MM Story Teller

Chapter 129

Viewers 9k

🦊Arc 9 - ကျင့်ကြံရေးဇာတ်လမ်း၏ အဖြည့်ခံChapter 129

9.5 - ကံအကောင်းဆုံးကလေး

မြင့်မြတ်သောမီးတောက်၏ တပည့်လက်ခံသည့်သတင်းက အလျင်အမြန်ပျံ့နှံသွားခဲ့သည်၊၊ မကြာခင်မှာပင် သူ့တပည့်အဖြစ်ခံရဲသူအကြောင်းကိုပါ ကျင့်ကြံရေးတလောကလုံးသိရှိသွားခဲ့ကြလေ၏။ ၎င်းက ဖိအားပေးခံရခြင်းမဟုတ်ဘဲ သူ့သဘောနှင့်သူ တပည့်ခံခဲ့ခြင်းသာ။

အများစုမှာ ထိုကိစ္စကို ပုံမှန်ထက်ပိုသည်ဟုပင်ထင်ခဲ့ကြသည်၊ သည့်နောက် သူတို့ကိုယ်တိုင် တပည့်လိုက်ရှာခြင်းထက် ပြည့်သိပ်နေသောလူများအကြားမှ လူနည်းစုလေးကို ရွေးယူလိုက်ခြင်းက ပိုကောင်းနိုင်သည်။ ယခုမှ သူတပည့်ရွေးချယ်ရသည့် အကြောင်းအရင်းနှင့်နှိုင်းယှဥ်လျှင် မြင့်မြတ်သောမီးတောက်၏ တပည့်ဖြစ်သူကို ပိုစိတ်ဝင်စားကြသည်မှာ အတိအကျပင်။

၎င်းကိုခန့်မှန်းဖို့ရာ အလွန်လွယ်ကူပေ၏။ ဆိတ်ငြိမ်တောင်ထွတ်သည် မိုးကြိုးအတိဒုက္ခကိုကျော်ဖြတ်ခဲ့ပြီး မြင့်မြတ်သောမီးတောက်မှလွဲ၍ တောင်ထွတ်ပေါ်တွင် ၎င်းကိုမြင်တွေ့ခဲ့ရသူမရှိချေ။ သူ၏တပည့်ဖြစ်သူများမှအပ သူ့အား တောက်ဓမ္မစောင့်ရှောက်သူအဖြစ် သတ်မှတ်ထားသူမရှိ။

အနှီဖြစ်ရပ်ကိုစီစဥ်သူမှာ ကောင်းကင်ဓားဂိုဏ်းမှဖြစ်သည့်တိုင် ချီလန်လည်းပါဝင်ခဲ့သည်။ လွန်ခဲ့သည့်ရက်အနည်းငယ်က ရွှယ်လင်သည် ကျင့်ကြံရေးလောကမှအထွတ်အထိပ်ဂိုဏ်းခေါင်းဆောင်များနှင့်မိတ်ဆက်ခဲ့ပြီး

အားလုံးကို အပေါ်ယံအရ နားလည်ထားခဲ့သည်။ သူသည် ဓားရေးပညာနှင့် လက်နက်တို့ကိုပါ သင်ကြားခဲ့၏။

သူ့ကိုတွေ့ကြသည်နှင့် လူတိုင်း၏မျက်နှာအမူအရာမှာ တချိုးတည်းပင်။ အစပိုင်းတွင် သူတို့ငေးငိုင်နေကြသည်၊ ထို့နောက် အငေးလွန်မိ၍ရှက်သွားကြပြီး ကို့ယို့ကားယားနိုင်စွာရယ်ကြသည်၊ သည့်နောက် ရှက်ကိုးရှက်ကန်းဖြင့်

လက်ဆောင်များကမ်းပေးပြီး ကနဦးမိတ်ဆက်ကြသည်။

လက်ဆောင်ပေးကြရာတွင်လည်း သူ့မျက်နှာကိုမကြည့်မိအောင် အတော်လေးသတိထားနေကြလေ၏။

ရွှယ်လင်ကမူ တချိန်လုံးပြုံးနေခဲ့သည်။ တယောက်ပြီးတစ်ယောက် နှုတ်ဆက်နေသော်လည်း သူ့အပြုံးကတောင့်တင်းမနေခဲ့။ ပြုံးလိုက်တိုင်း သူ၏နှုတ်ခမ်းထောင့်စွန်းလေးများက မတူညီစွာကွေးသွားတတ်ပြီး လက်ဆောင်ရသည့်အခါတွင် သူ့အပြုံးကပိုပြီးဖြူစင်နေတတ်သည်။

မြင့်မြတ်သောမီးတောက်တွင် ကျင့်ကြံရေးလောကမှမိတ်ဆွေဟူ၍ အနည်းငယ်သာရှိသည့်တိုင် သိသူခင်သူမှာများပြားလှသည်။ မိသားစုမှ ပုဂ္ဂိုလ်ရေးရာဆက်နွယ်မှုများကြောင့် ကောင်းကင်ဓားဂိုဏ်းဖြစ်လာရသည်၊ သို့မဟုတ် သူ၏ပင်ကိုယ်အစွမ်းအစကြောင့် လူတိုင်းသူ့အား လေးစားလာကြရသည်။

ယခု သူတို့မှာ သူနှင့်တွေ့သည့်အခါ ရွေးချယ်စရာတစ်မျိုးသာရှိကြတော့၏။ မြင့်မြတ်သောမီးတောက် တပည့်အဖြစ် ရွေးချယ်လိုက်သူက မိစ္ဆာတစ်ကောင်ဖြစ်ကြောင်း လက်ခံလိုက်ရခြင်း။

အနှီသူက အတော်လေးသဘောကောင်းပြီး ယဥ်ကျေးသိမ်မွေ့သော မိစ္ဆာတစ်ကောင်ပင်ဖြစ်သည်။ သူပြုံးလိုက်သည့်အခါတိုင်း သူ့အားငြင်းဆန်နိုင်သည့်သူ တစ်ယောက်မှမရှိတော့ချေ။

အိုက်ယား....ဒီလိုချစ်စရာကောင်းတဲ့ကလေးက ဘယ်လိုလုပ် မြင့်မြတ်တဲ့မီးတောက်လိုလူမျိုးရဲ့ ဖြားယောင်းတာကိုခံလိုက်ရတာလဲ? သူတို့သာဆိုရင်....ဘယ်လိုစိတ်မျိုးနဲ့ သူ့ကိုနေ့တိုင်းအပြင်ခေါ်ထုတ်ပြီး ကြွားနိုင်ပါ့မလဲ...

ကိစ္စဝိစ္စအဖုံဖုံပြီးသွားသည့်နောက် ရွှယ်လင်၏အမည်က ကျင့်ကြံရေးလောကတခွင်သို့ပျံ့နှံ့သွားခဲ့၏။ ဤသို့လုပ်ရသည့်အပေါ် ချီလန်၏အမြင်က ရိုးရှင်းပါ၏ - သူ၏တပည့်အကြောင်းကို လူတိုင်းအားသိစေချင်ပြီး အနှီသူအပေါ် ထိခိုက်နာကျင်စေမည့်အန္တရာယ်တိုင်းမှ ကာကွယ်ပေးထားခြင်းပင်။

သူ၏တပည့်လေးသည်ကား အင်မတန်ကြည့်ကောင်းလှသည်။ ထိုသူကို စောင့်ရှောက်နိုင်ခြင်းရှိမရှိအပေါ် သူသည် အနည်းငယ်မျှစိုးရိမ်စိတ်ဝင်နေသေး၏။

ကောင်းကင်ဓားဂိုဏ်း၏ တပည့်ငယ်လေးများအကြားဝယ် အင်အားကြီးနောက်ခံရှိသည့် အဖွဲ့ဝင်သစ်တစ်ယောက်တိုးလာကြောင်း သိလိုက်ရသည့်အခါ ထိုသူက ဆရာသခင်၏အင်အားကိုအသုံးချပြီး တလောကလုံးကိုပြဿနာရှာကာ သူတို့အားအနိုင်ကျင့်လာမည်ကိုစိုးရိမ်လာကြတော့သည်။ မကြာခင်မှာပင် သူတို့၏အတွေးများက မှားယွင်းနေကြောင်း သိနားလည်သွားကြပေ၏။

မြင့်မြတ်သောမီးတောက်သည် ဆိတ်ငြိမ်တောင်ထွတ်တွင် တနေကုန်နေထိုင်ပြီး ထိုသူကလည်းသူ့နည်းတူ အောက်ဘက်ကိုဆင်းမလာခဲ့ပေ။ ကျင့်ကြံရေးလောကမှ သူ့အားမိတ်ဆက်ပွဲကျင်းပသည့် အခါတွင်လည်း တက်ရောက်ရသည်အထိ ဂုဏ်ပုဒ်မမြင့်မားဘဲ အနှီသူအားတခါမှမမြင်တွေ့ရပေ။ ၎င်းတို့၏ ဆရာတူညီအကိုမောင်နှမများကို မေးကြည့်ရာတွင် အားလုံးက ပါးစပ်ကိုအသေပိတ်ထားပြီး တစ်လုံးပင်မဟကြသည်မှာ ၎င်းတို့၏ ဆရာဦးလေးအသစ်အကြောင်းကို ပိုသိချင်လာကြသည်အထိ။

သို့သော်လည်း ထိုသူကိုတွေ့ခွင့်ရမည့်အခွင့်အရေးက အမြန်ဆုံးရောက်လာမည်ဟု မမျှော်လင့်ထားခဲ့ကြချေ။

ဂိုဏ်းကြီးငါးဂိုဏ်းနှင့် ပင်မဂိုဏ်းခုနစ်ဂိုဏ်းက ကြားကာလအပိုင်းအခြားတိကျစွာဖြင့် နှစ်တစ်ရာတွင်တစ်ခါ တပည့်အသစ်များကိုခေါ်ယူတတ်သည်။ ထိုဂိုဏ်းသားအသစ်စုစည်းချိန်ကလည်း ဇာတ်လိုက် ဇာတ်လမ်းထဲသို့ဝင်လာမည့် အချိန်ပင်ဖြစ်သည်။

ရွှယ်လင်သည် ကျင့်ကြံရေးတံခါး ပိတ်တော့မည့်အချိန်တွင် ဝင်လာခဲ့သည့်ထိုလူကိုသတိထားမိပြီး ပွဲသို့တက်ရန်လည်း အင်မတန်တက်ကြွနေခဲ့သည်။

ဆိတ်ငြိမ်တောင်ထွတ်တွင် သူတို့နှစ်ယောက်သာရှိသည်။ ထိုလူက စကားသိပ်မပြောသောကြောင့် သူကသာ သူ၏ဆရာသခင်အတွက် တပည့်လေးတစ်ယောက်ရှာရန် ကူညီပေးခဲ့ပြီး ထိုအခါမှ သူ၏ဆရာတူညီလေးက စိတ်ပေါ့ပါးမည်ဖြစ်သည်။

ချီလန်က သူပြောသမျှကို ဘယ်သောအခါမှမငြင်းပယ်တတ်ချေ။ အနှီကောင်စုတ်လေးက ပုံမှန်တွင် သူ့စကားကိုနားမထောင်ဘဲ သူ့အားတစ်ခုခုခိုင်းလိုက်သည်နှင့် အားနည်းသည့်ဘက်အခြမ်းကို ထုတ်ပြလာတတ်သည်။ ချီလန်ကမူ အင်မတန်ကျေနပ်နေခဲ့၏။ အနည်းဆုံးတော့ သူ့တပည့်လေးက လိုအပ်လာလျှင် သူ့အားလာရှာလိမ့်မည်။

သိပ်မကြာခင် သူသည် ရွှယ်လင်တစ်ယောက် ယနေ့လုပ်မည့် ဂိုဏ်းသားအသစ်ခေါ်ယူသည့် ပွဲကိုလိုက်လာရန် သဘောတူလိုက်ရသည့် အကြောင်းရင်းကြောင့် နောင်တရသွားတော့၏။

ဆိတ်ငြိမ်တောင်ထွတ်၊ အလယ်တောင်နှင့် အောက်ပိုင်း တောင်ထွတ်တို့တွင် လက်ခံထားပြီးသား တပည့်တပန်းများရှိသည်။ ဆိုရပါက ၎င်းတို့မှာ ဂိုဏ်းထဲရှိကျင့်ကြံရေးမိသားစုများမှ ပုံမှန်အတိုင်း ဆင်းသက်လာသူများဖြစ်ကြ၏။ ထိုမိသားစုမှကလေးများက ကျင့်ကြံနိုင်မည့်အရွယ်သို့ရောက်သည်နှင့် ၎င်းတို့၏အရည်အချင်းအရ အလယ်တောင်နှင့် အောက်ပိုင်းတောင်ထွတ်များထံ ပို့ဆောင်ခံရသည်၊ ထို့ကြောင့် အလယ်ပိုင်းနှင့်အောက်ပိုင်း တောင်ထွတ်များက ဂိုဏ်းသားအသစ်စုဆောင်းပွဲများတွင် မပါဝင်ကြချေ။ ဆိတ်ငြိမ်တောင်ထွတ်ကမူ အတော်လေးထူးခြားသည်။ ချီလန် ဆိတ်ငြိမ်တောင်ထွတ်သို့ရောက်လာပြီးတည်းက မည်သူကမှလက်ညိုးမထိုးရဲတော့။ ရွှယ်လင်သာ ဆန္ဒမရှိလျှင် သူတို့ကိုပြန်ခေါ်လာပြီး ဆိတ်ငြိမ်တောင်ထွတ်၏ တပည့်ဟုယူဆလိုက်လျှင်ရပြီ။ ထို့ကြောင့် သူသည်စိတ်ပါလက်ပါပြုံးပြီး သူ၏ဆရာသခင်က သူ့ကိုတပည့်ငယ်လေးအချို့ ရွေးချယ်ခိုင်းလိုက်ကြောင်း ဂိုဏ်းခေါင်းဆောင်ကိုပြောကာ အကူအညီတောင်းလိုက်သည်၊ ဂိုဏ်းခေါင်းဆောင်မှာ ပြောမပြတတ်လောက်အောင် ဝမ်းသာသွားလေတော့၏။

အနည်းဆုံးတွင် ထိုလူက သူနှင့်ကောင်းကင်ဓားဂိုဏ်းတို့ အတူတကွချည်နှောင်ထားလိုက်ပြီး နောက်ပိုင်းမှစကာ လုံးဝလျစ်လျုရှုထားခြင်းမျိုး မရှိတော့ချေ။

ဂိုဏ်းသားအသစ် စုဆောင်းသည့်ပွဲကို ကောင်းကင်ဓားဂိုဏ်းမှလူများ တက်ရောက်ကြသည်။ မြေပြင်၊ အထွတ်အထိပ်မြေနှင့်တောင်ထွတ်ဝါ။ ၎င်းတို့အနက် ကောင်းကင်နှင့်မြေပြင်တောင်ထွတ်က အဓိကပင်မကောင်းကင်တောင်ထွတ်မှ တောင်ထွတ်သခင်က ဂိုဏ်းခေါင်းဆောင်ဖြစ်ပြီး မြေပြင်တောင်ထွတ်၏သခင်က ဇာတ်လိုက်၏မူလ ဆရာသခင်ဖြစ်သော ကျင့်ကြံရေးလောကတွင်လူသိများသည့် 'မိုးကြိုးသွားစောင့်ရှောက်သူ' ဖြစ်သည်။ ထိုသူသည် 'တုန်းရွှိ' အဆင့်ကျင့်ကြံသူဖြစ်ပြီး

ကောင်းကင်ဓားဂိုဏ်းတွင် အသန်မာဆုံးအဆင့်ဟု ယူဆမရသော်လည်း ထိုသူထံတွင် လျှပ်စီးဝိညာဥ်အရင်းအမြစ်ရှိပြီး သူ၏တိုက်ခိုက်ရေးစွမ်းအားက ပြင်းထန်အားကောင်းသည်။ လူနည်းစုသာ သူနှင့်တစ်ယောက်ချင်း တိုက်ခိုက်နိုင်သည်။

ဇာတ်လိုက်က သူ၏ရွေးချယ်မှုဖြင့် ပြန်ခေါ်လာခြင်းကို ခံခဲ့ရခြင်းကြောင့် အင်မတန်ကံကောင်းသည်ဟု ယူဆနိုင်သည်။

ကံမကောင်းသည်မှာ အနှီသူက ထွက်လာသည်နှင့် လေးစားစရာမကောင်းတော့ခြင်းပင်။ အနှီသူသည် ပူးပေါင်းဆောင်ရွက်မှုတစ်ခုကိုစတင်တော့မည်ဟု ယူဆရသော်လည်း ဇာတ်လိုက်၏အရင်းအမြစ်နှင့် တည်ဆောက်မှု နှစ်ခုလုံးက သူ့အတွက်အသုံးဝင်နေခဲ့သည်။ သူဇာတ်လိုက်ကို အချိန်ကိုက်ခေါ်လာမှ သူ့ကိုအချိန်ကိုက် ဖျက်ဆီးနိုင်ပြီး သူ့ကိုယ်သူကြိုတင်ကူညီနိုင်လိမ့်မည်။

ရွှယ်လင်သည် အနှီသူဆုံးဖြတ်ချက်မချခင် ဇာတ်လိုက်ကို ဖြတ်လုရလိမ့်မည်။

သူယခုအချိန်တွင် 'မိုးကြိုးသွားစောင့်ရှောက်သူ' ကိုအနိုင်မတိုက်နိုင်လင့်ကစား သူ့ထက်သာသူတစ်ယောက်တော့ ရှိနေသေးသည်ပင်။ မြင့်မြတ်သောမီးတောက်ဘက်မှကြည့်လျှင် 'မိုးကြိုးသွားစောင့်ရှောက်သူ' ကို ထည့်တွက်စရာမလို။

ယခုလို တပည့်အသစ်ရွေးချယ်သည့်ပွဲမျိုးက ဂိုဏ်းခေါင်းဆောင်တွင် တာဝန်မရှိပေ၊ သို့သော် အမှန်တကယ် တပည့်ရွေးချယ်ချင်လျှင် တောင်ထွတ်တစ်ခုစီမှ တောင်ထွတ်သခင်တိုင်း လူကိုယ်တိုင်လာကြည့်ရလိမ့်မည်။ သူတို့ဖြစ်ချင်သည့်ဆန္ဒမှာ တပည့်များကို ကောင်းမွန်စွာပျိုးထောင်ပေးရန်ဖြစ်ကာ အမိန့်ပေးရန်သာလိုသည်။ တောင်ထွတ်တိုင်းက ဆိတ်ငြိမ်တောင်ထွတ်နှင့်မတူဘဲ လူတစ်ယောက်တည်းသာခေါ်ခွင့်ရှိသည်။

ရွှယ်လင်၏စကားကြောင့် ဂိုဏ်းခေါင်းဆောင်ကရွှယ်လင်ကိုခေါ်သွားစေခဲ့သည်။ ဆရာတူညီအစ်ကိုကြီးက ကောင်းကင်ဓားဂိုဏ်းမှ ဂိုဏ်းခေါင်းဆောင်တပည့်ဖြစ်ကာ

ဂိုဏ်းသားအသစ်ရွေးချယ်ရသည့် ကိစ္စတိုင်းတွင် သဘာပတိအဖြစ်ဆောင်ရွက်ရန်တာဝန်ရှိသည်။ ဂိုဏ်းခေါင်းဆောင်မှာ ဆက်ခံသူမရှိလေရာ သူ့အားနောက်ထပ်ဂိုဏ်းခေါင်းဆောင်ဖြစ်လာရန် လေ့ကျင့်ပေးထားပုံရသည်။

ဆရာတူအစ်ကိုကြီးသည် ချီလန်နှင့်မျိုးဆက်တစ်ဆက်ကွာဟ၏။ လက်ရှိတွင် ထိုသူသည် ချီချုန်းအဆင့်ဖြစ်ပြီး

သက်တူရွယ်တူများအကြားတွင် ဆိုးရွားသည်ဟုယူဆမရပေ။ သူ၏ကျင့်ကြံသည့်စွမ်းရည်က သာမန်မျှသာထင်ရသော်ငြား သူ၏စွမ်းရည်က ကောင်းမွန်သည့်အပိုင်းတွင်ရှိနေသောကြောင့် နောက်ထပ်ဂိုဏ်းခေါင်းဆောင်ဖြစ်ရန် အလားအလာရှိနေခြင်းဖြစ်သည်။

ကျင့်ကြံသည့်စိတ်နှလုံးရှိသူသည် လောကီရေးရာအကြောင်း သင်ယူရသည်မဟုတ်။ ထိုသို့သောလူမျိုးကိုရှာတွေ့ရန် မလွယ်ကူသောကြောင့် ဂိုဏ်းခေါင်းဆောင်သည် ကိစ္စရပ်များကိုစီစဥ်ရာတွင် နှစ်သက်တတ်သော အကြီးဆုံးတပည့်ကိုရထား၍ အတော်လေးကံကောင်းသည်ဟု ယူဆရနိုင်သည်။

မျိုးဆက်ရှုထောင့်အရ ဆရာတူအစ်ကိုကြီးနှင့် မျိုးဆက်တူသွားပြီဖြစ်သောကြောင့် 'ဆရာတူအစ်ကိုကြီး' ဟုခေါ်နိုင်သည်။

ဆရာတူအစ်ကိုကြီးက သက်လတ်ပိုင်းလူတစ်ယောက်နှင့် တူသော်လည်း....

ယုံတမ်းစကားများအရ သူ၏အသွင်အပြင်သည် ပို၍ခန့်ညားပြီး ၎င်းက ပြိုင်ပွဲရေးရာတာဝန်များကိုယူသည့်အခါ သံသယအဝင်မခံရအောင် ကာကွယ်ပေးထားသည်ဟု ဆိုကြသည်။

"ဆရာတူညီငယ်လေးက မြင့်မြတ်သောမီးတောက်ကိုယ်စား တပည့်ရွေးပေးမှာလား..." ဆရာတူအစ်ကိုကြီးမှာ ရွှယ်လင်၏ရည်ရွယ်ချက်ကိုကြားရသည်တွင် အံ့အားသင့်သွားရ၏။ မြင့်မြတ်သောမီးတောက်သည် ဂုဏ်သတင်းကြီးပြီး လွန်ခဲ့သောနှစ်များက သူနှင့်အကြိမ်ရေအနည်းငယ်မျှ အပြောအဆိုရှိခဲ့သည်။ ထိုလူကိုယ်ပေါ်မှ ဝန်းရံနေသောမီးများကြောင့် အနားကပ်ဖို့ရာမလွယ်ကူခဲ့ချေ၊ ယခုမူ သူသည် ရေခဲစိုင်ကြီးဖြစ်လာ၍ ပိုပင်ဆိုးသွားခဲ့သေးသည်။ တပည့်တစ်ယောက် ရှိတာတောင် အတော်လေးအံ့ဩစရာဖြစ်နေပြီ၊ နောက်တစ်ယောက်တဲ့လား? သူတကယ်ပြောင်းလဲသွားပြီလား?။

ရွှယ်လင်က ခေါင်းညိတ်ပြပြီး ချီလန်၏အတင်းအဖျင်းကို

ပြေပြစ်ဆီလျော်စွာ ပြောလိုက်ပေ၏။

"ဆရာတူအစ်ကိုကြီးက ဆိတ်ငြိမ်တောင်ထွတ်မှာ အမြဲဆရာသခင်တစ်ယောက်တည်း ဖြစ်နေတာကိုသိမှာပဲ...နေ့တိုင်း တံခါးပိတ်ကျင့်ကြံတာမျိုး၊ တယောက်တည်းကျင့်ကြံတာမျိုးလည်းမလုပ်ဘူး...ဒါပေမဲ့ ကျွန်တော်လည်းစိတ်ထဲမထားပါဘူး...တစ်ယောက်တည်းနေရတာပျင်းလာတော့ ဆရာတူညီလေးတစ်ယောက်ရှိချင်ရုံပါ...ပြိုင်ဘက်တွေအနေနဲ့

နှစ်ဆဖြစ်သွားတာပေါ့..."

"မြင့်မြတ်တဲ့မီးတောက်က မနက်ဖြန်လာမယ်လို့ပြောထားတယ်..." ဆရာတူအစ်ကိုကြီးက ရွှယ်လင်ထံ လက်မှတ်ပြားလှမ်းပေးလိုက်သည်။ "အဲဒီကလေးတွေကို ဒီနေ့စစ်ဆေးရမှာ...ကောင်းကင်လှေကားတက်ရမယ်...ပြီးတော့...အဆုံးအဖြတ်ရေကန်ကိုဖြတ်ရမယ်...မနက်ဖြန်ရောက်ရင် သူတို့ကို ခန်းမထဲဝင်ခိုင်းရမယ်...ဆရာတူညီလေးကတော့ မနက်ဖြန်မှ တပည့်အသစ်ရွေးဖို့လာခဲ့ပါ..."

ရွှယ်လင် သိချင်စိတ်အပြည့်ဖြင့် ပြန်မေးလိုက်သည်။ "ဂိုဏ်းထဲဝင်ရဖို့က တကယ်ခက်ခဲတာလား..."

ဆရာတူအစ်ကိုကြီးက သူ့ကို မချိုမချဥ်မျက်နှာထားဖြင့် ကြည့်လာလေသည်။ "ဟုတ်တယ်လေ...ဆရာတူညီလေးကို မြင့်မြတ်တဲ့မီးတောက်က လူကိုယ်တိုင်ခေါ်လာခဲ့တာ...ဒီလိုကိစ္စလေးကို မင်းမသိတာက အရေးမကြီးပါဘူး..မင်းသွားကြည့်ချင်တယ်ဆိုရင်တော့ စီစဥ်ပေးမယ်လေ...သွားကြည့်ချေ...အဲဒါကအဆင်ပြေပြေနဲ့လည်ပတ်နေတာ...မင်းလိုချင်တဲ့သူတွေ့ရင်တော့ ငါ့ကိုချက်ချင်းလာပြောလှည့်ပေါ့..." သူသည်ပြုံးလိုက်သည်နှင့် အင်မတန်ကြည့်ကောင်းနေပြီး ကတိပေးသည့်အချိန်တွင်ပင် သူ့မုတ်ဆိတ်ကိုပွတ်သပ်နေလေ၏။ "မင်းရဲ့ဆရာတူအစ်ကိုကြီးက အခွင့်အရေးမပေးတတ်ဘူး...ဒါပေမဲ့ နောင်ကျရင်

ဆိတ်ငြိမ်တောင်ထွတ်က အထူးပြုတပည့်တိုင်းကို ငါကူညီပေးမှာပါ...နောက်ပိုင်း မင်းရဲ့ဆရာသခင်နဲ့စကားများရတဲ့အခြေအနေဖြစ်လာခဲ့ရင် ငါမင်းကိုကယ်ပေးပါ့မယ်..."

ယင်းက အတိအကျကို ရွှယ်လင်ကြားချင်နေသည့်စကားမျိုးပင်။ သူသည် ပျော်ရွှင်စွာဖြင့်ခေါင်းညိတ်လိုက်ကာ သူ၏ဆရာတူအစ်ကိုကြီးခေါ်ရာနောက်သို့ လိုက်လာခဲ့ပြီး

အဆုံးတွင် သူ့တပည့်များအနက်မှတစ်ယောက်ကိုလွှဲပေးခဲ့သည်။

သူ၏ဆရာတူအစ်ကိုကြီး တာဝန်ပေးခဲ့သူမှာ အပြင်စည်းတပည့်ဖြစ်နေ၏။ ထိုသူသည် ရွှယ်လင်ကိုမြင်တွေ့ရန် အရည်အချင်းမမီခဲ့၍ တွေ့ရသည့်အခါ တခဏမျှ မှင်သက်စွာကြည့်နေပြီးသည့်နောက် တဖက်သို့လှည့်သွားကာ အမူအရာကို ပြန်လည်ထိန်းသိမ်းပြီး သူ့မျက်နှာကိုတည့်တည့်ကြည့်ရန်ပင် ရှက်ကြောက်သွားလေတော့သည်။

ဆရာတူညီအစ်ကိုကြီးကလည်း သူ့အားအပြစ်မတင်ခဲ့ချေ။ ထို့နောက် ဤဆရာတူညီလေးကိုစတွေ့စဥ်ကအတိုင်း တစ်ထပ်တည်းတုံ့ပြန်ခဲ့သည်။ သူသည်ကား အမိန့်ပေးရုံသာပေးလိုက်ပါ၏။ "တပည့်အသစ်တွေစစ်ဆေးနေတာကိုကြည့်ရအောင် ဆရာဦးလေးကိုခေါ်သွားပေးလိုက်...မင်းရဲ့ဆရာဦးလေးကို ဘယ်သူမှမနှောင့်ယှက်စေနဲ့...ဂရုစိုက်..."

ပြဿနာရှာတတ်ပြီး ဆရာတူအစ်ကိုကြီး ပြန်ဖြေရရှာသော အပြင်စည်းတပည့်မှာ ဆရာဦးလေးပြောသမျှတိုင်းကို မှတ်မိနေလေသည်။ သူ့အရှေ့မှ ဆရာတူဦးလေးသည်ကား သေချာပေါက်ကို လူသစ်လေးပင် - သူတို့ယခင်ကမမြင်ခဲ့ဖူးသူ!

အရူး မြင့်မြတ်သောမီးတောက် မကြာသေးခင်ရက်ပိုင်းအတွင်းက ရွေးချယ်ခဲ့သည့်တပည့်ဖြစ်သူမှာ သူ့အရှေ့မှလူပင်!

ရွှယ်လင်ကို လမ်းတလျှောက်လုံး ဓားပျံဖြင့်ခေါ်လာပေးခဲ့သော တပည့်လေးခမျာ နားရွက်များနီမြန်းနေလျက်ဖြင့် အပြင်စည်းတပည့်များစုဝေးနေသော နေရာသို့ရောက်လာခဲ့လေသည်။

မနက်ဖြန်မတိုင်ခင်အထိ ထိုကလေးများကို အပြင်ခြံဝန်းထဲတွင် ယာယီထားရဦးမည်။ ရွှယ်လင်သည် အစောကြီးရောက်လာခဲ့ပြီး ကလေးများက ကောင်းကင်လှေကားပေါ်သို့ တက်နေဆဲဖြစ်ကာ အားလုံးက ခက်ခက်ခဲခဲကြိုးစားနေရလေ၏။

အနှီနှစ်တစ်ရာ ပြိုင်ပွဲကို စိတ်လှုပ်ရှားစွာကြည့်ချင်ကြသူများလည်း ရှိသည်။ ရွှယ်လင်ကိုခေါ်လာသည့်တပည့်လေးက ခေါင်းငုံ့ထားလျက်ဖြင့် ရွှယ်လင်ကိုလမ်းတလျှောက်မိတ်ဆက်ပေးသွားခဲ့သည်။ "အရည်အချင်းစစ်တာက ဒီမနက်ကတည်းကစနေတာပါ...ကျွန်တော်တို့ကောင်းကင်ဓားဂိုဏ်းက ဂိုဏ်းကြီးငါးဂိုဏ်းမှာ ပထမဆုံးဖြစ်ပြီး ဂိုဏ်းထဲဝင်ခွင့်ရဖို့ စောင့်ဆိုင်းနေသူတွေလည်း အများကြီးရှိပါတယ်...တောင်ခြေမှာ အစမ်းသပ်ခံဖို့ စောင့်နေကြတဲ့လူတွေ အခုထိရှိပါသေးတယ်..."

ရွှယ်လင်မှာ အဆိုပါတပည့်လေးက လမ်းလျှောက်နေစဥ်အတွင်း သူ့မျက်နှာကိုမကြည့်ရဲကြောင်း သတိထားမိသွားပြီး မျက်လုံးကိုဖိနပ်တွင်သာပို့ထားသည့်ပုံစံက အနည်းငယ်မျှ ပျော်စရာကောင်းနေခဲ့သည်။ "စကားပြောနေတုန်းမှာ ဘာလို့ ငါ့ကို မကြည့်ရဲရတာလဲ..." သူ၏ဇာတ်ရုပ်က သန့်စင်ပြီး ထူးဆန်းစွာဖြင့် ဆွဲဆောင်မှုရှိနေသော မိစ္ဆာတစ်ကောင်ပုံစံ တည်ဆောက်ထားသည်။ ကြာပန်းဖြူလေးနှင့် အပြစ်ကင်းသည့် ချစ်စဖွယ်ပုံစံအကြားတွင် လိုသလိုပြောင်းလဲနိုင်သည်။ ထိုသူကိုကြည့်လိုက်၍ သူမှပြန်လည်ငေးကြည့်လာသည့်ပုံစံမှာ အတိုင်းမသိ ထိတ်လန့်ဖွယ်ဖြစ်နေလျှင်ပင် သူ့ကိုယ်သူ ဘာမှမဖြစ်ခဲ့သလိုဆက်ထိန်းထားနိုင်နေဆဲပင်။

ထိုသို့သောသဘောထားကြောင့် ယခုအခြေအနေတွင် အနှီသူကသူ့ကိုဘာမှမလုပ်နိုင်ချေ။

ရွှယ်လင်က စနစ်ကိုပင်ကြွားလိုက်သေးသည်။ "ကြည့်စမ်း...သူအကျယ်ကြီးပြောလိုက်ရင်လန့်သွားရမှာ...ငါတို့က ဆရာနဲ့တပည့်တွေမဟုတ်ဘူးလေ...ငါလည်းထပ်ပြီးယဥ်ကျေးပြီး အပြစ်မရှိသလိုမျိုး မလုပ်ပြနေတော့ဘူး..."

စနစ်: "...." စနစ်မှာ ၎င်း၏ host က တကယ်ကို ဈေးပေါသလို ထင်ရသည့်တိုင် လူကိုယခုလိုဆက်ဆံပုံက သူ့အတွေးနှင့်ကိုက်ညီနေသောကြောင့် ပါးစပ်ပိတ်ထားဖို့သာ ရွေးချယ်လိုက်သည်။

တပည့်လေး၏ခြေလှမ်းများက တောင့်တင်းနေကာ ခေါင်းကပို၍ပင် ငုံ့သွားသေး၏။ "ဆရာဦးလေးကအရမ်းလှလွန်းတော့...ငေးမိသွားမှာစိုးရိမ်လို့ပါ..." ထိုစကားကိုထုတ်ပြောလိုက်ပြီးနောက် သူထိတ်လန့်သွားခဲ့သည်။ "ဆရာဦးလေးကိုမလေးမစားလုပ်မိတာ ကျွန်တော်သေသင့်ပါတယ်..."

ရွှယ်လင် တဖက်လူကိုစိတ်သက်သာစေရန်ချော့မော့လိုက်သည်။ "ရပါတယ်...ငါ့ကိုလှတယ်လို့ပြောတာ မင်းတစ်ယောက်တည်းမဟုတ်ပါဘူး...လူတွေ ငါ့ကိုချီးကျုးရင်ငါတကယ်သဘောကျတယ်..."

စကားပြောနေစဥ်မှာပင် နှစ်ယောက်သားမှာ ကောင်းကင်လှေကားထိပ်သို့ရောက်လာခဲ့ကြသည်။ လူအများကရပ်၍ ပွဲကြည့်နေကြကာ လှေကားပေါ်သို့ တက်နေသူများကို မှတ်ချက်အမျိုးမျိုး ပေးနေကြသည်။ ကောင်းကင်ဓားဂိုဏ်းမှာ အစစ်အဆေးခံရန် အသက်အရွယ်လိုအပ်ချက်မရှိ၊ ကောင်းကင်လှေကားပေါ်မှလူများမှာ အသက်အရွယ်အားလုံးပါဝင်နေ၏။ မျက်နှာသေးသေးလေးများဖြင့် ကလေးများမှာ ရုန်းကန်နေရသည့်တိုင် လှေကားပေါ်သို့ဇွဲနပဲအပြည့်ဖြင့် တက်နေကြသည်၊ ကြိုတင်ပြင်ထားပုံရသည့် လူငယ်များနှင့် အရှုံးနှင့်သေမည့်အရေးကို လက်မခံနိုင်သော သက်ကျားအိုကြီးများက မသေခင်တစ်ခါမျှတော့ ကြိုးစားကြရမည်ပင်။

ရွှယ်လင်၏ မျက်လုံးများက ကြီးကြီးငယ်ငယ်ပုံရိပ်တိုင်းကို ဖြတ်သန်းသွားပြီး နောက်ဆုံးတွင် အပေါ်ဘက်ထောင့်စွန်းနားမှ သေးသွယ်သည့် ပုံရိပ်လေးထံတွင် ရပ်တန့်သွားသည်။

ဇာတ်လိုက်၏ မိသားစုအခြေအနေမှာ သူကလေးအရွယ်တည်းက မကောင်းပေ။ မိထွေးထံမှ ဆိုးဆိုးရွားရွား အဆက်ဆံခံရပြီး ဂိုဏ်းသားအသစ်ရွေးချယ်သည့် ပွဲကိုလာရန်ပင် အိမ်မှလွတ်အောင်ပြေးလာခဲ့ရရှာသည်။ သူသည် အင်မတန်ပိန်ပါးပြီးသေးငယ်လင့်ကစား ထို့ကြောင့်ပင် မရပ်တန့်နိုင်ခဲ့ပေ။ သူ၏နောက်ခံကြောင့်သာ မည်မျှပင်ခက်ခဲပြီး မည်သည့်အရာနှင့်ပင် ရင်ဆိုင်တွေ့ရပါစေ၊ သူလက်မလျှော့ခဲ့ခြင်းဖြစ်သည်။ သူသည် ရုန်းကန်တွန်းလှန်ရင်း ကံကြမ္မာကိုလျစ်လျူရှုကာ ကံစီမံအတိုင်းဖြစ်လာရန် ငြင်းဆန်နေခဲ့၏။

ရွှယ်လင်၏နှုတ်ခမ်းများက တွန့်ကွေးသွားကာ သူ့နှလုံးသားထဲတွင် အနှီကံမကောင်းသည့်ကလေးကို ကျင့်ကြံရေးလောကတွင် ကံအကောင်းဆုံးကလေးဖြစ်အောင် လုပ်ပေးမည်ဟု ကတိပေးလိုက်လေ၏။

Prev Next