်နှာဖုံးကပွဲလို့ခေါ်တာဆိုတော့ နောက်ဆုံးအကအတွက် စာကြည့်တိုက်က ယူနီဖောင်းတွေကို ငါတို့ကို ဖြန့်ဝေပေးနိုင်တယ်။ ဗိသုကာဌာနက ဆောက်လုပ်ရေးဆိုက်ကို ငါတို့သွားတုန်းက ငါတို့အတွက် အလုပ်သမားအဝတ်အစားတွေ ဖြန့်ဝေပေးတယ်လေ။"

ယွဲ့ရှင်းဝမ်က ပြုံးပြီး ခေါင်းငြိမ့်ပြသည်။ "ဒါက အဓိပ္ပါယ်ရှိတယ်။ အဝတ်အစားတွေ အရင်စိတ်မပူပါနဲ့။ အဓိကက အကကို တတ်နိုင်သမျှ ငါတို့အမြန်ဆုံးသင်ယူဖို့ပဲ။ စာကြည့်တိုက်က ငါတို့အတွက် နည်းပြတစ်ယောက်ကို စီစဉ်ပေးဖို့ သေချာပေါက် စေတနာရှိမှာ မဟုတ်ဘူး။ စီနီယာအစ်မယွီရှင်းကိုပဲ ကျွန်တော်တို့ တောင်းဆိုရမှာပေါ့။"

ယွီရှင်း: "စိတ်မပူပါနဲ့၊ ငါအကောင်းဆုံးကြိုးစားပါ့မယ်။"

စာမေးပွဲဖြေချိန်ရောက်သောအခါတွင် လူတိုင်းကို အထူးအလုံပိတ်နေရာသို့ ပို့လိုက်သည်—

ဒါက အကလေ့ကျင့်ခန်းပါ။

60 စတုရန်းမီတာ ကျယ်ဝန်းသော အခန်းလွတ်တစ်ခုတွင် ရှေ့နှင့်နောက် နံရံများသည် မှန်များဖြစ်ပြီး တံခါးသည် ဘယ်ဘက်တွင် ရှိနေကာ ညာဘက်တွင် နံရံသည် ကြီးမားသော LCD ဖန်သားပြင်ဖြစ်သည်။ ကြမ်းပြင်သည် သန့်ရှင်းပြီး အညစ်အကြေးကင်းစင်ကာ ကိုယ့်ကိုကိုယ် ရောင်ပြန်ဟပ်မှုကို မြင်တွေ့နိုင်မည်ဖြစ်သည်။

အကစတူဒီယိုသို့ လူတိုင်းရောက်သည်နှင့် တစ်ပြိုင်နက် သူတို့နားထဲတွင် ရင်းနှီးသည့် စက်အသံက မြည်လာသည်။ "အကဌာနရဲ့သင်တန်းကနေ ဖြေဆိုသူရှစ်ယောက်ကို ကြိုဆိုပါတယ်။ နှစ်သစ်ကူးနီးလာပြီဖြစ်တာကြောင့် ဒီဇင်ဘာလ 31 ရက်နေ့ညနေမှာ CNTV က နှစ်သစ်ကူး အခမ်းအနား ကျင်းပမှာ ဖြစ်ပါတယ်။ အကအဖွဲ့မှ အဖွဲ့ဝင်တွေအနေနဲ့ ဒီအခမ်းအနားတွင် ပါဝင်ဆင်နွှဲရန်နဲ့ 3 ရက်သာလိုတော့တဲ့ ပါတီတွင် အကအစီအစဉ်တစ်ခု လုပ်ဆောင်ဖို့ ဖိတ်ခေါ်အပ်ပါတယ်။ အောက်မှာ မတူညီတဲ့အကပုံစံသုံးမျိုးကို ပြသမှာဖြစ်ပြီး ကျေးဇူးပြု၍ တစ်ခုရွေးချယ်ပြီး လေ့လာပါ။ နောက် 3 ရက်မှာ လေ့ကျင့်မှုတွေ လုပ်မှာပါ။"

လျှိုကျောက်ချင်းသည် အစက 'သုံးရက်တည်း၊ မင်းငါ့ကို သေအောင်သတ်နေတာလား'လို့ ကြိမ်းမောင်းချင်ပေမဲ့ စကားမပြောခင်မှာ အက demo ကို ဖန်သားပြင်ကြီးပေါ်မှာ စတင်ပြသခဲ့သည်။

အကအေသည် ဂန္တဝင်ချာချာချာအကဖြစ်သည်။ အလွန်ပြေပြစ်သောပုံပေါ်သော်လည်း လှုပ်ရှားမှုများသည် အလွန်ခက်ခဲသည်။ အက ခြေလှမ်းများနှင့် လက်လှုပ်ရှားမှုများသည် အလွန်ရှုပ်ထွေးသည်။ ပရော်ဖက်ရှင်နယ် အကသမားမဟုတ်သူများသည် 3 ရက်အတွင်း သင်ယူရန် မဖြစ်နိုင်သလောက်ပင်။ ထို့အပြင် ချာချာချာအက၏ အချိန်အများစုမှာ ကိုယ့်တင်ပါးကို ကော့ထားဖို့လိုပြီး ကောင်းကောင်းမကော့တတ်ရင် တကယ်ကို ထူးဆန်းနေလိမ့်မည်။

ယွီရှင်းသည် ဤအကကိုမြင်ပြီးနောက် သူမမျက်မှောင်ကြုတ်ကာ နောက်အကကို ဆက်ကြည့်သည်။

အကဘီသည် ခပ်မိုက်မိုက်နှင့် ကြည့်ကောင်းသော ဟစ်ဟော့ဖြစ်သည်။ သီချင်းသည် အလွန်လျင်မြန်သော Rap တစ်ပုဒ်ဖြစ်သည်။ demo မှအကသမားများအားလုံးသည် နမ်ချပ်ကူများကိုင်ကာ ခုန်ပေါက်ကြပြီး ကျွမ်းပစ်လှည့်ကြသည်။ ဒါကိုကြည့်ပြီးတာနဲ့ ယွီရှင်းက တွေးတောင်မတွေးကြည့်နိုင်ဘူး— ထိပ်တန်းကျောင်းသားတွေကို မေးခွန်းတွေဖြေဖို့ စာမေးပွဲစာရွက်တွေ ယူခိုင်းပြီး တုတ်နဲ့ ကခိုင်းတာက အဆင်ပြေပါ့မလား။ သူတို့တွေ လမ်းတစ်ဝက်လောက်တောင် မခုန်နိုင်ဘဲ တုတ်က မြေပြင်ပေါ်ကို ပြုတ်ကျသွားမှာပဲ သူမ စိုးရိမ်မိသည်။

ကျွမ်းထိုးလှည့်သည့်အခါ ခါးကို လျှပ်တစ်ပြက်ပြမိရင် ရှက်စရာကောင်းပေလိမ့်မည်။

အကစီက လှုပ်ရှားမှုများသည် ခက်ခဲသော်လည်း ကံကောင်းထောက်မစွာဖြင့် ၎င်းသည် ပို၍ပြေပြစ်ပြီး ပြေလျော့စေသော စုံတွဲအကဖြစ်သည်။

ယွီရှင်းက အကဖြင့် မွေးဖွားခဲ့သည်။ သူမသည် အသက် 3 နှစ်တွင် စတင်ကခုန်ခဲ့ပြီး အမျိုးမျိုးသော အကများကို ကျွမ်းကျင်စွာ ကပြနိုင်ခဲ့သည်။ ယွဲ့ရှင်းဝမ်တို့အဖွဲ့တွင် လန်ယာရုန်နှင့် လင်းမန့်လော်တို့က ငယ်စဉ်ကတည်းက အကကို သင်ယူခဲ့ဖူးကြောင်း ယွဲ့ရှင်းဝမ်ပြောတာကို သူမမှတ်မိပြီး သူတို့၏ ခန္ဓာကိုယ် ပျော့ပျောင်းမှုမှာ ပြဿနာမရှိပါ— ဆိုလိုသည်မှာ မိန်းကလေးသုံးယောက်သည် ဒီအကကိုလေ့လာရန် မခက်ခဲသင့်ပေ။

သော့ချက်မှာ ရွှီယိရှန်းမှလွဲ၍ ကျန်လေးယောက်မှာ မကျွမ်းကျင်သော ယောင်္ကျားလေးများဖြစ်သည်။

ဒါကို စဉ်းစားရင်း ယွီရှင်းက ယောင်္ကျားလေးတွေကို လှည့်ကြည့်လိုက်ပြီး ယဉ်ကျေးစွာ မေးလိုက်သည်။ "နင်တို့ ဘယ်တစ်ခုကို ရွေးချင်လဲ။"

ယွဲ့ရှင်းဝမ်နှင့် ကျန်းဖျင်စစ်တို့က တစ်ယောက်ကို တစ်ယောက် ကြည့်နေကြသည်။ ဤအကစာမေးပွဲသည် ရိုးရှင်းသော မျက်နှာဖုံးအကတစ်ခုမျှသာဖြစ်သည်ဟု သူတို့ထင်ခဲ့ကြသော်လည်း ၎င်းသည် "အချိန်အကန့်အသတ် အဖွဲ့လိုက်အကလေ့ကျင့်မှု" ဖြစ်လာကာ ယဉ်ကျေးမှုဆိုင်ရာ ဖျော်ဖြေပွဲတစ်ခုတွင် ပါဝင်ရမည်ဖြစ်ပြီး ၎င်းက ပြဿနာတစ်ခုပါပဲ။

အဖွဲ့လိုက်အကကို 3 ရက်အတွင်းသာ လေ့ကျင့်နိုင်ပြီး ပရော်ဖက်ရှင်နယ်မဟုတ်သော အဖွဲ့က လုပ်နိုင်ပါ့မလား။

ယွဲ့ရှင်းဝမ်က ခဏလောက် နှုတ်ဆိတ်နေပြီး ပြောလိုက်သည်။ "ဘယ်တစ်ခုက လေ့ကျင့်ဖို့ ပိုလွယ်သလဲဆိုတာကြည့်ပြီး ကျွန်တော်တို့ အပြည့်အဝ ပူးပေါင်းဆောင်ရွက်နိုင်တဲ့တစ်ခုကို ရွေးလိုက်ပါ။"

ယွီရှင်း: "ပထမသီချင်းရဲ့ အကခြေလှမ်းတွေက သင်ယူရခက်လွန်းတယ်။ ဒုတိယသီချင်းမှာ လှုပ်ရှားမှုအမြောက်အမြားရှိပြီး ဒဏ်ရာရဖို့ လွယ်ကူတယ်။ ငါကတော့ တတိယသီချင်းကို ပိုအလေးပေးတယ်၊ အကစည်းချက်က အတော်လေးနှေးကွေးပြီး ယောင်္ကျားလေးတွေက ကပြရင် ကြည့်ကောင်းလိမ့်မယ်။"

လျှိုကျောက်ချင်းက မျက်မှောင်ကြုတ်ပြီး ပြောသည်။ "တတိယသီချင်းရဲ့ အကအနေအထားက အရမ်းထပ်ကာထပ်ကာပါပြီး ငါတို့ ငါတို့ အဲဒါကို သင်ယူနိုင်မယ်လို့ မင်းထင်လား။"

ယွီရှင်းက အကူအညီမဲ့စွာဆိုသည်။ "အကတိုင်းက မလွယ်ပါဘူး၊ ကျွန်မတို့ မြန်မြန်ဆန်ဆန် လေ့ကျင့်ရုံပဲရှိတယ်။"

ယွဲ့ရှင်းဝမ်က ငြင်းဆန်ခြင်းမရှိပေ။ "ဒါဆိုတတိယသီချင်းကိုရွေးမယ်။"

ယွီရှင်းက ခေါင်းငြိမ့်လိုက်ပြီး ရွေးချယ်စရာများထဲမှ တတိယသီချင်းကို နှိပ်လိုက်သည်။ ထို့နောက် ဖန်သားပြင်ကြီးသည် တတိယအက demo ကို ပြန်ဖွင့်လာသည်။ ဤအကသည် အကကို အပြီးသတ်ရန် လူရှစ်ဦး ပူးပေါင်းဆောင်ရွက်ဖို့ လိုအပ်သည်။ စုံတွဲအကကို အတွဲလိုက် ဖျော်ဖြေခဲ့ပြီး အကလှုပ်ရှားမှုများက အလွန်ပြေပြစ်သည်။

ယွီရှင်းသည် လူတိုင်းနှင့်အတူ ကြည့်ရှုခဲ့ပြီး လှုပ်ရှားမှုများကို သူမ၏စိတ်ထဲတွင် မှတ်ထားကာ ပြောလိုက်သည်။ "ဒါက ဂန္တဝင်စုံတွဲအက 'Tales from the Vienna Woods'ဖြစ်ပြီး ဒီသီချင်းရဲ့ စည်းချက်က အရမ်းပြင်းထန်ပြီး ကခုန်နေတဲ့ ခြေလှမ်းတွေက စည်းချက်နဲ့ညီညီ လိုက်လုပ်ရမှာ မဟုတ်ရင် ရုပ်ဆိုးလိမ့်မယ်။"

'Tales from the Vienna Woods'က Johann Strauss II မှ စုံတွဲအကဖြစ်သည်။ 1868 တွင် 'Geschichten aus dem Wienerwald'၊ Op.325 သည် zither အတွက် virtuoso အပိုင်းကိုပြသထားသည့် Johann Strauss II မှ Viennese စုံတွဲအကခြောက်ခုအနက်မှ တစ်ခုဖြစ်သည်။ Strauss ၏ အကခေါင်းစဉ်သည် Vienna Woods မြို့သားများ၏ ရိုးရာဂီတကို ပြန်လည်အမှတ်ရစေသည်။

ယွဲ့ရှင်းဝမ်က ကျန်းဖျင်စစ်ကို ကြည့်ကာ ခါးသက်သက်အပြုံးဖြင့် ပြောလိုက်သည်။ "ဘဲကို အိပ်တန်းပေါ်တက်ခိုင်းတာနဲ့ တူနေတယ်လို့ ဘာကြောင့်ခံစားရတာလဲ။"

ကျန်းဖျင်စစ်က ပေါ့ပါးစွာဆိုသည်။ "3 ရက်အတွင်း ပြင်းပြင်းထန်ထန် လေ့ကျင့်ကြတာပေါ့။ ယွီရှင်းရဲ့ ကိုယ်တိုင်ကိုယ်ကျ လေ့ကျင့်ရေးနဲ့ မင်းလေ့ကျင့်နိုင်မှာပါ။"

#TK