MM Story Teller

Chapter 150

Viewers 9k

🦊Arc 10 - သောကနှင့်ပြည့်နေသော audio dramaစက်ဝန်း

Chapter 150

10.3

လူတစ်ယောက်၏ 'အပိုင်' ဆိုသောစကားက အင်မတန် အရသာခံကောင်းသောကြောင့်ပေလား၊ ပရိသတ်များက

သူတို့အတွဲကို အားပေးသည်မှာ ပက်စက်လွန်းသည်။ သူတို့၏သင်္ဘောကို မှောက်ပစ်မည့်လူပေါ်လာလျှင် အကြောင်းအရင်းပင် မမေးနေဘဲ တစစီဆုပ်ဖြဲပစ်လိုက်ကြပေမည်။

မုစစ်ချောင်သာ တယောက်ယောက်နှင့် ချစ်စကားလေးများပြောပြီး သင်္ဘောကိုသာ မှောက်ပစ်လိုက်မည်ဆိုပါက ပရိသတ်တစ်စုလုံးကအကြောင်းရှာပြီး ထိုလူကိုမုန်းပစ်ကြလိမ့်မည်။ မုစစ်ချောင် ပရောပရည်လုပ်ခဲ့သူများက အများအပြားရှိသည်၊ CP အမြောက်အမြားဖြစ်နေသောကြောင့် မုန်းချင်လျှင်ပင် တနေကုန်ထိုင်မုန်းနေ၍ မရချေ။ အတွဲဖန်တစ်ယောက် ဖြစ်လာသည့်နှစ်ကြာသောအခါ 'စိတ်ကူးယဥ်အရုဏ်ဦး' ၏အခြားအတွဲများကို ပျော်စရာအတွဲအဖြစ် အမည်ကပ်လိုက်ကြကာ ထိုအတွဲကို သွားမနှောင့်ယှက်နေတော့ပေ။

'စိတ်ကူးယဥ်အရုဏ်ဦး' နှင့်ယှဥ်လျှင် 'လူချောလေးများ၏အရုဏ်ဦး' က အပြောအဆိုခံရသည်မှာနည်း၏။ သူက အသံဇာတ်လမ်းတွဲအများစုတွင် ပါဝင်ခဲ့သည့်တိုင် သူ့အသံကနူးညံ့နေပြီး စိတ်အားပြင်းပြသည့် မင်းသားလေးအဖြစ် ထင်မြင်သွားကြစေမည်၊ သူ့ပေါင်ကြီးကို တွယ်ဖက်ရန်ကြိုးစားနေသူ မည်သူကမှမအောင်မြင်ခဲ့။ သူ၏ပရိသတ်များက သူ၏ 'ကျောက်စိမ်းရိုင်းလေးပမာ

သူ့ကိုယ်သူသန့်စင်အောင် ထိန်းသိမ်းထားသည့်ပုံစံ' ကို အသားကျနေကြပြီး

ထို့ကြောင့်ပင် 'အရုဏ်ဦးချစ်သူ' ၏အရေးပေါ်အခြေအနေက သူတို့၏အမွှေးများကိုဖွာသွားစေကာ နျန်စစ်မု၏ Weibo ကိုပင်ပေါက်ထွက်သွားစေခဲ့၏။

ရွှယ်လင်သည် ညစာစားပြီးနောက် ခြေလက်သုတ်သင်ကာ

Channel မှ စကားပြောနေရာသို့သွားပြီး သီချင်းဆိုလိုက်သည်။

မကြာခင်က သူ့အား အတော်လေးမုန်းတီးခဲ့ကြသော မိန်းကလေးပရိသတ်များမှာ သူတိုက်ရိုက်လွှင့်ပြီး ပေါ်ထွက်လာမှုကြောင့် အံအားသင့်သွားခဲ့ကြသည်၊ မည်သို့ပင်ဖြစ်စေ နှစ်နှစ်ကြာအောင် ကျင်လည်လာခဲ့သူဖြစ်လေရာ မိန်းကလေးများက နွေးနွေးထွေးထွေးဖြင့်ကြိုဆိုကြလေသည်။

ရွှယ်လင် မိုက်ခ်ကိုဖွင့်၊ တိုက်ရိုက်လွှင့်ကာ ခင်မင်ဖွယ်ရာ နှုတ်ဆက်စကား အရင်ပြောခဲ့သည်။ သူ့အသံကိုနားထောင်ကြည့်လျှင် မတိုင်ခင်က ဖြစ်ရပ်များမှာ သူ့ကိုစိတ်အနှောင့်အယှက်ဖြစ်အောင် လုပ်နိုင်ခဲ့ပုံမပေါ်ချေ။ ရွှယ်လင်သည် သူ့ကိုယ်ပိုင်သီချင်းစာရင်းများထဲမှ သီချင်းတစ်ပုဒ်ကိုယူပြီး လည်ချောင်းရှင်းလိုက်ကာ စတင်သီဆိုလေတော့သည်။

သူယခင်ကလည်း သီချင်းဆိုခဲ့ဖူးသည် - သူ၏စွမ်းရည်က သာမန်သီချင်းဆိုရန်ထက်ပင်ပိုသည်။ ထိုနေ့ နေ့လည်ခင်းက သီချင်းနားထောင်ခဲ့စဥ်တွင်လည်း အခက်အခဲမရှိခဲ့ဘဲ နှုတ်ဆက်ရာတွင်လည်း အဆင်ပြေနေခဲ့သည်။ လူများအကြားတွင် စကားပြောနှုတ်ဆက်ရာတွင်လည်း အံ့အားသင့်ဖွယ်ပင်။

သူ၏ဖျော်ဖြေရေးစွမ်းရည်မှာ လက်ဖျားခါဖွယ်ပင်၊ မိန်းကလေးများက 'လက်ဆောင်' နှင့် 'ပန်း' များလည်းပေးကြသလို စိတ်လှုပ်ရှားလွန်း၍ 'အားးးးးးးးးးးး' ဆိုသောအသံရှည်ကြီးကိုလည်း ရေးကြသေး၏။

ရွှယ်လင်က ထိုအခြေအနေကို အခွင့်ကောင်းယူကာ မတိုင်ခင်က သီချင်းဆိုလေ့ကျင့်ရာတွင် အပြင်းအထန်လေ့ကျင့်ခဲ့ရကြောင်း ပြောပြလိုက်ပြီး မိန်းမငယ်လေးများနားထောင်ရန်အတွက် သီချင်းအသစ်တစ်ပုဒ်ကိုလည်း မကြာမီထုတ်ပေးသွားမည်ဖြစ်ကြောင်း ပြောလိုက်ပေ၏။ အချိန်ရောက်လျှင် မိန်းမငယ်လေးများက သူ၏ပို့စ်တွင် 'like' နှင့် 'forward' ကိုနှိပ်ပေးရန်မျှော်လင့်မိလေသည်။

မိန်းကလေးများက မေးလ်များတရစပ်ပို့ရင်း ရွှယ်လင်ကို အဖြေပေးလိုက်ကြသည်။

ရွှယ်လင်က စိတ်တက်ကြွသွားကာ နောက်ထပ်သီချင်း အပုဒ်ရေအနည်းငယ်ခန့်ထပ်ဆိုခဲ့၏။

သူသီချင်းအသစ်ထွက်မည်ဟုပြောခဲ့သော်လည်း လက်တွေ့တွင်မူ ဘာမှမပြင်ဆင်ရသေးသလို လေ့လည်းမလေ့လာရသေး။ သို့တိုင် လွန်ခဲ့သောရက်များက ပျောက်နေရခြင်းအတွက် အကြောင်းပြချက်ရသွားခဲ့သည်၊ ရွှယ်လင်သည် မျက်နှာတချက်ပင်မပျက်ဘဲ အေးအေးဆေးဆေးပင် လိမ်ပြောနိုင်ခဲ့သည်။

စနစ်သည် ၎င်း၏ host ဘေးမှနေ၍ မျက်လုံးလှိမ့်လိုက်၏။ Host တွင်အလုပ်မရှိသည်ကိုသူသိသည်...Host က သူ့ကိုအချိန်အတော်ကြာသည်အထိအလုပ်မခိုင်းခဲ့။ လုပ်ဆောင်ချက် အပြည့်အဝပါသည့် စနစ်အနေဖြင့် သူအသုံးဝင်ချင်သေးသည်။

နျန်စစ်မုသည် နိုင်ငံခြားဘာသာတက္ကသိုလ်မှကျောင်းသားဖြစ်၏။ အဂ်လိပ်ဘာသာက အဓိကဖြစ်နေ၍ ပုံမှန်တွင်အင်္ဂလိပ်သီချင်းကိုသာ သီဆိုတတ်သည်။ ကတိပေးသည့်အခြေအနေမျိုးတွင်လည်း အလျဥ်းသင့်စွာဖြင့် တရုတ်သီချင်းများကို ဆိုပြတတ်သည်၊ သို့သော်လည်း ဤတစ်ကြိမ်တွင်မူ အင်မတန်သိမ်မွေ့သည့် ခေတ်ဟောင်းသီချင်းတစ်ပုဒ်ကိုဖျော်ဖြေပြခဲ့၏။

စနစ်မှာ ၎င်း၏ host ကဘာလုပ်ရန်ကြိုးစားနေမှန်းမသိရှာ၊ သို့သော် host သီချင်းဆိုလိုက်သည့်အခါ စနစ်သည် ပို့စ်စီစဥ်ရာတွင် ပူပေါင်းကူညီလာခဲ့၏။ ၎င်းက အမြင်အတွက်အသုံးဝင်နိုင်မည့်ပုံကိုပင် ဆွဲခဲ့သေးသည်။ အားလုံးပြီးသွားသည့်အခါ အွန်လိုင်းတွင်ဗွီဒီယိုတင်ရန် ရွှယ်လင်ကိုကူညီပေးခဲ့သေးသည်။

သီချင်းမှာ အာရုံမတက်ခင်အချိန်မှာပင်ပျံ့သွားခဲ့သည်။ ထိုနေ့ညတွင်ပင် သူ၏ဖျော်ဖြေမှုကိုအားပေးသူများကြောင့် ပရိတ်သတ်ဦးရေလည်းတိုးလာခဲ့၏။ အိပ်ရာမဝင်ခင် ပရိသတ်အရေအတွက်ကို တချက်ကြည့်ခဲ့သေးသည်။ သူကဝမ်းရော့ယီး၏ ပေါင်ကိုဖက်ကာ ထိပ်ဆုံးရောက်ရန်ကြိုးစားနေသည်ဟု ၎င်းတို့ဘက်မှ ထင်ကောင်းထင်ကြလိမ့်မည်၊ သူလည်း လုပ်ကောင်းလုပ်မိနိုင်သည်။ ယင်းက သူ့အတွက် အမည်ကောင်းရစေမည့် အခွင့်အရေးကောင်းတစ်ခုပင် သူသာ သီချင်းနှင့်တွဲနေမည်ဆိုလျှင် ပရိသတ်တစုလုံးက သူ့ကိုမှတ်မိနေကြလိမ့်မည်။

သူသည်ကား အမုန်းခံရ၍ ထိပ်ပိုင်းသတင်းများတွင် နာမည်ကြီးနေသည်ဖြစ်စေ၊ အခြားအကြောင်းအရင်းများကြောင့်ဖြစ်စေ သူယခုအချိန်တွင် နာမည်ကြီးချင်နေသည်။ ရွှယ်လင်မှာ နာမည်ကြီးလာရန် မည်သည့်အရာကိုအသုံးချရမှန်းမသိသော်ငြား 'လူချောလေး၏အရုဏ်ဦး' နှင့်မပတ်သက်ကြောင်း ချပြနိုင်သည်နှင့် အသစ်တဖန်နာမည်ကြီးလာမည်ဟုတွေးမိပြီး ဝမ်းရော့ယီး၏မာနကို ရိုက်ချိုးပစ်ချင်သည်။

သူက အေးအေးချမ်းချမ်းဖြင့် အိပ်ပျော်သွားခဲ့စေကာမူ ဝမ်းရော့ယီးခမျာ စိတ်မငြိမ်နိုင်ရှာချေ။

မကြာသေးခင်က မုစစ်ချောင်မှသူ့အား အတန်းများတွင် လာကူညီပေးရန် တောင်းဆိုခဲ့သည်။ သူသည် တနေ့လုံးအလုပ်များနေခဲ့ပြီး အိမ်ပြန်နောက်ကျခဲ့၏။ ရေချိုးပြီး အိပ်ရာထဲသို့တန်းဝင်သွားခဲ့သည့်တိုင် အချို့အကြောင်းအရင်းများကြောင့် ညသန်းခေါင်တွင်လန့်နိုးလာပြီး ထူးဆန်းသည့်ခံစားချက်များက သူ့အား အိပ်မရအောင် နှောင့်ယှက်နေခဲ့သည်။ လှဲနေရင်း မသက်မသာဖြစ်နေပြီး

နောက်ဆုံးတွင် မအောင့်အည်းနိုင်တော့ဘဲ အိပ်ရာမှထကာ လက်ပ်တော့ဖွင့်လိုက်ရတော့၏။

ဝမ်းရော့ယီးသည် အင်တာနက်နှင့်ပတ်သက်လာလျှင် အလုပ်နှင့်ကိုယ်ရေးကိုယ်တာကို ခွဲထားတတ်သူဖြစ်သည်။

အသံဇာတ်လမ်းတွဲများအတွက် တလျှောက်လုံး မုစစ်ချောင်ကို ကူညီပေးနေခဲ့ရလင့်ကစား သူ့ကိုယ်သူသတိထားထိန်းနေပြီး စိတ်ဝင်စားသည့် ဒရမ်မာများကိုသာ ရွေးချယ်ခဲ့သည်။ အလုပ်လုပ်နေစဥ် အနှောင့်အယှက်မဖြစ်စေရန် အင်တာနက်လည်းသုံးခဲသည်။ သို့သော်လည်း အိပ်မရတော့သည့်အခါ လက်ပ်တော့ဖွင့်ကာ ရှိသမျှ ဆိုရှယ်ကွန်ရက်များထဲသို့ ဝင်လိုက်တော့၏။

ထိုအခါမှ အွန်လိုင်းစီစဥ်သူ တာဝန်ရှိမိန်းကလေးတစ်ယောက်က မက်ဆေ့ချ်တစ်ကြောင်း ချန်ထားခဲ့သည်ကို တွေ့လိုက်ရသည်။ ဝမ်းရော့ယီးသည် မိန်းကလေးရေးထားသည်ကိုဖတ်ပြီး သူ့မျက်နှာသည်လည်း အေးစက်သွားခဲ့၏။

သူထုတ်မပြောခဲ့သော်လည်း နျန်စစ်မုနှင့်ဆက်ဆံရာတွင် အရိုးထည်အတိုင်းဖြစ်ခဲ့သည်။ လူငယ်လေး၏အကျင့်များက သူ့အားဆွဲဆောင်ထားနိုင်ခဲ့၏။ ထိုသူရှက်နေသည့်ပုံစံလေးကို မြင်ရသည့်အခါတိုင်း သူ၏ထိခိုက်လွယ်သော နေရာလေးကို ခပ်ပါးပါးပုတ်လိုက်သလိုပင်၊ သူ၏ပုံစံကမုစစ်ချောင်နှင့် အတော်လေးကွဲပြားသည်။ သူ့ဘက်မှ အနှီသူကို အလွန်သဘောကျကြောင်းမသိသော်လည်း ဝမ်းရော့ယီး၏ ဆယ်နှစ်နီးပါကြာမြင့်သော မျက်ကန်းပမာအချစ်က မုစစ်ချောင်တစ်ယောက် အချစ်သစ်တွေ့နေကြောင်း မရေမရာခံစားမိနေခဲ့သည်။ သို့ထိတိုင် သူ၏ခံစားချက်များကို တဖက်လူအပေါ်တွင် ဆယ်နှစ်ခန့်ထားခဲ့ပြီး ပြန်ရုတ်သိမ်း၍လည်းမရနိုင်တော့။ ယင်းက သူ၏စိတ်ပိုင်းဆိုင်ရာကို ညှိနေရသည်နှင့်မတူဘဲ နျန်စစ်မုကို သင့်လျော်သည့်နည်းဖြင့်ဆက်ဆံခဲ့သည်။

သို့သော် သူကြိုးစားနေခြင်းကိုဖြင့် မငြင်းနိုင်ပေ။ မိန်းကလေးမှ နျန်စစ်မုတစ်ယောက် အဆဲဆိုခံရပြီး အွန်လိုင်းပေါ်တွင် အမုန်းခံနေရသည်ဟု ကြားရသည့်အခါ နှလုံးသားထဲတွင် နာနာကျင်ကျင်ခံစားလိုက်ရသည်။ သူ အနှီသူကို ကောင်းကောင်းမသိသေးသော်လည်း ထိုကလေး၏စရိုက်ကိုဖြင့် ကောင်းကောင်းသိနေလေ၏။ နျန်စစ်မုက သူ့ကိုမနှောင့်ယှက်ချင်၍သာ ဖုန်းမခေါ်ခဲ့ခြင်းပင်။

ဝမ်းရော့ယီးမှာ ထိုကိစ္စကမည်မျှအထိကြီးထွားနေပြီး လူငယ်လေးကမည်မျှ ဆိုးရွားစွာခံစားနေရကြောင်းသိချင်ခဲ့သည်၊ သို့တစေ ယခုမှာ ညလယ်ခေါင်အချိန်ဖြစ်နေပြီး နျန်စစ်မုကို သွားနှိုး၍လည်းမရတော့ချေ။ သူသည်ကား လူငယ်လေး၏ Weibo ကိုသာဖွင့်ကြည့်ရတော့၏။ အံ့ဩဖွယ်ကောင်းစွာဖြင့် လူငယ်လေးသည် နှစ်ရက်ခန့်အကြောင်းမပြန်ခဲ့ချေ၊ ကလေးက ထိုကိစ္စတစ်ခုကို မည်သို့ဖြေရှင်းရမည်မသိ ဖြစ်နေပုံရသည်။

သူက ယနေ့ညတွင် သီချင်းတစ်ပုဒ်ကိုပင်လွှင့်ခဲ့သေး၏။

ဝမ်းရော့ယီးမှာ ကယ်သူမဲ့သွားရသည်။ လူငယ်လေးက တကယ်ပင်မသိသည်လား၊ မသိသလိုလုပ်နေခြင်းပေလား။ သူသည် သီချင်းကိုသာနှိပ်လိုက်ပြီး ကြားရချိန်တွင် ရှော့ခ်ရသွားလေတော့သည်။

ဝမ်းရော့ယီးသည် နျန်စစ်မုဆိုသမျှသီချင်းတိုင်းကိုနားထောင်ဖူးသည်။ အချိန်အများစုတွင် သူ့အသံကို တမင်အောရှရှလုပ်ထားတတ်ပြီး သီချင်းဆိုရာတွင် အသံမြင့်မြင့်ကိုသုံးတတ်သည်။ ထိုအသံက လွှမ်းမိုးနိုင်သလိုထင်ရသော်ငြား တခါတရံတွင် ထိုသူသီချင်းဆိုသည့်အသံက မငြိမ်တတ်ပေ။ ဝမ်းရော့ယီးက သီချင်းဆိုပုံကို များများစားစား မသိစေကာမူ အချို့ပြစ်ချက်များကို မူရှာဖွေနိုင်သည်။

သို့သော် ယခု သီချင်းသံကို ကြားလိုက်ရသည့်အခါ ငိုင်သွားခဲ့ရပေ၏။

အရုဏ်ဦးချစ်သူ၏ သီချင်းဆိုသံက ထိပ်တန်းအဆင့်ဝင်သည်။ ထို့ကြောင့်ပင် မိန်းကလေးများအကြားတွင် ရေပန်းစားပြီး ထိုသူကလည်း အသံချိုချိုလေးဖြင့်ညသီဆိုဟန်ကို ရှောင်ခဲ့သည်။ သည်အချိန်တွင်မူ ခေတ်ဟောင်းသီချင်းတစ်ပုဒ်ကို ရွေးချယ်ခဲ့ပြီး သူ၏အမြင့်သံက ခံစားချက်တစ်မျိုးကိုပေးကာ လူတိုင်းကို မရပ်မနားနားထောင်ချင်လာစေသည်။

ယင်းက ညသန်းခေါင်အချိန်တွင် လွှင့်လိုက်သည့်သီချင်းမျိုးဖြစ်သည့်တိုင် နားထောင်သူဦးရေက ဆက်တိုက်တက်နေလေ၏၊ မှတ်ချက်နေရာတွင်

'ယောကျ်ားရေ၊ ခပ်ဩဩအသံလေးက ငါ့ကိုငိုအောင်လုပ်နေတာပဲ' ၊

'ယင်းယင်း၊ ငါ့နားတွေတော့ ကိုယ်ဝန်ရှိလာတော့မယ်ထင်တယ်!'

'အားးးးးးးးးး အရမ်းလှတာပဲ၊ ငါဒါလင်ကိုဖက်ထားချင်တယ်!'

ဝမ်းရော့ယီးမှာ စာအပြုံလိုက်ကိုဖတ်ပြီး ပျော်နေသည့်စိတ်လေးကြောင့် ပေါ်နေခဲ့သော နှုတ်ခမ်းထောင့်စွန်းမှ အကွေးလေးက တဖြည်းဖြည်း ပျောက်ကွယ်သွားလေတော့၏။

ယင်းက ဟာသတစ်ခုသာဖြစ်သော်လည်း ဘာကြောင့်မှန်းမသိ - အနှီသာမန် ချစ်သူကောင်လေးကို အနည်းငယ်မနာလို ဖြစ်မိနေလေသည်။

🦊

နောက်တနေ့ အိပ်ရာမှနိုးလာသည့်အခါ ရွှယ်လင်၏ခေါင်းမှာ မူးဝေနေလေ၏။ မနေ့ညက သူအတော်လေးငိုကြွေးခဲ့၍ ခန္ဓာကိုယ်က အင်မတန်နွမ်းနယ်နေပြီး အဖျားတက်၍ဘမေ့လဲလုနီးပါးပင်ဘဖြစ်သွားကြောင်း စနစ်ကပြောပြလာသည်။ ရွှယ်လင်သည် တခဏမျှ အနှီကိုယ်ကို မနှစ်မြို့ဖြစ်သွားခဲ့ပြီး အကူအညီမဲ့စွာဖြင့် အိပ်ရာမှထကာ ဆေးရှာရတော့သည်။

တအိမ်လုံးအနှံ လိုက်ရှာပြီးသည့်နောက် ရှိသမျှဆေးအားလုံးက ဒိတ်လွန်နေလေပြီ။

ရွှယ်လင်မှာ စိတ်တိုလွန်း၍ နှုတ်ခမ်းပင်စူမိသွားသည်။ အစက စနစ်ကိုကုသစေချင်ခဲ့သော်လည်း စနစ်က ဝမ်းရော့ယီးတယောက် အပြင်တွင်စောင့်နေကြောင်း သတိပေးလာခဲ့သည်။

၎င်းက ညသန်းခေါင်တွင်ရောက်လာသော်လည်း ရွှယ်လင်ကိုအနှောင့်အယှက်ပေးချင်ပုံမရ၊ တံခါးကိုပင် တကြိမ်မှမခေါက်ချေ။

ရွှယ်လင်က အဝတ်အစားလဲကာ ပိုက်ဆံအိတ်ကိုကိုင်၍ ဆေးဝယ်ရန် အပြင်ထွက်လာလိုက်သည်။

နေမကောင်းဖြစ်နေစဥ်တွင် ထိုသူကို သနားစရာကောင်းအောင်လုပ်ပြရန် အခွင့်ကောင်းပင်။ သူမည်သို့များ လက်လွတ်ခံပါမည်နည်း။

ဝမ်းရော့ယီးမှာ သူ့အကြံများကိုမသိရှာ။ သူသိသည်က ညဥ့်နက်သန်းခေါင်တွင် အိပ်ရာမှထလာပြီး ကြောင်တောင်တောင်ဖြင့် ကွန်ပျုတာဖွင့်သည်၊ နျန်စစ်မုသီချင်းကို အလွတ်ရသည်အထိနားထောင်သည်။ နောက်ဆုံးတွင်မအိပ်နိုင်တော့ဘဲ ညလယ်ခေါင်ကြီး နျန်စစ်မုတိုက်ခန်းအရှေ့သို့ ရောက်လာခဲ့သည်။ သူရောက်လာသည့်အခါ တဖက်လူအနှောင့်အယှက်ဖြစ်သွားမည်ကို စိုးရိမ်၍ တံခါးရှေ့တွင် တချိန်လုံး မတ်တပ်ရပ်နေခဲ့မိ၏...

မနက်ပိုင်းရောက်သည့်အခါ ဈေးထွက်ဝယ်သည့် မျက်နှာချင်းဆိုင်အခန်းမှ အဒေါ်ကြီးက သူ့ကို မသင်္ကာသလို ကြည့်သွားခဲ့သည်....

ဝမ်းရော့ယီး တံခါးခေါက်ရန် စိတ်ပိုင်းဖြတ်လိုက်ချိန်တွင် အရှေ့မှတံခါးက ပွင့်လာခဲ့လေ၏။

Mask တပ်ထားသော ဆယ်ကျော်သက်လေး၊ ပွယောင်းယောင်းဆံပင်ဖြင့် ယခုမှအိပ်ရာကထလာပုံရသည်။ တံခါးကိုဖွင့်လိုက်သည်နှင့် လူကိုတွေ့လိုက်ရသည့်အခါ မြေခွေးမျက်ဝန်းတစ်စုံက အနည်းငယ်မျှဝိုင်းစက်သွားခဲ့၏၊ မျက်လုံးထောင့်လေးများက အပေါ်သို့အနည်းငယ် ကော့တက်သွားခဲ့သည်။ ယခုမှနိုးလာ၍လားမသိ၊ ၎င်းမျက်လုံးများက အနည်းငယ်နီရဲနေသယောင်။ မျက်နှာတဝက်ကိုဖုံးကာထားသည့်တိုင် ထိုအချိန်လေးမှာပင် သူ့ရင်ထဲမှနှလုံးသားက အကြမ်းပတမ်းခုန်ပေါက်နေခဲ့လေ၏။

သူ့အားမြင်လိုက်ရ၍ ဆယ်ကျော်သက်လေးက မျက်မှောင်ကြုတ်သွားလေသည်။ သူ့မျက်နှာတဝက်ကိုသာ မြင်ရသော်ငြား ထိုသူ၏မုန်းတီးစက်ဆုပ်မှုနှင့် ရှောင်ဖယ်နေမှုကို ဝမ်းရော့ယီး ခံစားမိနေခဲ့၏။

သူ့ကိုဂရုမစိုက်မိလို့ စိတ်ဆိုးနေတာများလား? ဝမ်းရော့ယီးက အသိဉာဏ်ရှိစွာတွေးခေါ်လိုက်ပြီး ပြောလိုက်လေသည်။ "အရုဏ်ဦးလေး...ဘယ်သွားမလို့လဲ..." သူသည် ယခင်ကထိုသူကို စစ်မုဟုသာခေါ်ခဲ့သည်၊ သို့သော်လည်း အချို့သောအကြောင်းရင်းများကြောင့် ထိုသူနှင့်အနည်းငယ်ရင်းနှီးချင်လာပြီး အိမ်ခေါ်နာမည်ကို ခေါ်လိုက်မိသည်။

ဒီလိုခေါ်လိုက်တာနဲ့ ပြုံးသွားမယ်လို့ထင်နေတာလား? နျန်စစ်မုက သူ့ကိုဘေးသို့တွန်းဖယ်လိုက်ပြီး တံခါးကို ဘန်းကနဲဆောင့်ပိတ်ကာထွက်သွားတော့သည်။

ဝမ်းရော့ယီးက အနည်းငယ်အံအားသင့်သွားခဲ့ကာ သူ့အားဤမျှအထိ ဒေါသထွက်သွားစေနိုင်လောက်အောင် မည်သည့်အရာကဖြစ်သွားစေခဲ့မှန်း သိချင်သွားခဲ့သည်။ သူသည် အနှီသူကိုအနောက်သို့ဆွဲလိုက်သည့်တိုင် 'ကျွန်တော့်ကိုမထိနဲ့' ဟူသောစကားကိုသာ ကြားလိုက်ရ၏။ လူငယ်လေးအသံက အက်ရှနေပြီး နားထောင်ရသည်မှာ မကောင်းလှချေ။ ဝမ်းရော့ယီးက တခုခုဖြစ်နေသည်ကို သိလိုက်ပြီး လူငယ်လေးရုန်းကန်နေသည့်ကြားမှ အတင်းပွေ့ဖက်ထားလိုက်၏၊ ထို့နောက် အနှီသူ၏ခေါင်းကိုကိုင်ကာ ပူခြစ်နေသောခေါင်းကို သူ့ပုခုံးထက်တွင်တင် ထားလိုက်သည်။

"မင်းဖျားနေတာလား..." ဝမ်းရော့ယီး သူနေမကောင်းဖြစ်နေမှန်း တပ်အပ်ပြောနိုင်သည်။ ထိုသူကိုဆွဲထားပြီး အိတ်ကပ်များအတွင်းမှ သော့လိုက်ရှာနေမိ၏။ "မင်းဘာလုပ်နေတာလဲ...နေမကောင်းဖြစ်နေရင်အိမ်မှာပဲနေလေ...ဘာလို့အပြင်ထွက်လာရတာလဲ...အမြန်အိမ်ထဲပြန်ဝင်နေတော့..."

ရွှယ်လင် တွန်းထိုးနေရင်း စိတ်တိုတိုဖြင့်ပြောလိုက်သည်။ "ဆေးတွေကဒိတ်ကုန်နေပြီ...အပြင်ထွက်ပြီး ထပ်ဝယ်ရမယ်..."

ထိုသူက သူ့ကိုပေးမသိချင်ကြောင်း ဝမ်းရော့ယီးရိပ်စားမိသွားပြီး အသက်ကို ဖြည်းဖြည်းချင်းရှူထုတ်ကာ ပြောလိုက်၏။ "ငါသွားဝယ်ပေးမယ်...မင်းပြန်ဝင်နှင့်...အဝတ်အစားလဲပြီး အိပ်ရာထဲမှာပြန်လှဲနေ..."

ရွှယ်လင် နှုတ်ခမ်းကိုဖိလိုက်ပြီး စကားမပြန်တော့ချေ။

သူမငြင်းတော့သည်ဖြစ်ရာ ဝမ်းရော့ယီးက အိတ်ထဲမှတိုက်ခန်းသော့ကို ထုတ်လိုက်သည်၊ တံခါးဖွင့်ပြီး တတွတ်တွက်ပြောဆိုကာ အဝတ်အစားလဲခိုင်းသည်၊ ကုတ်ကိုချွတ်ပြီး အိပ်ရာထဲအတင်းမောင်းသွင်းပြီးမှ သူအအေးမိနေခြင်းအတွက် ဆေးဝယ်ရန်ထွက်သွားခဲ့၏။

ရာသီဥတုမှာ နှင်းဝေနေသော ဆောင်းဦးနှင့်ဆောင်းကြားရောက်နေပြီး လူအများက ရာသီဥတု အကူးအပြောင်းကြောင့် အအေးမိတတ်ကြသည်။ ဝမ်းရော့ယီးသည် ရွှယ်လင်စိတ်ဆိုးနေခြင်းက အအေးမိခြင်းကြောင့်ဖြစ်မည်ဟု ထင်သွားခဲ့ပြီး ဝယ်စရာရှိသည်ကို ဝယ်ပြီးနောက် အိမ်အမြန်ပြန်လာခဲ့သည်။ ဈေးဝယ်စင်တာကို ဖြတ်လာသည့်အခါ လူမမာအတွက် သင့်တော်

မည့်အစားအသောက်မရှိဟု ထင်လိုက်သည်၊ သည့်အတွက် လိုအပ်သည့်ပစ္စည်းတို့ကို ဝယ်ပြီးမှ

နျန်စစ်မု၏တိုက်ခန်းကို ပြန်လာခဲ့လိုက်သည်။

Prev Next