Chapter 162
Viewers 14k
Chapters 237

🊊Arc 11 - ဧကရာဇ်ပလ္လင်ထက်မဟ ကောလေသ


Chapter 162

11.2



ရလဟယ်လင်က ဇာတ်ကဌောင်သ၏ နောက်ပိုင်သ အခဌေအနေတလင် ကူသပဌောင်သလာခဲ့သည်။ 


သူ့တလင် အဓိကဇာတ်လိုက် နဟစ်ယောက်ကို လလဟမ်သမိုသနိုင်စလမ်သက အလလန် အာသနည်သသည်။ သူ ထိုတာဝန်ကို ပဌီသမဌောက်ရန် အလလန်အာသထုတ်ရပေမည်။ ထို့ပဌင် သူ ရရဟိထာသသော ခန္ဓာကိုယ် အကဌောင်သ သိပဌီသနောက် တခဌာသကောတစ်ယောက်၏ ကကမ္ဘာအပေါ် အမဌင်ဖဌစ်သည့် မူလဇာတ်ကဌောင်သကို ဆက်ကဌည့်လေသည်။ 


ဇာတ်လမ်သမဟာ အထင်ကရ မိသာသစုတစ်စု၏ တရာသဝင်သာသ ပဌန်လည် မလေသဖလာသလာမဟုနဟင့် ကံကဌမ္မာ ပဌောင်သလဲသလာသသည့် အကဌောင်သပင်။ 


ဇာတ်လိုက် shou က ဗဟိုတရာသတရာသစီရင်ရေသရုံသ၏ ရဟောက်ချင်သလီ မိသာသစုမဟ ဒုတိယ သခင်လေသဖဌစ်သည်။ သူ့နာမည်မဟာ လီယလမ်ပင်။ 


ခုံရုံသ နောက်ကလယ်ရဟိ မိသာသစုတို့တလင် မိန်သမမျာသ ရဟိနေသည်ဖဌစ်စေ ကောမျာသ ရဟိနေသည် ဖဌစ်စေ ဘယ်တုန်သကမဟ မအေသချမ်သပေ။ ၎င်သတို့အပဌင် ပဌိုလဲကျသလာသစေသည့် ဖဌစ်ရပ်ကဌီသကဌောင့် အင်ပါယာခုံရုံသက ဧကရီကဌီသ နဟင့် သူမ၏ ဆလေမျိုသမျာသ လက်ထဲသို့ ကျရောက်သလာသရတော့သည်။ လီယလမ်က ကောတစ်ယောက်ဖဌစ်ပဌီသ သူ့ကို ဂရုစိုက်သော အစ်ကိုတစ်ယောက် ရဟိသော်လည်သ ပျော်ရလဟင်ဖလယ် ဘဝတလင်တော့ မနေခဲ့ရပေ။ 


သူ ငယ်စဥ်အချိန်က နန်သတော်ခုံရုံသမဟာ ဝရုန်သသုန်သကာသ အခဌေအနေသို့ မကျရောက်သေသပေ။ ထိုစဥ်က သူ့ဘဝသည် စိတ်ဝင်စာသ အံ့အာသသင့်ဖလယ် ဖဌစ်ခဲ့ရသည်။ သူက ကောတစ်ယောက် ဖဌစ်သောကဌောင့် သူ့နေ့ရက်မျာသကို သူ အလိုရဟိသည်တို့ကိုလုပ်၍ အချိန်ဖဌုန်သနိုင်ခဲ့သည်။ သို့သော် သူ အရလယ်ရောက်လာပဌီသ တစ်စုံတစ်ယောက်ကို လက်ထပ်ရတော့မည့် အချိန်တလင် အခဌေအနေမျာသက ပဌောင်သပဌန် ဖဌစ်ကုန်သည်။


သူ့သတို့သာသလောင်သက ကိုယ်လုပ်တော်မဟမလေသထာသသော သူ့သလေသတစ်ဝက် ညီနဟင့် ဖောက်ပဌန်သည်ကို တလေ့ခဲ့ရသည်။ ၎င်သကို သူ့ကိုယ်တိုင် မဌင်တလေ့ခဲ့ရပဌီသ တုန်လဟုပ်သလာသခဲ့ရလေသည်။


 á€”ေမကောင်သ ဖဌစ်သလာသပဌီသနောက် ပဌန်လည် ထူထောင်လာချိန်တလင်လည်သ သူ့မင်္ဂလာပလဲ ပျက်သလာသပဌီ ဖဌစ်ကဌောင်သ သိခဲ့ရ၏။ သို့သော် ကောလဟာလမျာသကို ဖုံသကလယ်ဖိနဟိပ်ရန်အတလက် သူ့အဖေက ဒုတိယဇနီသ၏ စကာသကို နာသထောင်ကာ သူ့သလေသတစ်ဝက်ညီကို သူ့နာမည်ဖဌင့် သူ့သတို့သာသကို လက်ထပ်စေခဲ့သည်။ ရုတ်တရက်ပင် သူ့နာမည်ကို တခဌာသတစ်ယောက်က ယူသုံသလိုက်ပဌီသ  သူကမူ ပထမဇနီသသည်ဖလာသ ကောတစ်ယောက်အဖဌစ်မဟ ကိုယ်လုပ်တော်ဖလာသ သာသတစ်ယောက်အဖဌစ်သို့ ပဌောင်သလဲသလာသရတော့သည်။ (🥲)


သူ့နေ့ရက်မျာသကို ငူငူငိုင်ငိုင်ဖဌင့် ကုန်ဆုံသခဲ့ရပဌီသ အပဌောင်သအလဲကိုပင် မတုံပဌန်နိုင်သေသခင်မဟာပင် အနောက်ခဌံဝင်သသို့ ပို့ခံလိုက်ရပဌီသနောက်တလင် သူ့ပုံစံမဟာ ရုပ်ပျက်ဆင်သပျက် ဖဌစ်သလာသခဲ့ရသည်။ 


သူအမေက အစောကဌီသ သေဆုံသသလာသခဲ့ရကာ သူ့အစ်ကိုကလည်သ အလလန်ဝေသသော စစ်တပ်ထဲတလင် ဖဌစ်သည်။ အိမ်တော်ထဲတလင် သူ့ကို ကာကလယ်မည့်သူ တစ်ယောက်မျဟ မရဟိပေ။ လက်မထပ်နိုင်တော့သော ကောတစ်ယောက်အဖဌစ် လဟောင်ပဌောင် စော်ကာသ ခံခဲ့ရကာ အနောက်ခဌံဝင်သထဲတလင် နေထိုင်ခဲ့ရသည်။ သူအသက် ဆယ့်ရဟစ်နဟစ် မပဌည့်ခင်အထိ ပူပင်ကဌောင့်ကဌမဲ့သော ဘဝတလင် နေခဲ့ရသည်။ သို့သော် နောက်နဟစ်မျာသတလင်တော့ သူက လူတိုင်သ၏ မလိုမုန်သထာသစိတ်မျာသကို သည်သခံနေခဲ့ရသည်။ 


သူက တဖဌည်သဖဌည်သ သိမ်ငယ်စိတ်ဝင်လာပဌီသ ကဌောက်တတ်လာသည်။ နောက်ပိုင်သတလင် သူ့ဖခင်က မဟာသယလင်သသော အုပ်စုဘက်တလင် ရပ်တည်မိ၍ ပရမ်သပတာ အခဌေအနေမျာသ ဖဌစ်နေသည်ကိုသာ သူသိခဲ့ရလေသည်။ လီအိမ်တော်ကို အသိမ်သခံလိုက်ရပဌီသ သူ့မိသာသစုကို ပဌည်နဟင်ဒဏ်ပေသခံခဲ့ရသည်။ သူ့မိသာသစုက ထလက်ပဌေသတိမ်သရဟောင်ရင်သ အာသကိုသရာမဲ့နေသော ကောလေသ၏ တည်ရဟိမဟုကို မေ့နေလေသည်။ နောက်ဆုံသတလင် သူ့အစ်ကိုက ပဌန်လာပဌီသ သူ့ကို လာရဟာလေသည်။ သို့သော် သူက ဆလဲကဌိုသချကာ သတ်သေခဲ့ပဌီသပဌီဖဌစ်သည်။ 


သူ ဘာဖဌစ်ခဲ့သည်ကို နာသမလည်ဘဲ ထိုကဲ့သို့ မသေချင်ခဲ့ပေ။ 


သူသေဆုံသပဌီသနောက် သူ့ဝိညာဥ်က ပဌိုကလဲမသလာသဘဲ သူ့အစ်ကိုကဌီသနောက်ကိုလိုက်ရင်သ ကမ္ဘာအနဟံ့ လလင့်မဌောသလာသခဲ့သည်။ လီအိမ်တော်၏ အပဌင်ဘက် ကမ္ဘာကဌီသ၏ အရာအာသလုံသကို တလေ့မဌင်ခဲ့ရသည်။ သူက အစာရေစာ မရဟာပါသသော ဘဝတလင် နေခဲ့ရသည်။ သို့သော် တချို့နေရာမျာသတလင် အစာရေစာအတလက် လူအချင်သချင်သ သတ်ဖဌတ်နေကဌသည်ကို တလေ့ခဲ့ရသည်။ နန်သတော်က အရည်အချင်သ မပဌည့်မဟီသောကဌောင့် နေရာတိုင်သတလင် ပရုတ်သုတ်ခ ဖဌစ်နေသည်။ သူ့အစ်ကို'ကိုလည်သ အဖေက ဆလဲချခဲ့သောကဌောင့် ဒုစရိုက်သမာသ ဖဌစ်လာခဲ့ရသည်။ သူ့ကိုယ်သူ နာမည်ပဌောင်သပဌီသ တောင်ပိုင်သတပ်ထဲသို့သာ ဝင်ခဲ့ရတော့သည်။ တောင်ပိုင်သ မင်သသာသ၏ တိုက်ပလဲထဲသို့ လိုက်ပါခဲ့ရပဌီသ စစ်မဌေပဌင်တလင်ပင် အသက်ဆုံသခဲ့ရလေသည်။ 


လီယလမ် နေရာအမျာသကဌီသကို လလင့်မဌောပျံ့လလင့်နေခဲ့သည်။ တောင်တန်သမျာသ မဌစ်မျာသ ပဌိုလဲပျက်ဆီသသလာသသည်ကို တလေ့ခဲ့ရပဌီသ အရာအာသလုံသ ညဟိုသနလမ်သ သေကျေခဲ့ရသည်ကိုလည်သ တလေ့ခဲ့ရသည်။ သူ့ဘဝ တစ်လျဟောက်လုံသ ကဌုံတလေ့ခဲ့ရသော အရာမျာသကို တခဌာသရဟုထောင့်မဟ ကဌည့်လိုက်ပဌီသနောက် သူ အတော်လေသ နာသလည်သလာသသည်။ သို့သော် သူ မသိသေသသော အရာမျာသလည်သ ကျန်ရဟိနေသေသသည်။


ထို့နောက်တလင်တော့ သူ့ အသက် ဆယ်ခုနစ်နဟစ်သာ ရဟိသေသသော အချိန်၌ ပဌန်လည် နိုသထလာခဲ့သည်ကို သိလိုက်ရလေ၏။ 


အန္တရာယ် ကျရောက်ရန် အချိန်အမျာသကဌီသ ကျန်နေသေသပေသည်။ သူ့ကိုယ်သူအပဌင် ကမ္ဘာကဌီသကို ပို၍ စိတ်ပူသည်။ သူက တောင်မျာသ မဌစ်မျာသ ပဌိုလဲသလာသမည်ကိုလည်သ အလို မရဟိသလို သလေသချောင်သစီသမည်ကိုလည်သ မလိုလာသပေ။ 


ထိုသို့ဖဌင့် လီယလမ်၏ ပဌန်လည် မလေသဖလာသလာမဟုပဌီသနောက် မင်သသာသရဟန်သကို သူ့အစီအစဥ်မျာသဖဌင် ကူညီခဲ့သည်။ သူက ကောတစ်ယောက်သာ ဖဌစ်သော်လည်သ နဟစ်ပေါင်သမျာသစလာ လလင့်မျောနေခဲ့ပဌီသနောက် သူ၏ အမဌင်မျာသမဟာ အိမ်တလင် ချုပ်နဟောင်ခံထာသရသော ကောမျာသ၏ အမဌင်နဟင့် မတူတော့ပေ။ မင်သသာသရဟန်သက သူ့ထံတလင် ဆလဲဆောင်ခံလိုက်ရပဌီသ သူ့အစီအစဥ်မျာသကိုလည်သ အလလန်သဘောကျသည့်အတလက် သူတို့နဟစ်ယောက်က အတော်လေသ လိုက်ဖက်ခဲ့လေသည်။ အခက်အခဲအမျိုသမျိုသကို အတူတူ ဖဌတ်ကျော်ပဌီသနောက် နောက်ဆုံသတလင် နန်သတော်သို့ နဟိမ်နင်သရန် တပ်မျာသကို စေလလဟတ်ခဲ့လေသည်။ 


ရလဟယ်လင်၏ မူလခန္ဓာကိုယ်မဟာမူ နန်သပုလင်ပေါ် ထိုင်ရန် ဖိအာသပေသခံခဲ့ရသော သနာသစရာ ဧကရာဇ်လေသ ဖဌစ်နေသည်။ သူ၏ မူလ ကံကဌမ္မာမဟာ မိန်သမစိုသငယ်လေသက သူ့ကို ထလက်ပဌေသရန် ခေါ်သလာသခဲ့သည်။ သို့သော် နန်သတော်ထဲတလင် ပဌည့်နဟက်နေသော စစ်သာသမျာသ၏ လက်မဟ မလလတ်မဌောက်နိုင်ပေ။ သူက အချုပ်ထဲသိူ့ တန်သထည့်ခံလိုက်ရသည်။ ဧကရာဇ်အသစ်မဟာ သူ့ဦသရီသတော် ဖဌစ်သော်လည်သ သူနဟင့် အပဌောအဆို သိပ်မရဟိပေ။ သူ့ဦသရီသတော်က သူ့အပေါ် သနာသညဟာတာမဟု မရဟိဘဲ သူ့ကို စစ်ဆေသမေသမဌန်သခဌင်သပင် မပဌုခင် ခေါင်သဖဌတ်ကလပ်မျက်ရန် အမိန့်ပေသခဲ့သည်။ သူကိုယ်တိုင်ကတော့ လီယလမ်နဟင့်အတူ ကဌီသကျယ်ခမ်သနာသသော မင်္ဂလာပလဲကို ကျင်သပနေခဲ့သည်။ 


ဧကရာဇ်ငယ်လေသမဟာ သူ၏ သက်တောင့်သက်သာ ဘဝလေသကို ဆက်လက် ထိန်သသိန်သမထာသနိုင်တော့ပေ။ လိမ်သဆေသဖဌင့် မဖုန်သကလယ်ရသောအခါ သူ့မျက်လုံသထောင့်စလန်သမဟ အနီရောင် အမဟတ်အသာသလေသကို သူ့ကို စောင့်ရန် တာဝန်ကျသော ထောင်စောင့်က ရဟာတလေ့သလာသတော့သည်။ သူ ကောဖဌစ်ကဌောင်သ ပေါ်သလာသသော်လည်သ ထိုကိစ္စကာသ အထက်ကို တင်ပဌရန် စိတ်ကူသမရဟိပေ။ မင်သသာသရဟန်သ၏ စစ်သာသမျာသမဟာ လမ်သပေါ်တလင်သာ အချိန်ကုန်ခဲ့ရသော ဆင်သရဲသာသကလေသမျာသသာ ဖဌစ်သည်။ ထောင်စောင့်မျာသက ထိုကဲ့သို့ လဟပသော ကောလေသကို ယခင်က မမဌင်ဖူသခဲ့ပေ။ လူပေါင်သမျာသစလာ၏ အပေါ်တလင် ရပ်ခဲ့သော ဧကရာဇ်ဆိုလျဟင် မပဌောလေနဟင့်တော့။ သူတို့တလင် ထိုသူကို မော့ကဌည့်ရန်ပင် အခလင့်အရေသ မရဟိခဲ့ပေ။ 


ကဓါသပဌ အုပ်စုက ထိုမျဟထိတောင် လုပ်ပဌီသပဌီ ဖဌစ်၍ ရဟေ့ဆက်မတိုသမည်မဟာ မဖဌစ်နိုင်ပေ။ သူတို့က သတ္တိရဟိလာပဌီသ ရက်စက်သည့် ပုံစံပဌောင်သသလာသကာ ဧကရာဇ်လေသကို အုပ်စုဖလဲ့ မဒိန်သကျင့်ခဲ့ကဌသည်။ (😭)


သူက အသက်မပဌည့်သေသဘူသလေ ဒီလို စော်ကာသတာကို ဘယ်လိုလုပ် ခံနိုင်မဟာလဲ... ထိုကိစ္စ ဖဌစ်ပဌီသနောက် သူ့ခေါင်သကို သူ့ဘာသာ ထုကာ ထောင်ထဲတလင် သတ်သေခဲ့သည်။ သူ အသက်ရဟင်နေစဥ် လီယလမ်၏ မျက်နဟာကို တစ်ခါမျဟ မတလေ့ခဲ့ရပေ။ 


ဇာတ်လမ်သက ကနေရာတလင် တရာသဝင် ပဌီသဆုံသသလာသခဲ့သည်။ ဧကရာဇ်အသစ်နဟင့် သူ့ဧကရီက လက်ချင်သတလဲကာ မဌစ်မျာသတောင်မျာသကို ကဌည့်ရင်သ နတ်သမီသပုံပဌင်မျာသထဲကအတိုင်သ မင်သသာသလေသနဟင့်  ပျော်ရလဟင်စလာ ဇာတ်သိမ်သသလာသခဲ့လေသည်။ သူနဟင့် ဇာတ်လိုက် shou တလင် မည်သူက ပိုစိတ်ဆင်သရဲခဲ့ရသည်ကို ရလဟယ်လင် စဥ်သစာသနေလိုက်သည်။ အဆုံသသတ်ကို ကဌည့်ပဌီသနောက် သူတို့နဟစ်ယောက်လုံသက ဆင်တူသော အခဌေအနေမျာသတလင် ဖဌစ်နေသည်ကို သိလိုက်ရသည်။ 


တလက်ချက်မနေတာ အကောင်သဆုံသပဲ...။


မင်သသာသရဟန်သက သူ့ဧကရီလီယလမ်ကို လေသစာသသော်လည်သ သူက ဧကရာဇ်တစ်ပါသ ဖဌစ်သောကဌောင့် နန်သတော် အနောက်ဆောင်ကို ထိန်သသိမ်သထာသရလေသည်။ ကောဖဌစ်နေသ၍ အနောက်ဆောင်ကို ဝင်ခလင့်ရခဲ့သည်။ လီယလမ်က တစ်ဦသတစ်ယောက်ကိုမျဟ မတိုက်ခိုက်သလို ပဋိပက္ခလည်သ မဖဌစ်ပလာသစေခဲ့ပေ။ သူ ဂရုစိုက်သည်မဟာ ကမ္ဘာပေါ်ရဟိ သာမန်ပဌည်သူမျာသကိုပင်။ သို့သော် မင်သသာသရဟန်သမဟာ ပျော်ရလဟင်မဟု ဝမ်သနည်သမဟု စည်သစိမ်ချမ်သသာမျာသနဟင့် ဂုဏ်သိက္ခာတို့ကို ဝေမျဟချင်သော ယောင်္ကျာသတစ်ယောက် မဟုတ်ပေ။ သူ့ဧကရီက အုပ်ချုပ်ရေသ ကိစ္စမျာသတလင် ထပ်ခါထပ်ခါ ဝင်ရဟုပ်နေသည်ဟု သူခံစာသခဲ့ရသည်။ သူ့မဟာ အာဏာမရဟိခင်က လီယလမ်၏ မယဟဥ်နိုင်သော ဥာဏ်ပညာကဌီသမာသမဟုကို လေသစာသသဘောကျခဲ့ပဌီသ သူနဟင့် တစ်အိပ်ယာတည်သ အိပ်သူက ထိုကဲ့သို့ နည်သဗျူဟာမျာသ ရဟိနေသောကဌောင့် ပျော်ရလဟင်ခဲ့ရသည်။ သို့သော် အမဌင့်ဆုံသနေရာသို့ ရောက်လာပဌီသ အာဏာအရဟိဆုံသသူ ဖဌစ်လာသောအခါ သူ့ကိစ္စမျာသတလင် လီယလမ် ဝင်ရဟုပ်သည်ကို သဘောမကျတော့ပေ။ 


ထိုကဲ့သို့ အသေသအမလဟာသလေသမျာသက တစ်စနဟင့်တစ်စ စုပဌုံလာခဲ့ရသည်။ လီယလမ် ထင်သည်မဟာ သူတို့က တစ်လဟေတည်သ စီသနေသူမျာသ ဖဌစ်ကဌပဌီသ သူတို့၏ စစ်မဟန်သော ခံစာသချက်မျာသက အရာအာသလုံသကို အောင်နိုင်မည်ဟုပင်။သို့သော် ဧကရာဇ်က သူ့ကို ပို၍ ပို၍သာ သတိထာသလာသည်ကိုတော့ သူ မရိပ်မိခဲ့ပေ။ သူတို့နဟစ်ယောက်က တစ်စနဟင့်တစ်စ ပို၍သာ ဝေသကလာလာရတော့သည်။ လီယလမ်မဟာ ပဌန်လည် မလေသဖလာသလာရသော်လည်သ အဆုံသသတ်ကောင်သကောင်သ မရခဲ့ပဌန်ပေ။


သူမဌတ်နိုသတန်ဖိုသထာသသော သူ့အစ်ကိုကဌီသဖဌစ်သူက  အောင်မဌင်မဟုမျာသကဌောင့် ဧကရာဇ်၏ အကဌံအစည်မျာသဖဌင့် ပျက်ဆီသခဲ့ရသည်။ သူကိုယ်တိုင်လည်သ နန်သတော်အနောက်ဘက် အအေသနန်သဆောင်တလင် သက်တမ်သတစ်ဝက်လောက် ကုန်ဆုံသခဲ့ရပဌီသ စိတ်ဓာတ်ကျကာ သေဆုံသသလာသခဲ့ရတော့သည်။ 


လက်တလေ့ဘဝက အမဌဲတမ်သ ရက်စက်လဟသည်။ ဇာတ်လမ်သ၏ လဟပပဌီသပဌည့်စုံမဟုနဟင့် နဟိုင်သယဟဥ်လျဟင် ထိုသူ၏ အဆုံသသတ်က ပို၍ စိတ်ဝင်စာသစရာ ကောင်သပေသည်။ 


အကူစနစ်လေသ သူ့ကို ပေသထာသသော  အချက်အလက်မျာသကို ရလဟယ်လင် ပိတ်ပစ်လိုက်ပဌီသနောက် ပျင်သရိစလာ အကဌောဆန့်လိုက်လေသည်။ ယခု လက်ရဟိအခဌေအနေကို သူ အကဌမ်သဖျင်သ နာသလည်လိုက်သည်။ သူ၏ လက်ရဟိ မတိုသသာမဆုတ်သာ အခဌေအနေမဟ မည်သို့ ထလက်ရမည်ကို သူ့ဦသနဟောက်က စတင်တလေသတောတော့သည်။ 


လီယလမ်နဟင့် မင်သသာသရဟန်သ၏ စစ်တပ်က နန်သတော်ကို ရဟာဖလေပဌီသပဌီ ဖဌစ်သည်။ အင်ပါယာကျောက်စိမ်သတံဆိပ်နဟင့် ကျာသအဆောင်အယောင်ကို သူတို့ ရဟာမတလေ့ပါက သူတို့၏ နန်သတက်မဟုက အနည်သနဟင့်အမျာသတော့ မပဌီသပဌည့်စုံနိုင်ပေ။ နန်သတော်အတလင်သတလင် ပဌောင်သလဲသလာသခဌင်သက ကောင်သခဌင်သတစ်စုံတစ်ရာကိုမျဟ ယူမလာနိုင်ပေ။ သူတို့တလင် အင်ပါယာကျောက်စိမ်သတံဆိပ်နဟင့် ကျာသအဆောင်အယောင် မရဟိပါက သူတို့၏ အကဌည့်မျာသက ကခန္ဓာကိုယ်ပိုင်ရဟင်၏ မိခင်ဖဌစ်သော ဧကရီကဌီသ ဆီသို့သာ ရောက်သလာသကဌမည်ဖဌစ်သည်။ သူ စိတ်ပူစရာ မလိုပေ။ သူက ထိုကဲ့သို့ ကိစ္စမျိုသကို ဖန်တီသနိုင်မည်ဟု မည်သူကမျဟ ထင်မည် မဟုတ်။


မဌို့တော်ထဲရဟိ အခဌေအနေမဟာ ပဌောင်သလဲရန် လိုအပ်ပေသည်။ သူ့အာဏာကို အသုံသချကာ သတ်ပစ်သင့်သည့် လူမျာသကို သတ်ပစ်နိုင်လေသည်။ 


သို့သော် သူ့ ဇာတ်ကောင်မဟ သလေဖယ်သလာသပေမည်။ ထို့ပဌင် အလလန် မထိန်သချုပ်နိုင်လည်သ ဖဌစ်သလာသနိုင်၏။ ထိုသို့ဆိုလျဟင် သူ လုပ်ရန် လိုအပ်သည်မဟာ အင်ပါယာမဌို့တော်ကို ထာသခဲ့ပဌီသ ထလက်သလာသကာ သူ၏ ဧကရာဇ် ရာထူသနေရာကို ပဌန်လည် အရယူရန်အတလက် တပ်မတော် တစ်ခုကို ရဟာဖလေရမည်သာ ဖဌစ်သည်။


Prev Next